Explainer: ವಿಐಪಿ ಹಜ್ ಕೋಟಾ ರದ್ದು; ಶೀಘ್ರದಲ್ಲೇ ಹೊಸ ನೀತಿ ಜಾರಿಗೆ ಕೇಂದ್ರದಿಂದ ಮಹತ್ವದ ನಿರ್ಧಾರ

ವಿಐಪಿ ಸಂಸ್ಕೃತಿಯನ್ನು ಕೊನೆಗಾಣಿಸುವ ಪ್ರಧಾನಿ ನರೇಂದ್ರ ಮೋದಿಯವರ ಸಂಕಲ್ಪಕ್ಕೆ ಕೇಂದ್ರವು ಮುಂದಾಗಿದ್ದು ವಿಐಪಿಗಳಿಗೆ ಲಭ್ಯವಿರುವ ಹಜ್ (Haj) ಕೋಟಾವನ್ನು ರದ್ದುಗೊಳಿಸಲು ನಿರ್ಧರಿಸಿದೆ. ದೇಶದಲ್ಲಿ (Country) ವಿಐಪಿ ಸಂಸ್ಕೃತಿ ಕೊನೆಗೊಳ್ಳುತ್ತಿದೆ ಎಂಬುದರ ಸಂಕೇತ ಇದಾಗಿದೆ ಎಂದು ಕೇಂದ್ರ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವೆ ಸ್ಮೃತಿ ಇರಾನಿ (Smriti Irani) ತಿಳಿಸಿದ್ದಾರೆ. ಹಜ್ ಯಾತ್ರೆಯಲ್ಲಿನ ಸ್ವಯಂಪ್ರೇರಿತ ಕೋಟಾವನ್ನು ಕೊನೆಗೊಳಿಸುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ಪ್ರಧಾನಿ ಮೋದಿ ತಮ್ಮ ಅಧಿಕಾರಾವಧಿಯ ಮೊದಲ ದಿನವೇ (Day) ವಿಐಪಿ ಸಂಸ್ಕೃತಿಯನ್ನು ಕೊನೆಗಾಣಿಸುವ ಸಂಕಲ್ಪವನ್ನು ಮುಂದಿಟ್ಟರು.

ಕಾಂಗ್ರೆಸ್ ಮೇಲೆ ವಾಗ್ದಾಳಿ ನಡೆಸಿದ ಸ್ಮೃತಿ ಇರಾನಿ

ಯುಪಿಎ ಆಡಳಿತದ ಅವಧಿಯಲ್ಲಿ ಹಜ್‌ಗೆ ಸಂಬಂಧಿಸಿದಂತೆ ವಿಐಪಿ ಸಂಸ್ಕೃತಿಯನ್ನು ಜಾರಿಗೆ ತರಲಾಯಿತು, ಅದರ ಅಡಿಯಲ್ಲಿ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯ, ಹಜ್ ಸಮಿತಿ ಮತ್ತು ಉನ್ನತ ಸಾಂವಿಧಾನಿಕ ಹುದ್ದೆಯಲ್ಲಿರುವ ಎಲ್ಲರಿಗೂ ವಿಶೇಷ ಕೋಟಾವನ್ನು ನಿಗದಿಪಡಿಸಲಾಯಿತು ಎಂದು ಇರಾನಿ ಕಾಂಗ್ರೆಸ್ ನೇತೃತ್ವದ ಯುಪಿಎ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ವಿಐಪಿ ಸಂಸ್ಕೃತಿಯ ಕೊನೆ

ಅಧ್ಯಕ್ಷರು, ಉಪಾಧ್ಯಕ್ಷರಿಂದ, ಈ ಕೋಟಾವನ್ನು ಕೊನೆಗೊಳಿಸುವಂತೆ ಹಜ್ ಸಮಿತಿಯನ್ನು ಒತ್ತಾಯಿಸಲಾಯಿತು ಮತ್ತು ವಿವಿಧ ರಾಜ್ಯಗಳ ಎಲ್ಲಾ ಹಜ್ ಸಮಿತಿಗಳು ಇದನ್ನು ಬೆಂಬಲಿಸಿದವು. ಈ ವಿಐಪಿ ಸಂಸ್ಕೃತಿಯನ್ನು ಹಜ್ ಪ್ರಕ್ರಿಯೆಯಲ್ಲಿ ಕೊನೆಗೊಳಿಸಲಾಗಿದೆ ಎಂದು ಇರಾನಿ ತಿಳಿಸಿದ್ದಾರೆ.

ಸಮಗ್ರ ಹಜ್ ನೀತಿ ಶೀಘ್ರದಲ್ಲೇ ಜಾರಿ

ಹೊಸ ಸಮಗ್ರ ಹಜ್ ನೀತಿಯನ್ನು ರೂಪಿಸಲಾಗಿದೆ ಮತ್ತು ಶೀಘ್ರದಲ್ಲೇ ಘೋಷಿಸಲಾಗುವುದು ಎಂದು ಸಚಿವರು ತಿಳಿಸಿದ್ದಾರೆ. ಹಿಂದಿನ ಹಜ್ ನೀತಿಯನ್ನು 2018 ಮತ್ತು 2022 ರ ನಡುವಿನ ಅವಧಿಗೆ ಹೊಂದಿಸಲಾಗಿತ್ತು ಮತ್ತು ಇದೀಗ ನೀತಿಯ ಅವಧಿ ಮುಗಿದಿದೆ ಎಂದು ಸ್ಮೃತಿ ತಿಳಿಸಿದ್ದಾರೆ.

ಹಜ್ ಯಾತ್ರೆಯ ಕುರಿತು ಮಾಹಿತಿ

ಇಸ್ಲಾಂ ಧರ್ಮವನ್ನು ಶಾಸ್ತ್ರೋಕ್ತವಾಗಿ ಅನುಸರಿಸುವ ಮೂಲಕ ಪ್ರತಿ ವರ್ಷ ಸಾವಿರಾರು ಮುಸ್ಲಿಂ ಯಾತ್ರಾರ್ಥಿಗಳು ಸೌದಿ ಅರೇಬಿಯಾದ ಮೆಕ್ಕಾದಲ್ಲಿ ಸೇರುತ್ತಾರೆ. ಮುಸ್ಲಿಮರ ಪವಿತ್ರ ನಗರವಾಗಿ ಮೆಕ್ಕಾ ಹೆಸರುವಾಸಿಯಾಗಿದೆ. ದೈಹಿಕವಾಗಿ ಹಾಗೂ ಆರ್ಥಿಕವಾಗಿ ಸಾಮರ್ಥ್ಯ ಹೊಂದಿರುವ ಎಲ್ಲಾ ವಯಸ್ಕ ಮುಸ್ಲಿಮರು ಮೆಕ್ಕಾದಲ್ಲಿ ಸೇರಿ ಪ್ರಾರ್ಥನೆ ಸಲ್ಲಿಸುವುದನ್ನು ಕಡ್ಡಾಯ ಧಾರ್ಮಿಕ ಕರ್ತವ್ಯ ಎಂದು ಪರಿಗಣಿಸಲಾಗಿದೆ ಹಾಗೂ ಇಸ್ಲಾಮಿಕ್ ಕ್ಯಾಲೆಂಡರ್‌ನ ಕೊನೆಯ ತಿಂಗಳಾದ ಧು ಅಲ್-ಹಿಜ್ಜಾದಲ್ಲಿ ಐದರಿಂದ ಆರು ದಿನಗಳವರೆಗೆ ಮಾಡಲಾಗುತ್ತದೆ.

ಹಜ್ ಕೋಟಾ ಎಂದರೇನು? ಹಿಂದಿನ ಉದ್ದೇಶವೇನು?

ಹೆಚ್ಚಿನ ಯಾತ್ರಾರ್ಥಿಗಳ ಆಗಮನದಿಂದ ಲಕ್ಷಾಂತರ ಯಾತ್ರಾರ್ಥಿಗಳಿಗೆ ಸುರಕ್ಷಿತ ಆತಿಥ್ಯ ಸೇವೆಗಳನ್ನು ಒದಗಿಸುವುದು ಸೌದಿ ಅರೇಬಿಯಾ ಸರಕಾರಕ್ಕೆ ಸವಾಲಾಗಿತ್ತು. ಹಾಗಾಗಿ ಪರಿಸ್ಥಿತಿಯನ್ನು ಸಮತೋಲನಗೊಳಿಸಲು ಮೆಕ್ಕಾಗೆ ಭೇಟಿ ನೀಡುವ ಯಾತ್ರಾರ್ಥಿಗಳ ಸಂಖ್ಯೆಯನ್ನು ಸ್ವಲ್ಪ ಸಮಯದವರೆಗೆ ಮಿತಿಗೊಳಿಸಲು ದೇಶವು ಪ್ರಪಂಚದಾದ್ಯಂತ ದೇಶಾದ್ಯಂತ ಕೋಟಾಗಳನ್ನು ನಿಗದಿಪಡಿಸಿತು. ಈ ಕೋಟಾಗಳನ್ನು ದೇಶದ ಮುಸ್ಲಿಂ ಜನಸಂಖ್ಯೆಯ ಆಧಾರದ ಮೇಲೆ ವಿತರಿಸಲಾಗುತ್ತದೆ.

ಭಾರತದಲ್ಲಿ ಕೋಟಾವನ್ನು ಹೇಗೆ ನಿರ್ಧರಿಸಲಾಗಿದೆ?

ಇದಲ್ಲದೆ, ಭಾರತದಲ್ಲಿ, ಕೋಟಾಗಳನ್ನು ಎರಡು ಅನುಪಾತಗಳಾಗಿ ವಿಂಗಡಿಸಲಾಗಿದೆ ಮತ್ತು ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯ ಮತ್ತು ಭಾರತದ ಹಜ್ ಸಮಿತಿ (HCoI) ಮೂಲಕ ವಿವಿಧ ಮಧ್ಯಸ್ಥಗಾರರಿಗೆ ವಿತರಿಸಲಾಗುತ್ತದೆ. ಈ ಪೈಕಿ 70% ದಷ್ಟು ಕೋಟಾವನ್ನು HCOI ಮೂಲಕ ಕಾಯ್ದಿರಿಸಿದರೆ, ಹಜ್ ಯಾತ್ರೆ ನಡೆಸಲು ಶುಲ್ಕ ವಿಧಿಸದ ಖಾಸಗಿ ಮಧ್ಯಸ್ಥಗಾರರಿಗೆ ಕೇವಲ 30% ಕೋಟಾವನ್ನು ಒದಗಿಸಲಾಗುತ್ತದೆ.

ಅರ್ಜಿದಾರರ ಸಂಖ್ಯೆಯು ಲಭ್ಯವಿರುವ ಸ್ಲಾಟ್‌ಗಳ ಸಂಖ್ಯೆಯನ್ನು ಮೀರಿದರೆ ಯಾರು ಪ್ರಯಾಣ ಮಾಡುತ್ತಾರೆ ಎಂಬುದನ್ನು ನಿರ್ಧರಿಸಲು ಪ್ರತಿ ರಾಜ್ಯದಲ್ಲಿ ಡ್ರಾವನ್ನು ನಡೆಸಲಾಗುತ್ತದೆ.

ಯಾತ್ರಾರ್ಥಿಗಳಿಗೆ ಭಾರತದ ಹಜ್ ಸ್ಲಾಟ್‌ಗಳ ವಿತರಣೆ

ಜನವರಿ 9 ರಂದು, ಸೌದಿ ಅರೇಬಿಯಾದ ಜೆಡ್ಡಾದಲ್ಲಿರುವ ಭಾರತೀಯ ದೂತಾವಾಸವು ಸೌದಿ ಅರೇಬಿಯಾದೊಂದಿಗೆ ಹಜ್ 2023 ದ್ವಿಪಕ್ಷೀಯ ಒಪ್ಪಂದಕ್ಕೆ ಭಾರತ ಸಹಿ ಮಾಡಿದೆ ಎಂದು ಟ್ವೀಟ್ ಮಾಡಿದೆ. ಒಪ್ಪಂದದ ಪ್ರಕಾರ, ಒಟ್ಟು 1,75,025 ಭಾರತೀಯ ಹಜ್ ಯಾತ್ರಿಕರು ಹಜ್ ಮಾಡಲು ಸಾಧ್ಯವಾಗುತ್ತಿದ್ದು, ಇದು ಇತಿಹಾಸದಲ್ಲೆ ಅತ್ಯಧಿಕ ಸಂಖ್ಯೆ ಎಂದೆನಿಸಿದೆ.

ಹೊಸ ನೀತಿ ಹೇಗೆ ಕಾರ್ಯನಿರ್ವಹಿಸಬಹುದು?

ಭಾರತದ ಇತ್ತೀಚಿನ ಹಜ್ ನೀತಿಯ ನಿರ್ದಿಷ್ಟತೆಗಳು ಇನ್ನೂ ಗೋಚರಿಸದಿದ್ದರೂ, ಈ ವ್ಯವಸ್ಥೆಯು ಕಾರ್ಯನಿರ್ವಹಿಸುವ ವಿಧಾನವೆಂದರೆ ಭಾರತಕ್ಕೆ (ಸೌದಿ ಅರೇಬಿಯಾದಿಂದ) ನಿಗದಿಪಡಿಸಿದ ಕೋಟಾವನ್ನು ನಂತರ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯ ಮತ್ತು ಭಾರತದ ಹಜ್ ಸಮಿತಿಯಿಂದ ವಿತರಿಸಲಾಗುತ್ತದೆ ಎಂದಾಗಿದೆ.

ಹಜ್ ವಿಐಪಿ ಕೋಟಾಗಳು ಯಾವುವು? ಹೇಗೆ ಹಂಚಲಾಗಿದೆ?

ಸರ್ಕಾರಿ ವಿವೇಚನಾ (ವಿಐಪಿ) ಕೋಟಾವನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗಿದೆ, 200 ಸೀಟುಗಳು ಹಜ್ ಸಮಿತಿಯಲ್ಲಿವೆ ಮತ್ತು 300 ಸೀಟುಗಳು ಕೇಂದ್ರದಲ್ಲಿ ಪ್ರಮುಖ ಅಧಿಕಾರಿಗಳ ಬಳಿ ಇದೆ

ಅಧ್ಯಕ್ಷರೊಂದಿಗೆ 100 ಸೀಟುಗಳು

ಪ್ರಧಾನಿಯವರೊಂದಿಗೆ 75 ಸೀಟುಗಳು

ಉಪಾಧ್ಯಕ್ಷರೊಂದಿಗೆ 75 ಸೀಟುಗಳು

ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವರೊಂದಿಗೆ 50 ಸೀಟುಗಳು

ಹಳೆಯ ನೀತಿಯ ಪ್ರಕಾರ, ಸಾಮಾನ್ಯ ವಿಧಾನಗಳ ಮೂಲಕ ಹಜ್ ಯಾತ್ರೆಗೆ ಅರ್ಜಿ ಸಲ್ಲಿಸಿದ ಆದರೆ ಯಾತ್ರೆಗೆ ಸ್ಲಾಟ್ ಪಡೆಯುವಲ್ಲಿ ವಿಫಲರಾದ ವ್ಯಕ್ತಿಗಳಿಗೆ ಈ ಸೀಟುಗಳನ್ನು ಹಂಚಬಹುದು. ಈ ಕೋಟಾವನ್ನು ಈಗ ರದ್ದುಗೊಳಿಸಲಾಗಿದ್ದು, ಈ ಸೀಟುಗಳನ್ನು ಮತ್ತೆ ಸಾಮಾನ್ಯ ವಿಧಕ್ಕೆ ಸೇರಿಸಲಾಗಿದೆ.

‘ವಿಐಪಿ ಕೋಟಾ' ಕುರಿತು ನಡೆಯುತ್ತಿರುವ ಚರ್ಚೆ

ವಿಐಪಿ ಕೋಟಾ ಕುರಿತು ನಡೆಯುತ್ತಿರುವ ಚರ್ಚೆ ಅಂತೆಯೇ ತಲೆದೋರುತ್ತಿರುವ ಸಮಸ್ಯೆ ಇದೇ ಮೊದಲಲ್ಲ. 2011 ರಲ್ಲಿ, ಸುಪ್ರೀಂ ಕೋರ್ಟ್ ಹಜ್ ಯಾತ್ರಿಕರ ವಿಐಪಿ ಕೋಟಾವನ್ನು "ಕೆಟ್ಟ ಧಾರ್ಮಿಕ ಆಚರಣೆ" ಎಂದು ಉಲ್ಲೇಖಿಸಿತ್ತು.

2012 ರಲ್ಲಿ, ಸರ್ವೋಚ್ಛ ನ್ಯಾಯಾಲಯವು ಸರ್ಕಾರಿ ಕೋಟಾವನ್ನು 5000 ರಿಂದ 500 ಕ್ಕೆ ಇಳಿಸಿತು, ಸರ್ಕಾರಕ್ಕೆ 300 ಮತ್ತು HCoI ಗಾಗಿ 200 ಎಂದು ವಿಭಜಿಸಿತು.

ಹಜ್ ಸಬ್ಸಿಡಿ ರದ್ದುಗೊಳಿಸಲು ಸರಕಾರಕ್ಕೆ ಆದೇಶ ನೀಡಿದ್ದ ಸರ್ವೋಚ್ಛ ನ್ಯಾಯಾಲಯ

ಅದೇ ತೀರ್ಪಿನಲ್ಲಿ, ಸುಪ್ರೀಂ ಕೋರ್ಟ್ ಹಜ್ ಸಬ್ಸಿಡಿಯನ್ನು 10 ವರ್ಷಗಳ ಅವಧಿಯಲ್ಲಿ ಹಂತಹಂತವಾಗಿ ರದ್ದುಗೊಳಿಸುವಂತೆ ಸರ್ಕಾರಕ್ಕೆ ನಿರ್ದೇಶನ ನೀಡಿದ್ದು, ಮೊತ್ತವನ್ನು ಮುಸ್ಲಿಂ ಸಮುದಾಯದ ಸಾಮಾಜಿಕ ಮತ್ತು ಶೈಕ್ಷಣಿಕ ಅಭಿವೃದ್ಧಿಗೆ ಬಳಸಬಹುದು ಎಂದು ತಿಳಿಸಿದೆ.

ಇದನ್ನೂ ಓದಿ: Explained: ಅಮೆರಿಕಾದಲ್ಲಿ ಕ್ಯಾನ್ಸರ್‌ನಿಂದ ಸಾಯುತ್ತಿರುವವರ ಪ್ರಮಾಣ ಇಳಿಕೆ; 1991 ರಿಂದ 33% ಕಡಿಮೆಯಾಗಲು ಕಾರಣವೇನು?

ಹೊಸ ನೀತಿಯ ಪ್ರಕಾರ, ಇದೀಗ ಎಲ್ಲಾ ಹಜ್ ಯಾತ್ರಿಕರು ಹಜ್ ಸಮಿತಿ ಮತ್ತು ಖಾಸಗಿ ಟೂರ್ ಆಪರೇಟರ್‌ಗಳ ಮೂಲಕ ಮಾತ್ರ ಪ್ರಯಾಣಿಸಬಹುದಾಗಿದೆ. ವಿಐಪಿ ಸಂಸ್ಕೃತಿಯನ್ನು ನಿಲ್ಲಿಸುವ ಕ್ರಮವಾಗಿ ಈ ನೀತಿಯನ್ನು ಜಾರಿಗೊಳಿಸಲಾಗಿದೆ ಎಂದು ಕೇಂದ್ರ ತಿಳಿಸಿದೆ.

ಹಜ್ ಯಾತ್ರೆ ನಡೆಸಲು ಪ್ರತಿಯೊಬ್ಬರಿಗೂ ಸಮಾನ ಅವಕಾಶ

ಈ ಹಿಂದೆ ಉನ್ನತ ಅಧಿಕಾರಿಗಳ ಸಂಪರ್ಕ ಹೊಂದಿದ್ದವರು ವಿಐಪಿ ಕೋಟಾದಡಿಯಲ್ಲಿ ಹಜ್‌ಗೆ ಯಾತ್ರೆ ನಡೆಸುತ್ತಿದ್ದರು. ಇದೀಗ ಈ ಕೋಟಾವನ್ನು ತೆಗೆದುಹಾಕಿರುವುದರಿಂದ ಪ್ರತಿಯೊಬ್ಬರಿಗೂ ಹಜ್ ಯಾತ್ರೆ ನಡೆಸಲು ಸಮಾನ ಅವಕಾಶವಿದೆ ಎಂದು ಇರಾನಿ ತಿಳಿಸಿದ್ದಾರೆ.

ಹಜ್ ಯಾತ್ರೆಯಲ್ಲಿ ಮುಸ್ಲಿಂ ಯಾತ್ರಾರ್ಥಿಗಳು ತಾರತಮ್ಯ ಬಯಸುವುದಿಲ್ಲ, ಇದೀಗ ಎಲ್ಲರಿಗೂ ಯಾತ್ರೆಯಲ್ಲಿ ಪಾಲ್ಗೊಳ್ಳಲು ಸಮಾನ ಅವಕಾಶ ಸಿಗುತ್ತದೆ ಎಂದು ಇರಾನಿ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಯಾತ್ರಾರ್ಥಿಗಳ ಸಂಖ್ಯೆಯಲ್ಲಿ ಹೆಚ್ಚಳ

ವಿಐಪಿ ಕೋಟಾಗಳ ಸಂಪೂರ್ಣ ವ್ಯವಸ್ಥೆಯನ್ನು ರದ್ದುಗೊಳಿಸುವಂತೆ ನಾವು ಹಜ್ ಸಮಿತಿಗೆ ಮನವಿ ಮಾಡಿದ್ದೇವೆ ಎಂದು ಇರಾನಿ ತಿಳಿಸಿದ್ದಾರೆ. ಕರೋನಾ ವೈರಸ್ ಸಮಯದಲ್ಲಿ ಧಾರ್ಮಿಕ ಕೇಂದ್ರಕ್ಕೆ ಭೇಟಿ ನೀಡುವುದಕ್ಕೆ ಯಾತ್ರಾರ್ಥಿಗಳಿಗೆ ನಿರ್ಬಂಧ ಹೇರಲಾಗಿತ್ತು.

ಇದೀಗ ನಿರ್ಬಂಧಗಳನ್ನು ತೆರವುಗೊಳಿಸಿದ ನಂತರ ಸೌದಿ ಅರೇಬಿಯಾದಲ್ಲಿ ಇಸ್ಲಾಂನ ವಾರ್ಷಿಕ ಹಜ್ ತೀರ್ಥಯಾತ್ರೆಯು ಈ ವರ್ಷ ಸಾಂಕ್ರಾಮಿಕದ ಪೂರ್ವ ಮಟ್ಟಕ್ಕೆ ಮರಳಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕೋವಿಡ್ ಸಮಯದಲ್ಲಿ ನಿರ್ಬಂಧ ಹೇರಲಾಗಿತ್ತು

ಸಾಂಕ್ರಾಮಿಕಕ್ಕೆ ಮೊದಲು ಹಜ್ ಯಾತ್ರೆಯು ಇಸ್ಲಾಂ ನ ಪವಿತ್ರ ನಗರ ಮೆಕ್ಕಾಕ್ಕೆ ಪ್ರತಿ ವರ್ಷ ಲಕ್ಷಾಂತರ ಜನರನ್ನು ಆಕರ್ಷಿಸುತ್ತಿತ್ತು, ಕ್ಯೂಬ್-ಆಕಾರದ ಕಾಬಾ ಅಲ್ಲಿನ ಪವಿತ್ರ ನೆಲೆಯಾಗಿದೆ. ಮುಸ್ಲಿಂ ಭಕ್ತರು ದಿನಕ್ಕೆ ಐದು ಬಾರಿ ಪ್ರಾರ್ಥನೆ ಸಲ್ಲಿಸುತ್ತಾರೆ.

2019 ರಲ್ಲಿ, 2.4 ಮಿಲಿಯನ್ ಜನರು ತೀರ್ಥಯಾತ್ರೆಯಲ್ಲಿ ಭಾಗವಹಿಸಿದ್ದರು. ಆದರೆ 2020 ರಲ್ಲಿ, ಸಾಂಕ್ರಾಮಿಕ ರೋಗದಿಂದ ಉಂಟಾದ ಲಾಕ್‌ಡೌನ್‌ಗಳ ಮಧ್ಯೆ, ಸೌದಿ ಅರೇಬಿಯಾ ಹಜ್ ಅನ್ನು ತೀವ್ರವಾಗಿ ಮೊಟಕುಗೊಳಿಸಿತು, ಸೌದಿ ಅರೇಬಿಯಾದ 1,000 ನಿವಾಸಿಗಳು ಮಾತ್ರವೇ ಭಾಗವಹಿಸಲು ಅನುಮತಿ ನೀಡಿತ್ತು.

ವಿಶ್ವದಾದ್ಯಂತ ಹತ್ತಾರು ಮಿಲಿಯನ್ ಜನರ ಸಾವಿಗೆ ಕಾರಣವಾದ 1918 ರ ಫ್ಲೂ ಸಾಂಕ್ರಾಮಿಕ ಸಮಯದಲ್ಲಿಯೂ ಸಹ ಅಭೂತಪೂರ್ವ ಕ್ರಮ ತೆಗೆದುಕೊಳ್ಳಲಾಗಿತ್ತು.

2021 ರಲ್ಲಿ, ಸೌದಿ ಅರೇಬಿಯಾದ ಸುಮಾರು 60,000 ನಿವಾಸಿಗಳು ಭಾಗವಹಿಸಿದ್ದರು. ಕಳೆದ ವರ್ಷ 1 ಮಿಲಿಯನ್ ಭಕ್ತರು ತೀರ್ಥಯಾತ್ರೆ ಮಾಡಿದ್ದಾರೆ ಎಂದು ವರದಿಯಾಗಿದೆ.