Prabhu Deva: ವೇಶ್ಯಾವಾಟಿಕೆಗೂ ನೀನು ಯೋಗ್ಯಳಲ್ಲ.. ಆ ನಟಿಗೆ ಹಿಂಗ್​ ಬೈದಿದ್ರಂತೆ ಪ್ರಭುದೇವ ತಂದೆ!

ಸುಂದರಂ ಮಾಸ್ಟರ್​ ಬಗ್ಗೆ ಹೊಸದೊಂದು ಆರೋಪ ಕೇಳಿಬಂದಿದೆ. ಇವರ ಬಗ್ಗೆ ನಟಿಯೊಬ್ಬರು ಆರೋಪ ಮಾಡಿದ್ದು, ಸಾಮಾಜಿಕ ಜಾಲತಾಣ(Social Media)ದಲ್ಲಿ ಭಾರಿ ಚರ್ಚೆಗೆ ಎಡೆಮಾಡಿಕೊಟ್ಟಿದೆ. ನೂರಾರು ಸಿನಿಮಾಗಳು, ಹಲವಾರು ಸ್ಟಾರ್​ಗಳ ಜೊತೆ ನೃತ್ಯ ನಿರ್ದೇಶಕರಾಗಿ ಸುಂದರಂ ಮಾಸ್ಟರ್​ ಕೆಲಸ ಮಾಡಿದ್ದಾರೆ.

ನಟಿ ಸುಧಾ, ಸುಂದರಂ ಮಾಸ್ಟರ್​

ನಟಿ ಸುಧಾ, ಸುಂದರಂ ಮಾಸ್ಟರ್​

  • Share this:
ಪ್ರಭುದೇವ(Prabhu Deva) ಅಂದರೆ ಎಲ್ಲರೂ ಭಾರತದ ಮೈಕಲ್​ ಜಾಕ್ಸನ್​(Michael Jackson) ಎಂದೇ ಗುರುತಿಸುತ್ತಾರೆ. ಅದರಲ್ಲೂ ಪ್ರಭುದೇವ ನಮ್ಮ ಕನ್ನಡದವರು. ಅವರ ತಂದೆ ಕೂಡ ಹೆಸರಾಂತ ಡಾನ್ಸ್​ ಮಾಸ್ಟರ್(Dance Master)​​. ಭಾರತ ಚಿತ್ರರಂಗದಲ್ಲಿ ಸುಂದರಂ​(Sundaram) ಮಾಸ್ಟರ್​ ಸಖತ್​ ಹೆಸರು ಮಾಡಿದ್ದಾರೆ. ಎಲ್ಲ ಭಾಷೆಗಳ ಸ್ಟಾರ್​ ನಟ(Star Actor)ರಿಗೆ ನೃತ್ಯ ಸಂಯೋಜಿಸಿ ಸೈ ಎನಿಸಿಕೊಂಡಿದ್ದಾರೆ. ಇವಾಗ ಯಾಕಪ್ಪ ಅವರ ವಿಚಾರ ಅಂತ ಯೋಚನೆ ಮಾಡ್ತಿದ್ದೀರ? ಅದಕ್ಕೂ ಒಂದು ಕಾರಣ ಇದೆ. ಸುಂದರಂ ಮಾಸ್ಟರ್​ ಬಗ್ಗೆ ಹೊಸದೊಂದು ಆರೋಪ ಕೇಳಿಬಂದಿದೆ. ಇವರ ಬಗ್ಗೆ ನಟಿಯೊಬ್ಬರು ಆರೋಪ ಮಾಡಿದ್ದು, ಸಾಮಾಜಿಕ ಜಾಲತಾಣ(Social Media)ದಲ್ಲಿ ಭಾರಿ ಚರ್ಚೆಗೆ ಎಡೆಮಾಡಿಕೊಟ್ಟಿದೆ. ನೂರಾರು ಸಿನಿಮಾಗಳು, ಹಲವಾರು ಸ್ಟಾರ್​ಗಳ ಜೊತೆ ನೃತ್ಯ ನಿರ್ದೇಶಕರಾಗಿ ಸುಂದರಂ ಮಾಸ್ಟರ್​ ಕೆಲಸ ಮಾಡಿದ್ದಾರೆ. 130ಕ್ಕೂ ಹೆಚ್ಚು ಚಿತ್ರಗಳಿಗೆ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಇದೀಗ ಅವರ ಬಗ್ಗೆ ಗಂಭೀರ ಆರೋಪವೊಂದು ಕೇಳಿಬಂದಿದೆ. ಅದೇನು ಅಂತೀರಾ? ಮುಂದೆ ನೋಡಿ..

ಸುಂದರಂ ಮಾಸ್ಟರ್​ ಮೇಲೆ ನಟಿ ಸುಧಾ ಆರೋಪ!

ತೆಲುಗು ನಟಿ ಸುಧಾ ಅವರು ಹಲವು ವರ್ಷಗಳ ಹಿಂದೆ ಸಿನಿಮಾ ಸೆಟ್‌ನಲ್ಲಿ ಆದ ಅನುಭವವನ್ನ ಈಗ ನೆನಪಿಸಿಕೊಂಡಿದ್ದಾರೆ. ಜೊತೆಗೆ ಕೆಲ ವರ್ಷಗಳ ಬಳಿಕ ಸುಂದರಂ ಮಾಸ್ಟರ್ ಅವರೇ, ಸುಧಾ ಅವರ ಬಳಿ ಕ್ಷಮೆ ಕೇಳಿದ್ದಾರಂತೆ. ಆದರೂ, ಈ ವಿಚಾರ ಇದೀಗ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ಸುಂದರಂ ಮಾಸ್ಟರ್​ ನಿಜಕ್ಕೂ ಹಾಗೇ ಮಾಡಿದ್ದರಾ? ಎಂಬ ಪ್ರಶ್ನೆಯನ್ನು ನೆಟ್ಟಿಗರು ಕೇಳುತ್ತಿದ್ದಾರೆ. ಹಿರಿಯ ನಟಿ ಸುಧಾ ಅವರು ಈ ಹಿಂದೆ ಸುಂದರಂ ಮಾಸ್ಟರ್​​ ನನ್ನನ್ನು ಕೆಟ್ಟದಾಗಿ ಬೈದು, ಅವಮಾನಿಸಿದ್ದರು ಎಂದು ಹೇಳಿಕೊಂಡಿದ್ದಾರೆ. ಸಿನಿಮಾವೊಂದರ ಶೂಟಿಂಗ್​ ಟೈಮ್​ನಲ್ಲಿ ಡಾನ್ಸ್​​ ಸರಿಯಾಗಿ ಮಾಡದೇ ಇದ್ದಿದ್ದಕ್ಕೆ ಸುಧಾ ಅವರನ್ನು ಕೆಟ್ಟ ಪದಗಳಿಂದ ಸುಂದರಂ ಮಾಸ್ಟರ್​ ಬೈದಿದ್ದರಂತೆ. ಇದನ್ನು ಕೇಳಿ ಸುಧಾ ಅವರು ಸೆಟ್​ನಲ್ಲೇ ಗಳ ಗಳನೇ ಕಣ್ಣೀರಿಟ್ಟಿದ್ದರಂತೆ.

ಇದನ್ನೂ ಓದಿ: ಜಸ್ಟ್​ 40 ರೂಪಾಯಿಯಲ್ಲಿ ಆರಂಭವಾಗಿತ್ತಂತೆ `ಸಲಗ’ ಸಿನಿಮಾ.. ಸಕ್ಸಸ್​ ಮೀಟ್​ನಲ್ಲಿ ಕಣ್ಣೀರಿಟ್ಟ ದುನಿಯಾ ವಿಜಯ್​!

ವೇಶ್ಯಾವಾಟಿಕೆಗೂ ನೀನು ಯೋಗ್ಯಳಲ್ಲ ಅಂದಿದ್ರಂತೆ ಮಾಸ್ಟರ್​!

ಹೌದು, ಸರಿಯಾಗಿ ಡಾನ್ಸ್​ ಮಾಡಲಿಲ್ಲ ಎಂಬ ಕಾರಣಕ್ಕೆ ಸುಂದರಂ ಮಾಸ್ಟರ್​ ಹೀಗೆ ಬೈದಿದ್ದರು ಎಂದು ನಟಿ ಆರೋಪಿಸಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿದ ಹಿರಿಯ ನಟಿ ಸುಧಾ. ’ನನಗೆ ಸುಂದರಂ ಮಾಸ್ಟರ್ ಅವರು ಡಾನ್ಸ್ ಹೇಳಿಕೊಡುತ್ತಿದ್ದರು. ಆದರೆ, ನನಗೆ ಐದು ಟೇಕ್ ಆದರೂ ಡ್ಯಾನ್ಸ್ ಬರಲಿಲ್ಲ. ಆಗ ನೀನು ವೇಶ್ಯಾವಾಟಿಕೆಗೂ ಯೋಗ್ಯಳಲ್ಲ ಎಂದಿದ್ದರು. ಆ ಸಂದರ್ಭದಲ್ಲಿ ಪ್ರಭು, ಪಿ.ವಾಸು ಸೇರಿದಂತೆ ಹಲವು ದೊಡ್ಡವರು ಸೆಟ್ಟಿನಲ್ಲಿದ್ದರು. ಆಗ ನಾನು ಅಳುತ್ತಿದ್ದೆ, ಎಲ್ಲರ ಮುಂದೆ ಇಷ್ಟು ದೊಡ್ಡ ಅವಮಾನ ಮಾಡಿದರು. ಅಳುತ್ತಲೇ ಸೆಟ್​ನಿಂದ ಹೊರಗೆ ಹೋಗಿದ್ದೆ. ಯಾರೇ ಆದರೂ ಈ ರೀತಿಯ ಬಳಸಬಾರದು’ ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ಪುನೀತ್ ಅಭಿಮಾನಿಯ ವಿನೂತನ ಶ್ರದ್ಧಾಂಜಲಿಗೆ ಮೊಳಕೆಯೊಡೆದ ಪೈರು; ಇಲ್ಲಿವೆ ಅದ್ಭುತ ಚಿತ್ರಗಳು

ಕೆಲ ವರ್ಷಗಳ ಬಳಿಕ ಕ್ಷಮೆ ಕೇಳಿದ್ದರಂತೆ ಸುಂದರಂ ಮಾಸ್ಟರ್​!

‘ನಾನು ಅಳುತ್ತಾ ಮನೆಗೆ ಹೊಗಿ ಈ ವಿಚಾರವನ್ನು ನನ್ನ ತಾಯಿಗೆ ಹೇಳಿದೆ. ಅವರು ಇರುವ ಈ ಚಿತ್ರತಂಡದಲ್ಲಿ ನಾನು ಇರುವುದಿಲ್ಲ ಎಂದೆ. ಆದರೆ ನನ್ನ ತಾಯಿ ಸಮಾಧಾನಪಡಸಿ, ಇದಕ್ಕೆ ಹೆದರದೆ ನೀನು ನಟನೆಯಿಂದಲೇ ಉತ್ತರ ನೀಡಬೇಕು ಎಂದು ಧೈರ್ಯ ತುಂಬಿದ್ದರು. ಬರೋಬ್ಬರಿ 6 ವರ್ಷಗಳ ಬಳಿಕ ಅವರು ಕ್ಷಮೆ ಕೇಳಿದ್ದರು ಎಂದು ನಟಿ ಸುಧಾ ಹೇಳಿದ್ದಾರೆ.
Published by:Vasudeva M
First published: