Vikrant Rona: ಸ್ಯಾಂಡಲ್​ವುಡ್​ ಸ್ಟಾರ್ಸ್ ಜೊತೆ ಸೊಂಟ ಬಳುಕಿಸಿದ ರಕ್ಕಮ್ಮ​! ಕ್ರೇಜಿಸ್ಟಾರ್, ಶಿವಣ್ಣ ಸ್ಟೆಪ್ಸ್​ ಮಾತ್ರ ಟಾಪ್​ ಕ್ಲಾಸ್​

ಇಂದು ಓರಾಯನ್​ ಮಾಲ್​ನಲ್ಲಿ ಇಂದು ವಿಕ್ರಾಂತ್​ ರೋಣ ಟ್ರೈಲರ್​​ ಲಾಂಚ್ (Vikrant Rona Trailer Launch)​ ಕಾರ್ಯಕ್ರಮ ನಡೀತು. ಚಿತ್ರರಂಗದ ದಿಗ್ಗಜರು ಬಂದು ತ್ರಿಡಿಯಲ್ಲಿ ವಿಕ್ರಾಂತ್​ ರೋಣನ ಟ್ರೈಲರ್​ ಕಣ್ಣು ತುಂಬಿಕೊಂಡರು.  ಶಿವಣ್ಣ (Shivanna) , ವಿ .ರವಿಚಂದ್ರನ್ (v Ravichandran) ​, ರಮೇಶ್​ ಅರವಿಂದ್ (Ramesh Aravind)​, ಡಾಲಿ ಧನಂಜಯ್ (Daali Dhananjay) ​, ರಿಷಭ್​ ಶೆಟ್ಟಿ (Rishab Shetty) , ರಕ್ಷಿತ್​ ಶೆಟ್ಟಿ (Rakshit Shetty) , ರಾಜ್​ ಬಿ ಶೆಟ್ಟಿ (Raj B Shetty) , ಸೃಜನ್​ ಲೋಕೇಶ್ (Srujan Lokesh)​ ಸೇರಿ ಚಿತ್ರರಂಗದ ಹಲವರು ಇಲ್ಲಿ ಹಾಜರಿದ್ದರು. ವಿಕ್ರಾಂತ್ ರೋಣನ ಹೆಸರಲ್ಲಿ ಕನ್ನಡ ಚಿತ್ರರಂಗ ಒಂದಾಗಿದ್ದು ಮಾತ್ರ ನಿಜಕ್ಕೂ ಖುಷಿಯ ಸಂಗತಿ. 

ಸ್ಯಾಂಡಲ್​ವುಡ್​ ಸ್ಟಾರ್ಸ್​ ಜೊತೆ ಜಾಕಲಿನ್​ ಡ್ಯಾನ್ಸ್​!

ಈ ಕಾರ್ಯಕ್ರಮದಲ್ಲಿ ಜಾಕಲಿನ್​ ಫರ್ನಾಡಿಂಸ್​ ಕೂಡ ಭಾಗಿಯಾಗಿದ್ದಾರೆ. ವೇದಿಕೆ ಮೇಲೆ ಎಲ್ಲ ನಟರನ್ನು ಕರೆಸಿ ಡ್ಯಾನ್ಸ್​ ಮಾಡಿಸಿದ್ದಾರೆ ಅಕುಲ್​. ಅದು ವಿಕ್ರಾಂತ್ ರೋಣ ಸಿನಿಮಾದ ಹಿಟ್​ ಸಾಂಗ್​ ರಾ ರಾ ರಕ್ಕಮ್ಮ ಎಲ್ಲರೂ ಹುಕ್​ ಅಪ್​ ಸ್ಟೆಪ್ಸ್​ ಮಾಡಿಸಿದ್ದಾರೆ. ವೇದಿಕೆ ಮೇಲೆ ಶಿವಣ್ಣ, ರವಿಚಂದ್ರನ್​, ರಕ್ಷಿತ್​ ಶೆಟ್ಟಿ , ರಿಷಭ ಶೆಟ್ಟಿ, ಕಿಚ್ಚ ಸುದೀಪ್​, ಸೇರಿ ಹಲವರು ರಾ ರಾ ರಕ್ಕಮ್ಮ ಹಾಡಿನ ಹುಕ್​ಅಪ್​ ಸ್ಟೆಪ್​ ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

'ವಿಕ್ರಾಂತ್​ ರೋಣ'ನ ಹೆಸರಲ್ಲಿ ಒಂದಾದ ಸ್ಯಾಂಡಲ್​ವುಡ್

ವಿಕ್ರಾಂತ್ ರೋಣ ಪ್ರೀ- ಟ್ರೈಲರ್ ಲಾಂಚ್ ಇವೆಂಟ್ ನಲ್ಲಿ ಸಂಪೂರ್ಣ ಸ್ಯಾಂಡಲ್​ವುಡ್​ ಒಂದಾಗಿದೆ. ಹೌದು, ಒರಾಯನ್ ಮಾಲ್​ ನಲ್ಲಿ ನಡೆಯುತ್ತಿರುವ ಪ್ರೀ- ಟ್ರೈಲರ್ ಲಾಂಚ್ ಇವೆಂಟ್ ನಲ್ಲಿ ಕಿಚ್ಚನಿಗೆ ಶಿವಣ್ಣ, ರವಿಚಂದ್ರನ್, ರಕ್ಷಿತ್ ಶೆಟ್ಟಿ, ರಿಷಬ್ ಶೆಟ್ಟಿ, ಡಾಲಿ ಧನಂಜಯ, ರಮೇಶ್, ನಿರ್ದೇಶಕ ಯೋಗರಾಜ್​ ಭಟ್, ಜಾಕ್ವೆಲಿನ್ ಪರ್ನಾಂಡಿಸ್, ರಾಜ್​ ಬಿ ಶೆಟ್ಟಿ, ಅರ್ಜುನ್ ಜನ್ಯಾ, ನಂದ ಕಿಶೋರ್, ಸೃಜನ್ ಲೋಕೇಶ್ ಸೇರಿದಂತೆ ಅನೇಕ ತಾರೆಯರು ಪಾಲ್ಗೊಳ್ಳುವ ಮೂಲಕ ಚಿತ್ರ ರಂಗದ ಒಗ್ಗಟ್ಟನ್ನು ಪ್ರದರ್ಶಿಸಿದರು.

ಇದನ್ನೂ ಓದಿ: VR ಅಂದ್ರೆ Vikrant Rona ಅಲ್ಲ, ವಿ. ರವಿಂಚಂದ್ರನ್​ ಅಂತೆ! ಸುದೀಪ್​ನ ಅಪ್ಪಿ ಅಳೋದು ಫಿಕ್ಸ್​ ಎಂದ ಕ್ರೇಜಿಸ್ಟಾರ್​​​

ವಿಕ್ರಂತ್​ ರೋಣನನ್ನು ಹಾಡಿ ಹೊಗಳಿದ ತಾರೆಯರು

ಸುದೀಪ್ ನಮ್ಮ ಫ್ಯಾಮಿಲೆ ಎಂದರೂ ತಪ್ಪಾಗಲಾರದು. ಅಲ್ಲದೇ ಸುದೀಪ್ ನನ್ನ ಹೃದಯಕ್ಕೆ ತುಂಬಾ ಹತ್ತಿರವಾದವರು ಎಂದು ಶಿವರಾಜ್​ ಕುಮಾರ್ ಹೇಳಿದ್ದಾರೆ. ಅಲ್ಲದೇ ಶಿವಣ್ಣ ಸಹ ವೇದಿಕೆ ಮೇಲೆ ಚಿತ್ರದ ರಾ.. ರಾ.. ರಕ್ಕಮ್ಮಾ ಹಾಡಿನ ಹುಕ್​ ಸ್ಟೆಫ್​ ಹಾಕುವ ಮೂಲಕ ಚಿತ್ರದಲ್ಲಿ ಈ ಹಾಡು ಮತ್ತಷ್ಟು ಇಷ್ಟ ಎಂದು ಹೇಳಿದರು.

ರಮೇಶ್​ ಸಹ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದು, ಸುದೀಪ್ ಅವರ ಬಗ್ಗೆ ಮಾತಾಡಿದ್ದಾರೆ. ಟ್ರೈಲರ್ ನೀಡಿದ ನಂತರ ಮಾತನಾಡಿ, ಜುಮಾಂಜಿ, ಟಾರ್ಸನ್ ನಂತಹ ಹಾಲಿವುಡ್​ ಚಿತ್ರಕ್ಕೆ ಸಮನಾಗಿ ವಿಕ್ರಾಂತ್ ರೋಣ ಚಿತ್ರ ಮೂಡಿಬಂದಿದ್ದು, ಚಿತ್ರಮಂದಿರದಲ್ಲಿ ನಿಮ್ಮನ್ನು ಇನ್ನೊಂದು ಲೀಕಕ್ಕೆ ಕರೆದುಕೊಂಡು ಹೋಗುತ್ತದೆ ಎಂದಿದ್ದಾರೆ.

ಇದನ್ನೂ ಓದಿ: 'ವಿಕ್ರಾಂತ್​ ರೋಣ'ನ ಹೆಸರಲ್ಲಿ ಒಂದಾದ ಸ್ಯಾಂಡಲ್​ವುಡ್, ಒಂದೇ ವೇದಿಕೆಯಲ್ಲಿ ಘಟಾನುಘಟಿಗಳು

ನಾನು ಚಿತ್ರಂಗದ ಪರವಾಗಿ ಬಂದವನಲ್ಲ, ನಾನು ಸುದೀಪ್ ಫ್ಯಾನ್ಸ್ ಆಗಿ ಬಂದಿದ್ದೇನೆ ಎಂದು ನಟ, ನಿರ್ದೇಶಕ ರಿಷಭ್ ಶೆಟ್ಟಿ ಹೇಳಿದ್ದಾರೆ. ಅಲ್ಲದೇ ಸುದೀಪ್ ಅವರ ಈ ಪ್ರಯತ್ನ ನಮ್ಮನಂತವರಿಗೆ ಇನ್ನಷ್ಟು ಚಿತ್ರರಂಗದಲ್ಲಿ ಕೆಲಸ ಮಾಡಲು ಉತ್ಸಾಹ ಬಂದಿದೆ. ಟ್ರೈಲರ್ ಸಹ ಅದ್ಭುತವಾಗಿದೆ ಎಂದಿದ್ದಾರೆ. ಅಲ್ಲದೇ ಖಂಡಿತವಾಗಿಯೂ ನಾನು ಮತ್ತು ಸುದೀಪ್ ಒಟ್ಟಿಗೆ ಕೆಲಸ ಮಾಡುತ್ತೇವೆ ಎನ್ನುವ ಮೂಲಕ ಅಭಿಮಾನಿಗಳಿಗೆ ಮತ್ತಷ್ಟು ಕುತೂಹಲ ಮೂಡಿಸಿದರು.