‘ನಟಸಾರ್ವಭೌಮ’ನಂತೆ ‘ಯುವರತ್ನ’ದಲ್ಲೂ ದೆವ್ವದ ಕಾಟ?; ಕುತೂಹಲ ಮೂಡಿಸಿದ ಹೊಸ ಲುಕ್

ಸಾಕಷ್ಟು ಕುತೂಹಲ ಮೂಡಿಸಿರುವ ಪವರ್​ ಸ್ಟಾರ್ ಪುನೀತ್​ ರಾಜ್​ಕುಮಾರ್​ ನಟನೆಯ ‘ಯುವರತ್ನ’ ಸಿನಿಮಾದ ನ್ಯೂ​ ಲುಕ್​ ಹೊಸ ವರ್ಷದ ನಿಮಿತ್ತ ಇಂದು 10 ಗಂಟೆಗೆ ರಿಲೀಸ್​ ಆಗಿದೆ. ಈ ಚಿತ್ರದಲ್ಲಿ ಪುನೀತ್​ ಅಸ್ಥಿಪಂಜರ ಹೊತ್ತು ನಿಂತಿದ್ದು ಸಾಕಷ್ಟು ಕುತೂಹಲ ಮೂಡಿಸಿದೆ.

ಪುನೀತ್​ ಹಿಂದಿನ ಸಿನಿಮಾ ‘ನಟಸಾರ್ವಭೌಮ’ ಹಾರರ್​ ಅಂಶಗಳಿಂದ ಕೂಡಿತ್ತು. ಈಗ 'ಯುವರತ್ನ' ಹೊಸ​ ಲುಕ್​ನಲ್ಲೂ ಹಾರರ್​ ಅಂಶ ಸೇರಿಸಿದ್ದಾರೆ ನಿರ್ದೇಶಕ ಸಂತೋಷ್​ ಆನಂದ್ ರಾಮ್​. ಪುನೀತ್​ ತಮ್ಮ ಹೆಗಲಿಗೆ ಅಸ್ಥಿಪಂಜರವೊಂದನ್ನು ಹೊತ್ತು ನಿಂತಿದ್ದಾರೆ.  ಬ್ಯಾಕ್​ಗ್ರೌಂಡ್​ನಲ್ಲಿ ಡೈನೋಸಾರ್ ಅಸ್ಥಿ ಪಂಜರ ಕೂಡ​ ಇದೆ. ಹೀಗಾಗಿ ಫಸ್ಟ್ ಪೋಸ್ಟರ್ ಕುತೂಹಲದ ಗೂಡಾಗಿದೆ.

ಪುನೀತ್​ ಕಾಲೇಜು ಹುಡುಗನಾಗಿ ಕಾಣಿಸಿಕೊಳ್ಳುತ್ತಿರುವುದರಿಂದ ಸಿನಿಮಾದ ಕಥೆ ಬಹುತೇಕವಾಗಿ ಕಾಲೇಜಿನಲ್ಲೇ ಸಾಗಲಿದೆಯಂತೆ. ಹೀಗಾಗಿ, ಇದು ಕಾಲೇಜಿನ ಲ್ಯಾಬ್​ನಲ್ಲಿರುವ ಅಸ್ಥಿಪಂಜರವೂ ಆಗಿರಬಹುದು ಎನ್ನುವುದು ಕೆಲವರ ಊಹೆ.

Wishing everyone a very #HappyNewYear from team #Yuvarathnaa❤️💥🎉#YuvarathnaaNewLook ☠️@PuneethRajkumar @SanthoshAnand15 @VKiragandur @hombalefilms @MusicThaman @sayyeshaa @Karthik1423 @diganthmanchale @Dhananjayaka pic.twitter.com/B18yKmeNDM

— Hombale Films (@hombalefilms) January 1, 2020

ಚಿತ್ರದಲ್ಲಿ ಸಾಯೇಷಾ ಸೈಗಲ್​ ಪುನೀತ್​ಗೆ ಜೊತೆಯಾಗಿದ್ದಾರೆ. ಈ ಹಿಂದೆ ಅಪ್ಪು ಹಾಗೂ ನಿರ್ದೇಶಕ ಸಂತೋಷ್ ಆನಂದ್‍ರಾಮ್ 'ರಾಜಕುಮಾರ' ಸಿನಿಮಾದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. ಈ ಸಿನಿಮಾ ದೊಡ್ಡ ಮಟ್ಟದ ಹಿಟ್​ ಆಗಿತ್ತು. ಈಗ ಅದೇ ಕಾಂಬಿನೇಷನ್​ನಲ್ಲಿ ಮತ್ತೊಂದು ಸಿನಿಮಾ ಬರುತ್ತಿರುವುದು ವಿಶೇಷ. ಹೊಂಬಾಳೆ ಫಿಲ್ಮ್ಸ್​ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದೆ.