Vijay: ಕಾಲಿವುಡ್​ನ ಸೂಪರ್​ಸ್ಟಾರ್​ `ದಳಪತಿ’ ಇನ್ನಿಲ್ಲ! RIP ವಿಜಯ್​ ಎಂದು ಸುಳ್ಳು ಸುದ್ದಿ ಹಬ್ಬಿಸಿದ ಕಿಡಿಗೇಡಿಗಳು

ತಮಿಳುನಾಡಿನಲ್ಲಿ ಅಜಿತ್ (Ajith) ಹಾಗೂ ವಿಜಯ್ (Vijay) ಅಭಿಮಾನಿಗಳ ನಡುವಿನ ವೈರತ್ವ ಇನ್ನಾವುದೇ ಸ್ಟಾರ್ ನಟರ ಅಭಿಮಾನಿಗಳ ನಡುವೆ ಇಲ್ಲ. ಅಜಿತ್ ಹಾಗೂ ವಿಜಯ್ ಅಭಿಮಾನಿಗಳದ್ದು ಸದಾ ಕಿತ್ತಾಟ. ಈ ಬಾರಿಯಂತೂ ಈ ವೈಷಮ್ಯ ಮೇರೆ ಮೀರಿದೆ. ಎಲ್ಲಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ  ಅಜಿತ್ ಅಭಿಮಾನಿಗಳು.

ತಮಿಳು ನಟ ವಿಜಯ್​

ತಮಿಳು ನಟ ವಿಜಯ್​

  • Share this:
ಚಿತ್ರರಂಗದಲ್ಲಿ ಸ್ಟಾರ್ ವಾರ್ (Star War)​ ಇರುವುದು ಕಾಮನ್​. ಸ್ಯಾಂಡಲ್​ವುಡ್(Sandalwood)​ನಲ್ಲಿ ಸ್ಟಾರ್​​ ವಾರ್​ ಕಡಿಮೆ. ಆದರೆ, ಬೇರೆ ಭಾಷೆಯ ಚಿತ್ರರಂಗದಲ್ಲಿ ಇದು ಕಾಮನ್​. ಅದರಲ್ಲೂ ತಮಿಳು ಸಿನಿಮಾರಂಗ(Tamil Cinema Industry)ದಲ್ಲಿ ಸ್ಟಾರ್ ವಾರ್​ ಅನ್ನೋದು ಮೊದಲಿನಿಂದಲೂ ಇದೆ. ತಮಿಳುನಾಡಿನಲ್ಲಿ ಅಜಿತ್ (Ajith) ಹಾಗೂ ವಿಜಯ್ (Vijay) ಅಭಿಮಾನಿಗಳ ನಡುವಿನ ವೈರತ್ವ ಇನ್ನಾವುದೇ ಸ್ಟಾರ್ ನಟರ ಅಭಿಮಾನಿಗಳ ನಡುವೆ ಇಲ್ಲ. ಅಜಿತ್ ಹಾಗೂ ವಿಜಯ್ ಅಭಿಮಾನಿಗಳದ್ದು ಸದಾ ಕಿತ್ತಾಟ. ಈ ಬಾರಿಯಂತೂ ಈ ವೈಷಮ್ಯ ಮೇರೆ ಮೀರಿದೆ. ಎಲ್ಲಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ  ಅಜಿತ್ ಅಭಿಮಾನಿಗಳು. ಇದನ್ನು ಕಂಡ ನೆಟ್ಟಿಗರು ಈ ರೀತಿಯ ಸ್ಟಾರ್​ ವಾರ್​ ಮಾಡುವುದು ಒಳ್ಳೆಯದ್ದಲ್ಲ ಎಂದು ಹೇಳಿದ್ದಾರೆ. ಹೌದು, ಇಂದು ಬೆಳ್ಳಂಬೆಳಗ್ಗೆ ಟ್ವೀಟರ್​ ಓಪನ್​ ಮಾಡಿದವರಿಗೆ ಶಾಕ್ ಎದುರಾಗಿತ್ತು. ಕಾರಣ #RIPJosephVijay ಅಂತ ಟ್ಯಾಗ್​ ಟ್ರೇಡಿಂಗ್​ನಲ್ಲಿತ್ತು.

#RIPjosephVijay ಎಂದು ಟ್ವೀಟ್​​ ಮಾಡಿದ ಅಜಿತ್​ ಫ್ಯಾನ್ಸ್​!

ಮೊದಲಿನಿಂದಲೂ ಅಜಿತ್​ ಅಭಿಮಾನಿಗಳಿಗೂ ವಿಜಯ್ ಫ್ಯಾನ್ಸ್​ಗೂ ಒಬ್ಬರನ್ನು ಕಂಡರೆ ಒಬ್ಬರಿಗೆ ಆಗುವುದಿಲ್ಲ. ಇದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ, ಇಂದು ಟ್ವಿಟ್ಟರ್​​ನಲ್ಲಿ ವಿಜಯ್​ ಇನ್ನಿಲ್ಲ ಎಂಬುದುವುದು ಟ್ರೆಂಡಿಂಗ್​ನಲ್ಲಿದೆ. ಈ ರೀತಿ ಟ್ವೀಟ್​ ಮಾಡಿ ಈ ಟ್ಯಾಗ್​ ಟ್ರೆಂಡ್​ ಆಗುವಂತೆ ತಲಾ ಅಜಿತ್​ ಅಭಿಮಾನಿಗಳು ಮಾಡಿದ್ದಾರೆ. ಹೀಗೆ ಮಾಡಿ ಸ್ಟಾರ್​ ವಾರ್​​ಗೆ ಮತ್ತೆ ಅವರ ಅಭಿಮಾನಿಗಳೇ ಮರುಜೀವ ನೀಡಿದ್ದಾರೆ. ಒಬ್ಬರನ್ನು ಕಂಡರೆ  ಮತ್ತೊಬ್ಬರು  ದ್ವೇಷಿಸಿ ಈ ವಿಚಾರ ಇಡೀ ವಿಶ್ವಕ್ಕೆ ತಿಳಿಯುವತೆ ಮಾಡಿದ್ದಾರೆ.


ಅಸಲಿಗೆ ಈ ವಿವಾದ ಸೃಷ್ಟಿಯಾಗಿದ್ದು ಹೇಗೆ?

ಇತ್ತೀಚೆಗೆ ಅಂದರೆ ಫೆಬ್ರವರಿ 25ರಂದು ಅಜಿತ್ ಅಭಿನಯದ ವಲಿಮೈ ಸಿನಿಮಾ ರಿಲೀಸ್​ ಆಗಿತ್ತು. ಆಗ ವಿಜಯ್​ ಅಭಿಮಾನಿಗಳು ತೊಂದರೆ ಕೊಟ್ಟಿದ್ದರಂತೆ. ಎಲ್ಲವನ್ನು ಸಹಿಸಿಕೊಂಡಿದ್ದ ಅಜಿತ್​ ಫ್ಯಾನ್ಸ್​ ಸುಮ್ಮನಾಗಿದ್ದರಂತೆ.  ಇದಾದ ಬಳಿಕ ನಿನ್ನೆಯಿಂದ ಜೀ 5ನಲ್ಲಿ ಅಜಿತ್​ ನಟನೆಯ ವಲಿಮೈ ಸಿನಿಮಾ ರಿಲೀಸ್​ ಆಗಿತ್ತು. ಈ ವಿಚಾರವನ್ನು ಇಟ್ಟುಕೊಂಡು ಸಾಮಾಜಿಕ ಜಾಲತಾಣದಲ್ಲಿ ವಿಜಯ್​ ಫ್ಯಾನ್ಸ್​ ಕಾಮಿಡಿ ಮಾಡಿದ್ದರಂತೆ. ಚಿತ್ರಮಂದಿರದಲ್ಲಿ ರಿಲೀಸ್ ಆದ ಕೆಲವೇ ದಿನಗಳಲ್ಲಿ ಒಟಿಟಿಗೆ ಬಂದಿದೆ. ಇದ್ಯಾವ ಸ್ಟಾರ್​ ಸಿನಿಮಾ ಎಂದು ಕಮೆಂಟ್​ ಮಾಡಿದ್ದರು. ಇದಕ್ಕೆ ಕೋಪಗೊಂಡ ಅಜಿತ್​ ಅಭಿಮಾನಿಗಳು ವಿಜಯ್​ ಇನ್ನಿಲ್ಲ ಎಂದು ಟ್ಯಾಗ್​ ಬಳಸಿ ಟ್ವೀಟ್​ ಮಾಡುತ್ತಿದ್ದಾರೆ.


ಇದನ್ನೂ ಓದಿ: ಮಾರ್ಚ್ 27ರಂದು KGF Chapter 2 ಅಭಿಮಾನಿಗಳಿಗೆ ಬಿಗ್ ಗಿಫ್ಟ್! Trailer ರಿಲೀಸ್ ಮಾಡಲಿದ್ದಾರೆ ಶಿವಣ್ಣ

ಅಸಲಿ ಕಾರಣ ಅದಲ್ಲ ಇದು ಮುಂದೆ ನೋಡಿ!

ಆರ್​ಆರ್​ಆರ್​ ಸಿನಿಮಾದ ಬಗ್ಗೆ ವಿಜಯ್​ ಅಭಿಮಾನಿಗಳು ನೆಗೆಟಿವ್​ ಕಮೆಂಟ್​ ಮಾಡುತ್ತಿದ್ದರಂತೆ. ಆರ್​ಆರ್​ಆರ್​ ಭಾರತೀಯರ ಹೆಮ್ಮೆ ಎಲ್ಲರೂ ಬೆಂಬಲಿಸಬೇಕು ಎಂದು ಅಜಿತ್​ ಫ್ಯಾನ್ಸ್ ಹೇಳಿದ್ದಾರೆ. ಇದಕ್ಕೆ ವಿಜಯ್​ ಅಭಿಮಾನಿಗಳು #Aids_Patient-Ajit ಎಂಬ ಟ್ಯಾಗ್​ ಲೈನ್​ ಬಳಿಸಿಕೊಂಡು ಟ್ವೀಟ್ ಮಾಡಿ ಟ್ರೆಂಡ್ ಮಾಡಿದ್ದಾರೆ. ಇದಕ್ಕೆ ರೊಚ್ಚಿಗೆದ್ದ ಅಜಿತ್ ಅಭಿಮಾನಿಗಳು #RIPJosephVijay ಅಂತ ಟ್ಯಾಗ್​ ಬಳಸಿ ಟ್ರೆಂಡ್ ಮಾಡಿದ್ದಾರೆ.

ಇದನ್ನೂ ಓದಿ: Instagramನಲ್ಲಿ ‘ಧನುಷ್‘ ಹೆಸರನ್ನು ತೆಗೆದು ಹಾಕಿದ ಐಶ್ವರ್ಯಾ! ಹೀಗ್ಯಾಕೆ ಮಾಡಿದರು ಗೊತ್ತಾ ರಜಿನಿ ಪುತ್ರಿ?

ಸುಳ್ಳು ಸುದ್ದಿ ನಂಬಿ ಗಾಬರಿಯಾದ ಸಿನಿರಸಿಕರು!

ನಟ ವಿಜಯ್​ ಇನ್ನಿಲ್ಲ ಎಂಬ ಸುಳ್ಳು ಸುದ್ದಿ ಹರಿದಾಡುತ್ತಿದ್ದಂತೆ ಸಿನಿರಸಿಕರು ಗಾಬರಿಯಾಗಿದ್ದರು. ಟ್ವಿಟ್ಟರ್​, ಫೇಸ್​ಬುಕ್ ಎಲ್ಲ ಕಡೆಯಲ್ಲೂ ಇದು ಟ್ರೆಂಡಿಂಗ್​ನಲ್ಲಿತ್ತು. ನಂತರ ಅಸಲಿ ವಿಚಾರ ತಿಳಿದು ನಿಟ್ಟುಸಿರು ಬಿಟ್ಟಿದ್ದಾರೆ.  ಯಾಕೆ ಬೇಕು ಸ್ಟಾರ್​ ವಾರ್​ ನಾವೆಲ್ಲ ಒಂದೇ ಇಲ್ಲಿ ಅಂತ ಕಮೆಂಟ್ ಮಾಡುತ್ತಿದ್ದಾರೆ.
Published by:Vasudeva M
First published: