Pawan Kalyan: ಎರಡು ವರ್ಷದ ನಂತರ ಮತ್ತೆ ಬಣ್ಣ ಹಚ್ಚಿದ ಪವನ್ ಕಲ್ಯಾಣ್​..!

ಬಹಳ ಸಮಯದ ನಂತರ ಪವನ್​ ಕಲ್ಯಾಣ್​ ಬಣ್ಣದ ಲೋಕಕ್ಕೆ ಮರಳಿದ್ದಾರೆ. ಬರೋಬ್ಬರಿ ಎರಡು ವರ್ಷಗಳ ನಂತರ ಸಿನಿಮಾಗಾಗಿ ಪವರ್​ ಸ್ಟಾರ್​ ಬಣ್ಣ ಹಚ್ಚಿದ್ದಾರೆ. 2018ರಲ್ಲಿ ತೆರೆಕಂಡಿದ್ದ 'ಅಜ್ಞಾವಾಸಿ ಪವನ್​ ಅಭಿನಯದ ಕೊನೆಯ ಚಿತ್ರ.

ಆ ಸಿನಿಮಾದ ಬಳಿಕ ಸಂಪೂರ್ಣವಾಗಿ ರಾಜಕೀಯದಲ್ಲಿ ಮುಳುಗಿ ಹೋಗಿದ್ದರು. ಬಾಕ್ಸಾಫಿಸ್​ನಲ್ಲಿ 'ಅಜ್ಞಾತವಾಸಿ' ಸಿನಿಮಾ ಮುಗ್ಗರಿಸಿದ ನಂತರ ಪವನ್​ ಮತ್ತೆ ಯಾವಾಗ ಬಣ್ಣ ಹಚ್ಚಲಿದ್ದಾರೆ ಅಂತ ಅಭಿಮಾನಿಗಳು ಕಾಯುತ್ತಿದ್ದರು. ಆದರೆ ಈಗ ಪವನ್​ ಫ್ಯಾನ್ಸ್​ಗೆ ಸಿಹಿ ಸುದ್ದಿ ಸಿಕ್ಕಿದೆ.



ಪವನ್​ ಕಲ್ಯಾಣ್​ ಅಭಿನಯದ ಈ ಹೊಸ ಸಿನಿಮಾ ಹಿಂದಿಯಲ್ಲಿ ತೆರೆಕಂಡು ಬ್ಲಾಕ್​ಬಸ್ಟರ್​ ಹಿಟ್​ ಆದ 'ಪಿಂಕ್​' ರಿಮೇಕ್​. 'ಪಿಂಕ್​'ನಲ್ಲಿ ಅಮಿತಾಭ್​ ಅಭಿನಯಿಸಿದ್ದ ಪಾತ್ರವನ್ನು ತೆಲುಗಿನಲ್ಲಿ ಪವನ್​ ನಿರ್ವಹಿಸಲಿದ್ದಾರೆ. ಈ ಸಿನಿಮಾದ ಚಿತ್ರೀಕರಣ ಕಳೆದ ಸೋಮವಾರದಿಂದ ಆರಂಭವಾಗಿದೆ.





ಈ ಸಿನಿಮಾದ ಚಿತ್ರೀಕರಣ ನಡೆಯುತ್ತಿರುವ ಸೆಟ್​ನಿಂದ ಪವನ್​ ಅವರ ಚಿತ್ರಗಳು ಲೀಕ್​ ಆಗಿದ್ದು, ಸೋಮವಾರದಿಂದ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿವೆ.ಇನ್ನೂ ಹೆಸರಿಡದ ಈ ಚಿತ್ರವನ್ನು ವೇಣು ಶ್ರೀರಾಮ್​ ನಿರ್ದೇಸಿಸುತ್ತಿದ್ದಾರೆ. ಇದರಲ್ಲಿ ಅಂಜಲಿ ಹಾಗೂ ನಿವೇತಾ ಥಾಮಸ್​ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ ತ್ರಿವಿಕ್ರಂ ಶ್ರೀನಿವಾಸ್​ ಸಂಭಾಷಣೆ ಬರೆಯಲಿದ್ದಾರೆ ಎನ್ನಲಾಗುತ್ತಿದ್ದು, ಇನ್ನೂ ಉಳಿದ ತಾರಾಗಣದ ಪ್ರಕಟಣೆ ಆಗಬೇಕಿದೆ.

 

 Manvita: ಏನಾಯ್ತು ಕೆಂಡ ಸಂಪಿಗೆಯ ಮಾನ್ವಿತಾಗೆ...!