AVD ಮಲ್ಟಿಪ್ಲೆಕ್ಸ್​ ಆರಂಭಿಸಿದ Vijay Deverakonda: ಉದ್ಘಾಟನೆಗೆ ಬರಲಾಗುತ್ತಿಲ್ಲ ಎಂದ ರೌಡಿ..!

ಮಹೇಶ್​ ಬಾಬು ಅವರು ಎಎಂಬಿ ಮಲ್ಪಿಪ್ಲೆಕ್ಸ್​ ಅನ್ನು ಆರಂಭಿಸಿ ಸುದ್ದಿಯಾಗಿದ್ದರು. ಈಗ ಮತ್ತೋರ್ವ ಟಾಲಿವುಡ್​ ನಟ ಸಹ ಮಲ್ಪಿಪ್ಲೆಕ್ಸ್​ ಉದ್ಯಮಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಕನಸನ್ನು ನನಸು ಮಾಡಿಕೊಂಡಿದ್ದಾರೆ. ಹೌದು, ಟಾಲಿವುಡ್​​ನಲ್ಲಿ ರೌಡಿ ಎಂದೇ ಖ್ಯಾತರಾಗಿರುವ ವಿಜಯ್ ದೇವರಕೊಂಡ ಅವರು ತಮ್ಮ ಮೊದಲ ಮಲ್ಪಿಪ್ಲೆಕ್ಸ್​ ಆರಂಭಿಸಿದ್ದಾರೆ

ವಿಜಯ್​ ದೇವರಕೊಂಡ

ವಿಜಯ್​ ದೇವರಕೊಂಡ

  • Share this:
ವಿಜಯ್ ದೇವರಕೊಂಡ  (Vijay Deverakonda) ಪೋಷಕ ಪಾತ್ರದ ಮೂಲಕ ಸಿನಿ ರಂಗಕ್ಕೆ ಕಾಲಿಟ್ಟು, ನಂತರದಲ್ಲಿ ನಾಯಕನಾಗಿ ಬೆಳೆದ ಕಲಾವಿದೆ. ಅರ್ಜುನ್ ರೆಡ್ಡಿ (Arjun Reddy) ಸಿನಿಮಾ ರಿಲೀಸ್​ ಆಗುತ್ತಿದ್ದಂತೆಯೇ ವಿಜಯ್ ದೇವರಕೊಂಡ ಅವರು ರಾತ್ರೋರಾತ್ರಿ ಸ್ಟಾರ್ ಪಟ್ಟಕ್ಕೇರಿದರು. ಈ ಸಿನಿಮಾದಲ್ಲಿನ ಅವರ ಅಭಿನಯ ಅಭಿಮಾನಿಗಳನ್ನು ಹುಚ್ಚೆಬ್ಬಿಸಿತು. ಇನ್ನು ಈ ಚಿತ್ರದ ನಂತರ ವಿಜಯ್​ ದೇವರಕೊಂಡ ಟಾಲಿವುಡ್​ನಲ್ಲಿ ರೌಡಿ ಎಂದೇ ಖ್ಯಾತರಾದರು. ನಂತರದಲ್ಲಿ ವಿಜಯ್ ದೇವರಕೊಂಡ ತಮ್ಮದೇ ಆದ ಬಟ್ಟೆಯ ಬ್ಯ್ರಾಂಡ್​ ಅನ್ನು ಆರಂಭಿಸಿದರು. ಅದೇ ರೌಡಿ ಬ್ರ್ಯಾಂಡ್ (Rowdy Brand)​ ... ಸಿನಿಮಾಗಳ ಜೊತೆಗೆ ಉದ್ಯಮಿಯಾಗಿಯೂ ವಿಜಯ್ ದೇವರಕೊಂಡ ಯಶಸ್ಸು ಕಂಡಿದ್ದಾರೆ. ಈಗ ಇದೇ ನಟ ಸಿನಿಮಾಗೆ ಸಂಬಂಧಿತ ಕ್ಷೇತ್ರದಲ್ಲಿ ಮತ್ತೊಂದು ಹೆಜ್ಜೆ ಮುಂದಿಟ್ಟಿದ್ದಾರೆ. 

ಈಗಾಗಲೇ ಸ್ಟಾರ್​ಗಳು ಮಲ್ಟಿಪ್ಲೆಕ್ಸ್​ ಉದ್ಯಮಕ್ಕೆ ಕಾಲಿಟ್ಟಿರುವ ಸಂಗತಿ ಗೊತ್ತೇ ಇದೆ. ಮಹೇಶ್​ ಬಾಬು ಅವರು ಎಎಂಬಿ ಮಲ್ಪಿಪ್ಲೆಕ್ಸ್​ ಅನ್ನು ಆರಂಭಿಸಿ ಸುದ್ದಿಯಾಗಿದ್ದರು. ಈಗ ಮತ್ತೋರ್ವ ಟಾಲಿವುಡ್​ ನಟ ಸಹ ಮಲ್ಪಿಪ್ಲೆಕ್ಸ್​ ಉದ್ಯಮಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಕನಸನ್ನು ನನಸು ಮಾಡಿಕೊಂಡಿದ್ದಾರೆ. ಹೌದು, ಟಾಲಿವುಡ್​​ನಲ್ಲಿ ರೌಡಿ ಎಂದೇ ಖ್ಯಾತರಾಗಿರುವ ವಿಜಯ್ ದೇವರಕೊಂಡ ಅವರು ತಮ್ಮ ಮೊದಲ ಮಲ್ಪಿಪ್ಲೆಕ್ಸ್​ (Asian Vijay Deverakonda Cinemas) ಆರಂಭಿಸಿದ್ದಾರೆ.





ವಿಜಯ್ ದೇವರಕೊಂಡ ಅವರು ತಮ್ಮ ಅಪ್ಪ-ಅಮ್ಮನ ಸ್ವಂತ ಊರಿನಲ್ಲಿ ಮಲ್ಟಿಪ್ಲೆಕ್ಸ್​ ಆರಂಭಿಸಿದ್ದಾರೆ. ಹೌದು, ಮೆಹಬೂಬ್​ನಗರಲ್ಲಿ ಎವಿಡಿ ಸಿನಿಮಾಸ್ ಹೆಸರಿನಲ್ಲಿ ಐಷಾರಾಮಿ ಮಲ್ಪಿಪ್ಲೆಕ್ಸ್​ ಆರಂಭಿಸಿದ್ದಾರೆ ವಿಜಯ್ ದೇವರಕೊಂಡ. ಇದು ಇದೇ ತಿಂಗಳ 2ರಂದು ವೀಕ್ಷಕರಿಗೆ ಸಮರ್ಪಣೆಯಾಗಲಿದೆ.

ಇದನ್ನೂ ಓದಿ: ಹುಟ್ಟುಹಬ್ಬದ ಸಂಭ್ರಮದಲ್ಲಿ ಡೈನಾಮಿಕ್​ ಸ್ಟಾರ್​ Devaraj​: ವಿಶ್​ ಮಾಡಿದ ಪ್ರಜ್ವಲ್​ ದೇವರಾಜ್​​..!

ಶೇಖರ್ ಕಮ್ಮುಲ ಅವರ ಸಿನಿಮಾದಿಂದಲೇ ವಿಜಯ್ ದೇವರಕೊಂಡ ಅವರ ಸಿನಿ ಜೀವನ ಸಹ ಆರಂಭವಾಗಿದ್ದು. ಈಗ ಅವರ ಸಿನಿಮಾ ಲವ್ ಸ್ಟೋರಿ ವಿಜಯ್ ದೇವರಕೊಂಡ ಅವರ ಹೊಸ ಮಲ್ಪಿಪ್ಲೆಕ್ಸ್​ನಲ್ಲಿ ರಿಲೀಸ್​ ಆಗಲಿದೆ. ಈ ಸಂತೋಷದ ವಿಷಯವನ್ನು ವಿಜಯ್​ ದೇವರಕೊಂಡ ಅಭಿಮಾನಿಗಳ ಜೊತೆ ಹಂಚಿಕೊಂಡಿದ್ದಾರೆ.

ವಿಜಯ್ ದೇವರಕೊಂಡ ಮತ್ತೆ ತಮ್ಮ ಪ್ಯಾನ್​ ಇಂಡಿಯಾ ಸಿನಿಮಾ ಲೈಗರ್​ ಚಿತ್ರತಂಡ ಸೇರಿಕೊಂಡಿದ್ದಾರೆ. ಪೂರಿ ಜಗನ್ನಾಥ್​ ನಿರ್ದೇಶನದ ಈ ಸಿನಿಮಾದ ಶೂಟಿಂಗ್ ಸದ್ಯ ಗೋವಾದಲ್ಲಿ ನಡೆಯುತ್ತಿದೆ. ವಿಜಯ್ ದೇವರಕೊಂಡ ಸದ್ಯ ಗೋವಾದಲ್ಲಿದ್ದು, ಅವರು ತಮ್ಮ ಮಲ್ಟಿಪ್ಲೆಕ್ಸ್​ ಓಪನಿಂಗ್​ಗೆ ಹಾಜರಾಗಲು ಆಗುತ್ತಿಲ್ಲ ಎಂದೂ ತಿಳಿಸಿದ್ದಾರೆ.

ಇದನ್ನೂ ಓದಿ: ಆಕೆ ನನ್ನ ಮಗಳಾಗದಿದ್ದರೆ ನಾನೇ ಮದುವೆಯಾಗುತ್ತಿದ್ದೆ ಎಂದಿದ್ದ ಮಹೇಶ್​ ಭಟ್: ಅಪ್ಪನಂತ ಗಂಡ ಮಾತ್ರ ಬೇಡ ಎಂದಿದ್ದ ಆಲಿಯಾ ಭಟ್​..!

ಮಲ್ಟಿಪ್ಲೆಕ್ಸ್​ ಓಪನಿಂಗ್​ನಲ್ಲಿ ಭಾಗಿಯಾಗಲು ಆಗುತ್ತಿಲ್ಲ ಎಂದು ಬೇಸರವಿಲ್ಲ. ನಾನು ಕೆಲಸ ಮಾಡುತ್ತಿರುವುದರಿಂದಲೇ ಕನಸುಗಳನ್ನು ನನಸು ಮಾಡಿಕೊಳ್ಳಲು ಸಾಧ್ಯವಾಗುತ್ತಿದೆ. ಅದಕ್ಕೆ ಸದ್ಯ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದೀನಿ. ದಯವಿಟ್ಟು ಎಲ್ಲರೂ ಮಲ್ಟಿಪ್ಲೆಕ್ಸ್​ ಓಪನಿಂಗ್​ಗೆ ಬಂದು ಸಿನಿಮಾ ನೋಡಿ ಹಾರೈಸಿ ಎಂದಿದ್ದಾರೆ.

ಇದನ್ನೂ ಓದಿ: ಕಟೌಟ್​ ಡ್ರೆಸ್ ಧರಿಸಿ ಮುಜುಗರಕ್ಕೆ ಒಳಗಾದ ನಟಿ Nora Fatehi

ಲೈಗರ್​ ಸಿನಿಮಾ ವಿಜಯ್ ದೇವರಕೊಂಡ ಅಭಿನಯದ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ ಆಗಿದ್ದು, ಇದರಲ್ಲಿ ಬಾಲಿವುಡ್​ ನಟಿ ಅನನ್ಯಾ ಪಾಂಡೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಕರಣ್ ಜೋಹರ್​, ಚಾರ್ಮಿ ಕೌರ್​ ಹಾಗೂ ಪೂರಿ ಜಗನ್ನಾಥ್​ ಅವರು ಈ ಸಿನಿಮಾಗೆ ಹಣ ಹೂಡಿದ್ದಾರೆ. ಈ ಸಿನಿಮಾಗೆ ಮೊದಲು ಫೈಟರ್ ಎಂದು ಹೆಸರಿಡಲಾಗಿತ್ತು. ಕಾರಣಾಂತರಗಳಿಂದ ಅದನ್ನು ಬದಲಾಯಿಸಲಾಯಿತು.
Published by:Anitha E
First published: