Explained: ಅಮೆರಿಕಾದಲ್ಲಿ ಓದಲು ಇರುವ ಅವಕಾಶಗಳೇನು? ವಿದ್ಯಾರ್ಥಿಗಳು ಅಮೆರಿಕಾವನ್ನೇ ಬಯಸುವುದು ಏಕೆ?

ವಿದೇಶದಲ್ಲಿ ಓದಬೇಕು, ಅದರಲ್ಲೂ ಅಮೆರಿಕಾದಲ್ಲಿ ಉನ್ನತ ವ್ಯಾಸಂಗ ಮಾಡಬೇಕು ಎಂದು ಲಕ್ಷಾಂತರ ವಿದ್ಯಾರ್ಥಿಗಳು ಕನಸು ಕಾಣುತ್ತಾರೆ. ಆದರೆ ಅಮೆರಿಕಾದಲ್ಲಿ ಉನ್ನತ ವಿದ್ಯಾಭ್ಯಾಸ (US Higher Education) ಮಾಡುವುದು ಹೇಗೆ? ಅಲ್ಲಿ ಯಾವ ವಿಶ್ವವಿದ್ಯಾಲಯಕ್ಕೆ ಸೇರಲು ಅವಕಾಶ ಇರುತ್ತೆ? ಹೇಗೆ ಸೇರುವುದು? ಅರ್ಜಿ ಹಾಕುವುದು ಹೇಗೆ? ಇಂತಹ ಹತ್ತು ಹಲವು ಅನುಮಾನಗಳಿಗೆ ಸರಿಯಾದ ಮತ್ತು ಸ್ಪಷ್ಟ ಉತ್ತರ ಸಿಗದೇ ಎಷ್ಟೋ ವಿದ್ಯಾರ್ಥಿಗಳು (Indian Students) ಅಮೆರಿಕಾ ವಿದ್ಯಾಭ್ಯಾಸದ ಕನಸನ್ನೇ (Dream Education) ಬಿಡುತ್ತಾರೆ. ಇನ್ಮೇಲೆ ಈ ಚಿಂತೆ ಬಿಡಿ. ಯುನೈಟೆಡ್ ಸ್ಟೇಟ್ಸ್​ನಲ್ಲಿ ವಿದ್ಯಾಭ್ಯಾಸ ಮಾಡುವ ಕನಸು ನಿಮ್ಮದಾಗಿದ್ದರೆ (How to study in US) ಅದರ ಕುರಿತು Span Magazine ಒದಗಿಸಿರುವ ಸಂಪೂರ್ಣ ಮಾಹಿತಿಯನ್ನು  ಇಲ್ಲಿ ನೀಡಲಾಹಿದೆ. ಚೆನ್ನಾಗಿ ಓದಿ, ಆಲ್ ದಿ ಬೆಸ್ಟ್!

ಪ್ರತಿ ವರ್ಷ ಉನ್ನತ ಗುಣಮಟ್ಟದ ಶಿಕ್ಷಣವನ್ನು ಬಯಸುವ ಸಾವಿರಾರು ಭಾರತೀಯ ವಿದ್ಯಾರ್ಥಿಗಳು ಅಮೆರಿಕಾ ಕನಸು ಕಾಣುತ್ತಾರೆ. ಕಾಲೇಜು ಅಥವಾ ವಿಶ್ವವಿದ್ಯಾಲಯದಲ್ಲಿ ಅವಕಾಶ ಪಡೆಯಲು ಪ್ರಯತ್ನ ನಡೆಸುತ್ತಲೇ ಇರುತ್ತಾರೆ.  ನಿಜಕ್ಕೂ 2020-2021 ಶೈಕ್ಷಣಿಕ ವರ್ಷದಲ್ಲಿ, ಯುನೈಟೆಡ್ ಸ್ಟೇಟ್ಸ್‌ನ ಪ್ರತಿ ಐದು ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳಲ್ಲಿ ಓರ್ವ ವಿದ್ಯಾರ್ಥಿ ಭಾರತದವರಾಗಿದ್ದಾರೆ ಎಂದು ಇನ್‌ಸ್ಟಿಟ್ಯೂಟ್ ಆಫ್ ಇಂಟರ್‌ನ್ಯಾಶನಲ್ ಎಜುಕೇಶನ್ ತನ್ನ ವಾರ್ಷಿಕ ವರದಿ ಓಪನ್ ಡೋರ್ಸ್​ನಲ್ಲಿ ವರದಿ ಮಾಡಿದೆ.

ಓದೋಕೆ ಏನು ಬೇಕೋ ಎಲ್ಲವೂ ಇರುತ್ತದೆ
ಉನ್ನತ ಗುಣಮಟ್ಟದ ಶಿಕ್ಷಣವು ಅನೇಕ ಘಟಕಗಳನ್ನು ಹೊಂದಿರುತ್ತದೆ. ಇದು ವಿದ್ಯಾರ್ಥಿಗಳಿಗೆ ತಮ್ಮ ವೈಯಕ್ತಿಕ ಅಗತ್ಯಗಳನ್ನು ಪೂರೈಸುವ ಪ್ರಮುಖ ವಿಷಯಗಳು ಮತ್ತು ತರಗತಿಗಳನ್ನು ಆಯ್ಕೆ ಮಾಡಲು ಅನುವು ಮಾಡಿಕೊಡುತ್ತದೆ.  ಜೊತೆಗೆ ತಮಗೆ ಬೇಕಾದ ವಿಷಯದಲ್ಲಿ ಪರಿಣಿತಿ ಹೊಂದಲು ಅಗತ್ಯವಿರುವ ಪಠ್ಯಕ್ರಮವನ್ನು ಒಳಗೊಂಡಿರುತ್ತದೆ.

ಸಂಶೋಧನಾ ಅವಕಾಶಗಳು
ಉನ್ನತ ದರ್ಜೆಯ ಸಂಶೋಧನಾ ಸೌಲಭ್ಯಗಳು, ಮೀಸಲಾದ ಮಾರ್ಗದರ್ಶಕರು, ನೈಜ ಪ್ರಪಂಚದ ಅನುಭವವನ್ನು ಒದಗಿಸುವ ಸಹಕಾರ ಕಾರ್ಯಕ್ರಮಗಳು ಅಂತಹ ಶಿಕ್ಷಣ ಸಂಸ್ಥೆಯಲ್ಲಿ ದೊರೆಯುತ್ತದೆ. ಹಣಕಾಸಿನ ನೆರವು ಮತ್ತು ವಿದ್ಯಾರ್ಥಿವೇತನಗಳು, ವಿಮರ್ಶಾತ್ಮಕ ಚಿಂತನೆಯ ಮೇಲೆ ಒತ್ತು ನೀಡುವುದು ಮತ್ತು ಪದವಿಪೂರ್ವ ಮತ್ತು ಪದವಿ ವಿದ್ಯಾರ್ಥಿಗಳಿಗೆ ಸಂಶೋಧನಾ ಅವಕಾಶಗಳು ಸಹ ವಿದ್ಯಾರ್ಥಿಗಳಿಗೆ ಎಂದೇ ರೂಪಿಸಿರಲಾಗುತ್ತದೆ.

ಭಾರತೀಯರು ಅಮೆರಿಕದಲ್ಲಿ ಓದುವ ಕನಸು ಕಾಣುವುದು ಏಕೆ?
ಅಲ್ಲದೇ ವಿದ್ಯಾರ್ಥಿಗಳು ವೈಯಕ್ತಿಕವಾಗಿ ಅಂತರಾಷ್ಟ್ರೀಯ ಮಟ್ಟದ ನಿರ್ದಿಷ್ಟ ಸೇವೆಗಳಿಂದ ಪ್ರಯೋಜನ ಪಡೆಯುತ್ತಾರೆ. ಅದು ಸಾಂಸ್ಕೃತಿಕ ಸಂಯೋಜನೆಯನ್ನು ಸುಗಮಗೊಳಿಸುತ್ತದೆ. ಸ್ವಯಂಸೇವಕ ಅವಕಾಶಗಳನ್ನು ಒದಗಿಸುತ್ತದ. ವಿದ್ಯಾರ್ಥಿಗಳ ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಚೆನ್ನಾಗಿರಿಸುತ್ತದೆ. ವಿದ್ಯಾರ್ಥಿಗಳು ಪದವಿ ಪಡೆಯುವ ಮೊದಲು ಆಯಾ ಕ್ಷೇತ್ರದ ವೃತ್ತಿಪರ ಪರಿಣಿತರನ್ನು ಸಂಪರ್ಕಿಸಲು ಸಹಾಯ ಮಾಡುತ್ತದೆ. ಇಂತಹ ಉನ್ನತ ಮಟ್ಟದ ವಿದ್ಯಾಭ್ಯಾಸವನ್ನು ಅಮೆರಿಕಾದ ವಿಶ್ವವಿದ್ಯಾನಿಲಯಗಳು ಮತ್ತು ಕಾಲೇಜುಗಳು ಪ್ರತಿ ವರ್ಷ ಪೂರೈಸುತ್ತವೆ.  ಅದೇ ಕಾರಣಕ್ಕೆ ಭಾರತೀಯರು ಅಮೆರಿಕದಲ್ಲಿ ಓದುವ ಕನಸು ಕಾಣುವುದು! 

ಇದೊಂಥರಾ ಆಯ್ಕೆಗಳ ಜಗತ್ತು!
ವಿದ್ಯಾರ್ಥಿಗಳು ಅಮೆರಿಕಾದಲ್ಲಿ ಅಧ್ಯಯನ ಮಾಡಲು ಬಯಸುವ ಕಾರಣವೆಂದರೆ ಲಭ್ಯವಿರುವ ಹೆಚ್ಚಿನ ಸಂಖ್ಯೆಯ ಶಾಲಾ ಕಾಲೇಜುಗಳು. ರಾಷ್ಟ್ರೀಯ ಕೇಂದ್ರದ ಪ್ರಕಾರ ಶಿಕ್ಷಣ ಅಂಕಿಅಂಶಗಳ ಪ್ರಕಾರ 2019-2020 ಶೈಕ್ಷಣಿಕ ವರ್ಷದಲ್ಲಿ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ 3,982 ಪದವಿ ನೀಡುವ ಸಂಸ್ಥೆಗಳಿವೆ.

ವಿದ್ಯಾರ್ಥಿಗಳು ಅಮೆರಿಕದಲ್ಲಿ ವ್ಯಾಪಕವಾದ ಶೈಕ್ಷಣಿಕ ಆಯ್ಕೆಗಳನ್ನು ಹೊಂದಿದ್ದಾರೆ.   ಅವುಗಳಲ್ಲಿ ತಮಗೆ ಇಷ್ಟ ಬಂದಿರುವ ಶಾಲಾ ಕಾಲೇಜುಗಳನ್ನು ಆಯ್ಕೆಮಾಡಬಹುದು ಎಂದು ಯುನೈಟೆಡ್ ಸ್ಟೇಟ್ಸ್ ಇಂಡಿಯಾ ಎಜುಕೇಷನಲ್ ಫೌಂಡೇಶನ್‌ನ ಮುಂಬೈನಲ್ಲಿ ಅರ್ಕಾನ್ಸಾಸ್ ವಿಶ್ವವಿದ್ಯಾಲಯದಿಂದ ತಮ್ಮ ಪಿಎಚ್‌ಡಿ ಪಡೆದಿರುವ ಎಜುಕೇಶನ್‌ಯುಎಸ್‌ಎ ಸಲಹೆಗಾರ್ತಿ ಅದಿತಿ ಲೆಲೆ ಹೇಳುತ್ತಾರೆ.

ಕಾಲೇಜುಗಳು ಹೇಗಿರುತ್ತವೆ?
ಅಮೆರಿಕಾದಲ್ಲಿ ಸಣ್ಣ, ಮಧ್ಯಮ ಮತ್ತು ಬೃಹತ್ ವಿಶ್ವವಿದ್ಯಾನಿಲಯಗಳಿವೆ. ಕೆಲವು ನಗರಗಳಲ್ಲಿ ಮತ್ತು ಕೆಲವು ಹೆಚ್ಚು ಗ್ರಾಮೀಣ ಪ್ರದೇಶಗಳಲ್ಲೂ ಇವೆ" ಎಂದು ಅವರು ಹೇಳುತ್ತಾರೆ. ಅಮೆರಿಕಾದಲ್ಲಿ“ಸಾರ್ವಜನಿಕ ಮತ್ತು ಖಾಸಗಿ ವಿಶ್ವವಿದ್ಯಾಲಯಗಳಿವೆ. ಸಮುದಾಯ ಕಾಲೇಜುಗಳಿವೆ, ಅಲ್ಲಿ ನೀವು ಎರಡು ವರ್ಷಗಳ ಕಾಲ ಅಧ್ಯಯನ ಮಾಡಿ ನಂತರ ನಾಲ್ಕು ವರ್ಷಗಳ ವಿಶ್ವವಿದ್ಯಾಲಯ ವ್ಯಾಸಂಗ ಮಾಡಬಹುದು. ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಹಣಕಾಸಿನ ನೆರವು ನೀಡುವ ವಿಶ್ವವಿದ್ಯಾಲಯಗಳನ್ನು ಸಹ ನೀವು ಆಯ್ಕೆ ಮಾಡಬಹುದು. ಇದು ನಿಮ್ಮ ಶೈಕ್ಷಣಿಕ ಅಗತ್ಯತೆಗಳು ಮತ್ತು ವೈಯಕ್ತಿಕ ಆದ್ಯತೆಗಳನ್ನು ಅವಲಂಬಿಸಿರುತ್ತದೆ  ಎಂದು ಅವರು ಮಾಹಿತಿ ನೀಡುತ್ತಾರೆ. 

ಚಿಕ್ಕ ವಯಸ್ಸಿನಲ್ಲೇ ಅಮೆರಿಕಾದಲ್ಲಿ ವ್ಯಾಸಂಗ ಆರಂಭಿಸುವುದು ಒಳಿತು
ಕ್ಯಾಲಿಫೋರ್ನಿಯಾದ ಲಾಸ್ ಆಲ್ಟೋಸ್ ಹಿಲ್ಸ್‌ನ ಸಿಲಿಕಾನ್ ವ್ಯಾಲಿ ನಗರದಲ್ಲಿರುವ ಫೂತ್‌ಹಿಲ್ ಸಮುದಾಯ ಕಾಲೇಜ್‌ನಲ್ಲಿ ತಮ್ಮ ಉನ್ನತ ಶಿಕ್ಷಣವನ್ನು ಪ್ರಾರಂಭಿಸಿದ ಅರ್ಶ್ ಥೇಕರ್ ಚಿಕ್ಕ ವಯಸ್ಸಿನಲ್ಲೇ ಅಮೆರಿಕಾದಲ್ಲಿ ವ್ಯಾಸಂಗ ಆರಂಭಿಸುವುದು ಅಮೆರಿಕಾದ ಜೀವನಕ್ಕೆ ಹೊಂದಿಕೊಳ್ಳಲು ಸುಲಭವಾಗಿಸುತ್ತದೆ ಎಂದು ಅಭಿಪ್ರಾಯಪಡುತ್ತಾರೆ.

ಆರಾಮವಾಗಿ ಬದುಕಲು ನೆರವು ಸಿಗುತ್ತದೆ
ಫೂತ್‌ಹಿಲ್ ಕಾಲೇಜಿನಲ್ಲಿ ಓದುವುದು ನನ್ನನ್ನು ಸ್ವತಂತ್ರನನ್ನಾಗಿ ಮಾಡಿತು.  ಇಲ್ಲಿಯ ಜೀವನಕ್ಕೆ  ಹೊಂದಿಕೊಳ್ಳಲು ನನಗೆ ಕಲಿಸಿತು" ಎಂದು ಥಾಕರ್ ಹೇಳುತ್ತಾರೆ. ಪೂತ್​ಹಿಲ್​ನ ನಂತರ ಅವರು ನಾಲ್ಕು ವರ್ಷಗಳ ಕಾಲ ಸ್ಯಾನ್ ಡಿಯಾಗೋ ಸ್ಟೇಟ್ ಯೂನಿವರ್ಸಿಟಿಯಲ್ಲಿ ಓದಿದರು.

"ನಾನು ಸಮುದಾಯ ಕಾಲೇಜಿನಲ್ಲಿದ್ದರೂ ಸಹ ನಾನು ಉತ್ತಮ ಗುಣಮಟ್ಟದ ಬೋಧನೆ ಮತ್ತು ಬೆಂಬಲವನ್ನು ಅನುಭವಿಸಿದ್ದೇನೆ. ಇದು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ನಾನು ಆರಾಮವಾಗಿ ಬದುಕಲು ನನಗೆ ನೆರವಾಯಿತು. STEM ಕೇಂದ್ರದ ಪ್ರವೇಶವು ನನ್ನ ಶೈಕ್ಷಣಿಕ ಅನುಭವವನ್ನು ಹೆಚ್ಚಿಸಿದೆ. ಚಿಕ್ಕ ತರಗತಿಗಳು ನನ್ನ ಪ್ರಾಧ್ಯಾಪಕರೊಂದಿಗೆ ಹತ್ತಿರವಾಗಿ ಕೆಲಸ ಮಾಡಲು ನನಗೆ ಅವಕಾಶ ಮಾಡಿಕೊಟ್ಟಿತು’ ಎಂದು ಅವರು ಖುಷಿ ವ್ಯಕ್ತಪಡಿಸುತ್ತಾರೆ.   

ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಹೇಗಿರುತ್ತದೆ?
ಇಂಡಿಯಾನಾದ ಸೌತ್ ಬೆಂಡ್‌ನಲ್ಲಿರುವ ನೋಟ್ರೆ ಡೇಮ್ ವಿಶ್ವವಿದ್ಯಾನಿಲಯದಲ್ಲಿ ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಓದುತ್ತಿರುವ ವೈಭವ್ ಅರೋರಾ ಅವರಿಗೆ ತಮ್ಮ ಕ್ಷೇತ್ರದ ವೃತ್ತಿಪರರನ್ನು ಭೇಟಿ ಮಾಡುವುದು ಹೆಚ್ಚುವರಿ ಬೋನಸ್ ಆಗಿ ಪರಿಣಮಿಸಿದೆ.

"ನಾನು ತರಗತಿಗಳಲ್ಲಿ ಕಲಿತದ್ದನ್ನು ನೈಜ ಜಗತ್ತಿಗೆ ಅನ್ವಯಿಸಲು ಸಂಪನ್ಮೂಲಗಳನ್ನು ಹೊಂದಿದ್ದೇನೆ. ಆದರೆ ಉದ್ಯಮದಲ್ಲಿ ಜನರನ್ನು ಭೇಟಿ ಮಾಡಲು ಮತ್ತು ಬಹಳಷ್ಟು ಹಿರಿಯ, ಜ್ಞಾನವುಳ್ಳ ವೃತ್ತಿಪರರಿಂದ ಆಲೋಚನೆಗಳನ್ನು ಕಾರ್ಯರೂಪಕ್ಕಿಳಿಸಲು ಸಾಕಷ್ಟು ಅವಕಾಶಗಳಿವೆ.  ಇದು ನನಗೆ ಬಹು ದೃಷ್ಟಿಕೋನಗಳನ್ನು ಅನ್ವೇಷಿಸಲು ಅನುವು ಮಾಡಿಕೊಡುತ್ತದೆ. ಉದ್ಯಮದಲ್ಲಿ ಸಮಸ್ಯೆ ಪರಿಹಾರದ ಬಗ್ಗೆ ಹೆಚ್ಚಿನದನ್ನು ಕಲಿಯಬಹುದಾಗಿದೆ ಎಂದು ಅರೋರಾ ಹೇಳುತ್ತಾರೆ.

ನಿಮ್ಮ ವ್ಯಾಪ್ತಿ ವಿಸ್ತರಿಸಿ!
"ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಅಧ್ಯಯನ ಮಾಡುವುದು ನಿಮ್ಮ ಪರಿಧಿಯನ್ನು ವಿಸ್ತರಿಸಲು ಮತ್ತು ವಿಶಿಷ್ಟವಾದ ಕಾಲೇಜು ಅನುಭವವನ್ನು ಪಡೆಯಲು ಉತ್ತಮ ಅವಕಾಶವಾಗಿದೆ" ಎಂದು ಪೊಟ್ಲಪಲ್ಲಿ ಎನ್ನುವವರು ಹೇಳುತ್ತಾರೆ. “ತರಗತಿಗಳು, ವಿದ್ಯಾರ್ಥಿ ಸಂಸ್ಥೆಗಳು, ಇಂಟರ್ನ್‌ಶಿಪ್ ಅವಕಾಶಗಳ ಮೂಲಕ ತರಗತಿಯ ಒಳಗೆ ಮತ್ತು ಹೊರಗೆ ಬಹಳಷ್ಟು ಕಲಿಯಲು ನಿಮಗೆ ಅವಕಾಶಗಳಿವೆ. ನೀವು ಕ್ಯಾಂಪಸ್‌ಗೆ ಬಂದಾಗ ನೀವು ಆಸಕ್ತಿ ಹೊಂದಿರುವ ವಿಷಯಗಳಲ್ಲಿ ತೊಡಗಿಸಿಕೊಳ್ಳಲು ಮತ್ತು ನಂಬಲಾಗದ ಸಮುದಾಯಗಳು ಮತ್ತು ಅನುಭವಗಳನ್ನು ರಚಿಸಲು ನಿಮಗೆ ಸ್ವಾತಂತ್ರ್ಯ ಇರುತ್ತದೆ ಎಂದು ಅವರು ತಿಳಿಸುತ್ತಾರೆ. 

ಪಿಎಚ್​ಡಿ  ವಿದ್ಯಾರ್ಥಿನಿಯ ಅನುಭವ ಹೇಗಿತ್ತು?
ಪ್ರಸ್ತುತ ಸೌತ್ ಫ್ಲೋರಿಡಾ ವಿಶ್ವವಿದ್ಯಾನಿಲಯದಲ್ಲಿ (USF) ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್‌ನಲ್ಲಿ ಪಿಎಚ್‌ಡಿ ವ್ಯಾಸಂಗ ಮಾಡುತ್ತಿರುವ ನಿರ್ಮಿತಾ ರಾಯ್‌ ಇತರ ಮಹಿಳೆಯರಿಗೆ ತಾವು ಉದಾಹರಣೆ ಆಗಬೇಕೆಂದು ಬಯಸುತ್ತಾರೆ.

ಬನ್ನಿ, ಸ್ಟೀರಿಯೊಟೈಪ್ ಚಿಂತನೆ ಮುರಿಯೋಣ!
" ಹೆಚ್ಚಿನ ಮಹಿಳೆಯರು ಇಂಜಿನಿಯರ್‌ ಆಗುವ ಅಗತ್ಯವಿದೆ ಎಂದು ಯಾವಾಗಲೂ ನಂಬುತ್ತಾ, ನನ್ನ ಮೇಲ್ವಿಚಾರಕರ ಮಾರ್ಗದರ್ಶನದಲ್ಲಿ ಸ್ನಾತಕೋತ್ತರ ಪ್ರಬಂಧದೊಂದಿಗೆ ಸಂಶೋಧನೆಯಲ್ಲಿ ತೊಡಗಿಸಿಕೊಳ್ಳಲು ಮತ್ತು ಪದವಿ ಪಡೆಯುವ ಅವಕಾಶವನ್ನು ನಾನು ಬಳಸಿಕೊಂಡೆ" ಎಂದು ರಾಯ್ ಹೇಳುತ್ತಾರೆ.

ಇದನ್ನೂ ಓದಿ: Explained: ಚಂಡಮಾರುತಗಳಿಗ್ಯಾಕೆ ವಿಚಿತ್ರ ಹೆಸರುಗಳು? ಅವುಗಳ ಅರ್ಥ, ಆ ಹೆಸರಿನ ಕಾರಣ ಏನು ಗೊತ್ತಾ?

"ಪದವಿ ಮುಗಿದ ನಂತರ, ನಾನು ರೆನೆಸಾಸ್ ಎಲೆಕ್ಟ್ರಾನಿಕ್ಸ್ ಅಮೇರಿಕಾದೊಂದಿಗೆ ಎರಡೂವರೆ ವರ್ಷಗಳ ಕಾಲ ಕೆಲಸ ಮಾಡಿದ್ದೇನೆ.  ಪಿಎಚ್‌ಡಿಯೊಂದಿಗೆ ನನ್ನ ಸಂಶೋಧನೆ ಮತ್ತು ಕೌಶಲ್ಯಗಳನ್ನು ಹೆಚ್ಚಿಸಲು USF ಗೆ ಹಿಂತಿರುಗಲು ನಿರ್ಧರಿಸಿದೆ. ಸಮಾಜದಲ್ಲಿ ಸ್ಟೀರಿಯೊಟೈಪ್ ಚಿಂತನೆಗಳನ್ನು  ಮುರಿಯಲು ಎಂಜಿನಿಯರ್‌ಗಳಾಗಲು ಹೆಚ್ಚಿನ ಹುಡುಗಿಯರು ಮತ್ತು ಮಹಿಳೆಯರನ್ನು ಪ್ರೇರೇಪಿಸಲು ನಾನು ಬಯಸುತ್ತೇನೆ ಎಂದು ಅವರು ಹೊಸ ಚಿಂತನೆಯನ್ನು ಬಿತ್ತುತ್ತಾರೆ.

ನಿಮಗೆ ಬೆಂಬಲ ನೀಡುತ್ತವೆ
ಅಮೆರಿಕಾದ ವಿಶ್ವವಿದ್ಯಾನಿಲಯಗಳು ವಿದ್ಯಾರ್ಥಿಗಳು ಪದವಿಯ ನಂತರ ತಮ್ಮ ವೃತ್ತಿಜೀವನವನ್ನು ಎದುರುನೋಡಲು ಸಹಾಯ ಮಾಡುತ್ತದೆ ಎಂದು ಲೆಲೆ ಒತ್ತಿಹೇಳುತ್ತಾರೆ.  ಯು.ಎಸ್. ವಿಶ್ವವಿದ್ಯಾನಿಲಯಗಳು ವಿದ್ಯಾರ್ಥಿಗಳಿಗೆ ಯಶಸ್ಸಿಗೆ ತಯಾರಾಗಲು ಸಹಾಯ ಮಾಡಲು ಸಾಕಷ್ಟು ಸಂಪನ್ಮೂಲಗಳನ್ನು ಒದಗಿಸುತ್ತವೆ ಎಂದು ಅವರು ಹೇಳುತ್ತಾರೆ. "ಅಮೆರಿಕಾದ ಶೈಕ್ಷಣಿಕ ಸಂಸ್ಥೆಗಳಯ ಅತ್ಯಾಧುನಿಕ ವೃತ್ತಿ ನಿರ್ವಹಣಾ ಕೇಂದ್ರಗಳು, ಹಳೆಯ ವಿದ್ಯಾರ್ಥಿಗಳ ನಿರಂತರ ಸಂಪರ್ಕ ಮತ್ತು ಮಾನಸಿಕ ಮತ್ತು ದೈಹಿಕ ಆರೋಗ್ಯ ಬೆಂಬಲ ಸೇವೆಗಳಂತಹ ಹೆಚ್ಚುವರಿ ಸಂಪನ್ಮೂಲಗಳನ್ನು ಹೊಂದಿರುತ್ತವೆ. ಇದರಿಂದ ವಿದ್ಯಾರ್ಥಿಗಳ ಭಾವನಾತ್ಮಕ ಯೋಗಕ್ಷೇಮದ ಬಗ್ಗೆ ಕಾಳಜಿ ವಹಿಸುವ ಕೆಲಸ ಮಾಡುತ್ತಾರೆ ಲೆಲೆ.

ಇದನ್ನೂ ಓದಿ:  Explained: ಏನಿದು ದೆಹಲಿಯಲ್ಲಿ ಉಚಿತ ಬಸ್ ಪಾಸ್ ಯೋಜನೆ? ಇದರಿಂದ ಸರ್ಕಾರಕ್ಕೆ ಎಷ್ಟು ಹೊರೆಯಾಗುತ್ತದೆ?            

ಈ ಮಾಹಿತಿಯ ಮೂಲ ಓದಲು ಇಲ್ಲಿ ಕ್ಲಿಕ್ ಮಾಡಿ                            

ವಿದ್ಯಾರ್ಥಿಗಳು ಯುನೈಟೆಡ್ ಸ್ಟೇಟ್ಸ್​ನ ವಿಶ್ವವಿದ್ಯಾನಿಲಯಗಳಲ್ಲಿ ಸಹಿಷ್ಣುತೆ ಮತ್ತು ಸ್ವಾಗತಾರ್ಹ ವಾತಾವರಣವನ್ನು ಕಂಡುಕೊಳ್ಳುತ್ತಾರೆ. ತಮ್ಮ ಪರಿಧಿಯನ್ನು ವಿಸ್ತರಿಸಲು ಅನೇಕ ಅವಕಾಶಗಳು ಇಲ್ಲಿ ಸಿಗುತ್ತವೆ. ಯು.ಎಸ್. ವಿಶ್ವವಿದ್ಯಾನಿಲಯಗಳು ವಿದ್ಯಾರ್ಥಿ ಸಮೂಹದಲ್ಲಿ ಮತ್ತು ಅಧ್ಯಾಪಕರಲ್ಲಿ ವೈವಿಧ್ಯತೆಯನ್ನು ಉತ್ತೇಜಿಸುತ್ತವೆ. ಅಲ್ಲದೇ ಇವು ಪ್ರಪಂಚದ ಇತರ ಭಾಗಗಳ ಜನರನ್ನು ಭೇಟಿ ಮಾಡಲು ಉತ್ತಮ ಸ್ಥಳವಾಗಿದೆ ಎಂದು ಅವರು ಹೇಳುತ್ತಾರೆ.