Anitha EAnitha E
|
news18-kannada Updated:December 3, 2019, 11:05 AM IST
ಆಯ್ರಾ ಹುಟ್ಟುಹಬ್ಬದ ಪಾರ್ಟಿ
ಸ್ಯಾಂಡಲ್ವುಡ್ ರಾಕಿಂಗ್ ದಂಪತಿ ಯಶ್-ರಾಧಿಕಾರ ಮುದ್ದಿನ ಮಗಳು ಆಯ್ರಾ ಮೊದಲ ವರ್ಷದ ಹುಟ್ಟುಹಬ್ಬ ಅದ್ದೂರಿಯಾಗಿ ಆಚರಿಸಲಾಯಿತು. ಮಗಳ ಪ್ರತಿಯೊಂದು ವಿಷಯಗಳನ್ನು ವಿಡಿಯೋ ಮಾಡಿ ನೆನಪಿನ ಬುತ್ತಿಗೆ ಸೇರಿಸಿಕೊಳ್ಳುವ ರಾಕಿಂಗ್ ದಂಪತಿ ಮಗಳ ಹುಟ್ಟುಹಬ್ಬವನ್ನು ಹೇಗೆಲ್ಲ ಆಚರಿಸುವುದಿಲ್ಲ ಹೇಳಿ.
ಹೌದು, ಮುದ್ದುಗಳು ಆಯ್ರಾಳ ಹುಟ್ಟುಹಬ್ಬವನ್ನು ಬೆಂಗಳೂರಿನ ಫನ್ವರ್ಲ್ಡ್ನಲ್ಲಿ ಆಚರಿಸಲಾಗಿತ್ತು. ಕರೂಸೆಲ್ ರೈಟ್ ಥೀಮ್ನಲ್ಲಿ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ಕೇಕ್ ಅನ್ನು ಸಿದ್ಧಪಡಿಸಲಾಗಿತ್ತು. 8 ಅಂತಸ್ತುಗಳ ಕೇಕ್ ಅನ್ನು ಆಯ್ರಾ ಕಟ್ ಮಾಡುವ ಮೂಲಕ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾಳೆ.
ಆಯ್ರಾ ಹುಟ್ಟುಹಬ್ಬದಲ್ಲಿ ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳ ಸಮಾಗಮವಾಗಿತ್ತು. ಜೋಡೆತ್ತು ಎಂದೇ ಖ್ಯಾತಿ ಪಡೆದ ಯಶ್-ದಚ್ಚು ಮತ್ತೆ ಈಗ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಲೋಕಸಭಾ ಚುನಾವಣೆ ನಂತರ ಆಯ್ರಾ ಹುಟ್ಟುಹಬ್ಬದ ಕಾರಣದಿಂದಾಗಿ ಈ ಜೋಡೆತ್ತು ಒಂದಾಗಿದೆ.
ಮಗಳ ಹುಟ್ಟುಹಬ್ಬದ ಪಾರ್ಟಿಯಲ್ಲಿ ರಾಕಿಂಗ್ ಸ್ಟಾರ್ ಯಶ್ ಕುದುರೆ ಏರಿ ಎಂಜಾಯ್ ಮಾಡಿದ್ದು ಹೀಗಿತ್ತು.
ಆಯ್ರಾ ಹುಟ್ಟುಹಬ್ಬಕ್ಕೆ ಪವರ್ ಸ್ಟಾರ್ ಪುನೀತ್, ಭಾರತಿ ವಿಷ್ಣುವರ್ಧನ್, ಧ್ರುವ ಸರ್ಜಾ. ಸುಮಲತಾ ಅಂಬರೀಷ್, ಅಭಿಷೇಕ್ ಅಂಬರೀಷ್ ಸೇರಿದಂತೆ ಸಾಕಷ್ಟು ತಾರೆಯರು ಬಂದಿದ್ದರು.
ಫನ್ವರ್ಲ್ಡ್ನಲ್ಲಿ ಆಯ್ರಾಗಾಗಿ ತಲೆ ಎತ್ತಿದ್ದ ಕ್ಯಾಂಡಿ ಲ್ಯಾಂಡ್ನಲ್ಲಿ ಪ್ರಿನ್ಸೆಸ್ ಸಿಂಡ್ರೆಲಾ ತರ ಆಯ್ರಾ ಕಂಗೊಳಿಸುತ್ತಿದ್ದಳು. ಇನ್ನು ಹುಟ್ಟುಹಬ್ಬಕ್ಕೂ ಮೊದಲು ಆಯ್ರಾಗಾಗಿ ವಿಶೇಷ ಫೋಟೋಶೂಟ್ ಸಹ ಮಾಡಿಸಲಾಗಿತ್ತು.
Pranutan Bahl: ಸಿಕ್ಕಾಪಟ್ಟೆ ಹಾಟ್ ಲುಕ್ನಲ್ಲಿ ಕಾಣಿಸಿಕೊಂಡ ಕಾಜೋಲ್ ಕುಟುಂಬದ ಉಯೋನ್ಮುಖ ನಟಿ..!
First published:
December 3, 2019, 10:51 AM IST
