Explainer: ಹೊಸ ಜಿಎಸ್‌ಟಿ ರಚನೆ ರೆಸ್ಟೋರೆಂಟ್‌-ಆಹಾರ ವಿತರಣಾ ಅಪ್ಲಿಕೇಶನ್‌ಗಳ ಮೇಲೆ ಹೇಗೆ ಪರಿಣಾಮ ಬೀರಲಿದೆ..?

ಆಹಾರ ವಿತರಣಾ ಆ್ಯಪ್‌ಗಳು ರೆಸ್ಟೋರೆಂಟ್‌ಗಳ ಪರವಾಗಿ ತೆರಿಗೆಯನ್ನು ಠೇವಣಿ ಮಾಡಲು ಆರಂಭಿಸಿದ ನಂತರ, ಇ-ಕಾಮರ್ಸ್ ಮಾರಾಟಗಾರರಂತೆ ಜಿಎಸ್‌ಟಿ ಅಡಿಯಲ್ಲಿ ರೆಸ್ಟೋರೆಂಟ್‌ಗಳು ಕೂಡ ಕಡ್ಡಾಯವಾಗಿ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕು. ಇದರಿಂದ ತೆರಿಗೆ ವಂಚನೆ ತಡೆಯಬಹುದೆಂಬುದು ಸರ್ಕಾರದ ಪ್ಲ್ಯಾನ್.

ಸಾಂದರ್ಭಿಕ ಚಿತ್ರ.

ಸಾಂದರ್ಭಿಕ ಚಿತ್ರ.

  • Share this:
    ಕೊರೊನಾ ವೈರಸ್‌ (CoronaVirus) ಲಾಕ್‌ಡೌನ್‌ನಿಂದ (LockDown) ಹಲವರು ವರ್ಕ್ ಫ್ರಮ್‌ ಹೋಂ (Work from home) ಮಾಡುತ್ತಿದ್ದಾರೆ. ಇದರಿಂದ, ಆನ್‌ಲೈನ್‌ ಆಹಾರ (Food application) ಪ್ಲಾಟ್‌ಫಾರ್ಮ್‌ಗಳ ವಹಿವಾಟು ಹೆಚ್ಚಾಗುತ್ತಿದೆ. ಈಗ ಕೇಂದ್ರ ಸರ್ಕಾರ, ಜಿಎಸ್‌ಟಿ ನೀತಿಯಲ್ಲಿ ಕೆಲ ಬದಲಾವಣೆಗಳನ್ನು ಮಾಡಿದ್ದು, ಇದರಿಂದ ರೆಸ್ಟೋರೆಂಟ್‌ಗಳು ಮತ್ತು ಆಹಾರ ವಿತರಣಾ ಅಪ್ಲಿಕೇಶನ್‌ಗಳ ಮೇಲೆ ಪರಿಣಾಮ ಬೀರುತ್ತದೆ ಎನ್ನಲಾಗಿದೆ. ಇದರಿಂದ ಗ್ರಾಹಕರ ಮೇಲೂ ಪರಿಣಾಮ ಬೀರುತ್ತದಾ ಎನ್ನುವ ಅನುಮಾನಗಳೂ ಕಾಡುತ್ತಿದೆಯಾ..? ಹಾಗಾದ್ರೆ, ಮುಂದೆ ಓದಿ.. ಮುಂದಿನ ವರ್ಷದ ಜನವರಿ 1 ರಿಂದ, ಆಹಾರ ವಿತರಣಾ ಅಪ್ಲಿಕೇಶನ್‌ಗಳು ಪ್ಲಾಟ್‌ಫಾರ್ಮ್‌ಗಳಿಂದ ಮಾಡಿದ ವಿತರಣೆಗಾಗಿ ರೆಸ್ಟೋರೆಂಟ್‌ಗಳ ಬದಲಿಗೆ 5% ಜಿಎಸ್‌ಟಿ ಸಂಗ್ರಹಿಸಿ ಸರ್ಕಾರಕ್ಕೆ ಠೇವಣಿ ಇಡಬೇಕಾಗುತ್ತದೆ. ಶುಕ್ರವಾರದ ಜಿಎಸ್‌ಟಿ ಕೌನ್ಸಿಲ್ ಅನುಮೋದಿಸಿದ ಈ ಜವಾಬ್ದಾರಿಯ ವರ್ಗಾವಣೆಯನ್ನು ತೆರಿಗೆ ಪಾವತಿಸದ ಹಲವಾರು ರೆಸ್ಟೋರೆಂಟ್‌ಗಳನ್ನು ಜಿಎಸ್‌ಟಿ ನೆಟ್ ಅಡಿಯಲ್ಲಿ ತರುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಇದನ್ನು ಪ್ರಸ್ತಾಪಿಸಿತ್ತು. ಈ ಬಗ್ಗೆ ಜಿಎಸ್‌ಟಿ ಕೌನ್ಸಿಲ್‌ ಸಭೆಯ ನಂತರ ಶುಕ್ರವಾರ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮಾಹಿತಿ ನೀಡಿದ್ದಾರೆ.

    ಈ ಕ್ರಮ ಜಾರಿಗೆ ಬಂದ ನಂತರ ಏನು ಬದಲಾವಣೆಗಳಾಗಲಿದೆ..?

    ಪ್ರಸ್ತುತ, ಗ್ರಾಹಕರು ಆಹಾರವನ್ನು ಉದಾಹರಣೆಗೆ, ಸ್ವಿಗ್ಗಿ ಅಥವಾ ಜೊಮಾಟೊ ಬಳಸಿ ರೆಸ್ಟೋರೆಂಟ್ ಎ ನಿಂದ ಆರ್ಡರ್‌ ಮಾಡಿದರೆ ಆಹಾರ ವಿತರಣಾ ವೇದಿಕೆಯು ಗ್ರಾಹಕರಿಂದ ಆಹಾರದ ಮೇಲೆ ಶೇ. 5ರಷ್ಟು ತೆರಿಗೆ ಸಂಗ್ರಹಿಸಿ ರೆಸ್ಟೋರೆಂಟ್‌ಗೆ ರವಾನಿಸುತ್ತದೆ. ಆದರೂ, ಹೆಚ್ಚಿನ ರೆಸ್ಟೋರೆಂಟ್‌ಗಳು ಹೆಚ್ಚಿನ ವಹಿವಾಟು ದಾಖಲಿಸಿದರೂ ತಮ್ಮ ತೆರಿಗೆಯನ್ನು ಜಮಾ ಮಾಡಿಲ್ಲ ಎಂದು ಸರ್ಕಾರ ಕಂಡುಕೊಂಡಿದೆ.

    ಈ ಹಿನ್ನೆಲೆ, ಜನವರಿ 1 ರಿಂದ, ಆಹಾರ ವಿತರಣಾ ಅಪ್ಲಿಕೇಶನ್‌ಗಳು ರೆಸ್ಟೋರೆಂಟ್ ಪರವಾಗಿ ತೆರಿಗೆ ಸಂಗ್ರಹಿಸುತ್ತವೆ ಮತ್ತು ಅವರ ಪರವಾಗಿ ಠೇವಣಿ ಇಡುತ್ತವೆ. ಇದರ ಪರಿಣಾಮವಾಗಿ, ಇ-ಕಾಮರ್ಸ್ ಮಾರಾಟಗಾರರಂತೆ ರೆಸ್ಟೋರೆಂಟ್‌ಗಳು ಕಡ್ಡಾಯವಾಗಿ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕಾಗುತ್ತದೆ. ತೆರಿಗೆ ಪಾವತಿಸದ ರೆಸ್ಟೋರೆಂಟ್‌ಗಳಿಗೆ ಕಡಿವಾಣ ಹಾಕುವ ಸಲುವಾಗಿ ಜಿಎಸ್‌ಟಿ ಕೌನ್ಸಿಲ್‌ ಈ ಕ್ರಮ ಕೈಗೊಂಡಿದೆ.

    ಜಿಎಸ್‌ಟಿ ಕೌನ್ಸಿಲ್ ಏನು ಹೇಳಿದೆ..?

