ದಕ್ಷಿಣ ಭಾರತದ ಸಿನಿಮಾಗಳು ಪ್ರೈಮ್​ನಲ್ಲೇ ರಿಲೀಸ್​ ಆಗೋದೇಕೆ; ಇಲ್ಲಿದೆ ಕುತೂಹಲಕಾರಿ ಸಂಗತಿ

ಕೊರೋನಾ ವೈರಸ್​ ದೇಶದಲ್ಲಿ ಹೆಚ್ಚುತ್ತಿರುವ ಕಾರಣ ಚಿತ್ರಮಂದಿರಗಳನ್ನು ತೆರೆಯಲು ಇನ್ನೂ ಅವಕಾಶ ಸಿಕ್ಕಿಲ್ಲ. ಚಿತ್ರಮಂದಿರಗಳು ಯಾವಾಗ ಓಪನ್​ ಆಗಲಿವೆ ಅನ್ನೋ ಬಗ್ಗೆ ಇನ್ನೂ ಸ್ಪಷ್ಟ ಚಿತ್ರಣ ಸಿಕ್ಕಿಲ್ಲ. ಹೀಗಾಗಿ, ಕೆಲ ಸಿನಿಮಾಗಳು ನೇರವಾಗಿ ಒಟಿಟಿಯಲ್ಲಿ ರಿಲೀಸ್​ ಆಗುತ್ತಿವೆ. ಅದರಲ್ಲೂ ದಕ್ಷಿಣ ಭಾರತದ ಚಿತ್ರಗಳು ಅಮೆಜಾನ್​ ಪ್ರೈಮ್​ನಲ್ಲೇ ಹೆಚ್ಚಾಗಿ ರಿಲೀಸ್​ ಆಗುತ್ತಿವೆ. ಹೀಗೇಕೆ ಎಂಬುದಕ್ಕೆ ಇಲ್ಲಿದೆ ಉತ್ತರ.

ಅಮೆಜಾನ್​ ಪ್ರೈಮ್​, ನೆಟ್​ಫ್ಲಿಕ್​, ಹಾಟ್​ಸ್ಟಾರ್​, ಸೋನಿ, ಜೀ5, ವೂಟ್​, ಎಂಎಕ್ಸ್​ ಇವುಗಳು ಮುಂಚೂಣಿಯಲ್ಲಿರುವ ಒಟಿಟಿ ಪ್ಲಾಟ್​ಫಾರ್ಮ್​ಗಳು. ಈ ಒಟಿಟಿಗಳನ್ನು ಹೊಕ್ಕರೆ ಸಾಕು ನಿಮಗೆ ಸಾವಿರಾರು ಚಿತ್ರಗಳು ಸಿಗುತ್ತವೆ. ಪ್ರೈಮ್​ ಹೊರತು ಪಡಿಸಿದರೆ ಉಳಿದ ಕಡೆಗಳಲ್ಲಿ ಕನ್ನಡ ಚಿತ್ರಗಳು ನೇರವಾಗಿ ತೆರೆಗೆ ಬಂದಿದ್ದು ತುಂಬಾನೇ ಅಪರೂಪ. ಹೀಗೇಕೆ ಎಂದು ಅನೇಕರು ಪ್ರಶ್ನೆ ಮಾಡಿದ್ದೂ ಇದೆ.

ನೆಟ್​ಫ್ಲಿಕ್​, ಹಾಟ್​ಸ್ಟಾರ್ ಈ ಒಟಿಟಿ ಪ್ಲಾಟ್​ಫಾರ್ಮ್​ಗಳು ಭಾರತದಲ್ಲಿ ಹಿಂದಿ ಭಾಷೆಗೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಿವೆ. ಹೀಗಾಗಿ, ಅವುಗಳು ಕನ್ನಡ, ತೆಲುಗು, ತಮಿಳು, ಮಲಯಾಳಂ ಸಿನಿಮಾದತ್ತ ಹೆಚ್ಚು ಒಲವು ತೋರುತ್ತಿಲ್ಲ. ಆದರೆ, ಅಮೆಜಾನ್​ ಪ್ರೈಂ ಈ ಮೊದಲಿನಿಂದಲೂ ದಕ್ಷಿಣ ಭಾರತದ ಸಿನಿಮಾಗಳಿಗೆ ಹೆಚ್ಚು ಒತ್ತು ನೀಡುತ್ತಿದೆ. ಹೀಗಾಗಿ, ದಕ್ಷಿಣ ಭಾರತದ ಸಿನಿಮಾಗಳನ್ನು ರಿಲೀಸ್​ ಮಾಡಲು ಪ್ರೈಮ್​ ಸುಲಭ ವೇದಿಕೆ ಆಗುತ್ತಿದೆ.

ಒಂದೇ ತಿಂಗಳಲ್ಲಿ ಫುಲ್​ ಸೆಟ್ಲಮೆಂಟ್​

ದಕ್ಷಿಣ ಭಾರತದ ಸಿನಿಮಾ ನಿರ್ಮಾಪಕರು ಪ್ರೈಮ್​ನಲ್ಲಿ ಸಿನಿಮಾ ರಿಲೀಸ್ ಮಾಡುವುದಕ್ಕೆ ಖುಷಿ ಹೊಂದಿದ್ದಾರಂತೆ. ಏಕೆಂದರೆ, ಸಿನಿಮಾ ರಿಲೀಸ್​ ಆದ ಕೇವಲ 30 ದಿನಗಳಲ್ಲಿ ಅಷ್ಟೂ ಹಣ ನಿರ್ಮಾಪಕರ ಖಾತೆಗೆ ಜಮೆ ಆಗಿರುತ್ತದೆ. ಇದು ನಿರ್ಮಾಪಕರಿಗೆ ಪ್ಲಸ್​ ಪಾಯಿಂಟ್​.

ಪ್ರೈಮ್​ನಲ್ಲಿ ದೊಡ್ಡ ಬಜೆಟ್​ ಸಿನಿಮಾಗಳು ನೇರವಾಗಿ ರಿಲೀಸ್​ ಆಗೋದು ತುಂಬಾನೇ ಅಪರೂಪ. ಹೀಗಾಗಿ, ಸಣ್ಣ ಬಜೆಟ್​ ಸಿನಿಮಾಗಳ ನಿರ್ಮಾಕರಿಗೆ ಒಂದೇ ತಿಂಗಳಲ್ಲಿ ಫುಲ್​  ಪೇಮೆಂಟ್​ ಆದರೆ ಅದು ನಿಜಕ್ಕೂ ತುಂಬಾನೇ ಸಹಾಯಕಾರಿ.

ಇದನ್ನೂ ಓದಿ: Anushka Sharma: ವಿರಾಟ್​-ಅನುಷ್ಕಾ ಈಗ ಇಬ್ಬರಲ್ಲ ಮೂವರು; ತಾಯಿ ಆಗ್ತಿರೋ ಬಗ್ಗೆ ಖಚಿತಪಡಿಸಿದ ಸ್ಟಾರ್​ ನಟಿ ಸಣ್ಣ ಸಿನಿಮಾ ನಿರ್ಮಾಪಕರಿಗೆ ಸಂಕಷ್ಟ

ದೊಡ್ಡ ನಟರ ಚಿತ್ರಗಳಾದರೆ ಒಟಿಟಿ ಪ್ಲಾಟ್​ಫಾರ್ಮ್​ನವರು ಸಹಜವಾಗಿಯೇ​ ದೊಡ್ಡ ಮೊತ್ತವನ್ನು ನೀಡಿ ಸಿನಿಮಾ ಖರೀದಿ ಮಾಡುತ್ತವೆ. ಆದರೆ, ಸಣ್ಣ ಸಿನಿಮಾಗಳಿಗೆ ಮೊದಲೇ ಹಣ ನೀಡುವುದಿಲ್ಲ. ಬದಲಿಗೆ ಒಂದು ವೀಕ್ಷಣೆಗೆ ಇಂತಿಷ್ಟು ಎನ್ನುವ ಮೊತ್ತ ನಿಗದಿ ಮಾಡಲಾಗುತ್ತದೆ. ಅದರ ಆಧಾರದ ಮೇಲೆ ನಿರ್ಮಾಪಕನಿಗೆ ಹಣ ಸಂದಾಯವಾಗುತ್ತದೆ.

ನೆಟ್​ಫ್ಲಿಕ್​ ಪಾಲಿಸಿಯೇ ಬೇರೆ

ನೆಟ್​ಫ್ಲಿಕ್ಸ್​ ವಿಶ್ವಾದ್ಯಂತ ಖ್ಯಾತಿ ಪಡೆದುಕೊಂಡಿದೆ. ಹೀಗಾಗಿ, ದಕ್ಷಿಣ ಭಾರತದ ಸಿನಿಮಾಗಳ ಮೇಲೆ ಅವರು ಅಷ್ಟಾಗಿ ಇನ್ನೂ ಗಮನ ಹರಿಸಲು ಆರಂಭಿಸಿಲ್ಲ. ಇನ್ನು, ನೆಟ್​ಫ್ಲಿಕ್ಸ್​ನಲ್ಲಿ ಸಿನಿಮಾ ರಿಲೀಸ್​ ಮಾಡೋದು ನಿರ್ಮಾಪಕರಿಗೂ ಹೊರೆಯಾಗಲಿದೆಯಂತೆ. ಏಕೆಂದರೆ, ಸಿನಿಮಾ ರಿಲೀಸ್​ ಆದ ನಂತರ ಹಂತ ಹಂತವಾಗಿ ನಿರ್ಮಾಪಕರಿಗೆ ಹಣ ಸಂದಾಯವಾಗಲಿದೆ. ಇದಕ್ಕೆ ಕೆಲವೊಮ್ಮೆ ವರ್ಷವೇ ಹಿಡಿದು ಬಿಡುತ್ತದೆ. ಹೀಗಾಗಿ, ನಿರ್ಮಾಪಕರು ನೆಟ್​ಫ್ಲಿಕ್ಸ್​ಗೆ ಹೆಚ್ಚು ಒತ್ತು ನೀಡುವುದಿಲ್ಲವಂತೆ.

ಡಿಸ್ನಿ- ಹಾಟ್​ಸ್ಟಾರ್​

ಡಿಸ್ನಿ ಹಾಟ್​ ಸ್ಟಾರ್​ ಇತ್ತೀಚಿನ ದಿನಗಳಲ್ಲಿ ಖ್ಯಾತಿ ಹೆಚ್ಚಿಸಿಕೊಳ್ಳುತ್ತಿದೆ. ಒಟಿಟಿ ಪ್ಲಾಟ್​ಫಾರ್ಮ್​ ವಿಸ್ತರಣೆಗೆ ಡಿಸ್ನಿ ಹಾಟ್​ಸ್ಟಾರ್​ ದೊಡ್ಡ ಮೊತ್ತದ ಹಣ ಸುರಿದಿದೆ. ಸದ್ಯ, ಹಿಂದಿ ಚಿತ್ರಗಳ ಮೇಲೆ ಮಾತ್ರ ಅವರು ಹೆಚ್ಚು ಕೇಂದ್ರಿಕೃತ ಮಾಡುತ್ತಿದ್ದಾರೆ. ಇನ್ನು, ಜೀ5 ನೇರವಾಗಿ ಸಿನಿಮಾಗಳನ್ನು ತಮ್ಮ ವೇದಿಕೆಯಲ್ಲಿ ರಿಲೀಸ್ ಮಾಡುವಷ್ಟು ಬಜೆಟ್​ ಇಲ್ಲ.