Explained: ಪಂಜಾಬ್‌ ಗೆಲುವಿನ ಬಳಿಕ ಜನಪ್ರಿಯವಾಗುತ್ತಿದೆಯಾ ಆಮ್ ಆದ್ಮಿ? ಕರ್ನಾಟಕದಲ್ಲೂ ಎಲ್ಲ ಪಕ್ಷಗಳನ್ನು ಗುಡಿಸಿ ಹಾಕುತ್ತಾ 'ಪೊರಕೆ'?

ದೆಹಲಿಯಲ್ಲಿದ್ದ ಆಮ್ ಆದ್ಮಿ ಆಡಳಿತ ಈಗ ಪಂಜಾಬ್‌ಗೂ ವಿಸ್ತರಣೆಯಾಗಿದೆ. ಮುಂದಿನ ಚುನಾವಣೆಯಲ್ಲಿ ಕರ್ನಾಟಕದಲ್ಲೂ ಗೆಲುವು ಸಾಧಿಸಲು ಎಎಪಿ ಪ್ಲಾನ್ ಮಾಡಿದೆ. ಕರ್ನಾಟಕದಿಂದಲೇ ಕರ್ನಾಟಕ ರಾಜ್ಯದ ಆಡಳಿತ ನಡೆಯಲಿದೆ. ಅರವಿಂದ್ ಕೇಜ್ರಿವಾಲ್ ಆಡಳಿತ ನಡೆಸುವುದಿಲ್ಲ’’ ಎಂದು ಪಕ್ಷದ ರಾಜ್ಯ ಸಂಚಾಲಕ ಹೇಳಿದ್ದಾರೆ. ಆಮ್ ಆದ್ಮೆ ಸೇರಲು ಪ್ರಮುಖ ಪಕ್ಷದ ನಾಯಕರೇ ಇಚ್ಚಿಸುತ್ತಿದ್ದಾರಂತೆ!

ಆಮ್‌ ಅದ್ಮಿ ಪಾರ್ಟಿ (ಚಿತ್ರ ಕೃಪೆ: ಇಂಟರ್‌ನೆಟ್)

ಆಮ್‌ ಅದ್ಮಿ ಪಾರ್ಟಿ (ಚಿತ್ರ ಕೃಪೆ: ಇಂಟರ್‌ನೆಟ್)

  • Share this:
    2012ರಲ್ಲಿ ಸ್ಥಾಪನೆಯಾದ ಆಮ್ ಆದ್ಮಿ ಪಕ್ಷ (Aam Aadmi Party), ಬಳಿಕ ದೆಹಲಿಯಲ್ಲಿ (Delhi) ಭರ್ಜರಿಯಾಗಿ ಗೆಲುವು (Win) ಸಾಧಿಸಿತ್ತು. ನಂತರ ಇತರೆ ರಾಜ್ಯಗಳಲ್ಲಿ ಎಎಪಿ (AAP) ಪರವಾದ ಅಲೆ ಸ್ವಲ್ಪವಾದರು ಆರಂಭಗೊಂಡಿತ್ತು. ಅದರಲ್ಲೂ, ಪ್ರಮುಖವಾಗಿ ಪಂಜಾಬ್‌ನಲ್ಲಿ (Punjab) ಆಪ್‌ಗೆ ಹೆಚ್ಚು ಭರವಸೆ ಇತ್ತು. ಅದರಂತೆ, ಪಂಜಾಬ್ನಲ್ಲೂ ಈಗ ಎಎಪಿಗೆ ದೊಡ್ಡ ಗೆಲುವು ಸಿಕ್ಕಿದೆ. ಈಗ ಪೊರಕೆ ಹಿಡಿಯುವವರ ಸಂಖ್ಯೆ ಇತೆರ ರಾಜ್ಯಗಳಲ್ಲೂ ಹೆಚ್ಚಾಗುತ್ತಿದೆಯಂತೆ. ಅದರಲ್ಲೂ, ಕರ್ನಾಟಕದಲ್ಲೂ (Karnataka) ಪೊರಕೆಗೆ ಡಿಮ್ಯಾಂಡ್‌ ಬಂದಿದೆಯಂತೆ. ಪಂಜಾಬ್‌ನಲ್ಲಿ ಆಮ್ ಆದ್ಮಿ ಪಕ್ಷದ ಅದ್ಭುತ ಸ್ವೀಪ್ ನಂತರ, ಆ ಪಕ್ಷದ ಕರ್ನಾಟಕ ರಾಜ್ಯ ಸಂಚಾಲಕ ಪೃಥ್ವಿ ರೆಡ್ಡಿ ಅವರ ಮೊಬೈಲ್ ಫೋನ್ ಸಿಕ್ಕಾಪಟ್ಟೆ ಬ್ಯುಸಿ ಆಗಿದೆಯಂತೆ. ಸರಾಸರಿಯಾಗಿ, ಅವರು ಒಂದು ಗಂಟೆಯಲ್ಲಿ 30 ಕರೆಗಳನ್ನು ಪಡೆಯುತ್ತಿದ್ದಾರೆ ಮತ್ತು ಹತ್ತಾರು ಆಕಾಂಕ್ಷಿಗಳು ಅವರ ಮನೆ ಬಾಗಿಲನ್ನು ತಟ್ಟುತ್ತಿರುವ ಕಾರಣ ಆಶ್ಚರ್ಯಗೊಂಡ ರೆಡ್ಡಿ ಎಲ್ಲರಿಗೂ ಉತ್ತರಿಸಲು ಸಾಧ್ಯವಾಗುತ್ತಿಲ್ಲ ಎಂದು ತಿಳಿದುಬಂದಿದೆ.

    ಕೆಲವು ಕರೆಗಳು ಕೇವಲ ಅಭಿನಂದನೆಗೆ ಸೀಮಿತವಾಗಿದೆ. ಆದರೆ AAPಗೆ ಸೇರಲು ಡಜನ್‌ಗಟ್ಟಲೆ ಕರೆಗಳು ಬರುತ್ತಿದೆ ಮತ್ತು ಕೆಲವರು ಚುನಾವಣೆಯಲ್ಲಿ ಹೋರಾಡಲು ಬಯಸುತ್ತಾರೆ ಎಂದೂ ಕರ್ನಾಟಕದ ಎಎಪಿ ರಾಜ್ಯ ಸಂಚಾಲಕ ಪೃಥ್ವಿ ರೆಡ್ಡಿ ಹೇಳಿಕೊಂಡಿದ್ದಾರೆ.

    ಕಾಂಗ್ರೆಸ್‌, ಬಿಜೆಪಿ ಬಿಟ್ಟು ‘ಪೊರಕೆ’ ಹಿಡಿಯಲು ರೆಡಿ..!

    ಈ ಸಂಬಂಧ ನ್ಯೂಸ್ 18 ಜೊತೆ ಮಾತನಾಡಿದ ಪೃಥ್ವಿ ರೆಡ್ಡಿ, ಪಂಜಾಬ್ ಚುನಾವಣಾ ಫಲಿತಾಂಶಗಳು ಕರ್ನಾಟಕದಲ್ಲೂ ಕಾಂಗ್ರೆಸ್‌ನ ಬುಡವನ್ನು ಅಲ್ಲಾಡಿಸಿದೆ. ಮುಂಬರುವ ಬಿಬಿಎಂಪಿ ಮತ್ತು ವಿಧಾನಸಭೆ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷದ ಟಿಕೆಟ್‌ನಲ್ಲಿ ಸ್ಪರ್ಧಿಸುವ ಇಚ್ಛೆ ವ್ಯಕ್ತಪಡಿಸಿ ಹಲವು ಕಾಂಗ್ರೆಸ್ ನಾಯಕರು ನನಗೆ ಕರೆ ಮಾಡಿದ್ದಾರೆ. ಅವರಲ್ಲಿ ಹಲವರು ಕ್ಲೀನ್ ರೆಕಾರ್ಡ್ ಹೊಂದಿರುವ ಎರಡನೇ ಹಂತದ ನಾಯಕರಿದ್ದಾರೆ.

    ಕಲ್ಯಾಣ ಕರ್ನಾಟಕ ಭಾಗದಲ್ಲೂ ಆಪ್‌ ಪರ ಅಲೆ

    ಅಚ್ಚರಿಯೆಂದರೆ, ಹೈದರಾಬಾದ್-ಕರ್ನಾಟಕ ಪ್ರದೇಶದ (ಈಗ ಕಲ್ಯಾಣ ಕರ್ನಾಟಕ ಪ್ರದೇಶ ಎಂದು ಮರುನಾಮಕರಣ ಮಾಡಲಾಗಿದೆ) ಕೆಲವು ಬಿಜೆಪಿ ನಾಯಕರು  ಸಂಜೆ ವಿಧಾನಸಭೆ ಟಿಕೆಟ್‌ಗಾಗಿ ನನ್ನನ್ನು ಭೇಟಿ ಮಾಡಿದ್ದಾರೆ ಎಂದೂ ಪೃಥ್ವಿ ರೆಡ್ಡಿ ಹೇಳಿದ್ದಾರೆ.

    ಆದರೆ, ಗೆದ್ದವರಿಗೆ ಹಲವು ಗೆಳೆಯರಿರುತ್ತಾರೆ ಎಂಬುದು ಪೃಥ್ವಿ ರೆಡ್ಡಿಗೆ ಗೊತ್ತಿದ್ದು, ಈ ಹಿನ್ನೆಲೆ ನಾನು ಎಚ್ಚರಿಕೆಯಿಂದ ಇದ್ದೇನೆ. ಆದರೂ, ರಾಜಕೀಯದಲ್ಲಿ ಯಾರೂ ಅಸ್ಪೃಶ್ಯರಲ್ಲ ಎಂದೂ ಅವರು ಹೇಳಿಕೊಂಡಿದ್ದಾರೆ.

    ಇದನ್ನೂ ಓದಿ: Explained: ಶಿಕ್ಷಣದಲ್ಲೂ ಪಾಲಿಸಬೇಕೇ ಶ್ರೀಕೃಷ್ಣನ ಉಪದೇಶ? ಶಾಲೆಯಲ್ಲಿ ಬೇಕೇ ಭಗವದ್ಗೀತೆ?

    ಭ್ರಷ್ಟರು, ಕೋಮುವಾದಿಗಳಿಗೆ ಜಾಗವಿಲ್ಲ..!

    ನಮಗೆ ಕಾಂಗ್ರೆಸ್ ಅಥವಾ ಬಿಜೆಪಿ ಅಥವಾ ಜೆಡಿಎಸ್ ನಾಯಕರು ಮತ್ತು ಕಾರ್ಯಕರ್ತರು ಅಸ್ಪೃಶ್ಯರಲ್ಲ. ಆ ಪಕ್ಷಗಳಲ್ಲೂ ಗೆಲ್ಲಬಲ್ಲ ಅನೇಕ ಪ್ರಾಮಾಣಿಕ ಪುರುಷರು ಮತ್ತು ಮಹಿಳೆಯರಿದ್ದಾರೆ. ಅವರು ನಿಜವಾಗಿಯೂ ಎಎಪಿಗೆ ಸೇರುವ ಬಗ್ಗೆ ಗಂಭೀರವಾಗಿದ್ದರೆ ನಾವು ಖಂಡಿತವಾಗಿಯೂ ಅವರನ್ನು ಪರಿಗಣಿಸುತ್ತೇವೆ. ಆದರೆ, ನಾವು ಕೋಮುವಾದಿ ಮತ್ತು ಭ್ರಷ್ಟರನ್ನು ತೆಗೆದುಕೊಳ್ಳುವುದಿಲ್ಲ ಅಷ್ಟೇ” ಎಂದು ಎಎಪಿ ರಾಜ್ಯ ಸಂಚಾಲಕ ಹೇಳಿದರು.

    2013 ರಿಂದಲೂ ರಾಜ್ಯದಲ್ಲಿ ಸಕ್ರಿಯವಾಗಿರುವ ಆಪ್‌..!

    ಎಎಪಿ 2013 ರಿಂದಲೂ ಕರ್ನಾಟಕದಲ್ಲಿ ಸಕ್ರಿಯವಾಗಿದೆ ಮತ್ತು ಪೃಥ್ವಿ ರೆಡ್ಡಿ ಸಂಸ್ಥಾಪಕ ಸದಸ್ಯರಲ್ಲಿ ಒಬ್ಬರು. ಅವರು ಎಎಪಿಯ ರಾಷ್ಟ್ರೀಯ ಕಾರ್ಯಕಾರಿಣಿ ಮತ್ತು ರಾಷ್ಟ್ರೀಯ ವಕ್ತಾರರೂ ಆಗಿದ್ದಾರೆ. ಹಾಗೂ, ಆಮ್‌ ಆದ್ಮಿ ಪಕ್ಷದ ಸಂಸ್ಥಾಪಕ ಅರವಿಂದ್ ಕೇಜ್ರಿವಾಲ್ ದಕ್ಷಿಣ ರಾಜ್ಯಕ್ಕೆ ಆಗಾಗ್ಗೆ ಭೇಟಿ ನೀಡುತ್ತಿರುತ್ತಾರೆ. ಪಂಜಾಬ್‌ನಲ್ಲಿ ಮತದಾನ ಮುಗಿದ ನಂತರ, ಈಗ ಸಿಎಂ ಆಗಿ ಆಯ್ಕೆಯಾಗಿರುವ ಭಗವಂತ್ ಮಾನ್ ಸಹ ಪ್ರಕೃತಿ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಭೇಟಿ ನೀಡಿದ್ದರು.

    ಬಿಬಿಎಂಪಿ ಚುನಾವಣೆ ಮೇಲೆ ಕಣ್ಣು..!

    ಬಿಬಿಎಂಪಿ ಚುನಾವಣೆಯಲ್ಲಿ ತನ್ನ ಖಾತೆ ತೆರೆಯಲು ಎಎಪಿ ಗಂಭೀರ ಪ್ರಯತ್ನ ನಡೆಸುತ್ತಿದೆ. “ಬೆಂಗಳೂರಿಗರು ತಮ್ಮ ವಿರುದ್ಧ ಮತ ಹಾಕುತ್ತಾರೆ ಎಂಬ ಭಯ ಕರ್ನಾಟಕದ ಬಿಜೆಪಿ ಸರ್ಕಾರಕ್ಕಿದೆ. ಹೀಗಾಗಿ ಬಿಬಿಎಂಪಿ ಚುನಾವಣೆ ನಡೆಸಲು ಅವರು ಸಿದ್ಧರಿಲ್ಲ. ಅವರು ಸುಪ್ರೀಂ ಕೋರ್ಟ್ ಕಾರಣ ನೀಡುತ್ತಿದ್ದಾರೆ. ವಾಸ್ತವವಾಗಿ, ಸುಪ್ರೀಂಕೋರ್ಟ್‌ ಸಹ ಚುನಾವಣೆ ನಡೆಸಬೇಕೆಂದು ಬಯಸುತ್ತಿದೆ” ಎಂದು ಅವರು ಹೇಳಿದರು.

    ನಾವು ಹೋರಾಡಿದರೆ ದೊಡ್ಡ ಗೆಲುವು

    ಎಎಪಿ ಬೆಂಗಳೂರು ಮಹಾನಗರ ಪಾಲಿಕೆಯ ಎಲ್ಲಾ ವಾರ್ಡ್‌ಗಳಲ್ಲಿ ಸ್ಪರ್ಧಿಸಲು ಬಯಸಿದೆ. “ಜಾಗತಿಕ ನಗರವು ದೊಡ್ಡ ಬದಲಾವಣೆಗೆ ಸಿದ್ಧವಾಗಿದೆ. ನಾಗರಿಕ-ಚಾಲಿತ ಮತ್ತು ನಾಗರಿಕ ಕೇಂದ್ರಿತ ಆಡಳಿತಕ್ಕೆ ನಾವು ವೇದಿಕೆಯನ್ನು ಒದಗಿಸುತ್ತೇವೆ. ಬಿಜೆಪಿ ಮತ್ತು ಕಾಂಗ್ರೆಸ್ ಭ್ರಷ್ಟ ಅಧಿಕಾರಿಗಳ ನೆರವಿನಿಂದ ಬಿಬಿಎಂಪಿಯನ್ನು ದೊಡ್ಡ ಮಾಫಿಯಾವನ್ನಾಗಿ ಮಾಡಿದೆ. ನಾವು ತೀವ್ರವಾಗಿ ಹೋರಾಡಿದರೆ ಇಬ್ಬರೂ ಸೋಲುತ್ತಾರೆ,'' ಎಂದು ರೆಡ್ಡಿ ಆಶಿಸಿದ್ದಾರೆ.

    ಈ ಹಿಂದೆ ಠೇವಣಿ ಕಳೆದುಕೊಂಡಿದ್ದ ಅಭ್ಯರ್ಥಿಗಳು

    2018ರ ಕರ್ನಾಟಕ ವಿಧಾನಸಭೆ ಚುನಾವಣೆಯಲ್ಲಿ ಆಪ್ ಸ್ಪರ್ಧಿಸಿತ್ತು. ಆದರೆ, ಸ್ಪರ್ಧಿಸಿದ್ದ ಎಲ್ಲ 28 ಸ್ಥಾನಗಳಲ್ಲೂ ಠೇವಣಿ ಕಳೆದುಕೊಂಡಿತ್ತು. ಇನ್ನು, ಇತ್ತೀಚೆಗಷ್ಟೇ ನಡೆದ ಪೌರಾಡಳಿತ ಸಂಸ್ಥೆಗಳ ಚುನಾವಣೆಯಲ್ಲಿ ಇಡೀ ರಾಜ್ಯದಲ್ಲಿ ಕೇವಲ ಒಂದು ವಾರ್ಡ್‌ನಲ್ಲಿ ಗೆಲುವು ಸಾಧಿಸುವ ಮೂಲಕ ಆಮ್‌ ಆದ್ಮಿ ಪಕ್ಷ ಖಾತೆ ತೆರೆದಿದೆ.

    ತತ್ವಗಳಲ್ಲಿ ಯಾವುದೇ ರಾಜಿ ಇಲ್ಲ..!

    ರಾಜ್ಯದಲ್ಲಿ ಹಿಂದಿನ ಚುನಾವಣೆಗಳಲ್ಲಿ ಸೋಲಿನ ಬಗ್ಗೆ ಪ್ರತಿಕ್ರಯಿಸಿದ ಎಎಪಿ ರಾಜ್ಯ ಸಂಚಾಲಕ, “ನಮ್ಮ ತತ್ವಗಳಲ್ಲಿ ನಾವು ರಾಜಿ ಮಾಡಿಕೊಳ್ಳದ ಕಾರಣ ನಾವು ಹಿಂದೆ ಅವಮಾನಕರ ಸೋಲುಗಳನ್ನು ಅನುಭವಿಸಿದ್ದೇವೆ. ನಾವು ಗೆಲ್ಲಬಲ್ಲೆವು ಎಂಬುದನ್ನು ಜನರು ಈಗ ಅರಿತುಕೊಂಡಿದ್ದಾರೆ ಎಂದಿದ್ದಾರೆ.

    ಪಂಜಾಬ್ ಗೆಲುವು ನಮಗೆ ದೊಡ್ಡದು

    ಪಂಜಾಬ್‌ನಂತಹ ಪೂರ್ಣ ರಾಜ್ಯವನ್ನು ಗೆಲ್ಲುವುದು ದೊಡ್ಡ ವಿಷಯ. ನಾವು ಈಗ ಕೇವಲ ನಗರ ಕೇಂದ್ರಿತ ಪಕ್ಷವಲ್ಲ. ಪಂಜಾಬ್ ಕೃಷಿ ಪ್ರಧಾನ ರಾಜ್ಯ. ಆದರೂ, ಎಲ್ಲರೂ ನಮಗೆ ಮತ ಹಾಕಿದ್ದಾರೆ. ಬಡವರಿಂದ ಹಿಡಿದು ಶ್ರೀಮಂತರವರೆಗೆ, ಅವಿದ್ಯಾವಂತರಿಂದ ಹಿಡಿದು ಉನ್ನತ ಶಿಕ್ಷಣ ಪಡೆದವರವರೆಗೆ, ಹಳ್ಳಿಗರಿಂದ ಹಿಡಿದು ನಗರ ಜನತೆಯವರೆಗೆ, ಸಿಖ್ಖರಿಂದ ಹಿಡಿದು ಹಿಂದೂಗಳವರೆಗೆ ನಮಗೆ ಮತದಾರರು ಇದ್ದಾರೆ ಅಂತ ಹೇಳಿದ್ದಾರೆ.

    “ಕರ್ನಾಟಕದಲ್ಲೂ ಬರಬಹುದು ಪಂಜಾಬ್ ರಿಸಲ್ಟ್?”

    ‘’ಹೀಗೆ, ಪಂಜಾಬ್‌ನಲ್ಲಿ ಆಗಬಹುದಾದರೆ ಕರ್ನಾಟಕದಲ್ಲೂ ಅದೇ ಆಗಬಹುದು. ಪಂಜಾಬ್ ಸರ್ಕಾರ ಅತ್ಯಂತ ಭ್ರಷ್ಟವಾಗಿತ್ತು. ನಾವು ಅದನ್ನು ಬದಲಾಯಿಸುತ್ತೇವೆ. ಕರ್ನಾಟಕ ಸರ್ಕಾರವೂ ಅತ್ಯಂತ ಭ್ರಷ್ಟವಾಗಿದೆ. ನಾವು ಅದನ್ನು ಕೊನೆಗೊಳಿಸುತ್ತೇವೆ. ಇದು ನಾಳೆ ಆಗದಿದ್ದರೂ, ಖಂಡಿತವಾಗಿ ಮುಂದಿನ ದಿನಗಳಲ್ಲಿ ಆಗುತ್ತದೆ” ಎಂದು ಪೃಥ್ವಿ ರೆಡ್ಡಿ ವಾದಿಸುತ್ತಾರೆ.

    ಭ್ರಷ್ಟಾಚಾರಿಗಳಿಗೆ ಇಲ್ಲ ಎಎಪಿ ಟಿಕೆಟ್

    ಲಾಭಕ್ಕಾಗಿ ಶಿಕ್ಷಣ ಸಂಸ್ಥೆಗಳು ಮತ್ತು ಆಸ್ಪತ್ರೆಗಳನ್ನು ನಡೆಸುತ್ತಿರುವವರಿಗೆ ಟಿಕೆಟ್ ನೀಡದಿರಲು ಎಎಪಿ ನಿರ್ಧರಿಸಿದೆ. ಹಾಗೂ, ರಿಯಲ್ ಎಸ್ಟೇಟ್‌ನವರು ಮತ್ತು ಗುತ್ತಿಗೆದಾರರನ್ನು ಕಣಕ್ಕಿಳಿಸುವ ವಿರುದ್ಧವೂ ನಿಲುವು ತಳೆದಿದೆ. “ಕರ್ನಾಟಕದ ಜನರು ಭ್ರಷ್ಟಾಚಾರಕ್ಕೆ ಈ ನಾಲ್ಕು ವರ್ಗದ ಜನರನ್ನು ದೂಷಿಸುತ್ತಾರೆ. ನಾವು ಅದೇ ಜನರನ್ನು ರಂಜಿಸಲು ಸಾಧ್ಯವಿಲ್ಲ” ಎಂದು ಅವರು ಹೇಳಿದರು.

    ಆಮ್ ಆದ್ಮಿ ಕನ್ನಡ ಪರ ಪಕ್ಷ!

    ಹಿಂದಿ ಹೆಸರಿನೊಂದಿಗೆ, AAP ಕನ್ನಡಿಗರೊಂದಿಗೆ ಇಷ್ಟವಾಗಬಹುದೇ ಎಂದು ಕೇಳಿದರೆ, ಎಎಪಿ ಕರ್ನಾಟಕ ಶುದ್ಧ ಕನ್ನಡ ಮತ್ತು ಕನ್ನಡ ಪರ ಪಕ್ಷವಾಗಿದೆ ಎಂದು ರೆಡ್ಡಿ ಹೇಳುತ್ತಾರೆ. ‘’ನಮ್ಮದು ಕನ್ನಡ ಪಕ್ಷ. ಅನೇಕ ಕನ್ನಡ ಪರ ಸಂಘಟನೆಗಳು ನಮ್ಮೊಂದಿಗಿವೆ. ಕರ್ನಾಟಕದಲ್ಲಿ ಕನ್ನಡ ಮತ್ತು ಕನ್ನಡಿಗರಿಗೆ ಆದ್ಯತೆ ನೀಡುವುದು ನಮ್ಮ ಮೊದಲ ಆದ್ಯತೆಯಾಗಿದೆ ಎಂದಿದ್ದಾರೆ.

    ಕರ್ನಾಟಕದಿಂದಲೇ ನಡೆಯಲಿದೆ ರಾಜ್ಯದ ಆಡಳಿತ!

    ಭಾರತವು ರಾಜ್ಯಗಳ ಒಕ್ಕೂಟವಾಗಿದೆ ಮತ್ತು ನವದೆಹಲಿಯ ಸರ್ಕಾರವು ಎಲ್ಲರಿಗೂ ಏಕರೂಪತೆಯನ್ನು ಹೇರುವುದನ್ನು ನಿಲ್ಲಿಸಬೇಕು ಎಂದು ನಾವು ದೃಢವಾಗಿ ನಂಬುತ್ತೇವೆ. ಇದು ನಮ್ಮ ರಾಷ್ಟ್ರದ ಅಡಿಪಾಯಕ್ಕೆ ವಿರುದ್ಧವಾಗಿದೆ ಮತ್ತು ಇದು ಹಾನಿಕಾರಕ ಪರಿಣಾಮಗಳಿಗೆ ಕಾರಣವಾಗಬಹುದು. ಎಎಪಿ ಭಾರತದ ವೈವಿಧ್ಯತೆಯನ್ನು ಎತ್ತಿ ಹಿಡಿಯುತ್ತದೆ. ಕರ್ನಾಟಕದಿಂದಲೇ ಕರ್ನಾಟಕ ರಾಜ್ಯದ ಆಡಳಿತ ನಡೆಯಲಿದೆ. ಅರವಿಂದ್ ಕೇಜ್ರಿವಾಲ್ ಆಡಳಿತ ನಡೆಸುವುದಿಲ್ಲ’’ ಎಂದು ಪಕ್ಷದ ರಾಜ್ಯ ಸಂಚಾಲಕ ವಿವರಿಸುತ್ತಾರೆ.

    ಎಎಪಿ ಜಾತಿ ಮತ್ತು ವರ್ಗದ ಅಡೆತಡೆಗಳನ್ನು ದಾಟಿ ಶಕ್ತಿಯಾಗಲು ಸಾಧ್ಯವೇ ಎಂಬ ಪ್ರಶ್ನೆ ರಾಜ್ಯ ರಾಜಕೀಯವನ್ನು ಬಲ್ಲವರಿಗೆ ಖಂಡಿತಾ ಉದ್ಭವಿಸುತ್ತದೆ. ಆದರೆ,ಇದನ್ನು ಮಾಡುವುದಕ್ಕಿಂತ ಹೇಳುವುದು ಸುಲಭ ಎಂದು ಕೆಲವು ರಾಜಕೀಯ ವೀಕ್ಷಕರು ಭಾವಿಸುತ್ತಾರೆ.

    ಆಮ್ ಆದ್ಮಿ ಬಗ್ಗೆ ಕಾಂಗ್ರೆಸ್, ಬಿಜೆಪಿ ನಿಲುವೇನು?

    ಆಡಳಿತಾರೂಢ ಬಿಜೆಪಿಯು ಎಎಪಿಯನ್ನು ಕರ್ನಾಟಕದಲ್ಲಿ ಯಾವುದೇ ಭವಿಷ್ಯವಿಲ್ಲದ ಉತ್ಥಾನ ಎಂದು ತಳ್ಳಿಹಾಕುತ್ತದೆ. ಹಾಗೂ, ಕರ್ನಾಟಕದಲ್ಲಿ ಎಎಪಿಯಂತಹ "ಲೆಟರ್ ಹೆಡ್" ಪಕ್ಷಕ್ಕೆ ತಮ್ಮ ಪಕ್ಷದಿಂದ ಯಾರೂ ಹಾರುವುದಿಲ್ಲ ಎಂದು ಪ್ರಮುಖ ವಿರೋಧ ಪಕ್ಷವಾದ ಕಾಂಗ್ರೆಸ್ ಹೇಳಿಕೊಂಡಿದೆ.

    ಇದನ್ನೂ ಓದಿ: Explained: 2023ರ ಕರ್ನಾಟಕ ವಿಧಾನಸಭಾ ಚುನಾವಣೆಯ ವಿಷಯವಾಗುವುದೇ Hijab ವಿವಾದ?

    ಕರ್ನಾಟಕದಲ್ಲೂ ನಡೆಯುತ್ತಾ ಪೊರಕೆ ಮ್ಯಾಜಿಕ್?

    ಎಎಪಿ ರಾಜ್ಯದಲ್ಲಿ ಉಳಿಯಲು ಮತ್ತು ಕರ್ನಾಟಕದ ಚುನಾವಣಾ ಕಣದಲ್ಲಿ ಹೋರಾಡಲು ಬಯಸಿರುವುದಂತೂ ಸತ್ಯ. ಕರ್ನಾಟಕದ ಮುಂದಿನ ವಿಧಾನಸಭೆ ಚುನಾವಣೆಯಲ್ಲಿ ಪಂಜಾಬ್‌ನಲ್ಲಿ ಮಾಡಿದ ಜಾದೂವನ್ನು ಕರ್ನಾಟಕದಲ್ಲೂ ಮಾಡಲು ಸಾಧ್ಯವಿದೆಯಾ ಎಂಬುದಕ್ಕೆ ಕಾಲವೇ ಉತ್ತರ ಹೇಳಬೇಕಿದೆ. ಆದರೆ, ಇದು ಸಾಧ್ಯವಾಗಲು ಅಮ್‌ ಆದ್ಮಿ ಪಕ್ಷ ದುರ್ಗಮಹಾದಿಯನ್ನೇ ಸವೆಸಬೇಕಿದೆ.
    Published by:Annappa Achari
    First published: