Yash: ಫ್ಯಾಮಿಲಿ ಜೊತೆ ದುಬೈಗೆ ಹಾರಿದ ರಾಕಿ ಭಾಯ್​! ಮನೆ ಬಳಿ ಬಂದ ಫ್ಯಾನ್ಸ್​ಗೆ ಭರ್ಜರಿ ಗಿಫ್ಟ್!

ಕೆಜಿಎಫ್ ಸಿನಿಮಾ (KGF) ಬಳಿಕ ಪ್ಯಾನ್​ ಇಂಡಿಯಾ ಸ್ಟಾರ್​ ಆಗಿರುವ ರಾಕಿಂಗ್ ಸ್ಟಾರ್​ ಯಶ್ (Rocking Star Yash)​ ದೇಶದಾದ್ಯಂತ ಅಭಿಮಾನಿ ಬಳಗ ಹೊಂದಿದ್ದಾರೆ. ರಾಕಿ ಭಾಯ್​ ಹುಟ್ಟುಹಬ್ಬ ಆಚರಿಸಲು ಅಭಿಮಾನಿಗಳು ಕಾಯುತ್ತಿದ್ದಾರೆ. ಆದ್ರೆ ಈ ವರ್ಷ ಯಶ್​ ಅಭಿಮಾನಿಗಳ (Fans) ಜೊತೆ ಹುಟ್ಟುಹಬ್ಬ ಆಚರಿಸಿಕೊಳ್ತಿಲ್ಲ ಎನ್ನುವ ಸುದ್ದಿ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದೆ. ಆದ್ರೆ ಇಂದೇ (ಜನವರಿ 06) ಅಭಿಮಾನಿಗಳನ್ನು ಯಶ್​ ಭೇಟಿಯಾಗಿದ್ದು, ಫ್ಯಾನ್ಸ್​ ಕೂಡ ಫುಲ್​ ಖುಷ್​ ಆಗಿದ್ದಾರೆ. ಈ ಬಾರಿ ಯಶ್ ತಮ್ಮ ಫ್ಯಾಮಿಲಿ (Family) ಜೊತೆ ಹುಟ್ಟುಹಬ್ಬ (Birthday) ಆಚರಿಸಿಕೊಳ್ಳಲಿದ್ದಾರೆ. ಇಂದೇ (ಜ.06) ಕುಟುಂಬದ ಜೊತೆ ದುಬೈಗೆ (Dubai) ತೆರಳಿದ್ದಾರೆ.

ಯಶ್ ಮನೆ ಬಳಿ ಅಭಿಮಾನಿಗಳ ದಂಡು

ಯಶ್​ ಹುಟ್ಟುಹಬ್ಬಕ್ಕೆ ಮನೆಯಲ್ಲಿರೋದಿಲ್ಲ ಎಂದು ತಿಳಿಯುತ್ತಿದ್ದಂತೆ ರಾಕಿಂಗ್ ಸ್ಟಾರ್ ಯಶ್ ಮನೆ ಬಳಿ ಅಭಿಮಾನಿಗಳು ಜಮಾಯಿಸಿದ್ದಾರೆ.​ ಅವ್ರು ಅಣ್ಣನನ್ನು ನೋಡ್ಬೇಕು ಅವ್ರಿಗೆ ಬರ್ತಡೇ ವಿಶ್ ಮಾಡ್ಬೇಕು ಎಂದು ಫ್ಯಾನ್ಸ್​ ಪಟ್ಟು ಹಿಡಿದಿದ್ದರು.  ಸಾಲುಗಟ್ಟಿ ನಿಂತಿದ್ದರು.

ಫ್ಯಾನ್ಸ್​ ಭೇಟಿಯಾದ ಯಶ್​

ನೆಚ್ಚಿನ ನಟನ ಹುಟ್ಟುಹಬ್ಬ ಅಂದ್ರೆ ಸಾಕು ಅಭಿಮಾನಿಗಳಿಗೆ ಅದು ದೊಡ್ಡಹಬ್ಬ, ಮದ್ಯರಾತ್ರಿಯೇ ಮನೆ ಬಳಿ ಕೇಕ್​ ತಂದು ಕಟ್ ಮಾಡಿಸಿ ಸಂಭ್ರಮಿಸುತ್ತಾರೆ. ಕಟೌಟ್​ ಗಳಿಗೆ ಹಾಲಿನ ಅಭಿಷೇಕ ಮಾಡಿ, ಪಟಾಕಿ ಸಿಡಿಸಿ, ಸಿಹಿ ಹಂಚಿ ಖುಷಿಪಡ್ತಾರೆ. ಈ ಬಾರಿ ಯಶ್​ ಅಭಿಮಾನಿಗಳಿಗೆ ಕೊಂಚ ನಿರಾಸೆ ಉಂಟಾಗಿದೆ. ಆದ್ರೆ ಅಭಿಮಾನಿಗಳಿಗೆ ನಿರಾಸೆಯುಂಟು ಮಾಡಲು ಇಷ್ಟವಿಲ್ಲದೆ ಯಶ್​ ಇಂದೇ ನಮ್ಮ ಮನೆ ಬಳಿ ಅಭಿಮಾನಿಗಳನ್ನು ಭೇಟಿಯಾಗಿದ್ದಾರೆ.

ಫ್ಯಾನ್ಸ್​ ಭೇಟಿ ಬಳಿಕ ದುಬೈಗೆ ಯಶ್​

ಮನೆ ಮುಂದೆ ಸಾಲುಗಟ್ಟಿ ನಿಂತಿದ್ದ ಅಭಿಮಾನಿಗಳನ್ನು ಭೇಟಿ ಮಾಡಿದ ಬಳಿಕ ಯಶ್​, ಪತ್ನಿ ರಾಧಿಕಾ ಪಂಡಿತ್ ಹಾಗೂ ಇಬ್ಬರು ಮಕ್ಕಳ ಜೊತೆ ದುಬೈಗೆ ತೆರಳಿದ್ದಾರೆ ಎಂದು ಹೇಳಲಾಗ್ತಿದೆ. ಕೊನೆಗೂ ಅಭಿಮಾನಿಗಳಿಗೆ ನಿರಾಸೆ ಮಾಡಿದೆ ಭೇಟಿ ಮಾಡಿದ್ದಕ್ಕೆ ಫ್ಯಾನ್ಸ್​ ಕೂಡ ಫುಲ್ ಖುಷ್​ ಆಗಿದ್ದಾರೆ.