Explainer | ಪಾನ್ ಕಾರ್ಡ್ ಕಳೆದಿದ್ದೀರಾ? ಆನ್​ಲೈನ್​ನಲ್ಲಿ E-PAN ಪಡೆಯುವ ಸರಳ ವಿಧಾನ ಇಲ್ಲಿದೆ

ಇನ್ಕಮ್ ಟ್ಯಾಕ್ಸ್ ವೆಬ್ ಸೈಟ್​ನಲ್ಲಿ ನಿಮ್ಮ ಪ್ಯಾನ್ ಕಾರ್ಡ್​ನ ಇ-ವರ್ಷನ್ ಅನ್ನು ನೀವು ಸುಲಭವಾಗಿ ಡೌನ್ ಲೋಡ್ ಮಾಡಬಹುದು. ಇದು ಒರಿಜಿನಲ್ ಪ್ಯಾನ್ ಕಾರ್ಡ್​ನಷ್ಟೇ ಮೌಲ್ಯ ಹೊಂದಿರುತ್ತದೆ.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • News18
  • Last Updated :
  • Share this:
ಪಾನ್ (PAN – Permanent Account Number) ಕಾರ್ಡ್ ಇವತ್ತಿನ ಅತಿ ಅಗತ್ಯಗಳಲ್ಲಿ ಒಂದಾಗಿದೆ. ಹಣಕಾಸು ಸಂಬಂಧಿತ ಕೆಲಸ ಕಾರ್ಯಗಳಲ್ಲಿ ಸಲ್ಲಿಸಬೇಕಾದ ದಾಖಲೆಗಳಲ್ಲಿ ಪಾನ್ ಕೂಡ ಇರುತ್ತದೆ. ಪ್ಯಾನ್ ಕಾರ್ಡ್ ಇಲ್ಲದೇ ಬ್ಯಾಂಕ್ ಖಾತೆ ತೆರೆಯಲು ಸಾಧ್ಯವಿಲ್ಲ; ನಿಗದಿತ ಮೊತ್ತಕ್ಕಿಂತ ಹೆಚ್ಚು ಹಣದ ವಹಿವಾಟು ಮಾಡಬೇಕಾದರೆ ಪ್ಯಾನ್ ನಂಬರ್ ಅಗತ್ಯ; ಎಟಿಎಂ ಕಾರ್ಡ್ ಪಡೆಯಲೂ ಪರ್ಮನೆಂಟ್ ಅಕೌಂಟ್ ನಂಬರ್ ಬೇಕು. ಇನ್ನೂ ಅನೇಕ ಕೆಲಸ ಕಾರ್ಯಗಳಿಗೆ ಬೇಕಾದ ಅಗತ್ಯ ದಾಖಲೆ ಪಾನ್ ಆಗಿದೆ. ಈ ಹಿಂದೆ ಪ್ಯಾನ್ ಕಾರ್ಡ್ ಕಳೆದುಹೋದಲ್ಲಿ ಅದನ್ನ ಮರಳಿ ಪಡೆಯಲು ಬಹಳ ಕಷ್ಟಬೇಕಾಗುತ್ತಿತ್ತು. ಪೊಲೀಸ್ ಠಾಣೆಯಲ್ಲಿ ಪ್ಯಾನ್ ಕಾರ್ಡ್ ಕಳೆದುಹೋಗಿದೆ ಎಂದು ಕಂಪ್ಲೇಂಟ್ ಕೊಟ್ಟು ನಂತರ ಅದರ ರೀಪ್ರಿಂಟ್​ಗೆ ಅರ್ಜಿ ಸಲ್ಲಿಸಬೇಕಿತ್ತು. ಆದರೆ, ಇದೀಗ ಕಳೆದುಹೋದ ಪ್ಯಾನ್ ಅನ್ನು ಆನ್​ಲೈನ್​ನಲ್ಲಿ ಸುಲಭವಾಗಿ ಪಡೆಯುವ ವಿಧಾನ ಇದೆ.

ಆದಾಯ ತೆರಿಗೆ ಇಲಾಖೆ ನೀಡಿರುವ ಇ-ತಾಣದಲ್ಲಿ ನಿಮ್ಮ ಪ್ಯಾನ್ ಕಾರ್ಡ್​ನ ಡಿಜಿಟಲ್ ರೂಪವನ್ನು ಕೂಡಲೇ ಡೌನ್ ಲೋಡ್ ಮಾಡಿಕೊಳ್ಳಬಹುದು. ಇದು ನಿಜರೂಪದ ಪಾನ್ ಕಾರ್ಡ್​ನಂತೆಯೇ ಎಲ್ಲಾ ವ್ಯವಹಾರಗಳಲ್ಲಿ ಉಪಯೋಗಿಸಬಹುದು. ಪ್ಯಾನ್ ಕಾರ್ಡ್​ನ ಇ-ಪ್ರಿಂಟ್ ಪಡೆಬೇಕೆಂದರೆ ನಿಮ್ಮ ಪ್ಯಾನ್ ನಂಬರ್ ನೆನಪಿಲ್ಲದಿದ್ದರೂ ನಡೆಯುತ್ತದೆ. ನೀವು ನಿಮ್ಮ ಪ್ಯಾನ್ ನಂಬರ್​ಗೆ ಆಧಾರ್ ನಂಬರ್ ಜೋಡಿಸಿದ್ದರೆ ಆಧಾರ್ ನಂಬರ್ ಮೂಲಕವೇ ಪ್ಯಾನ್ ಕಾರ್ಡ್​ನ ಇ-ಪ್ರಿಂಟ್ ಪಡೆಯಲು ಸಾಧ್ಯ.

ಇದನ್ನೂ ಓದಿ: Explained| ಮುಂದಿನ ಸಾಂಕ್ರಾಮಿಕ; ಆ ಒಂದು ಡ್ರಗ್​ ರೆಸಿಸ್ಟಂಟ್ ಫಂಗಸ್​ ಬಗ್ಗೆ ವೈದ್ಯರ ಎಚ್ಚರಿಕೆ ಏನು?

ಇನ್ಕಮ್ ಟ್ಯಾಕ್ಸ್ (Income Tax) ಡಿಪಾರ್ಟ್ಮೆಂಟ್​ನ ಅಧಿಕೃತ ವೆಬ್​ಸೈಟ್​ನಿಂದ ಇ-ಪಾನ್ ಅನ್ನು ಡೌನ್​ಲೋಡ್ ಮಾಡುವ ಕೆಲ ಸರಳ ಕ್ರಮಗಳು ಇಲ್ಲಿವೆ:

1) ಇನ್​ಕಮ್ ಟ್ಯಾಕ್ಸ್ ಇ-ಫೈಲಿಂಗ್​ನ ವೆಬ್​ಸೈಟ್ https://www.incometax.gov.in/ ಗೆ ಭೇಟಿ ನೀಡಿ.

2) ಎಡಗಡೆಯ ಕೆಳ ಭಾಗದಲ್ಲಿ “Our Services” ನಿಮ್ಮ ಕಣ್ಣಿಗೆ ಬಿದ್ದಿರಬಹುದು. ಅದರ ಕೆಳಗೆ Instant E-PAN ಕಾಣಿಸುತ್ತದೆ. ಅದನ್ನು ಕ್ಲಿಕ್ ಮಾಡಿ.

ಅಥವಾ ಡೈರೆಕ್ಟ್ ಲಿಂಕ್​ಗೆ ಇಲ್ಲಿ ಕ್ಲಿಕ್ ಮಾಡಿ: https://eportal.incometax.gov.in/iec/foservices/#/pre-login/instant-e-pan

3) ನೀವು ಈ ಮುಂಚೆ ಎಂದೂ ಇ-ಪಾನ್ ಡೌನ್​ಲೋಡ್ ಮಾಡಿಲ್ಲದೆ ಇದ್ದರೆ “Get New e-PAN” ಸೆಕ್ಷನ್ ಅಡಿಯಲ್ಲಿ Continue ಕ್ಲಿಕ್ ಮಾಡಿ.

4) ನೀವು ಈ ಮುಂದೆ ಇ-ಪಾನ್ ಡೌನ್ ಮಾಡಿದ್ದರೆ, “Check Status/Download PAN” ಸೆಕ್ಸನ್ ಅಡಿಯಲ್ಲಿ Continue ಕ್ಲಿಕ್ ಮಾಡಿ.

5) ಈಗ ನಿಮ್ಮ ಆಧಾರ್ ನಂಬರ್ ಅನ್ನು ಕೆಳಲಾಗುತ್ತದೆ. ಅಲ್ಲಿ ನಿಗದಿಯಾದ ಜಾಗದಲ್ಲಿ ನಿಮ್ಮ ಆಧಾರ್ ಕಾರ್ಡ್​ನ 12 ಅಂಕಿ ನಂಬರ್ ಅನ್ನು ನಮೂದಿಸಿ.

ನಂತರ ಕಾಣಿಸುವ ಪ್ರಕಟಣೆಯನ್ನ ಓದಿ ನಿಮಗೆ ಒಪ್ಪಿಗೆ ಎನಿಸಿದರೆ ಚೆಕ್ ಮಾಡಿ ಕಂಟಿನ್ಯೂ ಕ್ಲಿಕ್ ಮಾಡಿ.

6) ಆಗ ನಿಮ್ಮ ಆಧಾರ್ ಕಾರ್ಡ್ ಜೊತೆ ಜೋಡಿತವಾಗಿರುವ ಮೊಬೈಲ್ ಸಂಖ್ಯೆಗೆ ಓಟಿಪಿ ಬರುತ್ತದೆ. ನಿಗದಿತ ಜಾಗದಲ್ಲಿ ಆ ನಂಬರ್ ಎಂಟ್ರಿ ಮಾಡಿ.

7) ಅಲ್ಲಿ ಕಾಣಿಸುವ ಮಾಹಿತಿ ಸರಿಯಾಗಿದೆ ಎಂಬುದನ್ನು ಎಚ್ಚರಿಕೆಯಿಂದ ಗಮನಿಸಿ. ನಂತರ ನಿಮ್ಮ ಇ ಮೇಲ್ ವಿಳಾಸ ನಮೂದಿಸಿ ಆ ಬಳಿಕ Confirm ಬಟನ್ ಕ್ಲಿಕ್ ಮಾಡಿ.

8) ಶೀಘ್ರದಲ್ಲೇ ನೀವು ನೀಡಿದ ಇ ಮೇಲ್ ವಿಳಾಸಕ್ಕೆ ಇ-ಪಾನ್ ಬರುತ್ತದೆ. ಅದನ್ನ ಡೌನ್ ಲೋಡ್ ಮಾಡಿ ಪ್ರಿಂಟ್ ತೆಗೆದುಕೊಂಡಿಟ್ಟುಕೊಳ್ಳಿ. ಅದನ್ನ ಲ್ಯಾಮಿನೇಟ್ ಮಾಡಿ ಜೋಪಾನವಾಗಿಟ್ಟುಕೊಳ್ಳಿ.
Published by:Vijayasarthy SN
First published: