Natkhat: ಯೂಟ್ಯೂಬ್​ನಲ್ಲಿ ರಿಲೀಸ್ ಆಯ್ತು ವಿದ್ಯಾ ಬಾಲನ್​ ನಿರ್ಮಿಸಿ ನಟಿಸಿರುವ ಕಿರುಚಿತ್ರ..!

ಲಾಕ್​ಡೌನ್​ನಿಂದಾಗಿ ಸ್ಟಾರ್​ ನಟರು ಅಭಿನಯಿಸಿರುವ ಸಿನಿಮಾಗಳೇ ಒಟಿಟಿ ಮೂಲಕ ಬಿಡುಗಡೆಯಾಗುತ್ತಿದೆ. ಇದರಿಂದಾಗಿ ಸಿನಿ ಪ್ರಿಯರು ಖುಷಿಯಾಗಿದ್ದಾರೆ. ಅಲ್ಲದೆ ಈಗ ಸಿನಿಮಾ ಸ್ಟಾರ್​ಗಳು ನಿರ್ಮಾಪಕರಾಗುತ್ತಿದ್ದು, ವೆಬ್​ ಸರಣಿ ಮೂಲಕ ಪ್ರೇಕ್ಷಕರಿಗೆ ಮತ್ತಷ್ಟು ಹತ್ತಿರವಾಗುತ್ತಿದ್ದಾರೆ. ಈಗ ನಟಿ ವಿದ್ಯಾ ಬಾಲನ್​ ಸಹ ಇದೇ ದಾರಿ ಹಿಡಿದಿದ್ದಾರೆ. 

ಕಿರುಚಿತ್ರ ನಟ್​ಖಟ್​ ಮೂಲಕ ವಿದ್ಯಾ ಬಾಲನ್​​ ನಿರ್ಮಾಪಕಿಯಾಗಿ ಬಡ್ತಿ ಪಡೆದಿದ್ದಾರೆ. ಇದರಲ್ಲಿ ವಿದ್ಯಾ ಬಾಲನ್​ ಒಂದು ಮಗುವಿನ ತಾಯಿಯಾಗಿ ನಟಿಸಿದ್ದಾರೆ. ಇತ್ತೀಚೆಗಷ್ಟೆ ಈ ಕಿರುಚಿತ್ರದ ಪೋಸ್ಟರ್ ಹಾಗೂ ಟ್ರೇಲರ್​ ಬಿಡುಗಡೆ ಮಾಡಿದ್ದರು.



ಈಗ ನಟ್​ಖಟ್​ ಕಿರುಚಿತ್ರ ಆನ್​ಲೈನ್​ನಲ್ಲಿ ಇಂದು ಸಂಜೆ 4.30ಕ್ಕೆ ಯೂಟ್ಯೂಬ್​ನಲ್ಲಿ ಪ್ರದರ್ಶನಗೊಂಡಿತು. 33 ನಿಮಿಷದ ಈ ಕಿರುಚಿತ್ರ ಅಮ್ಮ ಹಾಗೂ ಮಗುವಿನ ಸಂಬಂಧದ ಕುರಿತದ್ದಾಗಿದೆ.



ನಟ್​ಖಟ್​ ಕಿರುಚಿತ್ರವನ್ನು ವರ್ಲ್ಡ್​ ಪ್ರೀಮಿಯರ್​ ಮಾಡಲು ಮುಂಬೈ ಫಿಲ್ಮ್​ ಫೆಸ್ಟಿವಲ್​ ಆಯ್ಕೆ ಮಾಡಿದ್ದು, ಇಂದು ಸಂಜೆ 4.30ಕ್ಕೆ ವಿ ಆರ್​ ಒನ್​: ಎ ಗ್ಲೋಬಲ್​ ಫಿಲ್ಮ್​ ಫೆಸ್ಟಿವಲ್​ನಲ್ಲಿ ಪ್ರದರ್ಶಿಸಲಾಯಿತು. ಈ ವೇದಿಕೆ ಮೂಲಕ ಕಿರುಚಿತ್ರವನ್ನು ಪ್ರದರ್ಶಿಸಲು ಉತ್ಸುಕರಾಗಿರುವುದಾಗಿ ವಿದ್ಯಾ ಬಾಲನ್​ ಮಧ್ಯಾಹ್ನ ಇನ್​ಸ್ಟಾಗ್ರಾಂನಲ್ಲಿ ಲೈವ್​ ಬಂದಿದ್ದಾಗ ಹೇಳಿಕೊಂಡಿದ್ದರು.

 

View this post on Instagram

 

http://bit.ly/NatkhatPremiere

A post shared by Vidya Balan (@balanvidya) on Jun 2, 2020 at 3:41am PDT

ಈ ಕಿರುಚಿತ್ರದಲ್ಲಿ ವಿದ್ಯಾ ಬಾಲನ್​ ತನ್ನ ಮಗುವನ್ನು ಸರಿಯಾದ ದಾರಿಗೆ ತರಲು, ರಾತ್ರಿ ಮಲಗುವಾಗ ಕತೆಗಳನ್ನು ಹೇಳುತ್ತಾರೆ. ಈ ಕತೆಗಳ ಮೂಲಕ ಮಗುವಿನಲ್ಲಿ ಬದಲಾವಣೆ ತರುವಲ್ಲಿ ಯಶಸ್ವಿಯಾಗುತ್ತಾರಾ ಅನ್ನೋದೇ ಇದರ ಕತೆ.