Kiccha Sudeep Tweet: ಹಿಂದಿ ರಾಷ್ಟ್ರಭಾಷೆ ಅಲ್ಲ ಎಂದ ಕಿಚ್ಚನ ವಿರುದ್ಧ ತಿರುಗಿಬಿದ್ದ ಬಾಲಿವುಡ್: ಏನಿದು ಹೊಸ ವಿವಾದ?

ಭಾರತದ ರಾಷ್ಟ್ರ ಭಾಷೆ (Nnational Language) ಎಂಬ ಮಾನ್ಯತೆ ದೇಶದ ಯಾವುದೇ ಭಾಷೆಗೆ ಇಲ್ಲ ಎಂಬುವುದು ಸರ್ಕಾರದ ಅಧಿಕೃತ ಮಾಹಿತಿ. ಆದರೆ ಹಿಂದಿ (Hindi Language) ರಾಷ್ಟ್ರ ಭಾಷೆ ಹೌದು, ಅಲ್ಲ ಎಂಬ ಸುತ್ತ ಆಗಾಗ ವಿವಾದಗಳು ಹೇಳುತ್ತಲೇ ಇರುತ್ತವೆ. ಇದಕ್ಕೆ ಹೊಸ ಸೇರ್ಪಡೆ ಎಂಬಂತೆ ಕನ್ನಡದ ನಟ ಕಿಚ್ಚ ಸುದೀಪ್​ (Kiccha Sudeep) ಹಾಗೂ ಹಿಂದಿ ನಟ ಅಜಯ್​ ದೇವಗನ್​​ (Ajay Devgan) ಮಧ್ಯೆ ಟ್ವಿಟ್ಟರ್​ನಲ್ಲಿ ಸಂಭಾಷಣೆ ನಡೆದಿದೆ. ಕನ್ನಡ ಸಿನಿಮಾ ಕೆಜಿಎಫ್​​​ ದೇಶಾದ್ಯಂತ ಬಿಡುಗಡೆಯಾಗುವ ಮೂಲಕ ಪ್ಯಾನ್​ ಇಂಡಿಯಾ ಸಂಸ್ಕೃತಿ ಮತ್ತಷ್ಟು ಪ್ರಕರತೆ ಪಡೆದುಕೊಂಡಿತು. ಇತ್ತೀಚೆಗೆ ರಿಲೀಸ್​ ಆದ ದಕ್ಷಿಣ ಭಾರತದ ಭಾಷೆಗಳ ಸಿನಿಮಾಗಳಾದ RRR, ಕೆಜಿಎಫ್​​-1, ಪುಷ್ಪಾ ಸೇರಿದಂತೆ ಹಲವು ಚಿತ್ರಗಳನ್ನು ಪ್ಯಾನ್​ ಇಂಡಿಯಾ ಎಂದು ಹೆಸರಿಸಲಾಯಿತು. ಇದೇ ವಿಚಾರವಾಗಿ ಇತ್ತೀಚಿಗಿನ ಸಂದರ್ಶನದಲ್ಲಿ ಕಿಚ್ಚ ಸುದೀಪ್​ ಮಾತನಾಡಿದ್ದರು. ಪ್ಯಾನ್​ ಇಂಡಿಯಾ ಸಿನಿಮಾ ಎಂದು ಕರೆಯುವುದರ ಬಗ್ಗೆ ತಮ್ಮದೇ ವ್ಯಾಖ್ಯಾನ ನೀಡಿದ್ದರು.

ಹಿಂದಿ ರಾಷ್ಟ್ರ ಭಾಷೆ ಅಲ್ಲ ಎಂದಿದ್ದ ಸುದೀಪ್​​

ಪ್ಯಾನ್​ ಇಂಡಿಯಾ ಸಿನಿಮಾಗಳಿಗೆ ತಮ್ಮದೇ ವ್ಯಾಖ್ಯಾನ ನೀಡಿದ ಸುದೀಪ್​, ದಕ್ಷಿಣದ ಭಾಷೆಯ ಸಿನಿಮಾಗಳು ಹಿಂದಿಗೆ ಡಬ್​ ಮಾಡಿ ಪ್ಯಾನ್​ ಇಂಡಿಯಾ ಎಂದು ಹೇಳುವುದು ತಪ್ಪು. ಅದೇ ರೀತಿ ಹಿಂದಿ ಸಿನಿಮಾದವರು ಕೂಡ ದಕ್ಷಿಣದ ಭಾಷೆಗಳಿಗೆ ತಮ್ಮ ಸಿನಿಮಾಗಳನ್ನು ಡಬ್​ ಮಾಡಿ ರಿಲೀಸ್​ ಮಾಡುತ್ತಾರೆ. ಆದರೆ ಅವರೆಂದೂ ತಮ್ಮ ಸಿನಿಮಾಗಳನ್ನು ಪ್ಯಾನ್​ ಇಂಡಿಯಾ ಸಿನಿಮಾ ಎಂದು ಹೇಳಿಕೊಳ್ಳುವುದಿಲ್ಲ. ಹಿಂದಿ ರಾಷ್ಟ್ರ ಭಾಷೆ ಅಲ್ಲ ಎಂದು ನಮಗೆಲ್ಲಾ ತಿಳಿದಿದೆ. ಹಿಂದಿ ಭಾಷೆಗೆ ಡಬ್​ ಮಾಡಿದೊಡನೆ ಪ್ಯಾನ್​ ಇಂಡಿಯಾ ಸಿನಿಮಾ ಎನ್ನಬಾರದು. ಸಿನಿಮಾ ಸಿನಿಮಾ ಅಷ್ಟೇ ಎಂದು ಹೇಳಿಕೆ ನೀಡಿದ್ದರು.

ಇದನ್ನೂ ಓದಿ: Bollywood​ ಮಂದಿಗೆ ಈ ಮಗು ಕಂಡ್ರೆ ಅಚ್ಚುಮೆಚ್ಚು, ಅದ್ರಲ್ಲೂ ಸಲ್ಮಾನ್​ ಖಾನ್​ಗೆ ಪಂಚಪ್ರಾಣ!

ಸರಿಯಾಗಿ ಅರ್ಥ ಮಾಡಿಕೊಳ್ಳದೆ ತಿರುಗಿ ಬಿದ್ದ ದೇವಗನ್​​

ಸುದೀಪ್​ ಅವರ ಈ ಹೇಳಿಕೆಗೆ ಇಂದು ಬಾಲಿವುಡ್​ ನಟ ಅಜಯ್​ ದೇವಗನ್​​​ ಟ್ವೀಟ್​ ಮೂಲಕ ತಿರುಗೇಟು ನೀಡಿದ್ದರು. ಹಿಂದಿ ಭಾಷೆ ರಾಷ್ಟ್ರಭಾಷೆ ಅಲ್ಲದೇ ಇದ್ದರೆ, ನಿಮ್ಮ ಸಿನಿಮಾಗಳನ್ನು ಹಿಂದಿಯಲ್ಲಿ ಡಬ್​ ಮಾಡಿ ಏಕೆ ರಿಲೀಸ್​ ಮಾಡುತ್ತೀರಿ ಎಂದು ಪ್ರಶ್ನಿಸಿದ್ದರು. ಹಿಂದಿ ಭಾಷೆಯಲ್ಲೇ ಅಜಯ್​ ದೇವಗನ್​ ಮಾಡಿದ ಟ್ವೀಟ್​ಗೆ ಕಿಚ್ಚ ಕೂಡಲೇ ಉತ್ತರಿಸಿದರು.

.@KicchaSudeep मेरे भाई,
आपके अनुसार अगर हिंदी हमारी राष्ट्रीय भाषा नहीं है तो आप अपनी मातृभाषा की फ़िल्मों को हिंदी में डब करके क्यूँ रिलीज़ करते हैं?
हिंदी हमारी मातृभाषा और राष्ट्रीय भाषा थी, है और हमेशा रहेगी।
जन गण मन ।

— Ajay Devgn (@ajaydevgn) April 27, 2022

ನಾನು ಯಾವ ಸಂದರ್ಭದಲ್ಲಿ, ಯಾವ ಅರ್ಥದಲ್ಲಿ ಹೇಳಿದ್ದೇನೆ ಎಂಬುವುದು ನಿಮಗೆ ಅಪಾರ್ಥವಾಗಿದೆ. ಯಾವುದೇ ವಿವಾದ, ಚರ್ಚೆ ಹುಟ್ಟು ಹಾಕುವ, ನೋವಿಸುವ ಉದ್ದೇಶ ನನಗಿಲ್ಲ. ಆದಷ್ಟು ಬೇಗ ನಿಮ್ಮನ್ನು ಭೇಟಿ ಆಗಿ ಈ ವಿಚಾರವನ್ನು ಸ್ಪಷ್ಟಪಡಿಸುವೆ ಎಂದು ಟ್ವೀಟ್​ ಮಾಡಿದ್ದರು.

I love and respect every language of our country sir. I would want this topic to rest,,, as I said the line in a totally different context.
Mch luv and wshs to you always.
Hoping to seeing you soon.
🥳🥂🤜🏻🤛🏻

— Kichcha Sudeepa (@KicchaSudeep) April 27, 2022

ಎಲ್ಲಾ ಭಾಷೆಗಳನ್ನೂ ಗೌರವಿಸುತ್ತೇನೆ. ನೀವು ಹಿಂದಿಯಲ್ಲಿ ಮಾಡಿದ ಟ್ವೀಟ್​ ನನಗೆ ಅರ್ಥವಾಗಿದೆ. ನಾನು ನಮ್ಮ ಭಾಷೆಯಲ್ಲಿ ಉತ್ತರಿಸಿದ್ದರೆ ಏನಾಗಬಹುದು ಎಂದು ಯೋಚಿಸುತ್ತಿದ್ದೇನೆ ಎಂದು ಮತ್ತೊಂದು ಟ್ವೀಟ್​ ಕೂಡ ಮಾಡಿದ್ದಾರೆ.

And sir @ajaydevgn ,,
I did understand the txt you sent in hindi. Tats only coz we all have respected,loved and learnt hindi.
No offense sir,,,but was wondering what'd the situation be if my response was typed in kannada.!!
Don't we too belong to India sir.
🥂

— Kichcha Sudeepa (@KicchaSudeep) April 27, 2022

ಕಿಚ್ಚನ ಉತ್ತರದ ಬಳಿಕ ಅಪಾರ್ಥ ಮಾಡಿಕೊಂಡಿರುವ ಬಗ್ಗೆ ಅರಿತುಕೊಂಡ ನಟ ಅಜಯ್​ ದೇವಗನ್​ ಟ್ವೀಟ್​ ಮೂಲಕವೇ ವಿವಾದವನ್ನು ತಣ್ಣಗಾಗಿಸಿದರು. ನೀವು ನನ್ನ ಸ್ನೇಹಿತ. ನಾನು ತಪ್ಪಾಗಿ ಅರ್ಥ ಮಾಡಿಕೊಂಡಿದ್ದನ್ನು ತಿಳಿಸಿದ್ದಕ್ಕೆ ಧನ್ಯವಾದ. ನಾವೆಲ್ಲಾ ಸಿನಿಮಾದವರು ಒಂದೇ. ಎಲ್ಲಾ ಭಾಷೆಗಳನ್ನು ಎಲ್ಲರೂ ಗೌರವಿಸಬೇಕು ಎಂದಿದ್ದಾರೆ.

Hi @KicchaSudeep, You are a friend. thanks for clearing up the misunderstanding. I’ve always thought of the film industry as one. We respect all languages and we expect everyone to respect our language as well. Perhaps, something was lost in translation 🙏

— Ajay Devgn (@ajaydevgn) April 27, 2022

ಇದಕ್ಕೆ ಮತ್ತೆ ಉತ್ತರಿಸಿರುವ ಕಿಚ್ಚ ಪ್ರತಿಕ್ರಿಯಿಸುವ ಮುನ್ನ ವಿಷಯವನ್ನು ಸರಿಯಾಗಿ ತಿಳಿದುಕೊಂಡಿದ್ದರೆ ಚೆನ್ನ. ಒಂದೊಳ್ಳೆ ಕಾರಣಕ್ಕೆ ನೀವು ಬಗ್ಗೆ ಮಾತನಾಡಿದ್ದರೆ ಚೆನ್ನಾಗಿರುವುದು ಎಂದು ನಯಾವಾಗಿಯೇ ಹೇಳುವ ಮೂಲಕ ಟ್ವೀಟ್​​ ಸಂಭಾಷಣೆಯನ್ನು ಮುಗಿಸಿದ್ದಾರೆ.