HOME » NEWS » Entertainment » VIREN KHANNA HAD A LINK IN INTERNATIONAL LEVEL SAYS SOURCES RMD

ವಿರೇನ್ ಖನ್ನಾಗೆ ಸ್ಟಾರ್​ ನಟರು, ರಾಜಕಾರಣಿ ಮಕ್ಕಳೇ ಗ್ರಾಹಕರು?; ವಿದೇಶದಲ್ಲೂ ಇದೆ ಈತನಿಗೆ ಲಿಂಕ್​

ವಿರೇನ್ ಖನ್ನಾ ಬೆಂಗಳೂರು, ದೆಹಲಿ, ಮುಂಬೈ, ಗೋವಾ ಮೊದಲಾದ ಕಡೆಗಳಲ್ಲಿ ರೇವ್​ ಪಾರ್ಟಿ ಆಯೋಜನೆ ಮಾಡುತ್ತಿದ್ದ. ಈತ ಈ ಪಾರ್ಟಿಗಳ ಫೋಟೋಗಳನ್ನು ಇನ್ಸ್​ಟಾಗ್ರಾಂನಲ್ಲಿ ಕೂಡ ಹಾಕಿಕೊಂಡಿದ್ದಾನೆ.

news18-kannada
Updated:September 5, 2020, 8:49 AM IST
ವಿರೇನ್ ಖನ್ನಾಗೆ ಸ್ಟಾರ್​ ನಟರು, ರಾಜಕಾರಣಿ ಮಕ್ಕಳೇ ಗ್ರಾಹಕರು?; ವಿದೇಶದಲ್ಲೂ ಇದೆ ಈತನಿಗೆ ಲಿಂಕ್​
ವೀರೇನ್​ ಖನ್ನಾ
  • Share this:
ಸ್ಯಾಂಡಲ್​ವುಡ್​ನಲ್ಲಿ ಡ್ರಗ್ಸ್ ಜಾಲ ಆರೋಪ ಪ್ರಕರಣ ದಿನದಿಂದ ದಿನಕ್ಕೆ ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಪಡೆದು ಕೊಳ್ಳುತ್ತಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿತ್ಯ ಒಬ್ಬೊಬ್ಬರು ಅರೆಸ್ಟ್​ ಕೂಡ ಆಗುತ್ತಿದ್ದಾರೆ. ಸ್ಯಾಂಡಲ್​ವುಡ್​ ನಟಿ ರಾಗಿಣಿ ದ್ವಿವೇದಿ ಈಗ ಮೂರು ದಿನ ಪೊಲೀಸರ ಕಸ್ಟಡಿಗೆ ಒಳಗಾಗಿದ್ದಾರೆ. ಇನ್ನು, ಡ್ರಗ್​ ವಿಚಾರಕ್ಕೆ ಸಂಬಂಧೀಸಿ ನಿನ್ನೆಯಷ್ಟೇ ವಿರೇನ್​ ಖನ್ನಾ ಎಂಬಾತನನ್ನು ದೆಹಲಿಯಲ್ಲಿ ಬಂಧಿಸಲಾಗಿತ್ತು. ಈತ ರೇವ್​ ಪಾರ್ಟಿಗಳನ್ನು ಆಯೋಜನೆ ಮಾಡುತ್ತಿದ್ದವರಲ್ಲಿ ಪ್ರಮುಖ ಎನ್ನಲಾಗಿದೆ. ಈ ಮಧ್ಯೆ ಈತನಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಲಿಂಕ್​ ಇರುವ ವಿಚಾರ ಬೆಳಕಿಗೆ ಬಂದಿದೆ. ಅಷ್ಟೇ ಅಲ್ಲ, ಈತ ಆಯೋಜನೆ ಮಾಡುತ್ತಿದ್ದ ದೊಡ್ಡ ಮಟ್ಟದ ಪಾರ್ಟಿಗಳಲ್ಲಿ ಸ್ಟಾರ್​ಗಳು ಕೂಡ ಬರುತ್ತಿದ್ದರು ಎನ್ನುವ ಮಾತು ಕೇಳಿ ಬಂದಿದೆ.

ವಿರೇನ್ ಖನ್ನಾ ಬೆಂಗಳೂರು, ದೆಹಲಿ, ಮುಂಬೈ, ಗೋವಾ ಮೊದಲಾದ ಕಡೆಗಳಲ್ಲಿ ರೇವ್​ ಪಾರ್ಟಿ ಆಯೋಜನೆ ಮಾಡುತ್ತಿದ್ದ. ಈತ ಈ ಪಾರ್ಟಿಗಳ ಫೋಟೋಗಳನ್ನು ಇನ್ಸ್​ಟಾಗ್ರಾಂನಲ್ಲಿ ಕೂಡ ಹಾಕಿಕೊಂಡಿದ್ದಾನೆ. ಇನ್ನು, ರೇವ್ ಪಾರ್ಟಿ ವೇಳೆ ಈತನೇ ಡ್ರಗ್​ ಪೂರೈಕೆ ಮಾಡುತ್ತಿದ್ದ ಎನ್ನಲಾಗಿದೆ. ಶಾಕಿಂಗ್​ ವಿಚಾರ ಎಂದರೆ, ಈತ ಅಂತರಾಷ್ಟ್ರೀಯ ಮಟ್ಟದಲ್ಲಿ ಡ್ರಗ್ಸ್ ಜಾಲದ ಜೊತೆ ನಂಟು ಹೊಂದಿರುವ ವಿಚಾರ ಬೆಳಕಿಗೆ ಬಂದಿದೆ.


ದೆಹಲಿಯಲ್ಲಿ ಬಂಧನವಾದ ವ್ಯಕ್ತಿ ಬಳಿ ದೊಡ್ಡ ದೊಡ್ಡ ವ್ಯಕ್ತಿಗಳ ಜಾತಕವೇ ಇದೆ ಎನ್ನಲಾಗುತ್ತಿದೆ. ದೊಡ್ಡ ದೊಡ್ಡ ಪಾರ್ಟಿಗಳ ಮುಖಾಂತರ ಸ್ಟಾರ್​ಗಳು ನಶೆ ಹತ್ತಿಸಿಕೊಳ್ಳುತ್ತಿದ್ದರಂತೆ. ಸ್ಟಾರ್ ನಟ-ನಟಿಯರು ಅಷ್ಟೇ ಅಲ್ಲದೆ ದೊಡ್ಡ ರಾಜಕಾರಣಿಗಳ ಮಕ್ಕಳು ಈ ಪಾರ್ಟಿಯಲ್ಲಿ ಭಾಗಿಯಾಗುತ್ತಿದ್ದರು. ಹೀಗೆ ಪಾಲ್ಗೊಂಡವರ ಪ್ರಭಾವಿ ವ್ಯಕ್ತಿಗಳ ಮಕ್ಕಳ ಮಾಹಿತಿಯನ್ನು ತೆಗೆಯೋಕೆ ಸಿಸಿಬಿ ಮುಂದಾಗಿದೆ.
Published by: Rajesh Duggumane
First published: September 5, 2020, 8:49 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories