Sushant Singh: ನಟ ಸುಶಾಂತ್ ಸಿಂಗ್​​ ಕ್ರಿಕೆಟ್​ ಕಲಿಸಿದ್ದ ಹುಡುಗ ಇಂದು ಐಪಿಎಲ್​ ಆಟಗಾರ..!

ಪರದೆ ಮೇಲೆ ಪ್ರೇಕ್ಷಕರಿಗೆ ಸ್ಫೂರ್ತಿದಾಯ ಸಂದೇಶ  ನೀಡುತ್ತಿದ್ದ ನಟ ಸುಶಾಂತ್ ಅವರ ಜೀವನವೇ ದುರಂತ ಅಂತ್ಯ ಕಂಡಿದೆ. ಸುಶಾಂತ್​ ಹಾಗೂ ಕ್ರಿಕೆಟ್​ಗೆ ಅವಿನಾಭಾವ ಸಂಬಂಧವಿದೆ. ಸುಶಾಂತ್ ಸಿನಿ ಜೀವನ ಆರಂಭವಾಗಿದ್ದೇ ಕ್ರಿಕೆಟರ್​ ಪಾತ್ರಕ್ಕೆ ಬಣ್ಣ ಹಚ್ಚುವ ಮೂಲಕ. 

ಸುಶಾಂತ್ ಸಿಂಗ್​ ರಜಪೂತ್​ ನಟಿಸಿದ್ದ ಮೊದಲ ಸಿನಿಮಾ ಚೇತನ್​ ಭಗತ್​ ಅವರ ತ್ರಿ ಮಿಸ್ಟೇಕ್ಸ್​ ಆಫ್​ ಮೈ ಲೈಫ್ ಪುಸ್ತಕ ಆಧಾರಿತ 'ಕಾಯ್​ ಪೊ ಚೆ'. ಇದು 2013ರಲ್ಲಿ ತೆರೆಕಂಡ ಚಿತ್ರ. ಇದರಲ್ಲಿ ಸುಶಾಂತ್​ ಕ್ರಿಕೆಟ್ ಕೋಚ್​ ಪಾತ್ರದಲ್ಲಿ ನಟಿಸಿದ್ದಾರೆ.



ಈ ಸಿನಿಮಾದಲ್ಲಿ ಇಶಾನ್​ ಪಾತ್ರದಲ್ಲಿ ನಟಿಸಿದ್ದ ಸುಶಾಂತ್, ಕ್ರಿಕೆಟರ್ ಆಗಬೇಕೆಂದು ಕನಸು ಕಂಡಿರುತ್ತಾರೆ. ಆದರೆ ಅದು ಸಾಧ್ಯವಾಗದಾಗ ಕ್ರಿಕೆಟ್​ ಕೋಚ್​ ಆಗಲು ನಿರ್ಧರಿಸಿ, ಅವರು ಮತ್ತಿಬ್ಬರು ಸ್ನೇಹಿತರೊಂದಿಗೆ ಸೇರಿ ತಮ್ಮದೇ ಆದ ಅಕಾಡೆಮಿ ತೆರೆಯುತ್ತಾರೆ.

ಇದನ್ನೂ ಓದಿ: ಸಲ್ಮಾನ್​ ಖಾನ್​ಗೆ ಒಲ್ಲೆ ಎಂದಿದ್ದ ದೀಪಿಕಾ ಪಡುಕೋಣೆ ಶಾರುಖ್​​ ಜೊತೆ ನಟಿಸಲು ಸೈ ಎಂದಿದ್ದರಂತೆ..!

ಈ ಅಕಾಡೆಮಿಯಲ್ಲಿ  ಮಕ್ಕಳಿಗೆ ಕ್ರಿಕೆಟ್​ ಕಲಿಸುತ್ತಾರೆ. ಈ ಚಿತ್ರದಲ್ಲಿ ಕ್ರಿಕೆಟ್​ ಕಲಿಯುವ ಪಾತ್ರದಲ್ಲಿ ನಟಿಸಿರುವ ಬಾಲಕ ಈಗ ಐಪಿಎಲ್ ಆಟಗಾರ. ಮುಂಬೈ ಇಂಡಿಯನ್ಸ್​ ತಂಡದ ಆಟಗಾರ ದಿಗ್ವಿಜಯ್​ ದೇಶ್​ಮುಖ್​ ಅವರು ಸಿನಿಮಾದಲ್ಲಿ ಅಲಿ ಪಾತ್ರದಲ್ಲಿ ನಟಿಸಿದ್ದರು. ಈಗಲೂ ದಿಗ್ವಿಜಯ್​ ಅವರಿಗೆ ಸಿನಿಮಾದಲ್ಲಿ ತನಗೆ ಕ್ರಿಕೆಟ್​ ಕಲಿಸಿದ್ದ ಸುಶಾಂತ್​ ಇಲ್ಲ ಎಂಬ ಕಹಿ ಸತ್ಯವನ್ನು ನಂಬಲಾಗುತ್ತಿಲ್ಲವಂತೆ.

ದಿಗ್ವಿಜಯ್​ ಈಗ ವೃತ್ತಿಯಲ್ಲಿ ಕ್ರಿಕೆಟರ್​ ಆಗಿದ್ದು, ಈ ಸಲ ಮುಂಬೈ ಇಂಡಿಯನ್ಸ್​ ತಂಡದಲ್ಲಿದ್ದಾರೆ. 'ಐಪಿಎಲ್​ ಹರಾಜಿನಲ್ಲಿ ನನ್ನನ್ನು ಮುಂಬೈ ಜೊತೆ ಸೇರಿಸಲಾಗಿದೆ. ನಾನು ಸದ್ಯ ಮುಂಬೈನಲ್ಲೇ ಇದ್ದೇನೆ. ಸುಶಾಂತ್ ಅವರನ್ನು ಭೇಟಿ ಮಾಡಿಬೇಕೆಂದುಕೊಂಡಿದ್ದೆ' ಎಂದಿದ್ದಾರೆ ದಿಗ್ವಿಜಯ್​.

Dhruva Sarja: ಕೊನೆಯದಾಗಿ ಅಣ್ಣ ಚಿರು ಜೊತೆ ತೆಗೆದಿದ್ದ ಫೋಟೋ ಹಂಚಿಕೊಂಡ ಧ್ರುವ ಸರ್ಜಾ..!



ಇದನ್ನೂ ಓದಿ: Keerthy Suresh: ಕೀರ್ತಿ ಸುರೇಶ್​ ಒಂದು ಸಿನಿಮಾಗೆ ಪಡೆಯುವ ಸಂಭಾವನೆ ಎಷ್ಟು ಗೊತ್ತಾ..?