Explainer: ರೋಜರ್ ಫೆಡರರ್ ಏಕೆ ಫ್ರೆಂಚ್ ಓಪನ್‌ನಿಂದ ಹಿಂದೆ ಸರಿದರು?

Roger Federer: ಭಾನುವಾರ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಕಟವಾದ ಹೇಳಿಕೆಯಲ್ಲಿ, “ನನ್ನ ತಂಡದೊಂದಿಗೆ ಚರ್ಚಿಸಿದ ನಂತರ, ನಾನು ಇಂದು ಫ್ರೆಂಚ್ ಓಪನ್‌ನಿಂದ ಹೊರಬರಲು ನಿರ್ಧರಿಸಿದ್ದೇನೆ ಎಂದರು

ರೋಜರ್ ಫೆಡರರ್

ರೋಜರ್ ಫೆಡರರ್

  • Share this:

2020ರ ಆಸ್ಟ್ರೇಲಿಯನ್ ಓಪನ್ ನಂತರ 487 ದಿನಗಳ ನಂತರ, ಮೊದಲ ಬಾರಿಗೆ ರೋಜರ್ ಫೆಡರರ್ ಗ್ರ್ಯಾಂಡ್ ಸ್ಲ್ಯಾಮ್ ಸರ್ಕ್ಯೂಟ್‌ಗೆ ಮರಳಿದರು. ಕೇವಲ ಮೂರು ಪಂದ್ಯಗಳ ನಂತರ - ಜರ್ಮನಿಯ ಡೊಮಿನಿಕ್ ಕೊಯೆಫರ್ ವಿರುದ್ಧ ಕಠಿಣ ಹೋರಾಟದ ಗೆಲುವಿನ ಒಂದು ದಿನದ ನಂತರ -20 ಗ್ರ್ಯಾಂಡ್ ಸ್ಲ್ಯಾಮ್ ವಿಜೇತ ಪಂದ್ಯಾವಳಿಯಿಂದ ಹಿಂದೆ ಸರಿಯಲು ನಿರ್ಧರಿಸಿದ್ದಾರೆ. ಎರಡು ಮೊಣಕಾಲು ಶಸ್ತ್ರಚಿಕಿತ್ಸೆಯ ನಂತರ ಪ್ರವಾಸಕ್ಕೆ ಮರಳಿದ ನಂತರ, ಜೂನ್ 28 ರಿಂದ ಪ್ರಾರಂಭವಾಗಲಿರುವ ವಿಂಬಲ್ಡನ್ ಚಾಂಪಿಯನ್‌ಶಿಪ್ ಅವರ ದೊಡ್ಡ ಗುರಿಯಾಗಿದೆ.


ಫೆಡರರ್ ಈ ಬಗ್ಗೆ ಏನು ಹೇಳಿದ್ದಾರೆ ?


ಭಾನುವಾರ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಕಟವಾದ ಹೇಳಿಕೆಯಲ್ಲಿ, “ನನ್ನ ತಂಡದೊಂದಿಗೆ ಚರ್ಚಿಸಿದ ನಂತರ, ನಾನು ಇಂದು ಫ್ರೆಂಚ್ ಓಪನ್‌ನಿಂದ ಹೊರಬರಲು ನಿರ್ಧರಿಸಿದ್ದೇನೆ. ಎರಡು ಮೊಣಕಾಲು ಶಸ್ತ್ರಚಿಕಿತ್ಸೆಗಳ ನಂತರ ಮತ್ತು ಒಂದು ವರ್ಷದ ಪುನಶ್ಚೈತನ್ಯ ನಂತರ ನಾನು ನನ್ನ ದೇಹಕ್ಕೆ ಆರಾಮ ನೀಡಬೇಕಾಗುತ್ತದೆ ಮತ್ತು ಬೇಗ ಚೇತರಿಕೆಗೊಳ್ಳಲು ದೇಹಕ್ಕೆ ಕಷ್ಟ ನೀಡುತ್ತಿಲ್ಲ ಎಂದು ಖಚಿತಪಡಿಸಿಕೊಳ್ಳುವುದು ಬಹಳ ಮುಖ್ಯ. 3 ಪಂದ್ಯಗಳನ್ನು ಆಡಿದ್ದಕ್ಕೆ ನಾನು ಹರ್ಷಿತನಾಗಿದ್ದೇನೆ. ಮೈದಾನಕ್ಕೆ ಮರಳುವುದಕ್ಕಿಂತ ದೊಡ್ಡ ಖುಷಿ ಇನ್ನೊಂದಿಲ್ಲ” ಎಂದು ಫೆಡರರ್ ಹೇಳಿದ್ದಾರೆ.


