ಇತಿಹಾಸ ನಿರ್ಮಿಸಿದ KGF2 Teaser; ನಿಮ್ಮ ಪ್ರೀತಿಯ ಉಡುಗೊರೆಗೆ ಧನ್ಯವಾದ ಎಂದ Rocking Star Yash

ಭಾರತದ ಚಿತ್ರರಂಗದಲ್ಲಿ ಕೆಜಿಎಫ್​2 ಟೀಸರ್​ ಹೊಸ ದಾಖಲೆ ನಿರ್ಮಿಸಿದೆ. ಬಿಡುಗಡೆಗೊಂಡ 24 ಗಂಟೆಗಳಲ್ಲಿ ಈ ಟೀಸರ್​ 78 ಮಿಲಿಯನ್​ಗೂ ಹೆಚ್ಚು ವೀಕ್ಷಣೆ ಪಡೆದಿದೆ. ಈ ಮೂಲಕ  ಅತಿ ಕಡಿಮೆ ಅವಧಿಯಲ್ಲಿ  ಅಧಿಕ ವೀಕ್ಷಣೆ  ಪಡೆದ ಸಿನಿಮಾ ಟೀಸರ್​ ಇದಾಗಿದೆ. ತಮ್ಮ ಚಿತ್ರದ ಟೀಸರ್​ ಈ ಮಟ್ಟಿನ ದಾಖಲೆಗೆ ರಾಕಿಂಗ್​ ಸ್ಟಾರ್​ ಯಶ್​ ಸಂತಸ ವ್ಯಕ್ತಪಡಿಸಿದ್ದಾರೆ.  ನಿಮ್ಮ ಪ್ರೀತಿ ​ ಈ ಪ್ರೀತಿಗೆ ಅಭಾರಿಯಾಗಿದ್ದೇನೆ ಎಂದು ತಿಳಿಸಿದ್ದಾರೆ. ಈ ಕುರಿತು ನನ್ನ ಈ ಹುಟ್ಟು ಹಬ್ಬದಂದು ಪ್ರಕಟವಾದ ಈ ಪ್ರೀತಿಗೆ ಎಲ್ಲೆ ಇಲ್ಲ. ಧನ್ಯವಾದಗಳು ಎಂದಿದ್ದಾರೆ. ಇನ್ನು ನಟ ಯಶ್​ ಹುಟ್ಟುಹಬ್ಬಕ್ಕೆ ಶುಭಾಶಯಗಳ ಮಹಾಪೂರವನ್ನೇ ಅಭಿಮಾನಿಗಳು ಅರ್ಪಿಸಿದ್ದಾರೆ. ಅಷ್ಟೇ ಅಲ್ಲದೇ, ಬಾಲಿವುಡ್​ನ ಹೃತಿಕ್​ ರೋಷನ್​ ಸೇರಿದಂತೆ ಅನೇಕ ಚಿತ್ರರಂಗದ ನಟ ನಟಿಯರು ಅವರ ಹುಟ್ಟುಹಬ್ಬಕ್ಕೆ ಶುಭಕೋರಿದ್ದಾರೆ. ಕೆಜಿಎಫ್​ ಮೂಲಕ ಯಶ್​ ಕೀರ್ತಿ ಸ್ಯಾಂಡಲ್​ವುಡ್​ ದಾಟಿ ಹೊರಹೊಮ್ಮಿರುವುದಕ್ಕೆ ಇದು ಸಾಕ್ಷಿಯಾಗಿದೆ.

ಇನ್ನು ಚಿತ್ರತಂಡ ಅಂದುಕೊಂಡಂತೆ ಕೆಜಿಎಫ್​​2 ಟೀಸರ್​ ಇಂದು ಬೆಳಗ್ಗೆ 10.18ಕ್ಕೆ ಬಿಡುಗಡೆಯಾಗಬೇಕಿತ್ತು. ಆದರೆ, ಇದಕ್ಕೂ ಮುನ್ನ ಕೆಲ ಕಿಡಿಗೇಡಿಗಳು 1.30 ಸೆಕೆಂಡ್​ ಟೀಸರ್​ ಅನ್ನು ಲೀಕ್​ ಮಾಡಿದ್ದರು. ಈ ಹಿನ್ನಲೆ ತಕ್ಷಣಕ್ಕೆ ಚಿತ್ರತಂಡ ನಿನ್ನೆ ರಾತ್ರಿಯೇ ಯಶ್​ ಹುಟ್ಟುಹಬ್ಬಕ್ಕೆ ಒಂದು ದಿನ ಮುಂಚಿತವಾಗಿ ಟೀಸರ್​ ಬಿಡುಗಡೆ ಮಾಡಿತು.

ಟೀಸರ್​ಗೆ ಎಲ್ಲೆಡೆ ಮೆಚ್ಚುಗೆ ಹರಿದು ಬರುತ್ತಿದೆ. ನಿರೀಕ್ಷಿಗಿಂತ ಹೆಚ್ಚಾಗಿ ಟೀಸರ್​ ಮೂಡಿ ಬಂದಿದೆ. ಈ ಮೂಲಕ ಚಿತ್ರದ ಕುತೂಹಲ ಇನ್ನಷ್ಟು ಹೆಚ್ಚಾಗಿದೆ. ಅಲ್ಲದೇ ಚಿತ್ರವನ್ನು ಬೇಗ ಬಿಡುಗಡೆಗೊಳಿಸಿ ಎಂದು ಕೂಡ ಅಭಿಮಾನಿಗಳು ಒತ್ತಾಯಿಸಿದ್ದಾರೆ.