    ಜಿಎಸ್‌ಟಿ ಕೌನ್ಸಿಲ್ ಪ್ರಕಾರ, ಇ-ಕಾಮರ್ಸ್ ಆಪರೇಟರ್‌ಗಳು ಜನವರಿ 1, 2022 ರಿಂದ ಜಾರಿಗೆ ಬರುವಂತೆ ರೆಸ್ಟೋರೆಂಟ್ ಸೇವೆಗಳ ಮೇಲೆ ಶೇ.5ರಷ್ಟು ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ಕ್ಲೌಡ್ ಕಿಚನ್‌ಗಳು ಅಥವಾ ಸೆಂಟ್ರಲ್ ಕಿಚನ್‌ಗಳು ಒದಗಿಸುವ ಸೇವೆಗಳು ರೆಸ್ಟೋರೆಂಟ್ ಸೇವೆಯ ವ್ಯಾಪ್ತಿಗೆ ಬರುತ್ತವೆ ಮತ್ತು 5 ಪ್ರತಿಶತ ಜಿಎಸ್‌ಟಿಯನ್ನು ಆಕರ್ಷಿಸುತ್ತವೆ ಎಂದು 45ನೇ ಜಿಎಸ್‌ಟಿ ಕೌನ್ಸಿಲ್ ಶಿಫಾರಸುಗಳ ಮೇಲೆ ಪತ್ರಿಕಾ ಪ್ರಕಟಣೆ ತಿಳಿಸಿದೆ.

    ಅಲ್ಲದೆ,"ಆಹಾರವನ್ನು ತಲುಪಿಸುವ ಸ್ಥಳವು ತೆರಿಗೆ ಸಂಗ್ರಹಿಸುವ ಸ್ಥಳವಾಗಿರುವುದರಿಂದ, ತೆರಿಗೆ ಸಂಗ್ರಹಿಸುವ ಸ್ವಿಗ್ಗಿ ತರಹದ ಆಪರೇಟರ್ ಅದರ ಮೇಲೆ ಜಿಎಸ್‌ಟಿಯನ್ನು ಪಾವತಿಸುತ್ತಾರೆ" ಎಂದು ನಿರ್ಮಲಾ ಸೀತಾರಾಮನ್ ಶುಕ್ರವಾರ ಹೇಳಿದರು.

    ಇನ್ನು, ಇದು ತೆರಿಗೆ ಸಂಗ್ರಹಿಸುವ ಮತ್ತು ಜಮಾ ಮಾಡುವ ಜವಾಬ್ದಾರಿಯನ್ನು ಮಾತ್ರ ವರ್ಗಾಯಿಸುತ್ತದೆ ಮತ್ತು ಹೊಸ ತೆರಿಗೆಗಳನ್ನು ಘೋಷಿಸಲಾಗಿದೆ ಎಂದು ಅರ್ಥವಲ್ಲ ಎಂದು ಕಂದಾಯ ಕಾರ್ಯದರ್ಶಿ ತರುಣ್ ಬಜಾಜ್ ಸಭೆಯ ನಂತರ ಸುದ್ದಿಗಾರರಿಗೆ ತಿಳಿಸಿದರು.

    "ನೀವು ಸಂಗ್ರಾಹಕರಿಂದ ಆಹಾರವನ್ನು ಆರ್ಡರ್ ಮಾಡಿದ್ದೀರಿ ಎಂದು ಭಾವಿಸೋಣ ... ಈಗ ರೆಸ್ಟೋರೆಂಟ್ ತೆರಿಗೆ ಪಾವತಿಸುತ್ತಿದೆ. ಆದರೆ ಕೆಲವು ರೆಸ್ಟೋರೆಂಟ್‌ಗಳು ಪಾವತಿಸುತ್ತಿಲ್ಲ ಎಂದು ನಾವು ಕಂಡುಕೊಂಡಿದ್ದೇವೆ. ನಾವು ಈಗ ಹೇಳುತ್ತಿರುವುದು ನೀವು ಆಹಾರವನ್ನು ಆರ್ಡರ್‌ ಮಾಡಿದರೆ ಸಂಗ್ರಾಹಕರು ನಿಮ್ಮ ಬಳಿ ಅಥವಾ ಗ್ರಾಹಕರ ಬಳಿ ತೆರಿಗೆ ಸಂಗ್ರಹಿಸಿ ಅಧಿಕಾರಿಗಳಿಗೆ ಪಾವತಿಸುತ್ತಾರೆ. ಆದರೆ ರೆಸ್ಟೋರೆಂಟ್‌ಗಳು ತೆರಿಗೆ ಪಾವತಿಸುತ್ತಿಲ್ಲ'' ಎಂದು ಕಂದಾಯ ಕಾರ್ಯದರ್ಶಿ ಮಾಹಿತಿ ನೀಡಿದ್ದಾರೆ.

    ವಿತರಣಾ ಅಪ್ಲಿಕೇಶನ್‌ಗಳ ಮೇಲೆ ಏಕೆ ಈ ಜವಾಬ್ದಾರಿ..?

    ರೆಸ್ಟೋರೆಂಟ್ ಸೇವೆಗಳಲ್ಲಿ ಇ-ಕಾಮರ್ಸ್ ಆಪರೇಟರ್‌ಗಳು ಸಂಗ್ರಹಿಸಿದ ತೆರಿಗೆಯನ್ನು ಪಾವತಿಸಲು ಹೊಣೆಗಾರರನ್ನಾಗಿ ಮಾಡುವ ಜಿಎಸ್‌ಟಿ ಫಿಟ್‌ಮೆಂಟ್ ಸಮಿತಿಯ ಪ್ರಸ್ತಾವನೆಯನ್ನು ಈ ನಿರ್ಧಾರವು ಅನುಸರಿಸುತ್ತದೆ. ಹಲವಾರು ರೆಸ್ಟೋರೆಂಟ್‌ಗಳು ಗ್ರಾಹಕರಿಂದ ತೆರಿಗೆ ಸಂಗ್ರಹಿಸುತ್ತಿದ್ದರೂ ಅದನ್ನು ಸರ್ಕಾರಕ್ಕೆ ಪಾವತಿಸುವುದರಿಂದ ತಪ್ಪಿಸಿಕೊಳ್ಳುತ್ತಿರುವುದನ್ನು ಸರ್ಕಾರ ಗಮನಿಸಿದೆ. ಈ ಹಿನ್ನೆಲೆ ಈ ಕ್ರಮ ಕೈಗೊಳ್ಳುತ್ತಿದೆ.

    ರೆಸ್ಟೋರೆಂಟ್‌ಗಳು ಹೇಗೆ ತೆರಿಗೆ ವಂಚನೆ ಮಾಡುತ್ತಿವೆ..?

    ಆಹಾರ ವಿತರಣಾ ಅಪ್ಲಿಕೇಶನ್‌ಗಳನ್ನು ಜಿಎಸ್‌ಟಿ ದಾಖಲೆಗಳಲ್ಲಿ ಮೂಲದಲ್ಲಿ ಸಂಗ್ರಹಿಸಿದ ತೆರಿಗೆಯಂತೆ (ಟಿಸಿಎಸ್) ನೋಂದಾಯಿಸಲಾಗಿದೆ. ಇದರರ್ಥ, ಗ್ರಾಹಕರು ಸ್ವಿಗ್ಗಿ ಅಥವಾ ಜೊಮಾಟೊ ಮೂಲಕ ಆಹಾರವನ್ನು ಆರ್ಡರ್ ಮಾಡಿದಾಗ, ಅವರು ಆಹಾರ ವಿತರಣಾ ಆ್ಯಪ್‌ಗೆ ಆರ್ಡರ್‌ ಮೇಲೆ ಶೇ. 5ರಷ್ಟು ತೆರಿಗೆಯನ್ನು ಪಾವತಿಸುತ್ತಾರೆ. ಆಹಾರ ಸಂಗ್ರಾಹಕವು ಅದನ್ನು ರೆಸ್ಟೋರೆಂಟ್‌ಗಳಿಗೆ ರವಾನಿಸುತ್ತದೆ, ಅದನ್ನು ರೆಸ್ಟೋರೆಂಟ್‌ಗಳು ಸರ್ಕಾರಕ್ಕೆ ಜಮಾ ಮಾಡಬೇಕು. ಆದರೆ, ಕೆಲವು ಸಂದರ್ಭಗಳಲ್ಲಿ TCS ಅನ್ವಯವಾಗುವ ಪೂರೈಕೆದಾರರ ತೆರಿಗೆಗೆ ಒಳಪಡುವ ವಹಿವಾಟು ಅವರು ಘೋಷಿಸಿದ ವಹಿವಾಟಿಗಿಂತ ಹೆಚ್ಚಾಗಿರುವುದನ್ನು ಸರ್ಕಾರ ಕಂಡುಕೊಂಡಿದೆ.

    ಇನ್ನು, ಆಹಾರ ವಿತರಣಾ ಆ್ಯಪ್‌ಗಳು ರೆಸ್ಟೋರೆಂಟ್‌ಗಳ ಪರವಾಗಿ ತೆರಿಗೆಯನ್ನು ಠೇವಣಿ ಮಾಡಲು ಆರಂಭಿಸಿದ ನಂತರ, ಇ-ಕಾಮರ್ಸ್ ಮಾರಾಟಗಾರರಂತೆ ಜಿಎಸ್‌ಟಿ ಅಡಿಯಲ್ಲಿ ರೆಸ್ಟೋರೆಂಟ್‌ಗಳು ಕೂಡ ಕಡ್ಡಾಯವಾಗಿ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕು. ಇದರಿಂದ ತೆರಿಗೆ ವಂಚನೆ ತಡೆಯಬಹುದೆಂಬುದು ಸರ್ಕಾರದ ಪ್ಲ್ಯಾನ್.

    ಗ್ರಾಹಕರಿಗೆ ಇದರ ಮೇಲೆ ಪರಿಣಾಮ ಬೀರುತ್ತದೆಯೇ..?

    ಇಲ್ಲ, ಯಾವುದೇ ಹೊಸ ತೆರಿಗೆಯನ್ನು ಪರಿಚಯಿಸಿಲ್ಲವಾದ್ದರಿಂದ, ಗ್ರಾಹಕರು ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡುವ ಆಹಾರದ ಮೇಲೆ ಶೇ. 5 ದರವನ್ನು ಪಾವತಿಸುವುದನ್ನು ಮುಂದುವರಿಸುತ್ತಾರೆ.

    ವಿತರಣಾ ಸೇವೆಗಳನ್ನು ತೆರಿಗೆ ಜಾಲದ ಅಡಿಯಲ್ಲಿ ತರಲು ಜಿಎಸ್‌ಟಿ ಕೌನ್ಸಿಲ್‌ ಸಭೆಯಲ್ಲಿ ಪ್ರಸ್ತಾವನೆ ಮಾಡಲಾಗಿತ್ತು. ಶುಕ್ರವಾರ ಇದಕ್ಕೆ ಅನುಮೋದನೆಯೂ ದೊರಕಿದೆ. ಆದರೆ ಗ್ರಾಹಕರು ನೇರವಾಗಿ ವಿತರಣಾ ಕಾರ್ಯನಿರ್ವಾಹಕರ ಸೇವೆಗಳನ್ನು ಪಡೆಯುವುದಿಲ್ಲ, ಅಥವಾ ಗ್ರಾಹಕರಿಗೆ ಡೆಲಿವರಿ ಎಕ್ಸಿಕ್ಯುಟಿವ್ ಸೇವೆಗಳನ್ನು ನೀಡುವ ಸಂಬಂಧ ಬೇರೆ ಯಾವ ಆಯ್ಕೆಯೂ ಇಲ್ಲ ಎಂದು ಸಭೆಯಲ್ಲಿ ನಿರ್ಧರಿಸಲಾಯ್ತು. ಈ ಹಿನ್ನೆಲೆ ವಿತರಣಾ ಸೇವೆಗಳ ಮೇಲೆ ತೆರಿಗೆ ಪಾವತಿಸುವ ಜವಾಬ್ದಾರಿ ಆಹಾರ-ವಿತರಣಾ ಅಪ್ಲಿಕೇಶನ್‌ಗಳ ಮೇಲೆ ಇರುತ್ತದೆ ಎಂದೂ ಜಿಎಸ್‌ಟಿ ಕೌನ್ಸಿಲ್‌ ಸಭೆಯಲ್ಲಿ ತೀರ್ಮಾನ ಕೈಗೊಂಡಿದೆ.

    ರೆಸ್ಟೋರೆಂಟ್‌ಗಳು ಮತ್ತು ವಿತರಣಾ ಅಪ್ಲಿಕೇಶನ್‌ಗಳ ಮೇಲೆ ಏನು ಪರಿಣಾಮ..?
    ಸಣ್ಣ ರೆಸ್ಟೋರೆಂಟ್‌ಗಳ ಮೇಲೆ ವಿಶೇಷವಾಗಿ 20 ಲಕ್ಷಕ್ಕಿಂತ ಕಡಿಮೆ ವಾರ್ಷಿಕ ವಹಿವಾಟು ನಡೆಸುವವರ ಮೇಲೆ ಇದು ಹೆಚ್ಚು ಪರಿಣಾಮ ಬೀರುತ್ತದೆ ಎಂದು ತೆರಿಗೆ ತಜ್ಞರು ಸೂಚಿಸುತ್ತಾರೆ. ಏಕೆಂದರೆ ಅವರು ಈ ಹಿಂದೆ ಜಿಎಸ್‌ಟಿ ಅಡಿ ಬರುತ್ತಿರಲಿಲ್ಲ. ಆದರೆ, ಈಗ ತೆರಿಗೆ ಸಂಗ್ರಹಣೆಯ ಹೊಣೆಗಾರಿಕೆಯು ಸಂಗ್ರಾಹಕನೊಂದಿಗೆ ಇರುತ್ತದೆ, ಈ ಹಿನ್ನೆಲೆ ಈ ಸಣ್ಣ ರೆಸ್ಟೋರೆಂಟ್‌ಗಳು ಕೂಡ ತೆರಿಗೆ ಪಾವತಿಸಬೇಕಾಗುತ್ತದೆ ಎನ್ನಲಾಗಿದೆ.

    ಆದರೂ, ಈಗ ಹೆಚ್ಚಿನ ರೆಸ್ಟೋರೆಂಟ್‌ಗಳಿಗೆ, ಹೆಚ್ಚುವರಿ ಅನುಸರಣೆಯ ಹೊರೆಯೂ ಇರುತ್ತದೆ. ಯಾಕೆಂದರೆ, ಅವರು ಇನ್ಮುಂದೆ ಅವರ ಸಾಮಾನ್ಯ ವ್ಯವಹಾರಕ್ಕೆ ಒಂದು ಮತ್ತು ಜೊಮಾಟೊ ಅಥವಾ ಸ್ವಿಗ್ಗಿ ಮೂಲಕ ಮಾಡಿದ ವ್ಯವಹಾರಕ್ಕೆ ಇನ್ನೊಂದು ಸೇರಿ ಎರಡು ಪ್ರತ್ಯೇಕ ಖಾತೆಗಳ ಪುಸ್ತಕಗಳನ್ನು ಇಟ್ಟುಕೊಳ್ಳಬೇಕಾಗುತ್ತದೆ.

    ಇದನ್ನೂ ಓದಿ: CoronaVirus| ದೇಶದಲ್ಲಿ ಶೇ.15 ರಷ್ಟು ಕುಸಿತ ಕಂಡ ಕೊರೋನಾ ಕೇಸ್, 6 ತಿಂಗಳಲ್ಲೇ ಅತೀ ಕಡಿಮೆ; ದೆಹಲಿಯಲ್ಲಿ ಶೂನ್ಯ ಸಾವು!

    ಅಲ್ಲದೆ, ಆಹಾರ ವಿತರಣಾ ವೇದಿಕೆಗಳಿಗೆ ಅಥವಾ ಸಂಗ್ರಾಹಕರಿಗೆ, ಜಿಎಸ್‌ಟಿ ಕೌನ್ಸಿಲ್‌ನ ಈ ಕ್ರಮದಿಂದ ರೆಸ್ಟೋರೆಂಟ್‌ಗಳ ಪರವಾಗಿ ತೆರಿಗೆಗಳನ್ನು ಸಂಗ್ರಹಿಸಲು ಮತ್ತು ಲೆಕ್ಕಹಾಕಲು ಅನುಸರಣೆಯ ಹೊರೆ ಹೆಚ್ಚಿಸುತ್ತದೆ

    ಇನ್ನೊಂದೆಡೆ, ಈ ಕ್ರಮವು ಇನ್‌ಪುಟ್‌ ಟ್ಯಾಕ್ಸ್ ಕ್ರೆಡಿಟ್‌ಗಳ ಅನ್ವಯಿಸುವಿಕೆಯ ವಿಷಯದಲ್ಲಿ ಕೆಲವು ಗೊಂದಲಗಳನ್ನು ಸೃಷ್ಟಿಸಬಹುದು, ಇದಕ್ಕಾಗಿ ಆಹಾರ ಸಂಗ್ರಾಹಕರು ಸರ್ಕಾರದಿಂದ ಸ್ಪಷ್ಟೀಕರಣಗಳನ್ನು ಪಡೆಯುವ ನಿರೀಕ್ಷೆಯಿದೆ.
    First published: