ಮತ್ತೆ ಬಂದ ಬುದ್ಧಿವಂತ: ಹೇಗಿದೆ ಗೊತ್ತಾ ಉಪ್ಪಿಯ ಹೊಸ ಗೆಟಪ್?

ಚಮಕ್, ಅಯೋಗ್ಯದಂತಹ ಹಿಟ್​ ಸಿನಿಮಾಗಳನ್ನು ನೀಡಿರುವ ಕ್ರಿಸ್ಟಲ್ ಪಾರ್ಕ್ ಚಂದ್ರಶೇಖರ್ ಬುದ್ಧಿವಂತ-2ಗೆ ಬಂಡವಾಳ ಹೂಡುತ್ತಿದ್ದಾರೆ.

zahir | news18
Updated:May 26, 2019, 9:48 PM IST
ಮತ್ತೆ ಬಂದ ಬುದ್ಧಿವಂತ: ಹೇಗಿದೆ ಗೊತ್ತಾ ಉಪ್ಪಿಯ ಹೊಸ ಗೆಟಪ್?
ಉಪೇಂದ್ರ
zahir | news18
Updated: May 26, 2019, 9:48 PM IST
ರಿಯಲ್ ಸ್ಟಾರ್ ಉಪೇಂದ್ರ ಅವರ ಹೊಸ ಚಿತ್ರದ ಟೈಟಲ್ ಕೊನೆಗೂ ಫೈನಲ್ ಆಗಿದೆ. ಈ ಹಿಂದೆ ಉಪ್ಪಿ ಅಭಿನಯಿಸಲಿರುವ ಹೊಸ ಚಿತ್ರಕ್ಕೆ 'ಪಿತಾಮಹ' ಎಂದು ಹೆಸರಿಡಲಾಗುವುದು ಎನ್ನಲಾಗಿತ್ತು. ಆದರೀಗ 'ಪಿತಾಮಹ'ನನ್ನು ಕೈ ಬಿಟ್ಟಿರುವ ಚಿತ್ರತಂಡ 'ಬುದ್ಧಿವಂತ'ನ ಕೈ ಹಿಡಿದಿದೆ. ಹೌದು, ರಿಯಲ್​ ಸ್ಟಾರ್​ ಮುಂದಿನ ಚಿತ್ರದ ಹೆಸರು 'ಬುದ್ಧಿವಂತ-2'.

2008 ರಲ್ಲಿ 'ಬುದ್ಧಿವಂತ' ಎಂಬ ಸಿನಿಮಾದಲ್ಲಿ ಉಪ್ಪಿ ಕಾಣಿಸಿಕೊಂಡಿದ್ದರು. ಒಂದಷ್ಟು ತತ್ವ-ಪುರಾಣಗಳೊಂದಿಗೆ ಪ್ರೇಕ್ಷಕರಿಗೆ ಕಚಗುಳಿಯಿಡುವಲ್ಲಿ ರಿಯಲ್ ಸ್ಟಾರ್ ಯಶಸ್ವಿಯಾಗಿದ್ದರು. ಈಗ ಅದೇ ಹೆಸರಿನ ಮತ್ತೊಂದು ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಲು ಯುವ ನಿರ್ದೇಶಕ ಮೌರ್ಯ ಹೊರಟಿದ್ದಾರೆ.

ಆದರೆ ಈ ಬುದ್ಧಿವಂತನಿಗೂ ದಶಕದ ಹಿಂದಿನ ಬುದ್ಧಿವಂತನಿಗೂ ಯಾವುದೇ ಸಾಮ್ಯತೆಯಿಲ್ಲವಂತೆ. ಇದೊಂದು ಹೊಸ ರೀತಿಯ ಕಥೆಯಾಗಿದ್ದು, ಇದು 'ಬುದ್ಧಿವಂತ'ನ ಮುಂದುವರೆದ ಭಾಗವಲ್ಲ ಎಂದು ನಿರ್ದೇಶಕರು ಸ್ಪಷ್ಟಪಡಿಸಿದ್ದಾರೆ.



ಈ ಚಿತ್ರದಲ್ಲಿ ಉಪೇಂದ್ರ ದ್ವಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಅದು ಯಾವ ರೀತಿಯ ಪಾತ್ರ ಎಂಬುದರ ಸುಳಿವು ಮಾತ್ರ ಚಿತ್ರತಂಡ ನೀಡಿಲ್ಲ. ಆದರೆ ಚಿತ್ರದ ಫಸ್ಟ್​ ಲುಕ್​ಗಳನ್ನು ಗಮನಿಸಿದರೆ ಇದೊಂದು 'ರಿಯಲ್ ಸ್ಟಾರ್' ಚಿತ್ರ ಎಂಬುದನ್ನು ಪುಷ್ಠೀಕರಿಸುತ್ತದೆ. ಉಪೇಂದ್ರ ಮತ್ತೊಮ್ಮೆ ವಿಭಿನ್ನ ಗೆಟಪ್​ನಲ್ಲಿ ಕಾಣಿಸಿಕೊಂಡಿರುವ 'ಬುದ್ಧಿವಂತ-2' ಚಿತ್ರದ ಫಸ್ಟ್​ ಲುಕ್ ಪೋಸ್ಟರ್ ಚಿತ್ರದ ಬಗೆ ಒಂದಷ್ಟು ಕುತೂಹಲವನ್ನು ಹುಟ್ಟುಹಾಕಿದೆ ಎನ್ನಬಹುದು.


Loading...

ಇಲ್ಲಿ 'ಬುದ್ಧಿವಂತ'ನ ಮೋಹಕ ತಾರೆಗಳಾಗಿ ಚಿತ್ರದಲ್ಲಿ ಇಬ್ಬರು ನಾಯಕಿಯರು ಇರಲಿದ್ದು, ಅದರಲ್ಲೊಬ್ಬರು ನಟಿ ಮೇಘನಾ ರಾಜ್. ಮತ್ತೊಂದು ಪಾತ್ರದಲ್ಲಿ ಸೋನಲ್ ಬಣ್ಣ ಹಚ್ಚಲಿದ್ದಾರೆ. ಇನ್ನು ಈ ಚಿತ್ರದಲ್ಲಿ ಡೆಡ್ಲಿ ಆದಿತ್ಯ ವಿಭಿನ್ನ ವಿಲನ್ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 'ಚಮಕ್', 'ಅಯೋಗ್ಯ'ದಂತಹ ಹಿಟ್​ ಸಿನಿಮಾಗಳನ್ನು ನೀಡಿರುವ ಕ್ರಿಸ್ಟಲ್ ಪಾರ್ಕ್ ಚಂದ್ರಶೇಖರ್ 'ಬುದ್ಧಿವಂತ-2'ಗೆ ಬಂಡವಾಳ ಹೂಡುತ್ತಿದ್ದಾರೆ.

ಇದನ್ನೂ ಓದಿ: ಉಫ್...! ಬಜೆಟ್​ ಮೂಲಕ ಎಲ್ಲರನ್ನು ನಿಬ್ಬೆರಗಾಗಿಸಿದ 'ರಾಬರ್ಟ್​'
First published:May 26, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...