HOME » NEWS » Explained » JEFF BEZOS WHAT IS THE FLIGHT AMAZON BOSS JEFF BEZOS IS TAKING TO FULFIL CHILDHOOD DREAM HG

EXPLAINED: ಬಾಲ್ಯದ ಕನಸನ್ನ ನನಸಾಗಿಸಲು ಹೊರಟಿರುವ Jeff Bezos; ಅವರನ್ನು ಬಾಹ್ಯಾಕಾಶಕ್ಕೆ ಕೊಂಡೊಯ್ಯುವ ರಾಕೆಟ್ ಯಾವುದು?

Amazon: ಜಗತ್ತಿನ ಅತಿ ಶ್ರೀಮಂತರ ಪಟ್ಟಿಯಲ್ಲಿರುವ ಜೆಫ್​ ಬೆಜೋಸ್​ ತನ್ನದೇ  ಬ್ಲೂ ಒರಿಜಿನ್ ಕಂಪನಿ​ ರಚಿಸಿದ ನ್ಯೂ ಶೆಪರ್ಡ್​ ರಾಕೆಟ್​ ಮೂಲಕ ಬಾಹ್ಯಾಕಾಶಕ್ಕೆ ತೆರಳಲಿದ್ದಾರೆ. ದೃಶ್ಯ ವೀಕ್ಷಣೆಗಾಗಿ ಬೆಜೋಸ್​ ಈ ಆಸೆಯನ್ನು ಹೊತ್ತುಕೊಂಡಿದ್ದು, ಅತಿ ಎತ್ತರದಿಂದ ಭೂಮಿಯನ್ನು ನೋಡುವ ತವಕದಲ್ಲಿದ್ದಾರೆ.

news18-kannada
Updated:June 15, 2021, 5:21 PM IST
EXPLAINED: ಬಾಲ್ಯದ ಕನಸನ್ನ ನನಸಾಗಿಸಲು ಹೊರಟಿರುವ Jeff Bezos; ಅವರನ್ನು ಬಾಹ್ಯಾಕಾಶಕ್ಕೆ ಕೊಂಡೊಯ್ಯುವ ರಾಕೆಟ್ ಯಾವುದು?
Jeff Bezos
  • Share this:
ಆನ್​ಲೈನ್​ ಇ-ಕಾಮರ್ಸ್​ ಮಳಿಗೆಯಾದ ಅಮೆಜಾನ್​ ಕಂಪನಿ ಸಿಇಒ ಜೆಫ್​​ ಬೆಜೋಸ್​ ಬಾಹ್ಯಾಕಾಶಕ್ಕೆ ತೆರಳಲು ಸಜ್ಜಾಗಿದ್ದಾರೆ.  ಮುಂದಿನ ತಿಂಗಳು ತನ್ನ ಸಹೋದರ ಜತೆಗೂಡಿಕೊಂಡು ತನ್ನದೇ ಒಡೆತನದ  ಕಂಪನಿ ತಯಾರಿಸಿದ ರಾಕೆಟ್​ ಮೂಲಕ ಹಾರಾಟಲು ಮುಂದಾಗಿದ್ದಾರೆ.

ಜೆಫ್​ ಬೆಜೋಸ್​ ಬಾಹ್ಯಾಕಾಶಕ್ಕೆ ಹೋಗುತ್ತಿರುವುದೇಕೆ?

ಜಗತ್ತಿನ ಅತಿ ಶ್ರೀಮಂತರ ಪಟ್ಟಿಯಲ್ಲಿರುವ ಜೆಫ್​ ಬೆಜೋಸ್​ ತನ್ನದೇ  ಬ್ಲೂ ಒರಿಜಿನ್ ಕಂಪನಿ​ ರಚಿಸಿದ ನ್ಯೂ ಶೆಪರ್ಡ್​ ರಾಕೆಟ್​ ಮೂಲಕ ಬಾಹ್ಯಾಕಾಶಕ್ಕೆ ತೆರಳಲಿದ್ದಾರೆ. ದೃಶ್ಯ ವೀಕ್ಷಣೆಗಾಗಿ ಬೆಜೋಸ್​ ಈ ಆಸೆಯನ್ನು ಹೊತ್ತುಕೊಂಡಿದ್ದು, ಅತಿ ಎತ್ತರದಿಂದ ಭೂಮಿಯನ್ನು ನೋಡುವ ತವಕದಲ್ಲಿದ್ದಾರೆ. ಪ್ರಸ್ತುತ ವರದಿಯ ಪ್ರಕಾರ ಬೆಜೋಸ್​ ಜಗತ್ತಿನ ಎರಡನೇ ಶ್ರೀಮಂತ ವ್ಯಕ್ತಿಯಾಗಿ ಗುರುತಿಸಿಕೊಂಡಿದ್ದಾರೆ. ಇವರ ಒಟ್ಟು ಆಸ್ತಿ 185 ಬಿಲಿಯನ್​ಗಿಂತಲೂ ಹೆಚ್ಚು.

ಬಾಹ್ಯಾಕಾಶಕ್ಕೆ 15 ಜೆಟ್​ಗಳನ್ನು ಹಾರಾಟ ನಡೆಸುವ ಮೂಲಕ ಪರೀಕ್ಷೆ ಮಾಡಲಾಗಿದೆ. ಆದರೆ ಯಾವುದೇ ಮಾನವರು ಹಾರಾಟ ನಡೆಸಲಿಲ್ಲ. ಜುಲೈ 20ರಂದು ಜೆಫ್​ ಬೆಜೋಸ್​ ಸಹೋದರ ಮಾರ್ಕ್​ ಜತೆಗೆ ಬಾಹ್ಯಕಾಶ ತೆರಳಿದ್ದಾರೆ. ಈಗಾಗಲೇ ಬಾಹ್ಯಾಕಾಶ ತೆರಳಲು 5 ಸಾವಿರಕ್ಕೂ ಹೆಚ್ಚು ಬಿಡ್​ಗಳು ಬಂದಿದ್ದವು. ಎರಡನೇ ಸುತ್ತಿನ ಹರಾಜಿನಲ್ಲಿ2.8 ಬಿಲಿಯನ್​ ಆಗಿದೆ ಎಂದು ಬ್ಲೂ ಒರಿಜಿನ್​ ಹೇಳಿದೆ.

ಯಾವ ರಾಕೆಟ್​ ಜೆಫ್​ ಬೆಜೋಸ್ ಅವರನ್ನು ಹೊತ್ತೊಯ್ಯಲಿದೆ?

ನ್ಯೂ ಶೆಪರ್ಡ್​​ ರಾಕೆಟ್​​ ಮತ್ತು ಕ್ಯಾಪ್ಸುಲ್​ ಕ್ಯಾಂಬೊ ಮೂಲಕ 6 ಪ್ರಯಾಣಿಕರು ಜೊತೆಗೆ ಸುಮಾರು 62 ಮೈಲಿ (100 ಕಿ.ಮೀ) ಹಾರಾಡಲಿದೆ. ಇನ್ನು ನ್ಯೂ ಶೆಪರ್ಡ್​ ಅನ್ನು ಸುರಕ್ಷಿತವಾಗಿ ವಿನ್ಯಾಸ ಮಾಡಲಾಗಿದೆ.

10 ನಿಮಿಷದ ಪ್ರವಾಸ ಇದಾಗಿದೆ. ಅದರ ಜತೆಗೆ ನಾಲ್ಕು ನಿಮಿಷಗಳ ಕಾಲ ಕರ್ಮನ್​ ರೇಖೆಯ ಮೇಲೆ ಪ್ರಯಾಣಿಸಲಿದ್ದಾರೆ. ಕರ್ಮನ್​  ರೇಖೆಯು ಭೂಮಿಯ ವಾತಾವರಣ ಮತ್ತು ಬಾಹ್ಯಕಾಶದ ನಡುವಿನ ಗುರುತಿಸಲ್ಪಟ್ಟ ರೇಖೆಯಾಗಿದೆ. ಅಲನ್​ ಶೆಪರ್ಡ್​ ರಾಕೆಟ್​

ಬಾಹ್ಯಾಕಾಶಕ್ಕೆ ಹೋದ ಮೊದಲ ಅಮೆರಿಕ ಮೂಲದ ಮರ್ಕ್ಯುರಿ ಗಗನಯಾತ್ರಿ ಅಲನ್​ ಶೆಪರ್ಡ್​ ಅವರ ಹೆಸರನ್ನು ರಾಕೆಟ್​ಗೆ ಇಡಲಾಗಿದೆ.

ನ್ಯೂ ಶೆಪರ್ಡ್​ ರಾಕೆಟ್​​ ಬ್ಲೂ ಒರಿಜಿನ್​ನ ಮರುಬಳಕೆ ಮಾಡಬಹುದಾದ ಸಬೋರ್ಬಿಟಲ್​ ರಾಕೆಟ್​ ವ್ಯವಸ್ಥೆಯಾಗಿದ್ದು, ಪೆಲೋಡ್​ ಮತ್ತು ಗಗನಯಾತ್ರಿಗಳನ್ನು ಬಾಹ್ಯಾಕಾಶಕ್ಕೆ ಕರೆದೊಯ್ಯಲು ವಿನ್ಯಾಸಗೊಳಿಸಲಾಗಿದೆ.

ಕಂಪನಿ ಏನು ಹೇಳುತ್ತದೆ?

ಬ್ಲೂ ಒರಿಜಿನ್​ 2012ರಿಂದ ನ್ಯೂ ಶೆಪರ್ಡ್​ ಮತ್ತು ಅದರ ಸುರಕ್ಷಿತ ವ್ಯವಸ್ಥೆಯನ್ನು ಪರೀಕ್ಷಿಸುತ್ತಿದೆ. 15 ಯಶಸ್ವಿ ಕಾರ್ಯಚರಣೆಯ ಜೊತೆಗೆ 3 ಎಸ್ಕೇಪ್​ ಪರೀಕ್ಷೆಯನ್ನು ಎದುರಿಸಿದೆ. ತೊಂದರೆಯಾದ ಪ್ರಯಾನಿಕರು ಸುರಕ್ಷತವಾಗಿರುವಂತೆ ವ್ಯವಸ್ಥೆಯನ್ನು ಇದರಲ್ಲಿ ಕಲ್ಪಿಸಲಾಗಿದೆ.

ಬಾಹ್ಯಾಕಾಶಕ್ಕೆ ತೆರಳಲಿರುವ ಇತರೆ ಜಗತ್ತಿನ ಶ್ರೀಮಂತರು ಯಾರ್ಯಾರು?

ಬ್ರಿಟಿಷ್​ ಬಿಲಿಯನೇರ್​​ ರಿಚರ್ಡ್​ ಬ್ರಾನ್​ಸನ್​ ಅವರು ವರ್ಜಿನ್​ ಗ್ಯಾಲಕ್ಟಿಕ್​ ಹೊಂದಿದ್ದಾರೆ. ಟೆಸ್ಲಾ ಮಾಲೀಕ ಎಲೋನ್​ ಮಸ್ಕ್​  ಸ್ಪೇಸ್​ ಎಕ್ಸ್​ ಮೂಲಕ  ಮನುಷ್ಯರನ್ನು ಕೊಂಡೊಯ್ಯುವ ಆಲೋಚನೆ ಮಾಡಿದ್ದಾರೆ. ಅದಕ್ಕೂ ಮೊದಲೇ ಬೆಜೋಸ್​ ಬಾಹ್ಯಾಕಾಶಕ್ಕೆ ಹಾರಲು ಸಿದ್ಧರಾಗಿದ್ದು, ಆ ಮೂಲಕ ಬಾಹ್ಯಾಕಾಶಕ್ಕೆ ತೆರಳಿದ ಮೊದಲ ಬಿಲಿಯನೇರ್​ ಆಗಲು ಮುಂದಾಗಿದ್ದಾರೆ.

ಇತ್ತೀಚೆಗೆ ಬೆಫ್​ ಬೆಜೋಸ್​ ಇನ್​ಸ್ಟಾಗ್ರಾಂಲ್ಲಿ ತನ್ನ ಸಹೋದರ ಮಾರ್ಕ್​​ ಬೆಜೋಸ್​ ಜತೆಗೆ ಬಾಹ್ಯಾಕಾಶ ಪ್ರವಾಸದ ಯೋಜನೆಯನ್ನ ಬಹಿರಂಗ ಪಡಿಸುತ್ತಾ, ನಾನು 5 ವರ್ಷವಿದ್ದಾಗ, ಬಾಹ್ಯಕಾಶದಲ್ಲಿ ಹಾರಾಟಬೇಕು ಎಂಬ ಕನಸು ಕಂಡಿದ್ದೆನು ಎಂದು ಹೇಳಿದ್ದರು.

ಜಪಾನಿನ ಬಿಲಿಯನೇರ್ ಯುಸಾಕು ಮೇಜಾವಾ ಅವರಿಗಿಂತ ಮೊದಲು ಬಾಹ್ಯಾಕಾಶ ತೆರಳಲು ಬೆಜೋಸ್ ಮುಂದಾಗಿದ್ದಾರೆ. ಅವರು ಒಂದಲ್ಲ, ಎರಡು ಬಾಹ್ಯಾಕಾಶ ಪ್ರವಾಸಗಳಿಗೆ ಸಹಿ ಹಾಕಿದ್ದಾರೆ: ಮೊದಲನೆಯದಾಗಿ, ಈ ಡಿಸೆಂಬರ್‌ನಲ್ಲಿ ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಖಜಾಕಿಸ್ತಾನದ ಬೈಕೊನೂರ್ ಕಾಸ್ಮೋಡ್ರೋಮ್‌ನಲ್ಲಿರುವ ರಷ್ಯಾದ ಸೋಯುಜ್  ಸ್ಪೇಸ್​ ಏರ್​ಕ್ರಾಫ್ಟ್​ನಿಂದ ಹಾರಾಡಲಿದ್ದಾರೆ, ನಂತರ 2023 ರಲ್ಲಿ, ಸ್ಪೇಸ್‌ಎಕ್ಸ್‌ನ ಸ್ಟಾರ್‌ಶಿಪ್ ನಲ್ಲಿ ಚಂದ್ರನ ಸುತ್ತ ಪ್ರವಾಸ ಮಾಡಲಿದ್ದಾರೆ.
Published by: Harshith AS
First published: June 15, 2021, 5:20 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories