HOME » NEWS » Explained » EINSTEIN CHACHA TOP SPOT ON THE TRENDS LIST IN SOCIAL MEDIA SESR

Einstein Chacha: ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದ್ದಾರೆ ಐನ್​ಸ್ಟೈನ್​ ಚಾಚಾ; ಯಾರಿವರು?

ಕಳೆದೆರಡು ದಿನಗಳಿಂದ ಟ್ರೆಂಡ್​ನಲ್ಲಿರುವ ಈ ಚಾಚಾನ ಮೇಲಿನ  ಮೆಮ್ಸ್​ಗಳು ಎಲ್ಲರ ಗಮನಸೆಳೆಯುತ್ತಿದೆ

news18-kannada
Updated:February 24, 2021, 6:14 PM IST
Einstein Chacha: ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದ್ದಾರೆ ಐನ್​ಸ್ಟೈನ್​ ಚಾಚಾ; ಯಾರಿವರು?
ಬಾಗ್​ಪತ್​ ಐನ್​ಸ್ಟೈನ್​ ಚಾಚಾ
  • Share this:
'ಪೌರಿ ಹೋ ರಾ ಹೇ' , 'ಶ್ವೇತಾ' ಮೆಮ್ಸ್​ ಬಳಿಕ ಈಗ ಸಾಮಾಜಿಕ ಜಾಲತಾಣದಲ್ಲಿ ಬಾಗ್​ ಪತ್​ 'ಐನ್​ಸ್ಟೈನ್​ ಚಾಚಾ' ಸಿಕ್ಕಾಪಟ್ಟೆ ಫೇಮಸ್​ ಆಗಿದ್ದಾರೆ. ಅಷ್ಟೇ ಅಲ್ಲದೇ, ಖ್ಯಾತ ಭೌತಶಾಸ್ತ್ರಜ್ಞ ಆಲ್ಬರ್ಟ್​ ಐನ್​​ಸ್ಟೈನ್​ಗೆ ಹೋಲಿಕೆ ಮಾಡಿ ನೆಟ್ಟಿಗರು ಅವರ ಫೋಟೋಗಳನ್ನು ಹಂಚಿಕೊಳ್ಳಲಾಗುತ್ತಿದೆ. ಕಳೆದೆರಡು ದಿನಗಳಿಂದ ಟ್ರೆಂಡ್​ನಲ್ಲಿರುವ ಈ ಚಾಚಾನ ಮೇಲಿನ  ಮೆಮ್ಸ್​ಗಳು ಎಲ್ಲರ ಗಮನಸೆಳೆಯುತ್ತಿದೆ. ಜೊತೆಗೆ ಈ ಚಾಚಾನ ಫೈಟಿಂಗ್​ ವಿಡಿಯೋವನ್ನು ಜನರು ಸಿಕ್ಕಾಪಟ್ಟೆ ಟ್ರೋಲ್​ ಕೂಡ ಮಾಡುತ್ತಿದ್ದಾರೆ. ಇಷ್ಟೆಲ್ಲಾ ಪ್ರಖ್ಯಾತಿ ಪಡೆದ ಈ ಚಾಚಾ ಯಾರು? ಏನಿದು ಇವರ ಕಥೆ ಎಂಬ ಬಗ್ಗೆ ಹಲವರಲ್ಲಿ ಕುತೂಹಲ ಕೂಡ ಮೂಡುತ್ತಿದ್ದು, ಅನೇಕ ಜನರು ಇವರ ಬಗ್ಗೆ ಹುಡುಕಾಟಕ್ಕೆ ಕೂಡ ಮುಂದಾಗಿದ್ದಾರೆ. ಇವರ ಬಗ್ಗೆ ತಿಳಿದುಕೊಳ್ಳುವ ಕುತೂಹಲ ಇದ್ದರೆ, ಇಲ್ಲಿದೆ ನೋಡಿ ವಿವರಣೆ



ಯಾರೀ ಐನ್​ಸ್ಟೈನ್​​ ಚಾಚಾ?

ಉತ್ತರ ಪ್ರದೇಶದ ಬಾಗ್​ಪತ್​​ ನಿವಾಸಿಯಾಗಿರುವ ಹರೇಂದ್ರ ಎಂಬುವವರೆ ಈ ಐನ್​ಸ್ಟೈನ್​ ಚಾಚಾ. ಚಾಟ್​ ಅಂಗಡಿ ಮಾಲೀಕರಾಗಿರುವ ಇವರು ಬಲು ಪ್ರಖ್ಯಾತಿಗಳಿಸಿದ್ದಾರೆ. ತಮ್ಮ ಸ್ಪರ್ಧಿಗಳಿಗೆ ಪ್ರಬಲ ಸ್ಪರ್ಧೆಯೊಡ್ಡುತ್ತಿರುವ ಈ ಚಾಚಾ ಗ್ರಾಹಕರನ್ನು ಸೆಳೆಯುವ ವಿಚಾರಕ್ಕಾಗಿಯೇ ನೆರೆಯ ಚಾಟ್​ ಅಂಗಡಿಯವರೊಂದಿಗೆ ಸಂಘರ್ಷಕ್ಕೆ ಇಳಿದಿದ್ದರು. ನಡು ರಸ್ತೆಯಲ್ಲಿ ಕಬ್ಬಿಣದ ಸಲಾಕೆ, ಬಡಿಗೆ ಹಿಡಿದು ಏಳರಿಂದ ಎಂಟು ಜನರ ಜಗಳವಾಡಿದ್ದರು.


ಈ ವಿಡಿಯೋವನ್ನು ಎಎನ್​ಐ ಸುದ್ದಿ ಸಂಸ್ಥೆ ಹಂಚಿಕೊಂಡಿತ್ತು. ಈ ಪ್ರಕರಣ ಕುರಿತು ಸುದ್ದಿ ಸಂಸ್ಥೆಗೆ ಸಂದರ್ಶನ ನೀಡಿದ್ದ ಈ ಹರೇಂದ್ರ, ತಮ್ಮ ಚಾಟ್​ ಅಂಗಡಿ ಬಗ್ಗೆ ನೆರೆಯ ಅಂಗಡಿ ಮಾಲೀಕರು ಸುಳ್ಳು ಸುದ್ದಿ ಹಬ್ಬಿಸಿದ್ದಾರೆ. ಇದರಿಂದ ಗ್ರಾಹಕರು ತಮ್ಮ ಅಂಗಡಿಗೆ ಬರಲು ಹಿಂದೇಟು ಹಾಕುತ್ತಿದ್ದಾರೆ ಎಂದು ಆರೋಪಿಸಿದ್ದರು.





ಈ ಪ್ರಕರಣ ಕುರಿತು ತನಿಖೆ ನಡೆಸಿದ ಪೊಲೀಸರು ಹರೇಂದ್ರ ಸೇರಿದಂತೆ ಏಂಟು ಮಂದಿಯನ್ನು ಬಂಧಿಸಿದ್ದರು. ಈ ಪೋಟೋ, ವಿಡಿಯೋದಲ್ಲಿ ಹರೇಂದ್ರ ಕಂಡ ನೆಟ್ಟಿಗರು ಅವರನ್ನು ಆಲ್ಬರ್ಟ್​ ಐನ್​ಸ್ಟೈನ್​ಗೆ ಹೋಲಿಕೆ ಮಾಡಿ ಮೆಮ್ಸ್​ ಹರಿ ಬಿಡುತ್ತಿದ್ದಾರೆ.







ಅವರ ಕೂದಲ ಶೈಲಿಗೆ ನೆಟ್ಟಿಗರು ಫಿದಾ ಆಗಿದ್ದು, ಚಾಟ್​ ಹೊರರಾಗಿ ಈಗ ಸಾಮಾಜಿಕ ಆಲಗಾಣತದಲ್ಲಿ ಸಿಕ್ಕಾಪಟ್ಟೆ ಬೇಡಿಕೆ ಸೃಷ್ಟಿಸಿಕೊಂಡಿದ್ದಾರೆ. ಈ ಐನ್​ಸ್ಟೈನ್​ ಚಾಚಾ.
Published by: Seema R
First published: February 24, 2021, 6:09 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories