New Serials: ಸಿರಿಕನ್ನಡ ಇನ್ನೂ ಸುಂದರ, ಆಗಸ್ಟ್ 1ರಿಂದ 'ವಿಜಯ ದಶಮಿ' ಜೊತೆ 'ಅಮ್ಮನ ಮದುವೆ' ಹೊಸ ಧಾರಾವಾಹಿಗಳ ರಸದೌತಣ

ಸಿರಿಕನ್ನಡ ಚಾನೆಲ್ ಮತ್ತೊಂದು ಮಹತ್ವದ ಹೆಜ್ಜೆಯನ್ನಿಡುತ್ತಿದೆ. ಅಚ್ಚ ಕನ್ನಡಿಗರ ಸಿರಿಕನ್ನಡ ವಾಹಿನಿಯಲ್ಲಿ 'ವಿಜಯ ದಶಮಿ', 'ಅಮ್ಮನ ಮದುವೆ' ಎಂಬ ಹೊಚ್ಚ ಹೊಸ ಧಾರಾವಾಹಿಗಳು ಆಗಸ್ಟ್ 1 ರಿಂದ ಆರಂಭವಾಗುತ್ತಿವೆ.

ಸಿರಿಕನ್ನಡ ವಾಹಿನಿ

ಸಿರಿಕನ್ನಡ ವಾಹಿನಿ

  • Share this:
    ಸಿರಿಕನ್ನಡ (Siri Kannada) ವಾಹಿನಿ ಕನ್ನಡಿಗರ ಮನದಲ್ಲಿ ತನ್ನದೇ ಸ್ಥಾನ ಉಳಿಸಿಕೊಂಡಿರುವ ಮನರಂಜನಾ (Entertainment) ವಾಹಿನಿ (Channel). ತನ್ನ ವಿಶಿಷ್ಟ, ವಿಭಿನ್ನ ಕಾರ್ಯಕ್ರಮಗಳಿಂದ ದಿನೇ, ದಿನೇ ತನ್ನ ವ್ಯಾಪ್ತಿಯನ್ನು ವಿಸ್ತರಿಸುತ್ತಿರುವ ಕನ್ನಡಿಗರ ಚಾನೆಲ್. ಸಿರಿಕನ್ನಡ ವಾಜಿನಿ ಜನರಿಗೆ ಇಷ್ಟವಾಗುವಂತಹ ಕಾರ್ಯಕ್ರಮಗಳನ್ನು ನೀಡುತ್ತಾ, ಅಭಿಮಾನಿಗಳನ್ನು ತನ್ನತ್ತಾ ಸೆಳೆಯುತ್ತಿದೆ. ಈಗಾಗಲೇ ಎಷ್ಟೊಂದು ಜನಪ್ರಿಯ ಧಾರವಾಹಿ (Serials)ಗಳ ಮೂಲಕ ಜನರನ್ನು ಹಿಡಿದಿಟ್ಟುಕೊಂಡಿದೆ. ಈಗ ಸಿರಿಕನ್ನಡ ಚಾನೆಲ್ ಮತ್ತೊಂದು ಮಹತ್ವದ ಹೆಜ್ಜೆಯನ್ನಿಡುತ್ತಿದೆ. ಅಚ್ಚ ಕನ್ನಡಿಗರ ಸಿರಿಕನ್ನಡ ವಾಹಿನಿಯಲ್ಲಿ 'ವಿಜಯ ದಶಮಿ' (Vijaya Dashami), 'ಅಮ್ಮನ ಮದುವೆ' (Amman Maduve) ಎಂಬ ಹೊಚ್ಚ ಹೊಸ ಧಾರಾವಾಹಿಗಳು ಆಗಸ್ಟ್ 1 ರಿಂದ ಆರಂಭವಾಗುತ್ತಿವೆ. ಪೂರ್ಣಿಮ ಎಂಟರ್ ಪ್ರೈಸಸ್ ಮೂಲಕ ಮೊದಲ ಧಾರಾವಾಹಿ ನಿರ್ಮಾಣವಾಗುತ್ತಿದೆ.

    ಸಡಗರದಿಂದ ಶುರುವಾಗ್ತಿದೆ 'ವಿಜಯ ದಶಮಿ'
    ಸಿರಿಕನ್ನಡ ವಾಹಿನಿಯಲ್ಲಿ ಆಗಸ್ಟ್ 1ರಿಂದ ವಿಜಯ ದಶಮಿ ದಾರವಾಹಿ ಶುರುವಾಗಲಿದೆ. ಪೂರ್ಣಿಮ ಎಂಟರ್ ಪ್ರೈಸಸ್ ಮೂಲಕ ನಿರ್ಮಾಣವಾಗುತ್ತಿರುವ ಮೊದಲ ಧಾರವಾಹಿ. ಈ ಧಾರಾವಾಹಿಯನ್ನು ರಾಘವೇಂದ್ರ ರಾಜಕುಮಾರ್ ಹಾಗೂ ಮಂಗಳ ರಾಘವೇಂದ್ರ ರಾಜಕುಮಾರ್ ನಿರ್ಮಾಣ ಮಾಡುತ್ತಿದ್ದಾರೆ. ಹತ್ತೊಂಭತ್ತಕ್ಕೂ ಅಧಿಕ ಮುಖ್ಯ ಪಾತ್ರಧಾರಿಗಳಿರುವ ಈ ಧಾರಾವಾಹಿಯಲ್ಲಿ ಎಪ್ಪತ್ತಕ್ಕೂ ಅಧಿಕ ಕಲಾವಿದರು ಅಭಿನಯಿಸುತ್ತಿದ್ದಾರೆ.

    https://www.instagram.com/p/CgZqS5PjRV_/?hl=en

    ಮೊಟ್ಟಮೊದಲ ಬಾರಿಗೆ ರಾಘವೇಂದ್ರ ರಾಜಕುಮಾರ್ ನಿರ್ಮಾಣ
    ಪೂರ್ಣಿಮ ಎಂಟರ್ ಪ್ರೈಸಸ್ ಮೂಲಕ 'ವಿಜಯ ದಶಮಿ' ಧಾರವಾಹಿ ಅದ್ಧೂರಿಯಾಗಿ ನಿರ್ಮಾಣವಾಗುತ್ತಿದೆ. ಮೊಟ್ಟಮೊದಲ ಬಾರಿಗೆ ರಾಘವೇಂದ್ರ ರಾಜಕುಮಾರ್ ಅವರು ಧಾರಾವಾಹಿಯೊಂದನ್ನು ನಿರ್ಮಾಣ ಮಾಡುತ್ತಿರುವುದು ವಿಶೇಷ. ಸಿರಿಕನ್ನಡ ವಾಹಿನಿಯಲ್ಲಿ, ಪ್ರತಿ ಸೋಮವಾರದಿಂದ ಶುಕ್ರವಾರ ರಾತ್ರಿ 8.30ಕ್ಕೆ ವಿಜಯ ದಶಮಿ ಪ್ರಸಾರವಾಗಲಿದೆ.

    ಇದನ್ನೂ ಓದಿ: Nannarasi Radhe Serial: ಇಂಚರಾ ಸತ್ಯ ಹೇಳಿದರೂ ನಂಬುವ ಸ್ಥಿತಿಯಲ್ಲಿ ಯಾರೂ ಇಲ್ಲ! ಅಶ್ವಿನಿ ನಿಜಮುಖ ಬಯಲಾಗೋದೇ ಇಲ್ವಾ?

    ಭಾರತದಾದ್ಯಂತ ಅದ್ಭುತ ಸ್ಥಳಗಳಲ್ಲಿ ಶೂಟಿಂಗ್
    ವಿಜಯ ದಶಮಿ ಧಾರವಾಹಿಯನ್ನು ನಿರ್ದೇಶಕರು ಶಶಿ. ಇದರ ಚಿತ್ರೀಕರಣ ಭಾರತದಾದ್ಯಂತ ಅದ್ಭುತ ಸ್ಥಳಗಳಲ್ಲಿ ನಡೆಯಲಿದೆ. ಈ ಧಾರಾವಾಹಿಯ ಪೆÇ್ರೀಮೊ ನೋಡಿದರೆ, ಕಮರ್ಷಿಯಲ್ ಚಿತ್ರವೊಂದರ ಟ್ರೇಲರ್ ನೋಡಿದ ಅನುಭವವಾಗುತ್ತದೆ. ಅಷ್ಟು ಅದ್ದೂರಿಯಾಗಿ ಮೂಡಿಬಂದಿದೆ ಪೆÇ್ರೀಮೊ. ಧಾರಾವಾಹಿ ಕೂಡ ಎಲ್ಲರ ಮೆಚ್ಚುಗೆ ಪಡೆಯಲಿದೆ ಎಂಬ ಭರವಸೆ ತಂಡದ್ದು.

    ಮಗಳಿಗಲ್ಲ, 'ಅಮ್ಮನ ಮದುವೆ' ಆಗುತ್ತಿದೆ!
    ಸಿರಿಕನ್ನಡದಲ್ಲಿ ಆಗಸ್ಟ್ 1ರಿಂದ ರಾತ್ರಿ 8 ಗಂಟೆಗೆ ಅಮ್ಮನ ಮದುವೆ ಧಾರವಾಹಿ ಪ್ರಸಾರವಾಗಲಿದೆ. ನ್ಯೂ ಡಿ2 ಮಿಡಿಯಾ ಈ ಧಾರವಾಹಿಯನ್ನು ನಿರ್ಮಾಣ ಮಾಡುತ್ತಿದೆ. ಮದುವೆಯಾಗಿ ಜೀವನರೂಪಿಸಿಕೊಳ್ಳಲು ಹೊರಟ ಮಗಳು, ತಾಯಿಯ ಒಂಟಿತನಕ್ಕೆ ಉತ್ತರವಾಗಿ ಅವಳಿಗೊಂದು ಬದುಕು ಕಟ್ಟಿಕೊಡಲು ನಡೆಸುವ ಹೋರಾಟದ ಭಾವುಕ ಕಥೆ ಇದಾಗಿದೆ.

    https://www.instagram.com/p/CgjNqTHDCly/?hl=en

    ಆಗಸ್ಟ್ 1ರಿಂದ ಮನರಂಜನೆ
    ಎರಡು ಧಾರವಾಹಿಗಳು ಸಿರಿಕನ್ನಡದಲ್ಲಿ ಜನರನ್ನು ಮನರಂಜಿಸಲು ಆಗಸ್ಟ್ 1 ರಿಂದ ಶುರವಾಗಲಿವೆ. ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8 ಗಂಟೆಗೆ ಅಮ್ಮನ ಮದುವೆ ಧಾರವಾಹಿ ಪ್ರಸಾರ ಆಗಲಿದೆ. ರಾತ್ರಿ 8.30ಕ್ಕೆ ವಿಜಯ ದಶಮಿ ಧಾರವಾಹಿ ಪ್ರಸಾರವಾಗಲಿದೆ. ವಿಜಯ ದಶಮಿಯು ಒಂದು ಅದ್ಧೂರಿ ದೃಶ್ಯ ಕಾವ್ಯವಾಗಿದ್ದು, ಜನರಿಗೆ ಎಂಟರ್‍ಟೇನ್‍ಮೆಂಟ್ ನೀಡಲು ಸಿದ್ಧವಾಗಿದೆ. ಇನ್ನು ಅಮ್ಮನ ಮದುವೆ, ತಾಯಿ-ಮಗಳ ಮಧ್ಯೆ ವಾತ್ಸಲ್ಯವನ್ನು ಸಾರುವ ಕಥೆಯಾಗಿದೆ. ತಾನು ಮದುವೆ ಆಗಿ ಬಿಟ್ಟರೆ ತನ್ನ ಅಮ್ಮನಿಗೆ ಇನ್ಯಾರು ದಿಕ್ಕು ಎಂದು, ಅಮ್ಮನ ಮದುವೆ ಮಾಡಿಸಲು ನಾಯಕಿ ನಡೆಸುವ ಹೋರಾಟದ ಹಾದಿಯಾಗಿದೆ.

    ಇದನ್ನೂ ಓದಿ: Ramachari Serial: ಅಪ್ಪನ ಆರೋಗ್ಯಕ್ಕಾಗಿ ಮದುವೆಗೆ ಒಪ್ಪುತ್ತಾನಾ ರಾಮಾಚಾರಿ?

    ಈ ಎರಡು ಧಾರಾವಾಹಿಗಳ ಕುರಿತು ಮಾಹಿತಿ ನೀಡಲು ಆಯೋಜಿಸಿದ್ದ ಪತ್ರಿಕಾಗೋಷ್ಠಿಯಲ್ಲಿ ರಾಘವೇಂದ್ರ ರಾಜಕುಮಾರ್, ಮಂಗಳ ರಾಘವೇಂದ್ರ ರಾಜಕುಮಾರ್, ಸಿರಿಕನ್ನಡದ ಸಂಸ್ಥಾಪಕ ನಿರ್ದೇಶಕರಾದ ಸಂಜಯ್ ಶಿಂಧೆ, ಮುಖ್ಯಸ್ಥರಾದ ರಾಜೇಶ್ ರಾಜಘಟ್ಟ ಹಾಗೂ ಅಪಾರ ಸಂಖ್ಯೆಯ ಕಲಾವಿದರು ಉಪಸ್ಥಿತರಿದ್ದರು. ನಿರ್ದೇಶಕರಾದ ಸುನೀಲ್ ಕುಮಾರ್ ದೇಸಾಯಿ, ಚೇತನ್ ಕುಮಾರ್, ಸೇತುರಾಮ್, ಕಿಶೋರ್ ಮುಂತಾದ ಗಣ್ಯರು ಆಗಮಿಸಿ ಶುಭ ಕೋರಿದರು.
    Published by:Savitha Savitha
    First published: