Heart Attack: ನಿರ್ಲಕ್ಷ್ಯ ಮಾಡಬೇಡಿ, ಇದು ‘ಹೃದಯ’ಗಳಾ ವಿಷಯ! ನಿಮ್ಮ ಹಾರ್ಟ್ ಮೇಲೂ ಇರಲಿ ಪ್ರೀತಿ

ಸಚಿವ ಉಮೇಶ್ ಕತ್ತಿ (Minister Umesh Katti) ಅವರು ಹೃದಯಾಘಾತದಿಂದ (Heart Attack) ನಿಧನರಾಗಿದ್ದಾರೆ. ನಿನ್ನೆ ಮನೆಯಲ್ಲೇ ಇದ್ದ ಅವರು ಸ್ನಾನಮಾಡುವಾಗ ಹೃದಯಾಘಾತಕ್ಕೆ ಒಳಗಾಗಿದ್ದರು ಎನ್ನಲಾಗಿದೆ. ಬಳಿಕ ಅವರನ್ನು ಆಸ್ಪತ್ರೆಗೆ (Hospital) ದಾಖಲಿಸಲಾಯಿತಾದರೂ ಚಿಕಿತ್ಸೆ (Treatment) ಫಲಿಸದೇ ಉಮೇಶ್ ಕತ್ತಿ ಕೊನೆಯುಸಿರೆಳೆದಿದ್ದಾರೆ. ಉಮೇಶ್ ಕತ್ತಿ ಅವರಿಗೆ ಈ ಹಿಂದೆಯೇ ಎರಡು ಬಾರಿ ಹಾರ್ಟ್ ಅಟ್ಯಾಕ್ ಆಗಿತ್ತು ಎನ್ನಲಾಗಿದೆ. ಆಗ ಒಂದಲ್ಲ ಎರಡು ಬಾರಿ ಗೆದ್ದು, ಸಾವಿನ ದವಡೆಯಿಂದ ತಪ್ಪಿಸಿಕೊಂಡು ಬಂದಿದ್ದರು. ಆದರೀಗ ಮೂರನೇ ಬಾರಿ ಸಾವಿನ ಮುಂದೆ ಉಮೇಶ್ ಕತ್ತಿ ಶರಣಾಗಿದ್ದಾರೆ. ಇತ್ತೀಚಿಗಂತೂ ಹಾರ್ಟ್‌ ಅಟ್ಯಾಕ್ ಎನ್ನುವುದು ಕಾಮನ್ ಎನ್ನುವಂತಾಗಿದೆ. ಹಿಂದೆಲ್ಲ ಹೃದಯಾಘಾತ ಎನ್ನುವುದು ತೀರಾ ದಪ್ಪ (Fat) ಇದ್ದವರಿಗೆ, ವಯಸ್ಸಾದವರಿಗೆ (elderly) ಬರುವುದು ಎನ್ನುವಂತಾ ಮಾತುಗಳಿತ್ತು. ಆದರೆ ಈಗ ಚಿಕ್ಕವಯಸ್ಸಿನವರಿಗೂ, ಫಿಟ್ ಆ್ಯಂಡ್ ಫೈನ್ (Fit and Fine) ಆಗಿ ಇದ್ದವರಿಗೂ ಹೃದಯಘಾತವಾಗುತ್ತದೆ. ಹಾಗಿದ್ರೆ ಹೃದಯಾಘಾತ ಹೇಗೆ ಸಂಭವಿಸುತ್ತದೆ? ಅದಕ್ಕೆ ಕಾರಣಗಳೇನು? ಅದರ ಲಕ್ಷಣಗಳೇನು? ಅದರಿಂದ ತಪ್ಪಿಸಿಕೊಳ್ಳುವುದು ಹೇಗೆ? ಇತ್ಯಾದಿ ಮಾಹಿತಿ ಇಲ್ಲಿದೆ ಓದಿ…

ಏನಿದು ಹೃದಯ?

ಹೃದಯವು ಮನುಷ್ಯನ ದೇಹದಲ್ಲಿರುವ ಅತ್ಯಂತ ಉಪಯುಕ್ತ ಅಂಗ. ಇದು ಮುಷ್ಟಿಯ ಗಾತ್ರದ ಅಂಗವಾಗಿದ್ದು ಅದು ನಮ್ಮ ದೇಹದಾದ್ಯಂತ ರಕ್ತವನ್ನು ಪಂಪ್ ಮಾಡುತ್ತದೆ. ಇದು ರಕ್ತಪರಿಚಲನಾ ವ್ಯವಸ್ಥೆಯ ಪ್ರಾಥಮಿಕ ಅಂಗವಾಗಿದೆ. ಹೃದಯವು ನಾಲ್ಕು ಮುಖ್ಯ ವಿಭಾಗಗಳ ಸ್ನಾಯುಗಳಿಂದ ಮಾಡಲ್ಪಟ್ಟಿದೆ ಮತ್ತು ವಿದ್ಯುತ್ ಪ್ರಚೋದನೆಗಳಿಂದ ನಡೆಸಲ್ಪಡುತ್ತದೆ. ನಮ್ಮ ಮೆದುಳು ಮತ್ತು ನರಮಂಡಲವು ಹೃದಯದ ಕಾರ್ಯವನ್ನು ನಿರ್ದೇಶಿಸುತ್ತದೆ.

ಹೃದಯದ ಪ್ರಾಮುಖ್ಯತೆ ಏನು?

ಆಡು ಮಾತಿನಲ್ಲಿ ಹೇಳಬೇಕು ಎಂದರೆ ಹೃದಯವು ನಮ್ಮ ದೇಹದ ಮನೆಯಂತಿದೆ. ಇದು ಗೋಡೆಗಳು, ಕೊಠಡಿಗಳು, ಬಾಗಿಲುಗಳು, ಕೊಳಾಯಿಗಳು ಮತ್ತು ವಿದ್ಯುತ್ ವ್ಯವಸ್ಥೆಯನ್ನು ಹೊಂದಿದೆ. ನಿಮ್ಮ ಹೃದಯದ ಎಲ್ಲಾ ಭಾಗಗಳು ರಕ್ತವನ್ನು ಹರಿಯುವಂತೆ ಮಾಡಲು ಮತ್ತು ನಿಮ್ಮ ಇತರ ಅಂಗಗಳಿಗೆ ಪೋಷಕಾಂಶಗಳನ್ನು ಕಳುಹಿಸಲು ಒಟ್ಟಿಗೆ ಕೆಲಸ ಮಾಡುತ್ತವೆ. ಇದು ನಿಮ್ಮ ದೇಹದಾದ್ಯಂತ ರಕ್ತವನ್ನು ಪಂಪ್ ಮಾಡುತ್ತದೆ, ನಿಮ್ಮ ಹೃದಯ ಬಡಿತವನ್ನು ನಿಯಂತ್ರಿಸುತ್ತದೆ ಮತ್ತು ರಕ್ತದೊತ್ತಡವನ್ನು ನಿರ್ವಹಿಸುತ್ತದೆ.

ಇದನ್ನೂ ಓದಿ: Bengaluru Lakes: ಕಾಣದಂತೆ ಮಾಯವಾಯ್ತಣ್ಣ ಬೆಂಗಳೂರು ಕೆರೆಗಳು! ಜೀವಸೆಲೆಯ ನೆಲೆ ಮೇಲೆ ತಲೆ ಎತ್ತಿದ ಲೇಔಟ್‌ಗಳು!

ಹಾರ್ಟ್ ಅಟ್ಯಾಕ್ ಅಥವಾ ಹೃದಯಾಘಾತ ಎಂದರೇನು?

ನಿಮ್ಮ ಹೃದಯ ಸ್ನಾಯು ಬದುಕಲು ಆಮ್ಲಜನಕದ ಅಗತ್ಯವಿದೆ. ಹೃದಯ ಸ್ನಾಯುವಿಗೆ ಆಮ್ಲಜನಕವನ್ನು ತರುವ ರಕ್ತದ ಹರಿವು ತೀವ್ರವಾಗಿ ಕಡಿಮೆಯಾದಾಗ ಅಥವಾ ಸಂಪೂರ್ಣವಾಗಿ ಕಡಿತಗೊಂಡಾಗ ಹೃದಯಾಘಾತ ಸಂಭವಿಸುತ್ತದೆ. ಹೃದಯ ಸ್ನಾಯುವನ್ನು ರಕ್ತದ ಹರಿವಿನೊಂದಿಗೆ ಪೂರೈಸುವ ಪರಿಧಮನಿಯ ಅಪಧಮನಿಗಳು ಕೊಬ್ಬು, ಕೊಲೆಸ್ಟ್ರಾಲ್ ಮತ್ತು ಇತರ ಪದಾರ್ಥಗಳ ಶೇಖರಣೆಯಿಂದ ಕಿರಿದಾಗಬಹುದು, ಇದನ್ನು ಒಟ್ಟಾಗಿ ಪ್ಲೇಕ್ ಎಂದು ಕರೆಯಲಾಗುತ್ತದೆ. ಈ ನಿಧಾನ ಪ್ರಕ್ರಿಯೆಯನ್ನು ಅಪಧಮನಿಕಾಠಿಣ್ಯ ಎಂದು ಕರೆಯಲಾಗುತ್ತದೆ. ಇದನ್ನೇ ಹೃದಯಾಘಾತ ಎಂದು ಕರೆಯುತ್ತಾರೆ.

ಹೃದಯಾಘಾತದ ಲಕ್ಷಣಗಳೇನು?

ಹೃದಯಾಘಾತವು ಹಲವಾರು ರೋಗಲಕ್ಷಣಗಳನ್ನು ಹೊಂದಿರುತ್ತದೆ. ಪುರುಷರು ಮತ್ತು ಮಹಿಳೆಯರು ವಿಭಿನ್ನ ಹೃದಯಾಘಾತದ ಲಕ್ಷಣಗಳನ್ನು ಹೊಂದಿರುತ್ತಾರೆ. ಇವುಗಳಲ್ಲಿ ಪ್ರಮುಖವಾಗಿ ಎದೆ ನೋವು ಅಥವಾ ಅಸ್ವಸ್ಥತೆ,  ಹೆಚ್ಚಿನ ಹೃದಯಾಘಾತಗಳು ಎದೆಯ ಮಧ್ಯದಲ್ಲಿ ಅಥವಾ ಎಡಭಾಗದಲ್ಲಿ ಅಸ್ವಸ್ಥತೆಯನ್ನು ಒಳಗೊಂಡಿರುತ್ತವೆ, ಅದು ಕೆಲವು ನಿಮಿಷಗಳಿಗಿಂತ ಹೆಚ್ಚು ಕಾಲ ಇರುತ್ತದೆ. ಇದರ ಜೊತೆಗೆ ಅಹಿತಕರ ಒತ್ತಡ, ಹಿಸುಕಿದಂತೆ ಅನುಭವ, ಅಥವಾ ಸಹಿಸಲು ಅಸಾಧ್ಯವಾದ ಎದೆನೋವಿನ ಲಕ್ಷಣಗಳೂ ಇರುತ್ತವೆ.

ಹಾರ್ಟ್ ಅಟ್ಯಾಕ್‌ನ ಇತರೇ ಲಕ್ಷಣಗಳೇನು?

ದೌರ್ಬಲ್ಯ, ಹಗುರವಾದ ಅಥವಾ ಮೂರ್ಛೆ ಭಾವನೆ, ಬೆವರು, ದವಡೆ, ಕುತ್ತಿಗೆ ಅಥವಾ ಬೆನ್ನಿನಲ್ಲಿ ನೋವು ಅಥವಾ ಅಸ್ವಸ್ಥತೆ, ಒಂದು ಅಥವಾ ಎರಡೂ ತೋಳುಗಳು ಅಥವಾ ಭುಜಗಳಲ್ಲಿ ನೋವು ಅಥವಾ ಅಸ್ವಸ್ಥತೆ, ಉಸಿರಾಟದ ತೊಂದರೆ, ಅಸಾಮಾನ್ಯ ಅಥವಾ ವಿವರಿಸಲಾಗದ ದಣಿವು ಮತ್ತು ವಾಕರಿಕೆ ಅಥವಾ ವಾಂತಿಯನ್ನು ಒಳಗೊಂಡಿರಬಹುದು.

