ಆಯ್ರಾ ಹೊಸ ವಿಡಿಯೋ ವೈರಲ್​; ದುಪ್ಪಟ್ಟಾಗಿದೆ ಯಶ್​-ರಾಧಿಕಾ ದಂಪತಿ ಮಗಳ ಕ್ಯೂಟ್​ನೆಸ್​

ರಾಕಿಂಗ್​ ಸ್ಟಾರ್​ ಯಶ್​-ರಾಧಿಕಾ ಪಂಡಿತ್​ ದಂಪತಿ ಮಗಳು ಆಯ್ರಾ ಕ್ಯೂಟ್​ನೆಸ್​ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಎರಡನೇ ಮಗು ಜನಿಸಿದ ವಾರದ ನಂತರ ರಾಧಿಕಾ ಆಸ್ಪತ್ರೆಯಲ್ಲಿ ಸುದ್ದಿಗೋಷ್ಠಿ ನಡೆಸಿದ್ದರು. ಈ ವೇಳೆ ಎಲ್ಲರ ಗಮನ ಸೆಳೆದಿದ್ದು ಆಯ್ರಾ. ಈಗ ಹೊಸ ವಿಡಿಯೋ ಮೂಲಕ ಅವರು ಮತ್ತೆ ಸುದ್ದಿಯಾಗಿದ್ದಾರೆ.

ಮಧ್ಯಾಹ್ನ ವೇಳೆಗೆ ಬಿಸಿಲು ತುಂಬಾನೇ ಇರುತ್ತದೆ. ಈ ವೇಳೆ ಗಾಗಲ್​ ಇಲ್ಲದೆ ಹೊರ ಬರುವುದು ಕಷ್ಟ. ಹೀಗೆ ಹೊರ ಬಿದ್ದರೆ ಕಣ್ಣನ್ನು ಬಿಡಲು ಸಾಧ್ಯವೇ ಇಲ್ಲ. ಇದನ್ನೇ ಇಮಿಟೇಟ್​ ಮಾಡಿ ತೋರಿಸಿದ್ದಾರೆ ಆಯ್ರಾ. ಈ ವಿಡಿಯೋವನ್ನು ರಾಧಿಕಾ ಪಂಡಿತ್​ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

‘ಬಿಸಿಲಲ್ಲಿ ಹೆಂಗೆ ನೋಡೋದಮ್ಮ’ ಎಂದು ಆಯ್ರಾಗೆ ಪ್ರಶ್ನೆ ಮಾಡುತ್ತಾರೆ ಯಶ್​. ಆಗಾ ಆಯ್ರಾ ಕಣ್ಣನ್ನೆಲ್ಲ ಚಿಕ್ಕದಾಗಿ ಮಾಡಿ ಇಮಿಟೇಟ್​ ಮಾಡಿ ತೋರಿಸಿದ್ದಾಳೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿದೆ.

 

View this post on Instagram

 

When Ayra shows u "bislali henge nododu" 😁 (How to see when it's too sunny) #radhikapandit #nimmaRP VC : Manish photography

A post shared by Radhika Pandit (@iamradhikapandit) on Nov 28, 2019 at 8:41pm PST

ರಾಧಿಕಾ-ಯಶ್​ ದಂಪತಿಗೆ ಆಯ್ರಾ ಜನಿಸಿದಾಗಿನಿಂದಲೂ ಅವಳು ಸುದ್ದಿ ಮಾಡುತ್ತಲೇ ಇದ್ದಾಳೆ. ಆಯ್ರಾ ಫೋಟೋ ಹಂಚಿಕೊಂಡಾಗ ಎಷ್ಟು ಕ್ಯೂಟ್​ ಆಗಿದ್ದಾಳೆ ಯಶ್​ ಮಗಳು ಎಂದು ಅನೇಕರು ಹೇಳಿಕೊಂಡಿದ್ದರು. ಈಗ ಹೊಸ ವಿಡಿಯೋ ನೋಡಿದ ಅನೇಕರು ಆಯ್ರಾ ಬರುಬರುತ್ತಾ ಮತ್ತಷ್ಟು ಕ್ಯೂಟ್​ ಆಗುತ್ತಿದ್ದಾಳೆ ಎಂದಿದ್ದಾರೆ.

ಸಿನಿಮಾ ವಿಚಾರಕ್ಕೆ ಬರುವುದಾದರೆ ರಾಕಿಂಗ್​ ಸ್ಟಾರ್​ ಯಶ್​ ‘ಕೆಜಿಎಫ್​2’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಪ್ರಶಾಂತ್​ ನೀಲ್​ ನಿರ್ದೇಶನದ ಈ ಸಿನಿಮಾದಲ್ಲಿ ಬಾಲಿವುಡ್​ನ ಸಂಜಯ್​ ದತ್​ ಮೊದಲಾದವರು ಅಭಿನಯಿಸುತ್ತಿದ್ದಾರೆ.