 ಏಕೆ ಹಿಂದೆ ಸರಿದಿದ್ದಾರೆ?


ಫ್ರೆಂಚ್ ಓಪನ್ ಪ್ರಾರಂಭವಾಗುವ ಮೊದಲೇ, ಫೆಡರರ್ ಪಂದ್ಯಾವಳಿಯಲ್ಲಿ ಮುಂದೆ ಹೋಗುವ ಯಾವುದೇ ಪ್ರಮುಖ ಭರವಸೆಯಿಲ್ಲ ಎಂದು ಹೇಳಿದ್ದರು. ಕ್ವಾರ್ಟರ್‌ಫೈನಲ್‌ನಲ್ಲಿ ಅವರು ವಿಶ್ವದ ನಂ.1 ನೊವಾಕ್ ಜೊಕೊವಿಕ್ ವಿರುದ್ಧದ ಪಂದ್ಯವನ್ನು ಮತ್ತು 13 ಬಾರಿ ಫ್ರೆಂಚ್ ಓಪನ್ ಚಾಂಪಿಯನ್ ರಾಫೆಲ್ ನಡಾಲ್ ವಿರುದ್ಧ ಸೆಮಿಫೈನಲ್ ಪಂದ್ಯವನ್ನು ಎದುರಿಸಬಹುದಿತ್ತು. ನಾಲ್ಕನೇ ಸುತ್ತಿನಲ್ಲಿ ಅವರು ಇಟಲಿಯ ಮ್ಯಾಟಿಯೊ ಬೆರೆಟ್ಟಿನಿಯ ಜತೆ ಹಿಂದಿನ ರೀತಿಯಲ್ಲಿ ಆಡಬೇಕಾಯಿತು.


ಕೊಯೆಫರ್ (7-6 (5), 6-7 (3), 7-6 (4), 7-5) ವಿರುದ್ಧದ ಮೂರು ಗಂಟೆಗಳ 35 ನಿಮಿಷಗಳ ಮೂರನೇ ಸುತ್ತಿನ ಪಂದ್ಯದ ನಂತರ ಪತ್ರಿಕಾಗೋಷ್ಠಿಯಲ್ಲಿ, ಫೆಡರರ್ ಅವರು ಪಂದ್ಯಾವಳಿಯಿಂದ ಹಿಂದೆ ಸರಿಯಬಹುದೆಂಬ ವಿಚಾರವನ್ನು ಆರಂಭಿಸಿದರು.


“ನಾನು ಆಡುತ್ತೇನೋ ಇಲ್ಲವೇ ಗೊತ್ತಿಲ್ಲ. ಆಟವನ್ನು ಮುಂದುವರಿಸಬೇಕೆ ಅಥವಾ ಬೇಡವೇ ಎಂಬುದನ್ನು ನಾನು ನಿರ್ಧರಿಸಬೇಕು. ಮೊಣಕಾಲಿನ ಮೇಲೆ ಒತ್ತಡ ಹೇರುವುದು ತುಂಬಾ ಅಪಾಯಕಾರಿ..? ವಿಶ್ರಾಂತಿ ಪಡೆಯಲು ಇದು ಒಳ್ಳೆಯ ಸಮಯವೇ..? ಪ್ರತಿ ಪಂದ್ಯದಲ್ಲೂ ನಾನು ಪರಿಸ್ಥಿತಿಯನ್ನು ಮರುಪರಿಶೀಲಿಸಬೇಕು ಮತ್ತು ಮರುದಿನ ಬೆಳಗ್ಗೆ ನಾನು ಯಾವ ಸ್ಥಿತಿಯಲ್ಲಿ ಏಳುತ್ತೇನೆ ಮತ್ತು ನನ್ನ ಮೊಣಕಾಲು ಹೇಗಿದೆ ಎಂದು ನೋಡಬೇಕು. ”


ಹಿಂದಿರುಗಿದ ನಂತರ ಅತಿದೊಡ್ಡ ಗುರಿ ವಿಂಬಲ್ಡನ್ ಚಾಂಪಿಯನ್‌ಶಿಪ್ ಆಗಿದೆ, ಅವರು ಇದನ್ನು ಎಂಟು ಬಾರಿ ಗೆದ್ದಿದ್ದಾರೆ. ಫ್ರೆಂಚ್ ಓಪನ್‌ನಲ್ಲಿ ಸ್ಪರ್ಧಿಸುವುದು ಮೂಲಭೂತವಾಗಿ ಪಂದ್ಯದ ಅಭ್ಯಾಸವನ್ನು ಗಳಿಸುವ ಅವಕಾಶವಾಗಿತ್ತು.




ಪಂದ್ಯದಿಂದ ಹಿಂದೆ ಸರಿಯುವುದು ಪರೋಕ್ಷ ಪರಿಣಾಮವನ್ನು ಬೀರಲಿದೆಯೇ?


ಇಲ್ಲ. ಅವರ ನಿರ್ಧಾರ ನ್ಯಾಯಯುತವಾಗಿದೆ .ಆಟಗಾರರು ಸಂಪೂರ್ಣವಾಗಿ ಫಿಟ್‌ ಆಗಿಲ್ಲ ಎಂದು ತಿಳಿದುಕೊಂಡು ಮೊದಲ ಸುತ್ತಿನ ಗ್ರ್ಯಾಂಡ್‌ಸ್ಲಾಮ್ ಪಂದ್ಯವನ್ನು ಸೇರಿದರೆ ಮತ್ತು ಆಟಗಾರನು ಉತ್ತಮ ಪ್ರಯತ್ನದಲ್ಲಿ ತೊಡಗಿಲ್ಲ ಎಂದು ಆಯೋಜಕರು ಭಾವಿಸಿದರೆ ಮಾತ್ರ ದಂಡ ವಿಧಿಸಲಾಗುತ್ತದೆ.


ಮುಂದೇನು ?


ಎರಡು ತಿಂಗಳಲ್ಲಿ 40ರ ಹರೆಯಕ್ಕೆ ಕಾಲಿಡಲಿದ್ದಾರೆ ಫೆಡರರ್, ಫ್ರೆಂಚ್ ಓಪನ್‌ನಲ್ಲಿ ಅವರು ಎದುರಿಸಬಹುದಾದ ಯಾವುದೇ ಆತಂಕಗಳಿಂದ ಚೇತರಿಸಿಕೊಳ್ಳಲು ಈಗ ಸಮಯವಿದೆ. ಅವರು ವಿಂಬಲ್ಡನ್‌ಗಿಂತ ಮುಂಚಿತವಾಗಿ ಹ್ಯಾಲೆಯಲ್ಲಿ ನಡೆಯುವ ಎಟಿಪಿ ಪಂದ್ಯಾವಳಿಯಲ್ಲಿ ಸ್ಪರ್ಧಿಸಲು ನಿರ್ಧರಿಸಿದ್ದಾರೆ.


First published: