• Home
  • »
  • News
  • »
  • explained
  • »
  • Explained: ಕೆಮ್ಮಿನ ಸಿರಪ್ ಮಕ್ಕಳಿಗೆ ಮಾರಕವಾಗುತ್ತಿರುವುದು ಏಕೆ? WHO ಹೇಳೋದೇನು?

Explained: ಕೆಮ್ಮಿನ ಸಿರಪ್ ಮಕ್ಕಳಿಗೆ ಮಾರಕವಾಗುತ್ತಿರುವುದು ಏಕೆ? WHO ಹೇಳೋದೇನು?

ಕೆಮ್ಮಿನ ಸಿರಪ್

ಕೆಮ್ಮಿನ ಸಿರಪ್

ಇತ್ತೀಚಿನ ಗ್ಯಾಂಬಿಯಾ ವಿವಾದವು ಸಾಮೂಹಿಕ ಗ್ಲೈಕೋಲ್ ವಿಷದ ಭಾರತದ ನಾಲ್ಕನೇ ಪ್ರಕರಣವಾಗಿದೆ. 1973 ರಲ್ಲಿ ಎಗ್ಮೋರ್‌ನ ಚೆನ್ನೈನ ಮಕ್ಕಳ ಆಸ್ಪತ್ರೆಯಲ್ಲಿ 14 ಮಕ್ಕಳು ಇದೇ ಕಾರಣದಿಂದಾಗಿ ಸಾವನ್ನಪ್ಪಿದ್ದರು.

  • Share this:

ಮಕ್ಕಳಿಗೆ ಕೆಮ್ಮು(Cough), ನೆಗಡಿ ಬಂದಾಗ ಅದಕ್ಕೆ ನೀಡುವ ಔಷಧಿಗಳನ್ನು ಮಕ್ಕಳಿಗೆ ಕೊಡಲು ಪೋಷಕರು(Parents) ಮೀನಾಮೇಷ ಎಣಿಸುವಂತಾಗಿದೆ. ಇಂತಹ ಔಷಧಿಗಳ ಬಗ್ಗೆ ಪಾಲಕರ ಆತಂಕ ಹೆಚ್ಚಾಗಿದೆ ಎನ್ನಬಹುದು. ಕಾರಣ ಇಷ್ಟೇ ಇತ್ತೀಚೆಗೆ ನಡೆದ ಕೆಲ ದುರಂತಗಳು. ಗ್ಯಾಂಬಿಯಾದಲ್ಲಿ(Gambia) ನಡೆದ 66 ಮಕ್ಕಳ ಸಾವಿನ ಪ್ರಕರಣವಾಗಿರಬಹುದು, ಉಜ್ಬೇಕಿಸ್ತಾನ್‌ನಲ್ಲಿ ಸಂಭವಿಸಿದ 19 ಮಕ್ಕಳ ಸಾವು ಮತ್ತು ಮುಂಬೈನಲ್ಲಿ(Mumbai) ಔಷಧಿ ಕುಡಿದು ಕೆಲ ಹೊತ್ತು ಪ್ರಜ್ಞೆ ತಪ್ಪಿದ್ದ ಮಗುವಿನ ಪ್ರಕರಣವಾಗಿರಬಹುದು, ಈ ಎಲ್ಲಾ ಘಟನೆಗಳು ಜಗತ್ತನ್ನೇ ಬೆಚ್ಚಿ ಬೀಳಿಸುತ್ತಿವೆ.


ಕೆಮ್ಮಿನ ಔಷಧಿ ಸೇವಿಸಿದ ಮಕ್ಕಳ ದಾರುಣ ಸಾವು


ಗ್ಯಾಂಬಿಯಾದಲ್ಲಿ ಭಾರತ ಮೂಲದ ಔಷಧಿ ಕಂಪನಿ ತಯಾರಿಸಿದ ಕೆಮ್ಮಿನ ಔಷಧಿ ಕುಡಿದು ಮಕ್ಕಳು ಸಾವನ್ನಪ್ಪಿರುವ ಘಟನೆ ಮರೆಮಾಚುವಷ್ಟರಲ್ಲಿ ಉಜ್ಬೇಕಿಸ್ತಾನ್‌ನಲ್ಲಿ ಮತ್ತೊಂದು ವರದಿಯಾಗಿತ್ತು.


