ಸದ್ದಿಲ್ಲದೆ ಶೂಟಿಂಗ್ ಮುಗಿಸಿ ಫಸ್ಟ್ ಲುಕ್ ರಿಲೀಸ್ ಮಾಡಿದ ಶೆಟ್ರ ಟೀಂ!

ನಟ, ನಿರ್ದೇಶಕ ರಾಜ್​ ಬಿ ಶೆಟ್ಟಿ ಪ್ರೇಮಿಗಳ ದಿನಾಚರಣೆಯಂದು ತಮ್ಮ ಮುಂದಿನ ಚಿತ್ರವನ್ನು ಘೋಷಣೆ ಮಾಡಿದ್ದಾರೆ.

‘ಒಂದು ಮೊಟ್ಟೆಯ ಕಥೆ‘ ಸಿನಿಮಾದ ಯಶಸ್ಸಿನ ನಂತರ ರಾಜ್​ ಬಿ ಶೆಟ್ಟಿ ಅವರು ರಿಷಭ್​ ಶೆಟ್ಟಿ ನಿರ್ದೇಶನದ ಸ.ಹಿ.ಪ್ರಾ. ಶಾಲೆ ಸಿನಿಮಾದಲ್ಲಿ ನಟಿಸಿದ್ದರು. ಇದಾದ ನಂತರ ‘ಅಮ್ಮಚ್ಚಿ ಎಂಬ ಸವಿನೆನೆಪು‘, ‘ಮಹಿರಾ‘, ‘ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ‘, ‘ಕಥಾ ಸಂಗಮ‘ದಲ್ಲಿ ಅಭಿನಯಿಸಿದ್ದರು.

ಆದರೆ ಇದೀಗ ಹೊಸ ಸಿನಿಮಾವೊಂದನ್ನು ರಾಜ್​ ಬಿ ಶೆಟ್ಟಿ ಕೈಗೆತ್ತಿಕೊಂಡಿದ್ದಾರೆ. ಸದ್ದಿಲ್ಲದೆ ಈ ಸಿನಿಮಾದ ಶೂಟಿಂಗ್​ ಕೂಡ ಮುಗಿಸಿದ್ದಾರೆ. ಪ್ರೇಮಿಗಳ ದಿನದಂದು ಹೊಸ ಸಿನಿಮಾದ ಹೆಸರಿನ ಜೊತೆಗೆ ಫಸ್ಟ್​ ಲುಕ್​ ಅನ್ನು ಪ್ರೇಕ್ಷಕರೆದುರು ತೆರೆದಿಟ್ಟಿದ್ದಾರೆ. ನೂತನ ಸಿನಿಮಾ ಹೆಸರೇನು ಗೊತ್ತಾ?

‘ಗರುಡ ಗಮನ ವೃಷಭ ವಾಹನ‘

ರಾಜ್​ ಬಿ ಶೆಟ್ಟಿ ಅವರ ಮುಂದಿನ ಸಿನಿಮಾದ ಹೆಸರು ‘ಗರುಡ ಗಮನ ವೃಷಭ ವಾಹನ‘. ಈ ಸಿನಿಮಾದಲ್ಲಿ  ನಿರ್ದೇಶನದ ಜೊತೆಗೆ ಮುಖ್ಯ ಪಾತ್ರದಲ್ಲಿ ರಾಜ್​ ಬಿ ಶೆಟ್ಟಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಶೇಷವೆಂದರೆ ನಿರ್ದೇಶಕ ರಿಷಭ್​ ಶೆಟ್ಟಿ ಕೂಡ ಈ ಸಿನಿಮಾದಲ್ಲಿ ಪ್ರಧಾನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

ಇನ್ನು ಬಿಡುಗಡೆಗೊಂಡ ಸಿನಿಮಾದ ಪಸ್ಟ್​ ಲುಕ್​ ಪೋಸ್ಟರ್​ ಭಾರೀ ಕುತೂಹಲದಿಂದ ಕೂಡಿದೆ. ಪೋಸ್ಟರ್​ನಲ್ಲಿ ರಾಜ್​ ಬಿ ಶೆಟ್ಟಿ ಮತ್ತು ರಿಷಭ್​ ಶೆಟ್ಟಿ ಅವರ ಅರ್ಧ ಮುಖವನ್ನು ತೋರಿಸಲಾಗಿದೆ. ಅದರಲ್ಲಿ ರಾಜ್​ ಬಿ ಶೆಟ್ಟಿ ಖಡಕ್​ ಲುಕ್​​ ನೀಡಿದ್ದಾರೆ.

View this post on Instagram

Here is my announcement, the first look of my next film under the banner Lighter Buddha Films Completed shooting of my second directorial Garuda Gamana Vrishabha Vahana Starring @rishabshetty77 and Me Excited to show the work in June 2020 Be with us as u always were ❤️ Wonderful poster by @kaikulustudios Music by @midhunmuku Sound design by @sync cinema #ggvvfirstlook #ggvv #ggvvjune2020

A post shared by Raj B Shetty (@rajbshetty) on Feb 14, 2020 at 2:36am PST

‘ಗರುಡ ಗಮನ ವೃಷಭ ವಾಹನ‘ ಸಿನಿಮಾವನ್ನು ಲೈಟರ್​ ಬುದ್ದ ಫಿಲಂಸ್​ನಡಿಯಲ್ಲಿ ನಿರ್ಮಿಸಲಾಗುತ್ತಿದೆ. ಮಿಥುನ್​ ಮುಕುಂದನ್​ ಸಂಗೀತ ನೀಡುತ್ತಿದ್ದಾರೆ. ಪೋಸ್ಟರ್​ನಲ್ಲಿ ಉಲ್ಲೇಖಿಸಿದಂತೆ ಜೂನ್​ 20 ರಂದು ಸಿನಿಮಾವನ್ನು ತೆರೆಗೆ ತರುವ ಪ್ಲಾನ್​ ಮಾಡಿದ್ದಾರೆ ರಾಜ್​ ಬಿ ಶೆಟ್ಟಿ.

ಇದನ್ನೂ ಓದಿ: Love Story: ಟ್ರೈನ್​​ನಲ್ಲೇ ಕಿಸ್ ಮಾಡಿದ್ರು ರೌಡಿ ಬೇಬಿ; ಸಾಯಿ ಪಲ್ಲವಿ ‘ಲವ್ ಸ್ಟೋರಿ‘ ಹೇಗಿದೆ ಗೊತ್ತಾ?