ಬಾಲಿವುಡ್​ ನಟಿ ಕತ್ರಿನಾ ಕೈಫ್​ ಲೈವ್​ ಚಿಟ್ ​ಚ್ಯಾಟ್​ನಲ್ಲಿ ಚಹಾಲ್​ಗೇನು ಕೆಲಸ?

ಟೀಂ ಇಂಡಿಯಾ ಸ್ಪಿನ್ನರ್​ ಯಜುವೇಂದ್ರ ಚಹಾಲ್​ ಬೌಲಿಂಗ್​ ಅಲ್ಲದೆ ಸಾಕಷ್ಟು ವಿಚಾರಕ್ಕೆ ಸುದ್ದಿಯಾಗಿದ್ದಾರೆ. ಅವರು ಮಾಡುವ ಟಿಕ್​ ಟಾಕ್​ ವಿಡಿಯೋ ಸಾಕಷ್ಟು ವೈರಲ್​ ಆಗಿವೆ. ಈ ಮಧ್ಯೆ ಕತ್ರಿನಾ ಕೈಫ್​ ಲೈವ್​ ಚ್ಯಾಟ್​ನಲ್ಲಿ ಚಹಾಲ್​ ಎಂಟ್ರಿ ಕೊಟ್ಟಿದ್ದು ಸಾಕಷ್ಟು ವೈರಲ್​ ಆಗುತ್ತಿದೆ.

ನಾನು ಕತ್ರಿನಾ ಕೈಫ್​ ದೊಡ್ಡ ಫ್ಯಾನ್. ಅವರ ನಗು ತುಂಬಾನೇ ಇಷ್ಟ. ಸೆಲೆಬ್ರೆಟಿ ಕ್ರಶ್​ ಸಾಲಿನಲ್ಲಿ ಕತ್ರಿನಾ ಮೊದಲು ನಿಲ್ಲುತ್ತಾರೆ ಎಂದು ಚಹಾಲ್​ ಸಾಕಷ್ಟು ಬಾರಿ ಹೇಳಿಕೊಂಡಿದ್ದಿದೆ. ಕತ್ರಿನಾ ಬಗ್ಗೆ ಮಾತನಾಡಲು ಅವರು ಎಂದಿಗೂ ಮುಚ್ಚು ಮರೆ ಮಾಡಿಕೊಂಡವರೇ ಅಲ್ಲ.

ಅಚ್ಚರಿ ಎಂದರೆ, ಇತ್ತೀಚೆಗೆ ಕತ್ರಿನಾ ಇನ್​​ಸ್ಟಾಗ್ರಾಂನಲ್ಲಿ ಲೈವ್​ ಬಂದಿದ್ದರು. ಈ ವೇಳೆ ಲಾಕ್​ಡೌನ್​ ಸಮಯದಲ್ಲಿ ಫಿಟ್​ನೆಸ್​ ಕಾಯ್ದುಕೊಳ್ಳೋದು ಹೇಗೆ ಎನ್ನುವ ಬಗ್ಗೆ ಕತ್ರಿನಾ ಮಾಹಿತಿ ನೀಡುತ್ತಿದ್ದರು. ಈ ವೇಳೆ ಚಹಾಲ್​ ಕೂಡ ತಮ್ಮ ಮೊಬೈಲ್​ನಲ್ಲಿ ಲೈವ್​ ವಿಡಿಯೋ ನೋಡುತ್ತಿದ್ದರು.



ಇಷ್ಟಕ್ಕೆ ಸುಮ್ಮನಾಗದ ಚಹಾಲ್,  ಹಾಯ್, ಕತ್ರಿನಾ ಮ್ಯಾಮ್​ ಎಂದು ಕಮೆಂಟ್​ ಮಾಡಿದ್ದಾರೆ. ಇದನ್ನು ನೋಡಿದ ಅಭಿಮಾನಿಗಳು ಭಾರೀ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಈ ಸ್ಕ್ರೀನ್​ಶಾಟ್ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್​ ಆಗಿದೆ. ಅಷ್ಟೇ ಅಲ್ಲ, ಕತ್ರಿನಾ ಅವರ ಫ್ಯಾನ್​ ಎನ್ನುವುದನ್ನು ಚಹಾ​ಲ್​ ಮತ್ತೆ ಪ್ರೂವ್​ ಮಾಡಿದ್ದಾರೆ ಎಂದಿದ್ದಾರೆ.