HOME » NEWS » Explained » JACK MA WHY ALIBABA FOUNDER JACK MA IS FACING TROUBLE WITH CHINESE GOVERNMENT STG SCT

Jack Ma: ಅಲಿಬಾಬಾ ಕಂಪನಿ ಸ್ಥಾಪಕ ಜಾಕ್ ಮಾಗೆ ಚೀನಾ ಸರ್ಕಾರದಿಂದ ಕಿರುಕುಳ!

Jack Ma: ಚೀನಾದಲ್ಲಿ ಜ್ಯಾಕ್ ಮಾ ಅವರನ್ನು ಪ್ರಭಾವಶಾಲಿಯಾದ ವ್ಯಕಿಯಾಗಿ ನೋಡಲಾಗುತ್ತಿತ್ತು. ಆದರೆ 2020ರಲ್ಲಿ ಕೆಲವು ಸನ್ನಿವೇಶಗಳು ವಿಭಿನ್ನ ತಿರುವು ಪಡೆದುಕೊಂಡವು.

news18-kannada
Updated:March 18, 2021, 2:25 PM IST
Jack Ma: ಅಲಿಬಾಬಾ ಕಂಪನಿ ಸ್ಥಾಪಕ ಜಾಕ್ ಮಾಗೆ ಚೀನಾ ಸರ್ಕಾರದಿಂದ ಕಿರುಕುಳ!
ಅಲಿಬಾಬ ಕಂಪನಿಯ ಸಂಸ್ಥಾಪಕ ಜಾಕ್ ಮಾ
  • Share this:
ಚೀನಾದ ಶ್ರೀಮಂತ ಉದ್ಯಮಿ ಮತ್ತು ಅಲಿಬಾಬಾ ಗ್ರೂಪ್ ಸಂಸ್ಥಾಪಕ ಜಾಕ್ ಮಾ ಅವರು ಕಳೆದ ವರ್ಷ ಇ-ಕಾಮರ್ಸ್ ದೈತ್ಯ ಮತ್ತು ಅದರ ಹಣಕಾಸು ಅಂಗಸಂಸ್ಥೆ ಆಂಟ್ ಗ್ರೂಪ್ ಅನ್ನು ಗುರಿಯಾಗಿಸಿ ಪ್ರಾರಂಭಿಸಿದ ಸರ್ಕಾರದ ದೌರ್ಜನ್ಯವನ್ನು ಖಂಡಿಸಿದ್ದರು. ಗುಂಪು ವಿರೋಧಿ ಐಪಿಒ ಅನ್ನು ನಿರ್ಬಂಧಿಸಿರುವ ಜಿನ್‌ಪಿಂಗ್ ಸರ್ಕಾರ, ಇತ್ತೀಚೆಗೆ ಅಲಿಬಾಬಾದಲ್ಲಿ ತನ್ನ ಪಾಲನ್ನು ಹಿಂಪಡೆಯುವಂತೆ ಜ್ಯಾಕ್ ಮಾ ರವರಿಗೆ ಆದೇಶಿಸಿದೆ ಎಂದು ಅಮೆರಿಕದ ಪ್ರಮುಖ ಪತ್ರಿಕೆ ವಾಲ್ ಸ್ಟ್ರೀಟ್ ಜರ್ನಲ್ ಈ ವಿಷಯವನ್ನು ಬಹಿರಂಗಪಡಿಸಿದೆ.

ಮಾಧ್ಯಮ ಕಂಪನಿಗಳಲ್ಲಿ ಪಾಲು ಹೊಂದಿರುವ ಜ್ಯಾಕ್ ನಮ್ಮ ಸಾರ್ವಜನಿಕ ಅಭಿಪ್ರಾಯದ ಮೇಲೆ ಪ್ರಭಾವ ಬೀರುತ್ತಿದ್ದಾರೆ ಎಂದು ಚೀನಾದ ಕಮ್ಯುನಿಸ್ಟ್ ಸರ್ಕಾರ ಅಭಿಪ್ರಾಯಪಟ್ಟಿದೆ. ಈ ಹಿನ್ನೆಲೆಯಲ್ಲಿಯೇ ಆನ್‌ಲೈನ್ ಚಿಲ್ಲರೆ ವ್ಯಾಪಾರ ಕೇಂದ್ರವಾಗಿರುವ ಕಂಪನಿಯು ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ ವೀಬೊ ಕಾರ್ಪ್‌ನಲ್ಲಿ (ಸುಮಾರು US $ 3.5 ಶತಕೋಟಿ) ಪಾಲನ್ನು ಹೊಂದಿದ್ದು, ಮಾಧ್ಯಮ ಕಂಪನಿಗಳಲ್ಲಿನ ಷೇರುಗಳನ್ನು ಹಿಂಪಡೆಯಲು ಆದೇಶಿಸಿದೆ ಎಂದು ಹೇಳಲಾಗಿದೆ.

ಚೀನಾ ಸರ್ಕಾರದಿಂದ ಜ್ಯಾಕ್ ಮಾಗೆ ಬೆದರಿಕೆ ಏಕೆ?:

ಚೀನಾದಲ್ಲಿ ಜ್ಯಾಕ್ ಮಾ ಅವರನ್ನು ಪ್ರಭಾವಶಾಲಿಯಾದ ವ್ಯಕಿಯಾಗಿ ನೋಡಲಾಗುತ್ತಿತ್ತು. ಆದರೆ 2020ರಲ್ಲಿ ಕೆಲವು ಸನ್ನಿವೇಶಗಳು ವಿಭಿನ್ನ ತಿರುವು ಪಡೆದುಕೊಂಡವು. ಚೀನಾದಲ್ಲಿ ಕೊರೋನಾ ರೊಗದಿಂದ ಸಾಮಾನ್ಯ ಜನರು ಅನುಭವಿಸಿದ ಪರಿಣಾಮವು ಶ್ರೀಮಂತರಿಗೆ ಹೇಗೆ ಅಸಮಾಧಾನವನ್ನು ಕಂಡಿತು ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ. ಜ್ಯಾಕ್ ಮಾರವರು ಸಾಮಾನ್ಯ ಜನರು ಸಾಂಕ್ರಾಮಿಕ ರೋಗದಿಂದ ನರಳುತ್ತಿರುವುದರ ಬಗ್ಗೆ ಸರ್ಕಾರವನ್ನು ಎಚ್ಚರಿಸುವ ಪ್ರಯತ್ನಕ್ಕೆ ಕೈ ಹಾಕಿದ್ದರು.

ಫೇಸ್‌ಬುಕ್ ಮತ್ತು ಗೂಗಲ್‌ಗೆ ಮಾತ್ರ ಹೋಲಿಸಬಹುದಾದ ಡೇಟಾಗೆ ಪ್ರವೇಶವನ್ನು ಹೊಂದಿರುವ ಟೆಕ್ ದೈತ್ಯ ಮಾರವರ ಅಲಿಬಾಬಾ ಮೇಲೆ ಮತ್ತೊಂದು ಹೊಡೆತಕ್ಕೆ ಕಾರಣವಾಗಿದೆ. ಕಳೆದ ವರ್ಷ, ಮಾ ಅವರು ಟಿವಿ ಕಾರ್ಯಕ್ರಮವೊಂದಕ್ಕೆ ಸ್ಪಷ್ಟವಾಗಿ ಗೈರು ಹಾಜರಾಗಿದ್ದರು, ಇದು ಅವರ ಇರುವಿಕೆಯ ಬಗ್ಗೆ ಊಹಾಪೋಹಗಳಿಗೆ ಗೊಂದಲ ವಾತಾವರಣ ಸೃಷ್ಟಿಸಿತು.

ಎಲ್ಲಿ ತಪ್ಪಾಗಿದೆ?:

ಚೀನಾದ ಅಧಿಕಾರಿಗಳು ಅಲಿಬಾಬಾದಲ್ಲಿ 2020ರ ಡಿಸೆಂಬರ್‌ನಲ್ಲಿ, ಪವರ್‌ಹೌಸ್ ಇ-ಕಾಮರ್ಸ್ ಕಂಪನಿಯಿಂದ ಮಾ ಹೊರಬಂದು ಫಿನ್‌ಟೆಕ್ ದೈತ್ಯ ಆಂಟ್ ಗ್ರೂಪ್ ಅನ್ನು ಮುನ್ನಡೆಸಿದರು. ಜಾಕ್ ಮಾ  ಅಲಿಬಾಬಾ ಕಂಪನಿಯಲ್ಲಿ ಷೇರನ್ನು ಹೊಂದಿದ್ದಾರೆ. ಅವರು ಅಲಿಬಾಬಾದ ಬಹುಪಾಲು ಮಂಡಳಿಯ ಸದಸ್ಯರನ್ನು ಆಯ್ಕೆ ಮಾಡುವ ಪ್ರಮುಖ ಗುಂಪಿನ ಭಾಗವಾಗಿದ್ದಾರೆ. ನವೆಂಬರ್‌ನಲ್ಲಿ ಅಧಿಕಾರಿಗಳು ಇರುವ ಯೋಜಿತ ಬ್ಲಾಕ್‌ಬಸ್ಟರ್ ಆರಂಭಿಕ ಸಾರ್ವಜನಿಕ ಕೊಡುಗೆಯನ್ನು ರದ್ದುಗೊಳಿಸಿದ್ದರು. ಇದಾದ ಎರಡು ವಾರಗಳ ನಂತರ, ಚೀನಾದ ಬ್ಯಾಂಕುಗಳು “ಅಡವಿಡುವ ಅಂಗಡಿ‌”ಗಳಂತೆ ವರ್ತಿಸುತ್ತಿವೆ ಎಂದು ಮಾ ಆರೋಪಿಸಿದ್ದರು.ಇದನ್ನೂ ಓದಿ: Karnataka Coronavirus: ಬೆಂಗಳೂರಿನ ಮಲ್ಲೇಶ್ವರದ ಹಾಸ್ಟೆಲ್​ನಲ್ಲಿ ಕೊರೋನಾ ಅಟ್ಟಹಾಸ; ಮಂಗಳೂರು ನರ್ಸಿಂಗ್ ಕಾಲೇಜಿನ 51 ವಿದ್ಯಾರ್ಥಿಗಳಿಗೆ ಕೊರೋನಾ!

ಜ್ಯಾಕ್ ಮಾ ರವರು ಕಳೆದ ಎರಡು ದಶಕಗಳಿಂದಲೂ ಚೀನಾ ಸರ್ಕಾರದೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿದ್ದರು. ಎಲ್ಲಿ ತಪ್ಪಾಗಿದೆ ಎಂಬುದರ ಕುರಿತು ಹಲವಾರು ಸಿದ್ಧಾಂತಗಳಿವೆ. ಅಲಿಬಾಬಾ ಗುಂಪು ತುಂಬಾ ದೊಡ್ಡದಾಗಿದೆ ಮತ್ತು ಅಧಿಕಾರಿಗಳ ಗಮನ ಸೆಳೆಯಲು ಬದ್ಧರಾಗಿದ್ದರು ಎಂದು ಕೆಲವು ತಜ್ಞರ ಅಭಿಪ್ರಾಯ ಪಟ್ಟಿದ್ದಾರೆ. ಇತರರು ಅಕ್ಟೋಬರ್‌ನಲ್ಲಿ ಮಾ ಅವರ ಭಾಷಣವನ್ನು ಸಮ್ಮೇಳನವೊಂದರಲ್ಲಿ ವಿವಾದತ್ಮಕ ಭಾಷಣ ಮಾಡಿದ್ದರು ಎಂದು ಹೇಳಲಾಗುತ್ತಿದೆ.

ಈ "ಜ್ಯಾಕ್ ಮಾ" ಯಾರು?:

ಟೂರಿಸ್ಟ್ ಗೈಡ್ ನಿಂದ ಇಂಗ್ಲಿಷ್ ಶಿಕ್ಷಕ; ನಂತರ ಶಿಕ್ಷಕ ನಿಂದ ಅಂತರ್ಜಾಲದ ಉದ್ಯಮಿಯಾಗಿ ಸದ್ಯ ಚೀನಾದ ಶ್ರೀಮಂತ ವ್ಯಕ್ತಿಯೇ ಈ "ಜ್ಯಾಕ್ ಮಾ". ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು 2016 ರಲ್ಲಿ ಆಯ್ಕೆಯಾದ ನಂತರ ಭೇಟಿಯಾದ ಮೊದಲ ಚೀನಾದ ಪ್ರಭಾವಿ ವ್ಯಕ್ತಿ ಮಾ.

1964ರಲ್ಲಿ ಚೀನಾದ ಹಾಂಗ್ ಜ್ಹೌ ನಗರದಲ್ಲಿ ಜನಿಸಿದ ಜ್ಯಾಕ್ ಮಾ, ಚಿಕ್ಕ ವಯಸ್ಸಿನಲ್ಲಿ ಅವರು ವಿದೇಶಿ ಪ್ರವಾಸಿಗರಿಗೆ ಟೂರಿಸ್ಟ್ ಗೈಡ್ ರಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು. ಫೋರ್ಬ್ಸ್ ವರದಿಯ ಪ್ರಕಾರ, ಮಾ ರವರು ಪ್ರತಿದಿನ ಬೆಳಿಗ್ಗೆ 5 ಗಂಟೆಗೆ ತನ್ನ ಸೈಕಲ್ ನಲ್ಲಿ ಪ್ರವಾಸಿಗರಿಗಾಗಿ ಅಂತರರಾಷ್ಟ್ರೀಯ ಹೋಟೆಲ್‌ಗೆ ತೆರಳುತ್ತಿದ್ದರು. ಅವರು ಪ್ರವಾಸಿಗರನ್ನು ನಗರದ ಸುತ್ತಲೂ ಪ್ರವಾಸಿ ತಾಣಗಳನ್ನು ತೋರಿಸಿದ ನಂತರ ಹಣದ ಬದಲಾಫಿ ಇಂಗ್ಲಿಷ್ ಕಲಿಸಲು ಕೇಳಿಕೊಳ್ಳುತ್ತಿದ್ದರು. ನಂತರ, ಮಾ ಹಾಂಗ್ ಜ್ಹೌ ನಲ್ಲಿ ಶಿಕ್ಷಕರ ಸಂಸ್ಥೆಯಲ್ಲಿ ವ್ಯಾಸಂಗ ಮಾಡಿದರು ಮತ್ತು 1988 ರಲ್ಲಿ ಇಂಗ್ಲಿಷ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.

ಬ್ಲೂಮ್‌ಬರ್ಗ್ ವೀಡಿಯೊವೊಂದರ ಪ್ರಕಾರ, ಅವರು 30 ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸಿದರು ಆದರೆ ಪ್ರತಿ ಬಾರಿಯೂ ಉದ್ಯೋಗದ ಸಂದರ್ಶನದಲ್ಲಿ ತಿರಸ್ಕೃತಗೊಳ್ಳುತ್ತಿದ್ದರು. ನಂತರ ಅವರು ಸ್ಥಳೀಯ ವಿಶ್ವವಿದ್ಯಾಲಯದಲ್ಲಿ ಕೆಲಸ ಪಡೆದರು. ಅಲ್ಲಿ ಅವರು ಇಂಗ್ಲಿಷ್ ಕಲಿಸಿದರು ಮತ್ತು ತಿಂಗಳಿಗೆ $ 15 ವೇತನ ಪಡೆಯುತ್ತಿದ್ದರು. ಜ್ಯಾಕ್ ಮಾ ರವರು ತಮ್ಮ ಕೆಲವು ಸ್ನೇಹಿತರೊಂದಿಗೆ ಸೇರಿ ಪ್ರತ್ಯೇಕವಾಗಿ ಭಾಷಾ ಅನುವಾದ ಕಂಪನಿಯನ್ನು ಪ್ರಾರಂಭಿಸಿದರು.

1995 ರಲ್ಲಿ ಅಮೆರಿಕಾ ಪ್ರವಾಸ ಕೈಗೊಂಡ ಸಮಯದಲ್ಲಿ, ಮಾ ಮೊದಲ ಬಾರಿಗೆ ಅಂತರ್ಜಾಲದ ಸಾಮರ್ಥ್ಯವನ್ನು ಮನಗಂಡಾರು. ಹಳದಿ ಪುಟಗಳ ವೆಬ್‌ಸೈಟ್ ಚೀನಾ ಪೇಜಸ್‌ನಲ್ಲಿ ವಿಫಲ ಪ್ರಯತ್ನದ ನಂತರ, ಬೀಜಿಂಗ್‌ನಲ್ಲಿರುವ ಸರ್ಕಾರಿ ಸಂಸ್ಥೆಗೆ ವೆಬ್‌ಸೈಟ್ ಸ್ಥಾಪಿಸಲು ಅವರು ಸಹಾಯ ಮಾಡಿದರು. ಇದರಿಂದ ತಮ್ಮ ಯಶಸ್ಸಿನ ಉತ್ತುಂಗಕ್ಕೆ ಬೆಳೆಯಲು ಸಹಾಯವಾಯಿತು.

ಅವರು ತಮ್ಮ ಪತ್ನಿ ಮತ್ತು ಸ್ನೇಹಿತರ ತಂಡದೊಂದಿಗೆ 1999 ರಲ್ಲಿ ಅಲಿಬಾಬಾವನ್ನು ಸ್ಥಾಪಿಸಿದರು. ಪ್ರಾರಂಭದಲ್ಲಿ ಕಂಪನಿಯನ್ನು ಆನ್‌ಲೈನ್ ಬಿ 2 ಬಿ ಮಾರುಕಟ್ಟೆಯಾಗಿ ಪ್ರಾರಂಭಿಸಿದರು.

2014ರಲ್ಲಿ, ಕಂಪನಿಯು ವಿಶ್ವದ ಅತಿದೊಡ್ಡ ಕಂಪನಿಯಾಗಿ ಹೊರಹೊಮ್ಮಿತು. ಜ್ಯಾಕ್ ಮಾ ಅವರ ವೈಯಕ್ತಿಕ ಸಂಪತ್ತನ್ನು 50 ಶತಕೋಟಿಯಷ್ಟು ಹೊಂದಿದ್ದಾರೆ. ಬ್ಲೂಮ್‌ಬರ್ಗ್ ಬಿಲಿಯನೇರ್ಸ್ ಸೂಚ್ಯಂಕದ ಪ್ರಕಾರ, ಅವರು ವಿಶ್ವದ 25ನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.
Published by: Sushma Chakre
First published: March 18, 2021, 2:25 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories