The Kashmir Files: ಒಟಿಟಿಗೆ ಬರ್ತಿದೆ ದಿ ಮೋಸ್ಟ್​ ಸೆನ್ಸೇಷನ್ ಸಿನಿಮಾ 'ದಿ ಕಾಶ್ಮೀರ್​ ಫೈಲ್ಸ್' ​! ಮಿಸ್​ ಮಾಡ್ದೇ ನೋಡಿ

ಚಿತ್ರಮಂದಿರದಲ್ಲಿ ಈ ಸಿನಿಮಾವನ್ನು ಮಿಸ್​ ಮಾಡಿಕೊಂಡವರು ಮನೆಯಲ್ಲೇ ಕುಳಿತು ನೋಡುವ ಸಮಯ ಹತ್ತಿರ ಬಂದಿದೆ. 90ರ ದಶಕದಲ್ಲಿ ನಡೆದ ಕಾಶ್ಮೀರಿ ಪಂಡಿತ(Kashmiri Pundits)ರ ಸಾಮೂಹಿಕ ವಲಸೆ(Mass Migration)ಯ ದಾರುಣ ಕಥೆಗಳನ್ನು ಆಧರಿಸಿದ ಈ ಚಿತ್ರ, ಈಗಾಗಲೇ ವೀಕ್ಷಿಸಿದವರ ಹೃದಯವನ್ನು ಕರಗಿಸಿತ್ತು. 

ದಿ ಕಾಶ್ಮೀರ್​ ಫೈಲ್ಸ್​ ಪೋಸ್ಟರ್​

ದಿ ಕಾಶ್ಮೀರ್​ ಫೈಲ್ಸ್​ ಪೋಸ್ಟರ್​

  • Share this:
‘ದಿ ಕಾಶ್ಮೀರ್ ಫೈಲ್ಸ್‌’(The Kashmir Files) ಚಿತ್ರ ಇಡೀ ದೇಶದಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ದೇಶದ ಮುಕುಟ ಕಾಶ್ಮೀರ(Kashmir)ದ ಪಂಡಿತರ ಕತೆಯನ್ನು ಈ ಚಿತ್ರ ಹೊಂದಿದೆ. ರಾಜ್ಯದಲ್ಲಿ ಈ ಚಿತ್ರ ವೀಕ್ಷಿಸುವವರಿಗೆ ತೆರಿಗೆ(Tax)ಯನ್ನೂ ತೆಗೆದುಹಾಕಲಾಗಿತ್ತು. ನಮ್ಮ ರಾಜ್ಯದ ಎಲ್ಲ ಶಾಸಕರಿಗೂ ಈ ಚಿತ್ರವನ್ನು ನೋಡುವಂತೆ ವಿಶೇಷ ಪ್ರದರ್ಶನವನ್ನೂ ಏರ್ಪಡಿಸಲಾಗಿತ್ತು. ಒಟ್ಟಾರೆ, ಈ ಚಿತ್ರ ದೇಶದಲ್ಲಿ ಸದ್ದು ಮಾಡುತ್ತಿರುವುದಂತೂ ಸುಳ್ಳಲ್ಲ. ಇದೀಗ ‘ದಿ ಕಾಶ್ಮೀರ್​ ಫೈಲ್ಸ್​’ ಚಿತ್ರದ ಒಟಿಟಿ(The Kashmir Files Ott) ಪ್ರಸಾರಕ್ಕೆ ಸಿದ್ಧತೆ ನಡೆದಿದೆ. ಜೀ5 ಮೂಲಕ ಈ ಸಿನಿಮಾ ಪ್ರಸಾರ ಆಗಲಿದೆ. ಈ ವರ್ಷ ಭಾರತೀಯ ಚಿತ್ರರಂಗದಲ್ಲಿ ಸೆನ್ಸೇಷನ್​ ಕ್ರಿಯೇಟ್​ ಮಾಡಿದ ಸಿನಿಮಾಗಳಲ್ಲಿ ಒಂದಾದ ‘ದಿ ಕಾಶ್ಮೀರ್​ ಫೈಲ್ಸ್​’ ಈಗ ಒಟಿಟಿಗೆ ಬರಲು ಸಜ್ಜಾಗಿದೆ. ಎಲ್ಲರೂ ಈ ಸಿನಿಮಾ ನೋಡಲು ಕಾತುರದಿಂದ ಎದುರು ನೋಡುತ್ತಿದ್ದರು. ಶೀಘ್ರದಲ್ಲೇ ಈ ಸಿನಿಮಾ  ಜೀ 5(Zee 5)ನಲ್ಲಿ ಸ್ಟ್ರೀಮ್​ ಆಗಲಿದೆ.

ಶ್ರೀಘ್ರದಲ್ಲೇ ಜೀ5ನಲ್ಲಿ ಬರಲಿದೆ 'ದಿ ಕಾಶ್ಮೀರ್​​ ಫೈಲ್ಸ್​'

ಚಿತ್ರಮಂದಿರದಲ್ಲಿ ಈ ಸಿನಿಮಾವನ್ನು ಮಿಸ್​ ಮಾಡಿಕೊಂಡವರು ಮನೆಯಲ್ಲೇ ಕುಳಿತು ನೋಡುವ ಸಮಯ ಹತ್ತಿರ ಬಂದಿದೆ. 90ರ ದಶಕದಲ್ಲಿ ನಡೆದ ಕಾಶ್ಮೀರಿ ಪಂಡಿತ(Kashmiri Pundits)ರ ಸಾಮೂಹಿಕ ವಲಸೆ(Mass Migration)ಯ ದಾರುಣ ಕಥೆಗಳನ್ನು ಆಧರಿಸಿದ ಈ ಚಿತ್ರ, ಈಗಾಗಲೇ ವೀಕ್ಷಿಸಿದವರ ಹೃದಯವನ್ನು ಕರಗಿಸಿತ್ತು. ಈ ಚಿತ್ರಕ್ಕೆ ವಿವೇಕ್​ ಅಗ್ನಿಹೋತ್ರಿ ನಿರ್ದೇಶನ ಮಾಡಿದ್ದಾರೆ.. ಮೊದಲ ದಿನ ಕೇವಲ 3.5 ಕೋಟಿ ರೂಪಾಯಿ ಸಂಪಾದನೆ ಮಾಡಿದ ಈ ಚಿತ್ರ ಅಂತಿಮವಾಗಿ 251 ಕೋಟಿ ರೂಪಾಯಿ ಕಲೆಕ್ಷನ್​ ಮಾಡುವಲ್ಲಿ ಯಶಸ್ವಿ ಆಗಿತ್ತು.

ಬೇರೆ ಭಾಷೆಗಳಲ್ಲೂ ಡಬ್​ ಮಾಡಿ ರಿಲೀಸ್​!

ಶೀಘ್ರದಲ್ಲೇ ‘ದಿ ಕಾಶ್ಮೀರ್​ ಫೈಲ್ಸ್​’ ಚಿತ್ರ ಜೀ5  ಮೂಲಕ ವೀಕ್ಷಣೆಗೆ ಲಭ್ಯವಾಗಲಿದೆ. ಬೇರೆ ಬೇರೆ ಭಾಷೆಗಳಿಗೆ ಡಬ್​ ಮಾಡಿ ಒಟಿಟಿಯಲ್ಲಿ ರಿಲೀಸ್​ ಮಾಡಲಾಗುತ್ತಿದೆ. ಮೂಲ ಹಿಂದಿಯಲ್ಲಿ ತಯಾರಾದ ಈ ಚಿತ್ರ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಭಾಷೆಗಳಿಗೆ ಡಬ್​ ಆಗಿದೆ.

ಇದನ್ನೂ ಓದಿ:ಈ ವೀಕೆಂಡ್​ಗೆ ಮನೆಯಲ್ಲೇ ಕೂತು ಈ 4 ಸಿನಿಮಾಗಳನ್ನು ನೋಡಿ ಎಂಜಾಯ್​ ಮಾಡಿ..!

ಮತ್ತೆ ಫೈಲ್‌ ಹಿಂದೆ ಬಿದ್ದ ಅಗ್ನಿಹೋತ್ರಿ

ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಮತ್ತೆ ಫೈಲ್‌ಗಳ ಹಿಂದೆ ಬಿದ್ದಿದ್ದಾರೆ. ಈ ಹಿಂದೆ ಭಾರತದ ಮಾಜಿ ಪ್ರಧಾನಿ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ನಿಗೂಢ ಸಾವಿನ ಕುರಿತಾದ ಕಥೆಯನ್ನೊಳಗೊಂಡ ದಿ ತಾಷ್ಕೆಂಟ್ ಫೈಲ್ ಎಂಬ ಸಿನಿಮಾ ಮಾಡಿದ್ದರು. 2019ರಲ್ಲಿ ರಿಲೀಸ್ ಆದ ಈ ಸಿನಿಮಾ ಸುದ್ದಿ ಮಾಡಿದ್ರೂ, ಅಷ್ಟೊಂದು ಯಶಸ್ಸು ಗಳಿಸಲಿಲ್ಲ. ಅದಾದ ಬಳಿಕ ಬಂದಿದ್ದೇ ದಿ ಕಾಶ್ಮೀರ್ ಫೈಲ್ಸ್.

ಮತ್ತೆ ಸದ್ದು ಮಾಡುತ್ತಾರಾ ವಿವೇಕ್ ಅಗ್ನಿಹೋತ್ರಿ?

ಟೈಟಲ್​ ಅನೌನ್ಸ್​ ಮಾಡುವುದರ ಜೊತೆಗೆ ಅವರು ಒಂದು ಮೋಷನ್​ ಪೋಸ್ಟರ್ ಸಹ ರಿಲೀಸ್​ ಮಾಡಿದ್ದರು. ರಾಷ್ಟ್ರ ಲಾಂಚನದ ನಡುವೆ ಸಿಖ್​ ಬಾಲಕನೊಬ್ಬ ಅಸಹಾಯಕತೆಯಿಂದ ಅಳುತ್ತಿರುವ ಪೋಸ್ಟರ್​ ಅದಾಗಿದೆ. ಹಿನ್ನೆಲೆಯಲ್ಲಿ ಬೂಟಿನ ಶಬ್ದ ಕೇಳಿಸುತ್ತದೆ. ಈ ಸಿನಿಮಾದಲ್ಲಿ ‘ಜೀವಿಸುವ ಹಕ್ಕು’ ಬಗ್ಗೆ ವಿವರಿಸುವುದಾಗಿ ವಿವೇಕ್​ ಅಗ್ನಿಹೋತ್ರಿ ಹೇಳಿದ್ದಾರೆ.

ಇದನ್ನೂ ಓದಿ: ಮದುವೆ ಆಮಂತ್ರಣ ಪತ್ರಿಕೆಯಲ್ಲೂ ರಾಕಿ ಡೈಲಾಗ್​ ಹವಾ! 'ಮ್ಯಾರೇಜ್.. ಮ್ಯಾರೇಜ್​..ಐ ಡೋಂಟ್ ಲೈಕ್ ಇಟ್'

ದೆಹಲಿಯ ಕರಾಳ ಕಥೆ ತೋರಿಸಲಿದ್ದಾರೆ ಅಗ್ನಿಹೋತ್ರಿ

ವಿವೇಕ್​ ಅಗ್ನಿಹೋತ್ರಿ ಮುಂದಿನ ಸಿನಿಮಾ ‘ದಿ ದಿಲ್ಲಿ ಫೈಲ್ಸ್​’ ಅಂತ ಘೋಷಣೆಯಾಗಿದೆ. 2021ರ ಸೆ.13ರಂದು ಅವರು ಈ ಸಿನಿಮಾ ಅನೌನ್ಸ್​ ಮಾಡಿದ್ದರು. ‘ದಿ ತಾಷ್ಕೆಂಟ್​ ಫೈಲ್ಸ್​’ ಹಾಗೂ ‘ದಿ ಕಾಶ್ಮೀರ್​ ಫೈಲ್ಸ್​’ ಚಿತ್ರಗಳಿಗಿಂತಲೂ ‘ದಿ ದಿಲ್ಲಿ ಫೈಲ್ಸ್​’ ಹೆಚ್ಚು ಭಯಾನಕ ಆಗಿರಲಿದೆ ಎನ್ನಲಾಗಿದೆ.
Published by:Vasudeva M
First published: