Explainer: ಅಮೆರಿಕದಲ್ಲಿ ತೀವ್ರ ಬಿಸಿ ಗಾಳಿಯಿಂದ ಸಾವಿನ ಭೀತಿ; ನೀವು ತಿಳಿದುಕೊಳ್ಳಬೇಕಾಗಿರುವ ಮಾಹಿತಿ ಇಲ್ಲಿದೆ...

ಅಮೆರಿಕದ ಹಲವು ಪ್ರದೇಶಗಳಲ್ಲಿ ಬಿಸಿ ಗಾಳಿ ಬೀಸುತ್ತಿದ್ದು, ಅತಿಯಾದ ಶಾಖದ ಎಚ್ಚರಿಕೆ ನೀಡಲಾಗಿದೆ. ಯುಎಸ್‌ನ ರಾಷ್ಟ್ರೀಯ ಹವಾಮಾನ ಸೇವೆ ವಾಷಿಂಗ್ಟನ್ ರಾಜ್ಯ ಮತ್ತು ಒರೆಗಾನ್‌ಗೆ ಮತ್ತೊಂದು ಬಾರಿ ತೀವ್ರವಾದ ಶಾಖದ ಎಚ್ಚರಿಕೆಯನ್ನು ನೀಡಿದೆ. ಮುಂದಿನ ಭಾನುವಾರದವರೆಗೆ ಈ ಬಿಸಿ ಗಾಳಿಯಿಂದ ಆ ಪ್ರದೇಶಗಳ ಜನತೆ ನಾನಾ ಸಮಸ್ಯೆಗಳನ್ನು ಎದುರಿಸುವ ಸಾಧ್ಯತೆ ಇದೆ. ಇನ್ನು, ಈಶಾನ್ಯ ಪ್ರದೇಶಗಳಾದ ಫಿಲಡೆಲ್ಫಿಯಾದಿಂದ ಬೋಸ್ಟನ್‌ವರೆಗೆ ಸಹ ಬಿಸಿ ಗಾಳಿಯ ಬಗ್ಗೆ ಎಚ್ಚರಿಕೆಗಳನ್ನು ನೀಡಲಾಗಿದೆ. ಈ ಬಿಸಿ ಗಾಳಿಯ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ಮಾಹಿತಿ ಇಲ್ಲಿದೆ:

ಬಿಸಿ ಗಾಳಿಗೆ ಕಾರಣವೇನು?
ದೇಶದ ಹೆಚ್ಚಿನ ಭಾಗಗಳಲ್ಲಿ, ತಾಪಮಾನವು ಎರಡು ಅಥವಾ ಅದಕ್ಕಿಂತ ಹೆಚ್ಚು ದಿನಗಳವರೆಗೆ ಬಿಸಿ ಗಾಳಿ ಎಂದು ಅಧಿಕೃತವಾಗಿ ಹೇಳಲು ಅಲ್ಲಿನ ತಾಪಮಾನ ಸರಾಸರಿಗಿಂತ ಹೆಚ್ಚಿರಬೇಕು. ಆದರೆ ಈ ವ್ಯಾಖ್ಯಾನವು ಪ್ರದೇಶದಿಂದ ಬದಲಾಗಬಹುದು; ಈಶಾನ್ಯದಲ್ಲಿ ಸತತ ಮೂರು ದಿನ 90 ಡಿಗ್ರಿ ಫ್ಯಾರನ್‌ಹೀಟ್‌ ಅಥವಾ ಅದಕ್ಕಿಂತ ಹೆಚ್ಚಿನ ತಾಪಮಾನ ಇದ್ದರೆ ಇದನ್ನು ಬಿಸಿ ಗಾಳಿ ಎಂದು ಕರೆಯಬಹುದು ಎಂದು ಅಮೆರಿಕದ ರಾಷ್ಟ್ರೀಯ ಹವಾಮಾನ ಸೇವೆ ಹೇಳುತ್ತದೆ.

ವಾತಾವರಣದಲ್ಲಿನ ಹೆಚ್ಚಿನ ಒತ್ತಡವು ಬೆಚ್ಚಗಿನ ಗಾಳಿಯನ್ನು ಭೂಮಿಯ ಕಡೆಗೆ ತಳ್ಳಿದಾಗ ಬಿಸಿ ಗಾಳಿಯ ಶಾಖ ಆರಂಭವಾಗುತ್ತದೆ. ಅದು ಸಂಕುಚಿತಗೊಂಡಂತೆ ಆ ಗಾಳಿಯು ಮತ್ತಷ್ಟು ಬೆಚ್ಚಗಾಗುತ್ತದೆ, ನಂತರ ನಮಗೆ ಹೆಚ್ಚು ಶಾಖದ ಅನುಭವ ಉಂಟಾಗುತ್ತದೆ.

ಭೂಮಿಯ ಮೇಲೆ ಅಧಿಕ-ಒತ್ತಡದ ವ್ಯವಸ್ಥೆಯು ಲಂಬವಾಗಿ ವಿಸ್ತರಿಸಿದಾಗ ಇತರ ಹವಾಮಾನ ವ್ಯವಸ್ಥೆಗಳನ್ನು ಬದಲಾಯಿಸುತ್ತದೆ. ಇದು ಗಾಳಿ ಮತ್ತು ಮೋಡದ ಹೊದಿಕೆಯನ್ನು ಸಹ ಕಡಿಮೆ ಮಾಡುತ್ತದೆ, ಇದರಿಂದಾಗಿ ಗಾಳಿಯು ಹೆಚ್ಚು ಗಟ್ಟಿಯಾಗುತ್ತದೆ. ಇದಕ್ಕಾಗಿಯೇ ಬಿಸಿ ಗಾಳಿಯು ಹಲವಾರು ದಿನಗಳವರೆಗೆ ಅಥವಾ ಅದಕ್ಕಿಂತ ಹೆಚ್ಚಿನ ಸಮಯದವರೆಗೆ ಒಂದು ಪ್ರದೇಶದಲ್ಲೇ ನೆಲೆಸುತ್ತದೆ.

ಶಾಖ ಗುಮ್ಮಟ ಎಂದರೇನು..?
ಭೂಮಿಯು ಬೆಚ್ಚಗಾಗುತ್ತಿದ್ದಂತೆ, ಅದು ತೇವಾಂಶವನ್ನು ಕಳೆದುಕೊಳ್ಳುತ್ತದೆ, ಇದರಿಂದಾಗಿ ಮತ್ತಷ್ಟು ಬಿಸಿ ಮಾಡಲು ಸುಲಭವಾಗುತ್ತದೆ. ಮತ್ತು ಬರಪೀಡಿತ ಪಶ್ಚಿಮದ ಪ್ರದೇಶದಲ್ಲಿ, ಮೊದಲೇ ಸಾಕಷ್ಟು ಬಿಸಿ ಇದ್ದು, ಇಲ್ಲಿ ಅಧಿಕ ಒತ್ತಡದ ವ್ಯವಸ್ಥೆಯಿಂದ ಬಿಸಿ ಗಾಳಿ ಇನ್ನೂ ಹೆಚ್ಚಾಗಬಹುದು.

ಇದನ್ನೂ ಓದಿ: Petrol Price Today: ಭಾರತದಲ್ಲಿ ಹೊಸ ದಾಖಲೆ ಬರೆದ ಪೆಟ್ರೋಲ್- ಡೀಸೆಲ್ ಬೆಲೆ; ನಿಮ್ಮ ಸಿಟಿಯಲ್ಲಿ ಇಂದು Fuel Price ಎಷ್ಟು?

ಈ ರೀತಿ ಭೂಮಿಯಲ್ಲಿ ಸಿಕ್ಕಿಬಿದ್ದ ಶಾಖವು ಬೆಚ್ಚಗಾಗುತ್ತಲೇ ಇರುವುದರಿಂದ, ಮಡಕೆಯ ಮೇಲೆ ಮುಚ್ಚಳದಂತೆ ವ್ಯವಸ್ಥೆಯು ಕಾರ್ಯನಿರ್ವಹಿಸುತ್ತದೆ. - ಇದರಿಂದ ಶಾಖ ಗುಮ್ಮಟ ಎಂಬ ಹೆಸರನ್ನು ಗಳಿಸಿದೆ. ಪೆಸಿಫಿಕ್ ವಾಯುವ್ಯದಲ್ಲಿ, ಶಾಖ ಮತ್ತು ಬರ ಎರಡರ ಸಾಂಗತ್ಯದಿಂದ ಈ ಬಿಸಿ ಗಾಳಿಯ ಸಮಸ್ಯೆಯನ್ನು ಉಲ್ಬಣಗೊಳಿಸುತ್ತದೆ ಮತ್ತು ದಿನದಿಂದ ದಿನಕ್ಕೆ ಹೆಚ್ಚು ತಾಪಮಾನ ದಾಖಲಾಗುತ್ತಾ ಹೋಗುತ್ತದೆ.

ಉತ್ತರ ಅಮೆರಿಕದ ಯಾವ ಸ್ಥಳಗಳಲ್ಲಿ ಪ್ರಸ್ತುತ ಬಿಸಿ ಗಾಳಿಯ ಅನುಭವವಾಗುತ್ತಿದೆ..?
ಪೋರ್ಟ್‌ಲ್ಯಾಂಡ್‌ನ ನೈರುತ್ಯ ದಿಕ್ಕಿನಲ್ಲಿ 45 ಮೈಲಿ ದೂರದಲ್ಲಿರುವ ಒರೆಗಾನ್‌ನ ಸಲಂನಲ್ಲಿ ಸೋಮವಾರ ಮಧ್ಯಾಹ್ನ ಗರಿಷ್ಠ ತಾಪಮಾನ 117 ಡಿಗ್ರಿ ಫ್ಯಾರನ್‌ಹೀಟ್‌ಗೆ ತಲುಪಿತ್ತು, ಇದು ಆ ನಗರದ ದಾಖಲೆಯಾಗಿದೆ ಎಂದು ರಾಷ್ಟ್ರೀಯ ಹವಾಮಾನ ಸೇವೆ ತಿಳಿಸಿದೆ. ಪೋರ್ಟ್‌ಲ್ಯಾಂಡ್‌ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ, ಭಾನುವಾರ 112 ಡಿಗ್ರಿ ಫ್ಯಾರನ್‌ಹೀಟ್‌ ಮತ್ತು ಸೋಮವಾರ 115 ಡಿಗ್ರಿ ಫ್ಯಾರನ್‌ಹೀಟ್‌ ತಾಪಮಾನವಿತ್ತು. ಸೋಮವಾರ ಈ ವಿಮಾನ ನಿಲ್ದಾಣದಲ್ಲಿ ದಾಖಲಾದ ಈ ತಾಪಮಾನ ಅತಿ ಹೆಚ್ಚು ಎಂದೂ ಹೇಳಲಾಗಿದೆ.

ಕೆನಡಾದಲ್ಲಿ ಸಹ ಬಿಸಿ ಗಾಳಿಯ ಅನುಭವ ಹೆಚ್ಚಾಗಿದ್ದು, ಅಲ್ಲಿನ ಬ್ರಿಟಿಷ್ ಕೊಲಂಬಿಯಾದ ಒಂದು ಸಣ್ಣ ಪಟ್ಟಣದಲ್ಲಿನ ಭಾನುವಾರದ ತಾಪಮಾನವು ಸುಮಾರು 116 ಡಿಗ್ರಿ ಫ್ಯಾರನ್‌ಹೀಟ್‌ ತಲುಪಿ ಅಲ್ಲಿನ 84 ವರ್ಷದ ರಾಷ್ಟ್ರೀಯ ದಾಖಲೆಯನ್ನು ಮುರಿಯಿತು.

ಇದನ್ನೂ ಓದಿ: Karnataka Weather Today: ಮಲೆನಾಡು, ಕರಾವಳಿ ಸೇರಿ ರಾಜ್ಯಾದ್ಯಂತ ಇಂದು ಮಳೆಯ ಆರ್ಭಟ

ವಾಯುವ್ಯದಿಂದ ಪ್ರತ್ಯೇಕ ಹವಾಮಾನ ವ್ಯವಸ್ಥೆಯಡಿಯಲ್ಲಿ ಈಶಾನ್ಯವು ಮೂರು ದಿನಗಳ ಬಿಸಿ ಗಾಳಿಯ ಮಧ್ಯದಲ್ಲಿದ್ದು, ಗುರುವಾರ ಕೊನೆಗೊಳ್ಳುವ ನಿರೀಕ್ಷೆಯಿದೆ. ಬೋಸ್ಟನ್ ಸೋಮವಾರ 97 ಡಿಗ್ರಿ ಫ್ಯಾರನ್‌ಹೀಟ್‌ ತಲುಪಿದ್ದು, ಆ ದಿನಾಂಕದಲ್ಲಿ ಹಿಂದಿನ ವರ್ಷಗಳನ್ನು ಹೋಲಿಸಿದರೆ ಇದೂ ದಾಖಲೆಯೇ ಎಂದು ಯುಎಸ್‌ನ ರಾಷ್ಟ್ರೀಯ ಹವಾಮಾನ ಸೇವೆ ತಿಳಿಸಿದೆ.

ಉತ್ತರ ಅಮೆರಿಕದಲ್ಲಿ ಸಾಮಾನ್ಯಕ್ಕಿಂತ ಏಕೆ ಬಿಸಿಯಾಗಿರುತ್ತದೆ..?
1900 ರಿಂದ ಜಗತ್ತು 1 ಡಿಗ್ರಿ ಸೆಲ್ಸಿಯಸ್‌ಗಿಂತಲೂ ಹೆಚ್ಚು (ಸುಮಾರು 1.8 ಡಿಗ್ರಿ ಫ್ಯಾರನ್‌ಹೀಟ್) ಹೆಚ್ಚು ಬಿಸಿಯಾಗಿದೆ ಮತ್ತು ಇತ್ತೀಚಿನ ದಶಕಗಳಲ್ಲಿ ತಾಪಮಾನ ಏರಿಕೆಯ ವೇಗ ಹೆಚ್ಚಾಗಿರುವ ಬಗ್ಗೆ ನಾವು ಕೆಲ ವರ್ಷಗಳಿಂದಲೂ ತಿಳಿದಿದ್ದೇವೆ. ಈ ಬೆಚ್ಚಗಿನ ಬೇಸ್‌ಲೈನ್‌ ವಿಪರೀತ-ಹವಾಮಾನ ಘಟನೆಗಳಿಗೆ ಕೊಡುಗೆ ನೀಡುತ್ತದೆ ಮತ್ತು ವಿಪರೀತ ಶಾಖದ ಅವಧಿಗಳನ್ನು ಆಗಾಗ್ಗೆ, ದೀರ್ಘ ಮತ್ತು ಹೆಚ್ಚು ತೀವ್ರವಾಗಿ ಜನರನ್ನು ಕಾಡುವಂತೆ ಮಾಡಲು ಸಹಾಯ ಮಾಡುತ್ತದೆ.

ಯುಎಸ್‌ ಬಿಸಿ ಗಾಳಿ ಯಾವಾಗ ಅಂತ್ಯಗೊಳ್ಳುತ್ತದೆ..?
ಪೆಸಿಫಿಕ್ ವಾಯುವ್ಯದಲ್ಲಿ ಮುಂದಿನ ವಾರದಲ್ಲಿ ತಾಪಮಾನವು ಹೆಚ್ಚು ಬಿಸಿಯಾಗಿರುತ್ತದೆ ಎಂದು ಹವಾಮಾನ ತಜ್ಞರು ಮುನ್ಸೂಚನೆ ನೀಡಿದ್ದು, ಪೋರ್ಟ್‌ಲ್ಯಾಂಡ್‌ನಲ್ಲಿ ತಾಪಮಾನವು ಸ್ವಲ್ಪ ಮಟ್ಟಿಗೆ ಕಡಿಮೆಯಾಗುತ್ತಿದ್ದರೂ, ಈ ವಾರದ ನಂತರ 85 ಫ್ಯಾರನ್‌ಹೀಟ್‌ ಆಸುಪಾಸು ತಲುಪುವ ನಿರೀಕ್ಷೆಯಿದೆ ಎಂದು ಪೋರ್ಟ್‌ಲ್ಯಾಂಡ್‌ನಲ್ಲಿನ ರಾಷ್ಟ್ರೀಯ ಹವಾಮಾನ ಸೇವೆಯ ಹವಾಮಾನಶಾಸ್ತ್ರಜ್ಞ ಕ್ಲಿಂಟನ್ ರಾಕಿ ಹೇಳಿದ್ದಾರೆ. ಒಟ್ಟಾರೆ ಮುಂದಿನ ಮಂಗಳವಾರದವರೆಗೆ ತಾಪಮಾನವು ಸರಾಸರಿಗಿಂತ 10 ರಿಂದ 20 ಡಿಗ್ರಿ ಫ್ಯಾರನ್‌ಹೀಟ್‌ಗಳಷ್ಟು ಹೆಚ್ಚಿರುತ್ತದೆ.

ಸಂಭವನೀಯ ವಿದ್ಯುತ್ ಕಡಿತದಿಂದ ನನ್ನನ್ನುನಾನು ಹೇಗೆ ರಕ್ಷಿಸಿಕೊಳ್ಳಬಹುದು..?
ಸಿಯಾಟಲ್‌ನಲ್ಲಿ, ಈ ತಿಂಗಳವರೆಗೆ ಕಳೆದ ಶತಮಾನದ ಅಧಿಕೃತ ಹವಾಮಾನ ಕೇಂದ್ರಗಳು 100 ಡಿಗ್ರಿ ಫ್ಯಾರನ್‌ಹೀಟ್‌ಗಳನ್ನು ಮೀರಿದ ಮೂರು ದಿನಗಳನ್ನು ದಾಖಲಿಸಿದ್ದವು. ಇಲ್ಲಿನ ನಿವಾಸಿಗಳು ಈಗ ಇತ್ತೀಚೆಗೆ ಹವಾನಿಯಂತ್ರಣ ಘಟಕಗಳನ್ನು ಖರೀದಿಸಿದ್ದಾರೆ. ಪೆಸಿಫಿಕ್ ವಾಯುವ್ಯದಲ್ಲಿ ಯಾವುದೇ ಪ್ರಮುಖ ಪವರ್‌ ಕಟ್‌ ಇಲ್ಲದಿದ್ದರೂ, ಕಟ್ಟಡಗಳನ್ನು ತಂಪಾಗಿಸಲು ಮತ್ತು ನಿರ್ಜಲೀಕರಣಗೊಳಿಸಲು ಹೆಚ್ಚಿನ ವಿದ್ಯುತ್ ಶಕ್ತಿಯ ಬೇಡಿಕೆಗಳೊಂದಿಗೆ ವಿದ್ಯುತ್ ಗ್ರಿಡ್ ಓವರ್‌ಲೋಡ್ ಆಗಬಹುದು.

ಈ ಹಿನ್ನೆಲೆ ವಿದ್ಯುತ್ ಬೇಡಿಕೆ ಕಡಿಮೆ ಮಾಡಲು ಸಹಾಯ ಮಾಡಲು, ಥರ್ಮೋಸ್ಟ್ಯಾಟ್‌ ಅನ್ನು ಕೆಲವು ಡಿಗ್ರಿಗಳಷ್ಟು ಹೆಚ್ಚಿಸಿ ಮತ್ತು ವಿಂಡೋ ಶೇಡ್‌, ಬ್ಲೈಂಡ್‌ಗಳನ್ನು ಮುಚ್ಚಿ. ದಿನದ ಅತ್ಯಂತ ಬಿಸಿಯಾದ ಸಮಯದಲ್ಲಿ ಓವನ್‌, ವಾಷಿಂಗ್ ಮಶಿನ್ ಮತ್ತು ಡ್ರೈಯರ್‌ಗಳಂತಹ ದೊಡ್ಡ ಉಪಕರಣಗಳನ್ನು ಬಳಸುವುದನ್ನು ಕಡಿಮೆ ಮಾಡಿ ಮತ್ತು ಬಳಕೆಯಲ್ಲಿಲ್ಲದ ಎಲ್ಲಾ ಲೈಟ್‌ಗಳು ಮತ್ತು ಎಲೆಕ್ಟ್ರಾನಿಕ್ ಸಾಧನಗಳನ್ನು ಆಫ್ ಮಾಡಿ. ಇನ್ನು, ನಿಮ್ಮ ವಿದ್ಯುತ್‌ ಶಕ್ತಿಯ ಸುಮಾರು ಶೇ. 18 ರಷ್ಟು ವಿದ್ಯುತ್ ನೀರು ಬಿಸಿ ಮಾಡಿಕೊಳ್ಳುವುದರಿಂದಲೇ ಆಗುತ್ತದೆ. ಈ ಹಿನ್ನೆಲೆ ಕಡಿಮೆ ಅಥವಾ ತನ್ಣೀರಿನ ಸ್ನಾನವನ್ನು ಪರಿಗಣಿಸಿ ಎಂದು ಅಲ್ಲಿನ ಇಂಧನ ಇಲಾಖೆ ಸೂಚಿಸುತ್ತದೆ.