Liger: ರೊಮ್ಯಾಂಟಿಕ್ ಸಾಂಗ್​ನಲ್ಲಿ ವಿಜಯ್​-ಅನನ್ಯಾ, ಲೈಗರ್​ ಚಿತ್ರದ ಆಫತ್ ವಿಡಿಯೋ ಟೀಸರ್ ರಿಲೀಸ್​

ವಿಜಯ್ ದೇವರಕೊಂಡ (Vijay Deverakonda) ಅವರ ಚಿತ್ರದ ಬಹು ನಿರೀಕ್ಷಿತ ಸಿನಿಮಾ ಲೈಗರ್ ಟ್ರೈಲರ್ (Liger Trailer) ಈಗ ಬಹು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ. ಪುರಿ ಜಗನ್ನಾಥ್ ನಿರ್ದೇಶನದ ಮುಂಬರುವ ಪ್ಯಾನ್-ಇಂಡಿಯಾ (Pan India) ಸಿನಿಮಾ ಬಹಳ ಕುತೂಹಲ ಹುಟ್ಟುಹಾಕಿದೆ. ವಿಜಯ್ ದೇವರಕೊಂಡ ಜೊತೆಗೆ, ಲೈಗರ್​ನಲ್ಲಿ ಅನನ್ಯ ಪಾಂಡೆ, ಮೈಕ್ ಟೈಸನ್ ಮತ್ತು ರಮ್ಯಾ ಕೃಷ್ಣನ್ ಕೂಡ ನಟಿಸಿದ್ದಾರೆ. ಈ ಸಿನಿಮಾವು ಈ ವರ್ಷದ ಆಗಸ್ಟ್ 25 ರಂದು ಬಿಡುಗಡೆಯಾಗಲಿದ್ದು, ಇದೀಗ ಚಿತ್ರದ ರೊಮ್ಯಾಂಟಿಕ್​ ಸಾಂಗ್​ ನ ಟೀಸರ್​ ಒಂದು ರಿಲೀಸ್​ ಆಗಿದೆ. ಇಂದು ಸಂಜೆ 4 ಗಂಟೆಗೆ ಪುಲ್​ ವಿಡಿಯೋ ಸಾಂಗ್​ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ತಿಳಿಸಿದೆ.

ಆಫತ್ ಸಾಂಗ್​ನ ಟೀಸರ್​ ರಿಲೀಸ್​:

ಹೌದು, ವಿಜಯ್​ ದೇವರಕೊಂಡ ಮತ್ತು ಅನನ್ಯಾ ಪಾಂಡ್ಯ ಇಬ್ಬರ ನಡುವಿನ ರೊಮ್ಯಾಂಟಿಕ್​ ಹಾಡಿನ ಟೀಸರ್​ ಒಂದು ಬಿಡುಗಡೆ ಆಗಿದ್ದು, ಸಖತ್ ವೈರಲ್ ಆಗುತ್ತಿದೆ. ‘ಆಫತ್​‘ ಎಂಬ ಹಾಡಿನ ಟೀಸರ್​ ಬಿಡುಗಡೆ ಆಗಿದ್ದು, ವಿಜಯ್ ಮತ್ತು ಅನನ್ಯಾ ಕಾಂಬಿನೇಷನ್ ಸಖತ್ ಆಗಿ ವರ್ಕೋಟ್ ಆದಂತಿದೆ. ಇನ್ನು, ‘ಆಫತ್​..’ ಲಿರಿಕಲ್ ವಿಡಿಯೋ ಇಂದು ಸಂಜೆ 4 ಗಂಟೆಗೆ ಬಿಡುಗಡೆ ಆಗಲಿದೆ.

There's always a beautiful drama Queen who will come between a mother and son!#Aafat 💞

Song Tomorrow at 4 PM!#FirstOnTwitter #Liger pic.twitter.com/2gBp7QWiF7

— Vijay Deverakonda (@TheDeverakonda) August 4, 2022

ವ್ಯಕ್ತಿಯೊಬ್ಬನ ಎಡಬಿಡಂಗಿ ಜೀವನವನ್ನು ಈ ಟ್ರೈಲರ್ ಪ್ರತಿನಿಧಿಸುತ್ತದೆ. MMA ಪ್ರಶಸ್ತಿಯನ್ನು ಗೆಲ್ಲಲು ಮಾಡಲು ಪ್ರಯತ್ನಗಳು ಎದುರಾಗುವ ಸಮಸ್ಯೆಗಳು, ಗೆಳತಿಯ ಮೋಸ ಎಲ್ಲವನ್ನು ಇದು ಹೇಳಿದೆ. ಭಾವನೆಗಳ ಏರಿಳಿತವನ್ನು ಈ ಟ್ರೈಲರ್ ಅದ್ಭುತವಾಗಿ ತೋರಿಸಿದೆ. ಲೆಜೆಂಡ್ ಮೈಕ್ ಟೈಸನ್ ಅವರ ಸ್ಟೈಲಿಶ್ ಪರಿಚಯ, ನಂತರ ಲೈಗರ್ ಜೊತೆಗಿನ ಸಂಭಾಷಣೆ ವಿನಿಮಯವು ಖಂಡಿತವಾಗಿಯೂ ಒಂದು ಅದ್ಬುತ ಎನ್ನಬಹುದು. "ನಾನು ಫೈಟರ್" ಎಂದು ವಿಜಯ್ ಹೇಳಿದಾಗ, ಟೈಸನ್, "ನೀವು ಫೈಟರ್​ ಆಗಿದ್ದರೆ, ನಾನು ಏನು?" ಎಂದು ಟೈಸನ್ ಕೇಳುತ್ತಾರೆ. ಇನ್ನು ಈ ಎಲ್ಲದರ ಜೊತೆಗೆಟೈಸನ್ ಕಿಲ್ಲರ್ ಲುಕ್ ನೀಡುವ ಕೊನೆಯ ಫ್ರೇಮ್‌ಗಳು ಟ್ರೈಲರ್‌ಗೆ ಒಂದು ಸುಂದರವಾದ ಅರ್ಥ ನೀಡುತ್ತದೆ ಎಂದರೆ ತಪ್ಪಲ್ಲ.

ಇದನ್ನೂ ಓದಿ: Liger Trailer: ಲೈಗರ್ ಸಿನಿಮಾದ ಟ್ರೈಲರ್ ರಿಲೀಸ್​, ಮಾಸ್​ ಲುಕ್​ನಲ್ಲಿ ವಿಜಯ್​ ದೇವರಕೊಂಡ

ತಾಂತ್ರಿಕವಾಗಿ ಟ್ರೇಲರ್ ಬಗ್ಗೆ ಹೇಳುವುದಾದರೆ ಈ ವಿಚಾರದಲ್ಲಿ ಸಹ ಯಾವುದೇ ಮಾತಿಲ್ಲ. ನಿರ್ಮಾಣ ವಿನ್ಯಾಸ ಮತ್ತು ಛಾಯಾಗ್ರಹಣ ಕೂಡ ಯಾವುದಕ್ಕೂ ಕಮ್ಮಿಯಿಲ್ಲ ಎನ್ನುವಂತಿದ್ದು, ಒಟ್ಟಾರೆಯಾಗಿ ಈ ಟ್ರೈಲರ್ ಹೈಪ್​ ಕ್ರಿಯೇಟ್​ ಮಾಡಿದೆ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಧರ್ಮ ಪ್ರೊಡಕ್ಷನ್ಸ್ ಸಹಯೋಗದಲ್ಲಿ ಪುರಿ ಕನೆಕ್ಟ್ಸ್ ಈ ಚಿತ್ರವನ್ನು ನಿರ್ಮಿಸುತ್ತಿದೆ. ಪುರಿ ಜಗನ್ನಾಥ್, ಚಾರ್ಮಿ ಕೌರ್, ಕರಣ್ ಜೋಹರ್ ಮತ್ತು ಅಪೂರ್ವ ಮೆಹ್ತಾ ಒಟ್ಟಾಗಿ ಚಿತ್ರಕ್ಕೆ ದೊಡ್ಡ ಮಟ್ಟದಲ್ಲಿ ಬಂಡವಾಳ ಹೂಡಿದ್ದಾರೆ.

ಲೈಗರ್​ ಪೋಸ್ಟರ್​

‘ಕಾಫಿ ವಿತ್ ಕರಣ್’ ಶೋಗೆ ಅಥಿತಿಯಾಗಿ ಬಂದ ವಿಜಯ್:

ಇತ್ತೀಚೆಗೆ ಈ ನಟ ಬಾಲಿವುಡ್ ನ ಜನಪ್ರಿಯ ನಿರ್ಮಾಪಕರಾದ ಕರಣ್ ಜೋಹರ್ ಅವರು ನಡೆಸಿ ಕೊಡುವಂತಹ ‘ಕಾಫಿ ವಿತ್ ಕರಣ್’ ಶೋ ನ ಸೀಸನ್ 7 ರ ಎಪಿಸೋಡ್ ವೊಂದರಲ್ಲಿ ಅತಿಥಿಯಾಗಿ ಆಗಮಿಸಿದ್ದರು. ಲೈಗರ್ ಚಿತ್ರದ ಮೂಲಕ ಪ್ಯಾನ್ ಇಂಡಿಯಾಗೆ ಪಾದಾರ್ಪಣೆ ಮಾಡಲು ಸಜ್ಜಾಗಿರುವ ದಕ್ಷಿಣ ಭಾರತದ ಸ್ಟಾರ್ ವಿಜಯ್ ದೇವರಕೊಂಡ ಅವರು ಗುರುವಾರ ‘ಕಾಫಿ ವಿತ್ ಕರಣ್’ ಶೋ ನ ಸೋಫಾದ ಮೇಲೆ ಮೊದಲ ಬಾರಿಗೆ ಕಾಣಿಸಿಕೊಂಡರು.