Anitha EAnitha E
|
news18-kannada Updated:October 26, 2020, 9:45 AM IST
ಮಗಳೊಂದಿಗೆ ಯಶ್
ಯಶ್ ಸಾಮಾಜಿಕ ಜಾಲತಾಣದಲ್ಲಿ ಖಾತೆ ಹೊಂದಿದ್ದಾರೆ. ಆದರೆ, ಅವರ ಹೆಚ್ಚಾಗಿ ಸಕ್ರಿಯವಾಗಿರುವುದಿಲ್ಲ. ಅದರಲ್ಲೂ ತಮ್ಮ ವೈಯಕ್ತಿಕ ವಿಷಯಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುವುದು ವಿರಳ. ಆದರೆ ಆಗಾಗ ತಮ್ಮ ಮಕ್ಕಳ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇನ್ನು ಲಾಕ್ಡೌನ್ನಲ್ಲಣತೂ ಮಕ್ಕಳೊಂದಿಗೆ ಕಾಲ ಕಳೆದ ರಾಕಿಂಗ್ ದಂಪತಿ, ಸದ್ಯ ಮಕ್ಕಳ ಪಾಲನೆಯ ಮಾಡುವ ಪ್ತಿ ಹಂತವನ್ನೂ ಸಖತ್ ಎಂಜಾಯ್ ಮಾಡುತ್ತಿದ್ದಾರೆ. ಇದು ಅವರ ಸಾಮಾಜಿಕ ಜಾಲತಾಣ ನೋಡಿದರೆ ಅರ್ಥವಾಗುತ್ತದೆ. ಇನ್ನು, ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದರೂ, ಸಿಗುವ ಕೊಂಚ ಸಮಯವನ್ನು ಕುಟುಂಬ ಹಾಗೂ ಮಕ್ಕಳಿಗಾಗಿ ಮೀಸಲಿಟ್ಟಿರುತ್ತಾರೆ. ಮಕ್ಕಳೊಂದಿಗೆ ಕಳೆಯುವ ಅಮೂಲ್ಯವಾದ ಸಮಯವನ್ನು ಆಗಾಗ ಕ್ಯಾಮೆರಾದಲ್ಲಿ ಸೆರೆ ಹಿಡಿಟ್ಟುಕೊಳ್ಳುತ್ತಿರುತ್ತಾರೆ. ಅಂತಹ ವಿಡಿಯೋಗಳಲ್ಲಿ ಕೆಲವನ್ನು ರಾಧಿಕಾ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಆದರೆ, ಯಶ್ ಆಗೊಂದು ಈಗೊಂದು ಪೋಸ್ಟ್ ಮಾಡುತ್ತಿರುತ್ತಾರೆ.
ಈಗಲೂ ಸಹ ಯಶ್ ತಮ್ಮ ಮಗಳೊಂದಿಗೆ ಕಳೆದ ಸಖತ್ ಫನ್ನಿ ಕ್ಷಣಗಳ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಹೌದು, ಮಗಳು ಐಸ್ ಕ್ರೀಂ ತಿನ್ನುವಾಗ ತನಗೆ ಕೊಡುವಂತೆ ಯಶ್ ಕೇಳುತ್ತಾರೆ. ಎಷ್ಟು ಸಲ ಕೇಳಿದರೂ ಆಯ್ರಾ ಮಾತ್ರ ಯಾರಿಗೂ ಕಡದೆ ಆಟವಾಡಿಸುತ್ತಾಳೆ. ಅಪ್ಪ-ಮಗಳ ಈ ಮುದ್ದಾದ ವಿಡಿಯೋವನ್ನು ರಾಧಿಕಾ ಪಂಡಿತ್ ವಿಡಿಯೋ ಮಾಡಿದ್ದಾರೆ.
ಯಶ್ ಈ ಮುದ್ದಾದ ಫನ್ನಿ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಂ ಹಂಚಿಕೊಂಡಿದ್ದು, ಶೇರಿಂಗ್ ಇಸ್ ಕೇರಿಂಗ್ ಆದರೆ ಇದು ಐಸ್ ಕ್ರೀಂ ವಿಷಯಕ್ಕೆ ಬಂದಾಗ ಅಪ್ಲೈ ಆಗುವುದಿಲ್ಲ ಎಂದಿದ್ದಾರೆ.
ಇನ್ನು ಈ ಹಿಂದೆ ರಾಧಿಕಾ ಪಂಡಿತ್, ಮಗಳು ಭಜನೆ ಹಾಡುವ ವಿಡಿಯೋವನ್ನುಹಂಚಿಕೊಂಡಿದ್ದು, ಜೊತೆಗೆ ತಮ್ಮನಿಗೆ ಆಯ್ರಾ ಅಪ್ಪ-ಅಮ್ಮನ ಫೊಟೋ ತೋರಿಸುವ ವಿಡಿಯೋವನ್ನೂ ಪೋಸ್ಟ್ ಮಾಡಿದ್ದರು ಸಿಂಡ್ರೆಲಾ.
ಇನ್ನು ಯಶ್ ಇತ್ತೀಚೆಗಷ್ಟೆ ಕೆಜಿಎಫ್ ಚಾಪ್ಟರ್ ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು. ಈ ವೇಳೆ ತಮ್ಮ ಫೋಟೋವನ್ನು ಸಹ ಶೇರ್ ಮಾಡಿದ್ದರು. ಮಂಗಳೂರಿನಲ್ಲಿ ಶೂಟಿಂಗ್ ಮುಗಿಸಿದ ಚಿತ್ರತಂಡ ಹೈದರಾಬಾದಿಗೆ ಪ್ರಯಾಣ ಬೆಳೆಸಿತ್ತು. ಅಲ್ಲಿ ಚಿತ್ರೀಕರಣ ಮುಗಿದ ನಂತರ ಮತ್ತೆ ಚಿತ್ರತಂಡ ಬೆಂಗಳೂರಿಗೆ ಹಿಂತಿರುಗಿ, ಇಲ್ಲೇ ಶೂಟಿಂಗ್ ಆರಂಭಿಸಲಿದೆ ಎಂದು ಪ್ರಶಾಂತ್ ನೀಲ್ ಈ ಹಿಂದೆಯೇ ಹೇಳಿದ್ದರು.
Published by:
Anitha E
First published:
October 26, 2020, 9:26 AM IST