ಉಜ್ಬೇಕಿಸ್ತಾನ್‌ನ ಆರೋಗ್ಯ ಸಚಿವಾಲಯವು ಭಾರತೀಯ ಔಷಧೀಯ ಕಂಪನಿಯೊಂದು ತಯಾರಿಸಿದ ಔಷಧಿಗಳನ್ನು ಸೇವಿಸಿ ದೇಶದಲ್ಲಿ 18 ಮಕ್ಕಳು ಸಾವನ್ನಪ್ಪಿರುವುದಾಗಿ ಹೇಳಿಕೆ ಬಹಿರಂಗಪಡಿಸಿತ್ತು.


ಉಜ್ಬೇಕಿಸ್ತಾನ್‌ನಲ್ಲಿ ನಡೆದ ದುರಂತ ಏನು?


ಉಜ್ಬೇಕಿಸ್ತಾನ್‌ನಲ್ಲಿ ನೋಯ್ಡಾ ಮೂಲದ ಮರಿಯನ್ ಬಯೋಟೆಕ್ ತಯಾರಿಸಿದ ಕೆಮ್ಮಿನ ಸಿರಪ್ ಕುಡಿದು ತೀವ್ರ ಉಸಿರಾಟದ ಕಾಯಿಲೆಯಿಂದ ಬಳಲುತ್ತಿದ್ದ 18 ಮಕ್ಕಳು ಸಾವನ್ನಪ್ಪಿದ್ದರು, ಇದಾದ ನಂತರ ವಿಶ್ವ ಆರೋಗ್ಯ ಸಂಸ್ಥೆ (WHO) ಮಕ್ಕಳಿಗೆ ಈ ಸಿರಪ್‌ಗಳನ್ನು ಬಳಸದಂತೆ ಸಲಹೆ ನೀಡಿದೆ.



ಉಸಿರಾಟದ ತೊಂದರೆ ಇರುವ ಮಕ್ಕಳಿಗೆ ಡಾಕ್-1 ಮ್ಯಾಕ್ಸ್ ಔಷಧವನ್ನು ನೀಡಲಾಗಿದ್ದು, ಈ ಔಷಧಿಯನ್ನು ಭಾರತದಲ್ಲಿ ತಯಾರಿಸಲಾಗುತ್ತದೆ. ಔಷಧಿ ನೀಡಿದ ಬಳಿಕ 21 ಮಕ್ಕಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಈ ಪೈಕಿ 18 ಮಕ್ಕಳು ಸಾವನ್ನಪ್ಪಿದ್ದಾಗಿ ವರದಿಗಳು ಹೇಳಿವೆ.


ಡಾಕ್-1 ಮ್ಯಾಕ್ಸ್ ಔಷಧ ಸೇವಿಸಿ ಸಾವು


ಡಾಕ್-1 ಮ್ಯಾಕ್ಸ್ ಸಿರಪ್‌ನ ಈ ಸರಣಿಯು ಎಥಿಲೀನ್ ಗ್ಲೈಕೋಲ್ ಎಂಬ ವಿಷಕಾರಿ ಪದಾರ್ಥವನ್ನು ಹೊಂದಿದ್ದು, ಇದು ಮಕ್ಕಳಿಗೆ ವಿಷಕಾರಿಯಾಗಿದೆ.


WHO ಬುಧವಾರ ನೀಡಿದ ವೈದ್ಯಕೀಯ ಉತ್ಪನ್ನ ಎಚ್ಚರಿಕೆಯಲ್ಲಿ "ಮರಿಯನ್ ಬಯೋಟೆಕ್‌ನಿಂದ ತಯಾರಿಸಲ್ಪಟ್ಟ ಗುಣಮಟ್ಟದ ವೈದ್ಯಕೀಯ ಉತ್ಪನ್ನಗಳು, ಗುಣಮಟ್ಟದ ಮಾನದಂಡಗಳು ಅಥವಾ ವಿಶೇಷಣಗಳನ್ನು ಪೂರೈಸಲು ವಿಫಲವಾಗಿವೆ" ಎಂದು ಹೇಳಿದೆ.


ಭಾರತದ ಔಷಧೀಯ ಸಂಸ್ಥೆ ಮರಿಯನ್ ಬಯೋಟೆಕ್ ತಯಾರಿಸಿದ ಕೆಮ್ಮಿನ ಸಿರಪ್ ಸೇವನೆಯಿಂದ ಮಧ್ಯ ಏಷ್ಯಾ ರಾಷ್ಟ್ರದಲ್ಲಿ 19 ಮಕ್ಕಳು ಸಾವನ್ನಪ್ಪಿದ್ದಾರೆ ಎಂದು ಉಜ್ಬೇಕಿಸ್ತಾನ್ ಸರ್ಕಾರ ಆರೋಪಿಸಿದೆ.


ಸಾವನ್ನಪ್ಪಿದ ಮಕ್ಕಳನ್ನು ಆಸ್ಪತ್ರೆಗೆ ಸೇರಿಸುವ ಮೊದಲು, ಈ ಔಷಧಿಯನ್ನು ಮನೆಯಲ್ಲಿ 2-7 ದಿನಗಳವರೆಗೆ ದಿನಕ್ಕೆ 3-4 ಬಾರಿ ಕೊಡಲಾಗಿತ್ತು ಎಂದು ಮೂಲಗಳು ತಿಳಿಸಿವೆ.


“ವೈದ್ಯರ ಪ್ರಿಸ್ಕ್ರಿಪ್ಷನ್ ಇಲ್ಲದೆ ಎಲ್ಲಾ ಮಕ್ಕಳಿಗೆ ಔಷಧವನ್ನು ನೀಡಲಾಯಿತು. ಔಷಧದ ಮುಖ್ಯ ಅಂಶವು ಪ್ಯಾರಸಿಟಮಾಲ್ ಆಗಿರುವುದರಿಂದ, ಡಾಕ್ -1 ಮ್ಯಾಕ್ಸ್ ಸಿರಪ್ ಅನ್ನು ಪೋಷಕರು ತಮ್ಮದೇ ಆದ ಅಥವಾ ಫಾರ್ಮಸಿ ಮಾರಾಟಗಾರರ ಶಿಫಾರಸಿನ ಮೇರೆಗೆ ಶೀತ ಗುಣಮುಖವಾಲು ತಪ್ಪಾಗಿ ಬಳಸಿದ್ದಾರೆ. ಮಕ್ಕಳ ಸ್ಥಿತಿ ಇನ್ನಷ್ಟು ಕೈಮೀರಲು ಇದು ಪ್ರಮುಖ ಕಾರಣ" ಎಂದು ಉಜ್ಬೆಕ್ ಸಚಿವಾಲಯ ಹೇಳಿದೆ.


ಎಥಿಲೀನ್ ಗ್ಲೈಕೋಲ್ ಹೊಂದಿದ್ದ ಡಾಕ್-1 ಮ್ಯಾಕ್ಸ್


"ಪ್ರಾಥಮಿಕ ಪ್ರಯೋಗಾಲಯ ಅಧ್ಯಯನಗಳು ಡಾಕ್-1 ಮ್ಯಾಕ್ಸ್ ಸಿರಪ್‌ನ ಈ ಸರಣಿಯು ಎಥಿಲೀನ್ ಗ್ಲೈಕೋಲ್ ಅನ್ನು ಹೊಂದಿರುತ್ತದೆ. ಈ ಕುರಿತು ಪ್ರಾಥಮಿಕ ಪ್ರಯೋಗಾಲಯ ಅಧ್ಯಯನಗಳು ತಿಳಿಸಿದೆ" ಎಂದು ಉಜ್ಬೇಕಿಸ್ತಾನ್ ಆರೋಗ್ಯ ಸಚಿವಾಲಯ ತಿಳಿಸಿದೆ.


ಇದನ್ನೂ ಓದಿ: Explainer: ಭೂಕುಸಿತಕ್ಕೆ ಬೆಚ್ಚಿಬಿದ್ದ ಹಿಂದೂಗಳ ಪ್ರಸಿದ್ಧ ಯಾತ್ರಾ ಸ್ಥಳ ಜೋಶಿಮಠ: ಈ ಅಧೋಗತಿಗೆ ಕಾರಣ ಏನು?


“ಈ ಸಿರಪ್‌ ವಿಷಕಾರಿಯಾಗಿದೆ, ಮತ್ತು ಸುಮಾರು 1-2 ಮಿಲಿ / ಕೆಜಿ 95% ಕೇಂದ್ರೀಕೃತ ದ್ರಾವಣವು ರೋಗಿಯ ಆರೋಗ್ಯದಲ್ಲಿ ಗಂಭೀರ ಬದಲಾವಣೆಗಳನ್ನು ಉಂಟುಮಾಡಬಹುದು, ಉದಾಹರಣೆಗೆ ವಾಂತಿ, ಮೂರ್ಛೆ, ಸೆಳೆತ, ಹೃದಯರಕ್ತನಾಳದ ಸಮಸ್ಯೆಗಳು ಮತ್ತು ತೀವ್ರ ಮೂತ್ರಪಿಂಡ ವೈಫಲ್ಯವಾಗಬಹುದು" ಎಂದು ಸಚಿವಾಲಯ ಹೇಳಿದೆ.


ಘಟನೆಗಳನ್ನೆಲ್ಲಾ ಆಧರಿಸಿ ನೋಡಿದಾಗ ಮಕ್ಕಳಿಗೆ ಕೆಮ್ಮಿನ ಸಿರಪ್ ಮಾರಕವಾಗುವಂತದ್ದು ಔಷಧಿಯಲ್ಲಿ ಏನಿರುತ್ತದೆ ಎಂದು ಪ್ರಶ್ನೆ ಉದ್ಭವಿಸುತ್ತಿದೆ. ಇದಕ್ಕೆ ವೈದ್ಯಲೋಕ, ವಿಶ್ವ ಆರೋಗ್ಯ ಸಂಸ್ಥೆ, ರಸಾಯನಶಾಸ್ತ್ರಜ್ಞರು ನೀಡಿರುವ ಉತ್ತರ ಹೀಗಿದೆ.


ಮಕ್ಕಳಿಗೆ ನೀಡಿದ್ದ ಕೆಮ್ಮಿನ ಸಿರಪ್‌ನಲ್ಲಿ ಮಾರಕವಾದ ಅಂಶ ಯಾವುದು?


ವಿಶ್ವ ಆರೋಗ್ಯ ಸಂಸ್ಥೆಯು ಅಕ್ಟೋಬರ್‌ನಲ್ಲಿ ಎಥಿಲೀನ್ ಗ್ಲೈಕೋಲ್ ಮತ್ತು ಡೈಥಿಲೀನ್ ಗ್ಲೈಕೋಲ್ ಅನ್ನು ವಿಷಕಾರಿ ಕಲ್ಮಶಗಳಾಗಿ ನಾಲ್ಕು ಕೆಮ್ಮಿನ ಸಿರಪ್ ಮಾದರಿಗಳಲ್ಲಿ (ಹರಿಯಾಣದ ಮೇಡನ್ ಫಾರ್ಮಾಸ್ಯುಟಿಕಲ್ಸ್ ತಯಾರಿಸಿದೆ) ಗ್ಯಾಂಬಿಯಾದಲ್ಲಿ 70 ಮಕ್ಕಳ ಸಾವಿಗೆ ಸಂಬಂಧಿಸಿದೆ ಎಂದು ಎಚ್ಚರಿಸಿತ್ತು.


ಆದರೆ ಭಾರತದಲ್ಲಿ ತಯಾರಿಸಲಾದ ಕೆಮ್ಮಿನ ಸಿರಪ್‌ಗಳಲ್ಲಿ ಇಜಿ ಮತ್ತು ಡಿಇಜಿ ಕಂಡುಬಂದಿರುವುದು ಇದೇ ಮೊದಲಲ್ಲ, ಏಕೆಂದರೆ ಈ ಹಿಂದೆ ಮಾರಣಾಂತಿಕ ಪರಿಣಾಮಗಳೊಂದಿಗೆ ಇದೇ ರೀತಿಯ ಪ್ರಕರಣಗಳು ನಡೆದಿವೆ.


ಎಥಿಲೀನ್ ಗ್ಲೈಕಾಲ್, ಡೈಥಿಲೀನ್ ಗ್ಲೈಕಾಲ್


ಎಥಿಲೀನ್ ಗ್ಲೈಕೋಲ್, ಡೈಥಿಲೀನ್ ಗ್ಲೈಕೋಲ್ ಎರಡೂ ಭಾರಿ ಅಪಾಯಕಾರಿ ಅಂಶಗಳು. WHO ಪ್ರಕಾರ, ಡೈಥಿಲೀನ್ ಗ್ಲೈಕೋಲ್ ಮತ್ತು ಎಥಿಲೀನ್ ಗ್ಲೈಕೋಲ್ ಮನುಷ್ಯರಿಗೆ ವಿಷಕಾರಿ ಮತ್ತು ಸೇವಿಸಿದರೆ ಮಾರಕವಾಗಬಹುದು ಎಂದು ಹೇಳಿದೆ.


ಈ ಎರಡೂ ವಿಷಕಾರಿ ಪದಾರ್ಥಗಳನ್ನು ಸೇವಿಸಿದ್ದಲ್ಲಿ ವಾಂತಿ, ಅತಿಸಾರ, ಮೂತ್ರವಿಸರ್ಜನೆಗೆ ಅಡಚಣೆ, ತಲೆನೋವು, ಬದಲಾದ ಮಾನಸಿಕ ಸ್ಥಿತಿ ಮತ್ತು ಮೂತ್ರಪಿಂಡದ ಗಾಯ ಉಂಟಾಗಬಹುದು, ಇದು ಕೊನೆಗೆ ಸಾವಿನ ಮೂಲಕ ಮುಕ್ತಾಯವಾಗಬಹುದು ಎಂದು ತಿಳಿಸಿದೆ.


ಇವು ವಿಷಕಾರಿ ಪದಾರ್ಥಗಳು


ಡೈಥಿಲೀನ್ ಗ್ಲೈಕೋಲ್ ಮತ್ತು ಎಥಿಲೀನ್ ಗ್ಲೈಕೋಲ್ ಎರಡೂ ಅಕ್ರಮ ಕಲಬೆರಕೆಗಳಾಗಿವೆ, ಇದು ದ್ರವ ಔಷಧಿಗಳಲ್ಲಿ ದ್ರಾವಕಗಳಾಗಿ ಕಂಡುಬರುತ್ತದೆ.


ಯುನೈಟೆಡ್ ಸ್ಟೇಟ್ಸ್ ನ್ಯಾಷನಲ್ ಸೆಂಟರ್ ಫಾರ್ ಬಯೋಟೆಕ್ನಾಲಜಿ ಮಾಹಿತಿಯ ಪ್ರಕಾರ, ಕೆಮ್ಮು ಸಿರಪ್‌ಗಳಲ್ಲಿ ಗ್ಲಿಸರಿನ್ (ಗ್ಲಿಸರಾಲ್ ಎಂದೂ ಕರೆಯುತ್ತಾರೆ) ಮತ್ತು ಪ್ರೊಪಿಲೀನ್ ಗ್ಲೈಕೋಲ್‌ನಂತಹ ಸಾಮಾನ್ಯ ದ್ರಾವಕಗಳನ್ನು ನೀರಿನಲ್ಲಿ ಕರಗದ ಪ್ಯಾರೆಸಿಟಮಾಲ್ ಅಥವಾ ಅಸೆಟಾಮಿನೋಫೆನ್‌ಗೆ ದ್ರವ ಒದಗಿಸಲು ಬಳಸಲಾಗುತ್ತದೆ;


ಈ ದ್ರಾವಕಗಳು ಸಂರಕ್ಷಕಗಳು, ದಪ್ಪಕಾರಿಗಳು, ಸಿಹಿಕಾರಕಗಳು ಮತ್ತು ಆಂಟಿಮೈಕ್ರೊಬಿಯಲ್ ಏಜೆಂಟ್‌ಗಳಾಗಿ (NCBI) ಕಾರ್ಯನಿರ್ವಹಿಸುತ್ತವೆ.


ವೈದ್ಯಕೀಯ ತಜ್ಞರ ಪ್ರಕಾರ, ತಯಾರಕರು ಕೆಲವೊಮ್ಮೆ ಡೈಥಿಲೀನ್ ಗ್ಲೈಕೋಲ್ ಮತ್ತು ಎಥಿಲೀನ್ ಗ್ಲೈಕೋಲ್ ಅನ್ನು ವಿಷಕಾರಿಯಲ್ಲದ ದ್ರಾವಕಗಳಾದ ಗ್ಲಿಸರಿನ್ ಅಥವಾ ಪ್ರೊಪಿಲೀನ್ ಗ್ಲೈಕೋಲ್ ಗಳಿಗೆ ಪರ್ಯಾಯವಾಗಿ ಬಳಸಬಹುದು.


ಅಥವಾ ಕೆಲವೊಮ್ಮೆ ತಯಾರಕರು ಗ್ಲಿಸರಿನ್ ಅಥವಾ ಪ್ರೊಪಿಲೀನ್ ಗೆ ಅದರ ಪರ್ಯಾಯವಾಗಿ ಇತರೆ ಅಗ್ಗದ ವಾಣಿಜ್ಯ ದರ್ಜೆಯ ಆವೃತ್ತಿಗಳನ್ನು ಬದಲಿಸಬಹುದು ಹಾಗೂ ಇದು ಡೈಥಿಲೀನ್ ಗ್ಲೈಕೋಲ್ ಮತ್ತು ಎಥಿಲೀನ್ ಗ್ಲೈಕೋಲ್ ಅನ್ನು ಒಳಗೊಂಡಿರಬಹುದು, ಇದು ಅಂತಿಮವಾಗಿ ಅಪಾಯಕ್ಕೆ ಕಾರಣವಾಗಬಹುದು ಎನ್ನುತ್ತಾರೆ.


ಕೆಲ ಗಂಟೆಗಳಲ್ಲಿಯೇ ಸಾವಿಗೆ ಕಾರಣವಾಗುತ್ತದೆ ಡೈಥಿಲೀನ್ ಗ್ಲೈಕೋಲ್ ಹೊಂದಿರುವ ಔಷಧಿ


"ಇದರ ವಿಷತ್ವದ ಕಾರಣ, ಇದನ್ನು (ಡೈಥಿಲೀನ್ ಗ್ಲೈಕೋಲ್) ಆಹಾರ ಅಥವಾ ಔಷಧಿಗಳಲ್ಲಿ ಅನುಮತಿಸಲಾಗುವುದಿಲ್ಲ" ಎಂದು ಮಧುಕರ್ ರೇನ್ಬೋ ಚಿಲ್ಡ್ರನ್ಸ್ ಆಸ್ಪತ್ರೆಯ ಶಿಶುವೈದ್ಯ ಡಾ. ಪವನ್ ಕುಮಾರ್ ಹೇಳಿದ್ದಾರೆ.


ಆದಾಗ್ಯೂ, ಅದರ ಕರಗುವಿಕೆಯಿಂದಾಗಿ, ಕೆಲವು ಔಷಧಿ ತಯಾರಕರು ಅನುಚಿತವಾಗಿ ಕೆಮ್ಮು ಸಿರಪ್‌ಗಳು ಮತ್ತು ಅಸೆಟಾಮಿನೋಫೆನ್‌ಗಳಂತಹ ಔಷಧೀಯ ಪದಾರ್ಥಗಳಲ್ಲಿ ಗ್ಲಿಸರಿನ್‌ನಂತಹ ವಿಷಕಾರಿಯಲ್ಲದ ಪದಾರ್ಥಗಳ ಜಾಗದಲ್ಲಿ ಇದರಿಂದ ಬದಲಾಯಿಸುತ್ತಾರೆ.


ಇದನ್ನೂ ಓದಿ: Hydroponics: ಮಣ್ಣಿಲ್ಲದೇ ಬರೀ ನೀರಿಂದಲೇ ಕೃಷಿ ಮಾಡಬಹುದಂತೆ! ಹೈಡ್ರೋಪೋನಿಕ್ಸ್ ಆಗ್ರಿಕಲ್ಚರ್‌ನಿಂದ ಕೋಟಿ ಆದಾಯ ಫಿಕ್ಸ್!


ಈ ವಿಷಕಾರಿ ವಸ್ತುಗಳು ಮಿಶ್ರಿತವಾದ ಔಷಧಿಗಳನ್ನು ಸೇವಿಸಿದ್ದಲ್ಲಿ ತೀವ್ರವಾದ ಮೂತ್ರಪಿಂಡ ವೈಫಲ್ಯ ಉಂಟಾಗುತ್ತದೆ, ಇದು ಮಕ್ಕಳ ಸಾವಿಗೆ ಪ್ರಮುಖ ಕಾರಣವಾಗಿದೆ. ಸಾವು ಕೂಡ ತಕ್ಷಣ ಕೇವಲ 8 ರಿಂದ 24 ಗಂಟೆಗಳ ನಡುವೆ ಸಂಭವಿಸಬಹುದು ಎಂದು ವೈದ್ಯ ಲೋಕ ಹೇಳುತ್ತದೆ.


ಈ ಹಿಂದೆಯೂ ನಡೆದಿವೆ ಡೈಥಿಲೀನ್ ಗ್ಲೈಕೋಲ್‌ಗೆ ಸಂಬಂಧಿಸಿದ ಸಾವುಗಳು


ಡೈಥಿಲೀನ್ ಗ್ಲೈಕೋಲ್‌ಗೆ ಸಂಬಂಧಿಸಿದ ಸಾವುಗಳು ಇದೇ ಮೊದಲ ಬಾರಿಗೆ ನಡೆಯುತ್ತಿರುವ ಪ್ರಕರಣಗಳಲ್ಲ. ಇಂತಹ ಘಟನೆಗಳು ಈ ಹಿಂದೆ ಭಾರತ, ಯುನೈಟೆಡ್ ಸ್ಟೇಟ್ಸ್, ಬಾಂಗ್ಲಾದೇಶ, ಪನಾಮ ಮತ್ತು ನೈಜೀರಿಯಾದಲ್ಲಿ ವರದಿಯಾಗಿದೆ.


2007 ರಲ್ಲಿ, U.S. ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ (FDA) ಫಾರ್ಮಸಿ ಕಾಂಪೌಂಡರ್‌ಗಳು, ರಿಪ್ಯಾಕರ್‌ಗಳು ಮತ್ತು ಪೂರೈಕೆದಾರರಿಗೆ ಸಂಭಾವ್ಯ ಸಾರ್ವಜನಿಕ ಅಪಾಯದ ಬಗ್ಗೆ ಮಾರ್ಗದರ್ಶನವನ್ನು ನೀಡಿತು.


ಗ್ಲಿಸರಿನ್(e), ಡೈಥಿಲೀನ್ ಗ್ಲೈಕೋಲ್ (DEG) ನೊಂದಿಗೆ ಕಲುಷಿತಗೊಂಡಿದೆ ಎಂದು ಹೇಳಿತ್ತು. ಕೆಮ್ಮು ಸಿರಪ್ ಅಥವಾ ಅಸೆಟಾಮಿನೋಫೆನ್ ಸಿರಪ್‌ನಂತಹ ಔಷಧೀಯ ಸಿರಪ್‌ಗಳನ್ನು ಸೇವಿಸಿದ ಗ್ರಾಹಕರರಿಗೆ ಕೆಲವು ಎಚ್ಚರಿಕೆಗಳನ್ನು FDA ನೀಡಿತ್ತು.


ಕಳೆದ ವರ್ಷ ಜಮ್ಮುವಿನ ಉಧಂಪುರ ಜಿಲ್ಲೆಯಲ್ಲಿ ಹಿಮಾಚಲ ಪ್ರದೇಶದ ಕಂಪನಿಯೊಂದು ತಯಾರಿಸಿದ ಕೋಲ್ಡ್‌ಬೆಸ್ಟ್-ಪಿಸಿ ಎಂಬ ಕಲುಷಿತ ಕೆಮ್ಮಿನ ಸಿರಪ್‌ನಿಂದ 12 ಮಕ್ಕಳು ಸಾವನ್ನಪ್ಪಿದ್ದರು.


ಕೆಮ್ಮು ಸಿರಪ್‌ನಲ್ಲಿ ಹೆಚ್ಚಿನ ಮಟ್ಟದ ಡೈಥಿಲೀನ್ ಗ್ಲೈಕೋಲ್ ಇರುವಿಕೆಯು ಈ ಸಾವುಗಳಿಗೆ ಕಾರಣವಾಗಿತ್ತು. ಈ ಔಷಧವನ್ನು ನಂತರ ಎಲ್ಲಾ ಇತರ ರಾಜ್ಯಗಳಿಂದ ಹಿಂತೆಗೆದುಕೊಳ್ಳಲಾಯಿತು.


ಭಾರತದಲ್ಲಿ ನಡೆದ ಪ್ರಮುಖ ದುರಂತಗಳು


ಇತ್ತೀಚಿನ ಗ್ಯಾಂಬಿಯಾ ವಿವಾದವು ಸಾಮೂಹಿಕ ಗ್ಲೈಕೋಲ್ ವಿಷದ ಭಾರತದ ನಾಲ್ಕನೇ ಪ್ರಕರಣವಾಗಿದೆ. 1973 ರಲ್ಲಿ ಎಗ್ಮೋರ್‌ನ ಚೆನ್ನೈನ ಮಕ್ಕಳ ಆಸ್ಪತ್ರೆಯಲ್ಲಿ 14 ಮಕ್ಕಳು ಇದೇ ಕಾರಣದಿಂದಾಗಿ ಸಾವನ್ನಪ್ಪಿದ್ದರು.


1986 ರಲ್ಲಿ ಮುಂಬೈನಲ್ಲೂ ಇದೇ ಘಟನೆ ಸಂಭವಿಸಿದ್ದು, 14 ರೋಗಿಗಳು ಸಾವನ್ನಪ್ಪಿದ್ದರು. ಹಾಗೆಯೇ 1998ರಲ್ಲಿ ನವದೆಹಲಿಯ ಎರಡು ಆಸ್ಪತ್ರೆಗಳಲ್ಲಿ 33 ಮಕ್ಕಳು ಸಾವನ್ನಪ್ಪಿದ್ದರು.

Published by:Latha CG
First published: