Happy Birthday Vishnuvardhan: ವಿಷ್ಣುವರ್ಧನ್​ ಹುಟ್ಟುಹಬ್ಬ: ಸಾಮಾಜಿಕ ಜಾಲತಾಣದ ಡಿಪಿ ಬದಲಿಸಿದ ಸೆಲೆಬ್ರಿಟಿಗಳು..!

ಇಂದು ಸ್ಯಾಂಡಲ್​ವುಡ್​ನ ಸಾಹಸ ಸಿಂಹ ವಿಷ್ಣುವರ್ಧನ್​ ಅವರ  70ನೇ ಹುಟ್ಟುಹಬ್ಬ. ಪ್ರತಿ ವರ್ಷದಂತೆ ಈ ಸಲ ಯಜಮಾನನ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಲಾಗುತ್ತಿಲ್ಲ. ಕೊರೋನಾ ಕಾರಣದಿಂದಾಗಿ ಈ ಸಲ ನೆಚ್ಚಿನ ನಟನ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಲಾಗದಿದ್ದರೂ, ಸರಳವಾಗಿ ಸಂಭ್ರಮಿಸಲು ನಿರ್ಧರಿಸಿದ್ದಾರೆ ಅಭಿಮಾನಿಗಳು. ಅದಕ್ಕಾಗಿಯೇ ನಿನ್ನೆಯೇ ಸಾಮಾಜಿಕ ಜಾಲತಾಣದಲ್ಲಿ ಒಂದು ಕಾಮನ್​ ಡಿಪಿ ಸಹ ರಿಲೀಸ್​ ಮಾಡಲಾಗಿದೆ. ಜೊತೆಗೆ ವಿಷ್ಣು ಹೆಸರಲ್ಲಿ ಅನ್ನದಾನ ಹಾಗೂ ಸಸಿ ನೆಡಲು ಸಿದ್ಧತೆ ಮಾಡಿಕೊಂಡಿದೆ ವಿಷ್ಣುಸೇವಾ ಸಮಿತಿ. ಈ ಸಲ ವಿಷ್ಣು ಅಭಿಮಾನಿಗಳಿಗೆ ಹುಟ್ಟುಹಬ್ಬಕ್ಕೆ ಮೊದಲೇ ಭರ್ಜರಿ ಉಡುಗೊರೆ ಸಿಕ್ಕಿದೆ. ಅದು ವಿಷ್ಣುವರ್ಧನ್ ಅವರ ಸ್ಮಾರಕ ವಿಷಯ. ಹೌದು, ವಿಷ್ಣು ಅಭಿಮಾನಿಗಳು ಹಾಗೂ ಕುಟುಂಬದವರು ನಡೆಸಿದ ಹೋರಾಟಕ್ಕೆ ಕಡೆಗೂ ಪ್ರತಿಫಲ ಸಿಕ್ಕಿದೆ. ಈ ಕಾರಣದಿಂದಾಗಿ ಅಭಿಮಾನಿಗಳ ಖುಷಿ ಇಮ್ಮಡಿಗೊಂಡಿದೆ. ಇನ್ನು ವಿಷ್ಣುವರ್ಧನ್​ ಅವರ ಹುಟ್ಟುಹಬ್ಬಕ್ಕೆ ಸ್ಯಾಂಡಲ್​ವುಡ್​ ಸೆಲೆಬ್ರಿಟಿಗಳೂ ಶುಭಕೋರುವುದರೊಂದಿಗೆ ಅವರನ್ನು ಸ್ಮರಿಸಿದ್ದಾರೆ. 

ಸ್ಯಾಂಡಲ್​ವುಡ್​ನ ಖ್ಯಾತ ನಿರ್ದೇಶಕರು, ನಟರು ವಿಷ್ಣುವರ್ಧನ್​ ಅವರಿಗೆ ಹಟ್ಟುಹಬ್ಬದ ಶುಭಕೋರುವ ಮೂಲಕ ಸ್ಮರಿಸಿದ್ದಾರೆ. ನಿರ್ದೇಶಕರಾದ ಸಂತೋಷ್​ ಆನಂದ್​ ರಾಮ್​, ರಿಷಭ್​ ಶೆಟ್ಟಿಮ, ಪವನ್​ ಒಡೆಯರ್​ ತಮ್ಮ ಟ್ವಿಟರ್​ನ ಡಿಪಿ ಬದಲಿಸುವ ಮೂಲಕ ಗೌರವ ಸಲ್ಲಿಸಿದ್ದಾರೆ.

“ಸಾಹಸ ನಿಮ್ಮ ಬದುಕು-ಅಭಿನಯ ನಿಮ್ಮ ಉಸಿರು-ಅಭಿಮಾನಿಗಳು ನಿಮ್ಮ ಕುಟುಂಬ-ಸಮಾಜ ನಿಮ್ಮ ಮನೆ-ಕನ್ನಡ ನಿಮ್ಮ ತಾಯಿ--ಸಾಧನೆ ನಿಮ್ಮ ಹೆಜ್ಜೆ-ಶಾಶ್ವತ ನಿಮ್ಮ ನೆನಪು-ಸ್ಮರಣೆ ನಿಮ್ಮ ಸ್ಮಾರಕ” ನೀವು ಹುಟ್ಟುವಾಗ ಒಬ್ಬ, ಬಿಟ್ಟು ಹೋಗವುವಾಗ ಕೋಟಿಗೊಬ್ಬ” ಮತ್ತೆ ಹುಟ್ಟಿ ಬನ್ನಿ ಭುವನೇಶ್ವರಿಯ ಮಗನಾಗಿ, ನಮ್ಮೆಲ್ಲರ ಅಣ್ಣನಾಗಿ #HappyBirthdayದಾದಾ pic.twitter.com/ea752tSInK

— Santhosh Ananddram (@SanthoshAnand15) September 18, 2020

ಹುಟ್ಟುಹಬ್ಬದ ಶುಭಾಶಯಗಳು ದಾದಾ. ಕನ್ನಡ ಕುಲಕೋಟಿ ಮನಸ್ಸುಗಳಲ್ಲಿ ನೀವೆಂದಿಗೂ ಜೀವಂತ. 🙏 pic.twitter.com/bbH1olKUg6

— Pavan Wadeyar (@PavanWadeyar) September 18, 2020

#vishnusirlivesForever@KicchaSudeep @shetty_rishab
❤❤❤❤ ಅಪ್ಪಾಜಿ ಲವ್ ಯೂ
❤❤❤❤❤❤ .... no words..... pic.twitter.com/nRhhu07Jey

— Kichcha Shreesha (@KichchaShreesha) September 17, 2020

ವಿಷ್ಣುವರ್ಧನ್​ ಅವರ ಹುಟ್ಟುಹಬ್ಬದ ಕಾಮನ್​ ಡಿಪಿಯನ್ನು ಕಿಚ್ಚ ಸುದೀಪ್​ ರಿಲೀಸ್​ ಮಾಡಿದ್ದಾರೆ. ಜೊತೆಗೆ ಅವರನ್ನು ಭೇಟಿ ಮಾಡಲು ಕಾಲ ನನಗೆ ಆರ್ಶೀವಾದವಿತ್ತು. ನಾನು ಅವರ ಅಭಿಮಾನಿ ಎಂದು ಸುದೀಪ್​ ಟ್ವೀಟ್​ ಮಾಡಿದ್ದಾರೆ.

ಅವರನ್ನು ಭೇಟಿ ಮಾಡಲು ಸಮಯದ ಆಶೀರ್ವಾದವಿತ್ತು. ಅವರೊಂದಿಗೆ ಕೆಲಸ ಮಾಡಲು ಸಿನಿಮಾದ ಆಶೀರ್ವಾದವಿತ್ತು. ಎಲ್ಲಕ್ಕಿಂತ ದೊಡ್ಡ ಆಶೀರ್ವಾದ ಅವರು ನನ್ನನ್ನು ನನ್ನ ಹೆಸರಿಂದ ಗುರುತಿಸುತ್ತಿದ್ದರು. ನನ್ನ IDOನ CDP ಬಿಡುಗಡೆ ನನಗೆ ಸಿಕ್ಕ ಭಾಗ್ಯ. ಎಂದಿಗೂ ಅವರ ಅಭಿಮಾನಿ. Happy 18th to all his Fans&Followers.#VishnuSirLivesForever pic.twitter.com/U4rxwGzdai

— Kichcha Sudeepa (@KicchaSudeep) September 17, 2020

ಬಹಳ ವರ್ಷಗಳಿಂದ ನೆನೆಗುದಿಗೆ ಬಿದ್ದಿದ್ದ ವಿಷ್ಣುವರ್ಧನ್​ ಅವರ ಸ್ಮಾರಕ ನಿರ್ಮಾಣ ಕಾರ್ಯಕ್ಕೆ ಇತ್ತೀಚೆಗಷ್ಟೆ ಚಾಲನೆ ಸಿಕ್ಕಿದೆ. ಇದು ಈ ಸಲ ವಿಷ್ಣು ಅಭಿಮಾನಿಗಳ ಮೊಗದಲ್ಲಿ ನಗು ಮೂಡಲು ಕಾರಣವಾಗಿದೆ. ಹಲವು ವರ್ಷಗಳಿಂದ ವಿಷ್ಣುವರ್ಧನ್​ ಸ್ಮಾರಕ ನಿರ್ಮಾಣಕ್ಕಾಗಿ ಅಭಿಮಾನಿಗಳು ಹಾಗೂ ವಿಷ್ಣುವರ್ಧನ್​ ಅವರ ಕುಟುಂಬದವರು ಹೋರಟ ನಡೆಸಿದ್ದರು. ಅದರ ಫಲವಾಗಿ ಈಗ ನಟನ ಸ್ಮಾರಕ ನಿರ್ಮಾಣ ಕಾರ್ಯಕ್ಕೆ ಚಾಲನೆ ಸಿಕ್ಕಿದೆ. ವಿಷ್ಣುವರ್ಧನ್​ ಸ್ಮಾರಕ ನಿರ್ಮಾಣಕ್ಕೆಂದು ಮೈಸೂರಿನ ಹಾಲಾಳು ಗ್ರಾಮದಲ್ಲಿ 5 ಏಕರೆ ಭೂಮಿ ನೀಡಲಾಗಿದ್ದು, ಅಲ್ಲೇ ಶಂಕು ಸ್ಥಾಪನೆ ಕಾರ್ಯ ನೆರವೇರಿದೆ.



ಕೊರೋನಾ ಕಾರಣದಿಂದಾಗಿ ಮುಖ್ಯಮಂತ್ರಿ ಯಡಿಯೂರಪ್ಪ, ವಿಷ್ಣುವರ್ಧನ್​ ಸ್ಮಾರಕದ ಅಡಿಗಲ್ಲು ಇಡುವ ಪೂಜಾ ಕಾರ್ಯಕ್ಕೆ ಆನ್​ಲೈನ್​ ಮೂಲಕ ಚಾಲನೆ ನೀಡಿದರು. 11 ಕೋಟಿ ವೆಚ್ಚದಲ್ಲಿ ಈ ಸ್ಮಾರಕವನ್ನು ನಿರ್ಮಿಸಲಾಗುತ್ತಿದೆ. ಆನ್​ಲೈನ್​ನಲ್ಲಿ ಶಂಕುಸ್ಥಾಪನೆ ಕೆಲಸಕ್ಕೆ ಚಾಲನೆ ಸಿಗುತ್ತಿದ್ದಂತೆಯೇ ಭಾರತಿ ವಿಷ್ಣುವರ್ಧನ್​ ಅವರು ಭೂಮಿ ಪೂಜೆ ಮಾಡಿ ಅಡಿಗಲ್ಲು ಇಟ್ಟಿದ್ದಾರೆ. ಸ್ಮಾರಕ ನಿರ್ಮಾಣದ ಗುತ್ತಿಗೆಯನ್ನು ಪೊಲೀಸ್ ವಸತಿ ನಿಗಮಕ್ಕೆ ನೀಡಲಾಗಿದೆ. ಎಂ-9 ಡಿಸೈನ್ ಸ್ಟುಡಿಯೋದಿಂದ ಆರ್ಕಿಟೆಕ್ ಡಿಸೈನ್ ಮಾಡಿಸಲಾಗುತ್ತಿದೆ. ಈ ಸ್ಮಾರಕ ಭವನದಲ್ಲಿ ವಿಷ್ಣು ಪುತ್ಥಳಿ, ಆಡಿಟೋರಿಯಂ , ಫೋಟೋ ಗ್ಯಾಲರಿ, ಉದ್ಯಾನವನ, ನೀರಿನ ಕಾರಂಜಿ ಸಹ ಇರಲಿದೆ.