ನಮ್ಮ ಜೀವನ ಶೈಲಿಯಿಂದ ಕಾಯಿಲೆ ನಿರ್ಧಾರ

ಹಲವಾರು ಆರೋಗ್ಯ ಪರಿಸ್ಥಿತಿಗಳು, ನಿಮ್ಮ ಜೀವನಶೈಲಿ, ಮತ್ತು ನಿಮ್ಮ ವಯಸ್ಸು ಮತ್ತು ಕುಟುಂಬದ ಇತಿಹಾಸವು ನಿಮ್ಮ ಹೃದಯ ಕಾಯಿಲೆ ಮತ್ತು ಹೃದಯಾಘಾತದ ಅಪಾಯವನ್ನು ಹೆಚ್ಚಿಸಬಹುದು. ಇವುಗಳನ್ನು ಅಪಾಯಕಾರಿ ಅಂಶಗಳು ಎಂದು ಕರೆಯಲಾಗುತ್ತದೆ. ಜೊತೆಗೆ ಅಧಿಕ ರಕ್ತದೊತ್ತಡ, ಅಧಿಕ ರಕ್ತದ ಕೊಲೆಸ್ಟ್ರಾಲ್ ಮತ್ತು ಧೂಮಪಾನ ಕೂಡ ಹಾರ್ಟ್ ಅಟ್ಯಾಕ್‌ಗೆ ಕಾರಣವಾಗಿದೆ.

ಲೈಫ್‌ ಸ್ಟೈಲ್ ಬದಲಿಸಿಕೊಳ್ಳಿ

ಹೃದಯಾಘಾತ ತಡೆಯ ಬೇಕು ಎಂದರೆ ನಿಮ್ಮ ಲೈಫ್ ಸ್ಟೈಲ್ ಬದಲಾಯಿಸಿಕೊಳ್ಳಬೇಕು. ನಿಮ್ಮ ಜೀವನ ಮತ್ತು ಕೆಲಸದಲ್ಲಿ ನೀವು ಪ್ರತಿದಿನ ಮಾಡುವ ಕೆಲಸಗಳ ವೈದ್ಯರೊಂದಿಗೆ ಮಾತನಾಡಿ. ಹೃದಯಾಘಾತದ ನಂತರ ಸ್ವಲ್ಪ ಸಮಯದವರೆಗೆ ನೀವು ಕೆಲಸ, ಪ್ರಯಾಣ ಅಥವಾ ಲೈಂಗಿಕ ಚಟುವಟಿಕೆಯನ್ನು ಮಿತಿಗೊಳಿಸಿ. ಆರೋಗ್ಯಕರ ಆಹಾರವನ್ನು ಸೇವಿಸುವುದು, ದೈಹಿಕ ಚಟುವಟಿಕೆಯನ್ನು ಹೆಚ್ಚಿಸುವುದು, ಧೂಮಪಾನವನ್ನು ತ್ಯಜಿಸುವುದು ಮತ್ತು ಒತ್ತಡವನ್ನು ನಿರ್ವಹಿಸುವುದನ್ನು ಕಲಿಯಿರಿ.

ಇದನ್ನೂ ಓದಿ: Eggs: ಮೈಮೇಲೆ ಎಗ್ ಎಸೆದು ಹಾಳು ಮಾಡ್ತೀರಾ? ಹಾಗಿದ್ರೆ ನಿಮಗೆ ಗೊತ್ತಿರಲೇ ಬೇಕು ಒಂದು ಮೊಟ್ಟೆಯ ಕಥೆ!

ನೆನಪಿಡಿ, ಹೃದಯಾಘಾತದಿಂದ ವ್ಯಕ್ತಿ ತಕ್ಷಣವೇ ಸಾಯುವುದಿಲ್ಲ. ಹೃದಯಾಘಾತ ಸಂಭವಿಸಿದ್ದರೂ ಬದುಕುಳಿಯುವ ಸಾಧ್ಯತೆಗಳು ಹೆಚ್ಚಿರುತ್ತದೆ. ಆಗ ಅವರಿಗೂ ತುರ್ತು ಚಿಕಿತ್ಸೆ ಪ್ರಾರಂಭಿಸಿದರೆ ಅಪಾಯದಿಂದ ತಪ್ಪಿಸಿಕೊಳ್ಳಬಹುದು.