Vijay-Leo: ಭೂಕಂಪ ಪ್ರದೇಶದಲ್ಲಿ ವಿಜಯ್ ಅಭಿನಯದ ಲಿಯೋ ಶೂಟಿಂಗ್! ಅಭಿಮಾನಿಗಳಿಗೆ ಆತಂಕ

ಕಾಲಿವುಡ್​ನ (Kollywood) ಬಹುನಿರೀಕ್ಷಿತ ಸಿನಿಮಾ ಲಿಯೋ (Leo) ಅಪ್ಡೇಟ್ ಬಗ್ಗೆ ಅಭಿಮಾನಿಗಳು (Fans) ಥ್ರಿಲ್​ನಲ್ಲಿದ್ದಾರೆ. ಆದರೆ ಈಗ ಚಿತ್ರತಂಡ ಜಮ್ಮು ಕಾಶ್ಮೀರದಲ್ಲಿ (Jammu Kashmir) ಶೂಟಿಂಗ್  (Shooting) ಮಾಡುತ್ತಿದ್ದು ಅದೇ ಪ್ರದೇಶದಲ್ಲಿ ಭೂಕಂಪವಾಗಿದೆ (Earthquake). ಅಫ್ಘಾನಿಸ್ತಾನದ (Afghanistan) ನಂತರ ಇದೀಗ ಭಾರತದಲ್ಲಿ ಕೂಡಾ ಭೂಕಂಪ ಅನುಭವವಾಗಿದೆ. ವಿಜಯ್  (Vijay)ಅಭಿನಯದ ಮುಂದಿನ ಸಿನಿಮಾ ಆ್ಯಕ್ಷನ್ ಥ್ರಿಲ್ಲರ್ (Action Thriller) ಲಿಯೋ ಶೂಟಿಂಗ್ ಪ್ರಗತಿಯಲ್ಲಿದೆ. ಕಳೆದ ಕೆಲವು ವಾರಗಳಿಂದ ಜಮ್ಮು ಕಾಶ್ಮೀರದಲ್ಲಿ ಶೂಟಿಂಗ್ ಬಿರುಸಿನಿಂದ ಸಾಗುತ್ತಿದೆ. ಆದರೆ ಮಂಗಳವಾರ 6.5 ಮಾಗ್ನಿಟ್ಯೂಡ್​ನಲ್ಲಿ ಅಫ್ಘಾನಿಸ್ತಾನದಲ್ಲಿ ಭೂಕಂಪವಾದ ನಂತರ ಅದರ ಪರಿಣಾಮ ಉತ್ತರ ಭಾರತದ ಕೆಲವು ಪ್ರದೇಶಗಳಲ್ಲಿ ಕಂಡುಬಂತು. ಜಮ್ಮು ಕಾಶ್ಮೀರ, ದೆಹಲಿ (Delhi) ಸೇರಿ ಹಲವು ಪ್ರದೇಶದಲ್ಲಿ ಭೂಕಂಪ ಅನುಭವವಾಗಿದೆ.

ಕಾಶ್ಮೀರದಲ್ಲಿ ಭೂಕಂಪ ಅನುಭವವಾಗಿದ್ದು ಅಲ್ಲಿಯೇ ಚಿತ್ರತಂಡವೂ ಶೂಟಿಂಗ್ ಮಾಡುತ್ತಿದೆ. ಈ ನಿಟ್ಟಿನಲ್ಲಿ ವಿಜಯ್ ಅಭಿಮಾನಿಗಳು ಆತಂಕ ವ್ಯಕ್ತಪಡಿಸಿದ್ದರು. ಚಿತ್ರತಂಡ ಸೇಫ್ ಆಗಿದೆಯೇ ಎಂದು ಭಯಗೊಂಡಿದ್ದರು ಜನ. ಆ ನಂತರ ಲಿಯೋ ಟೀಮ್ ಟ್ವಿಟರ್​ನಲ್ಲಿ ತಾವು ಕ್ಷೇಮವಾಗಿರುವುದಾಗಿ ತಿಳಿಸಿದ್ದಾರೆ. ಚಂದ್ರಮುಖಿ ಸಿನಿಮಾದಲ್ಲಿ ವಡಿವೇಲು ಜಿಫ್ ಶೇರ್ ಮಾಡಿದ ಚಿತ್ರತಂಡ ತಾವು ಸೇಫ್ ಎಂದು ತಿಳಿಸಿದ್ದಾರೆ. ನಾವು ಸೇಫಾಗಿದ್ದೇವೆ ಗೆಳೆಯ. ಟೀಮ್ ಲಿಯೋ ಎಂದು ಬರೆದಿದ್ದಾರೆ.

We are safe nanba 😇

- Team #LEO pic.twitter.com/WAOeiP94uM

— Seven Screen Studio (@7screenstudio) March 21, 2023

ಲಿಯೋ ಸಿನಿಮಾ ಮೂಲಕ ವಿಜಯ್ ಹಾಗೂ ಲೋಕೇಶ್ ಕನಕರಾಜ್ ಒಂದಾಗುತ್ತಿದ್ದಾರೆ. ಈ ಕಾಂಬಿನೇಷನ್​ನಲ್ಲಿ ಮಾಸ್ಟರ್ ಸಿನಿಮಾ ಬಂದಿತ್ತು. ಇದು ಮತ್ತೊಂದು ಗ್ಯಾಂಗ್​ಸ್ಟರ್ ಸಿನಿಮಾ ಆಗಲಿದೆ ಎನ್ನಲಾಗಿದ್ದು ಇದರಲ್ಲಿ ಹೈ ಆ್ಯಕ್ಷನ್ ಇರಲಿದೆ ಎನ್ನಲಾಗಿದೆ. ನಟ ಸಂಜಯ್ ದತ್, ಮಿಸ್ಸಿಕಿನ್, ಗೌತಮ್ ವಾಸುದೇವ್ ಮೆನನ್, ಅರ್ಜುನ್, ಪ್ರಿಯಾ ಆನಂದ್ ನಟಿಸುತ್ತಿದ್ದಾರೆ.

ಕೆಲವು ವಾರಗಳ ಹಿಂದೆ ನಟ ಸಂಜಯ್ ದತ್ ಅವರು ಲಿಯೋ ತಂಡವನ್ನು ಸೇರಿಕೊಂಡಿದ್ದಾರೆ. ಇದರಲ್ಲಿ ಸಂಜೂ ಮೈನ್ ವಿಲನ್ ಆಗಿ ನಟಿಸಿದ್ದಾರೆ. ಇದು ಸಂಜಯ್ ದತ್ ಅವರ ಮೊದಲ ತಮಿಳು ಸಿನಿಮಾ ಎನ್ನುವುದು ವಿಶೇಷ. ಇದು ಸಂಜಯ್ ದತ್ ಅವರಿಗೆ ಕೆಜಿಎಫ್ 2 ನಂತರ ದೊಡ್ಡ ಸೌತ್ ರಿಲೀಸ್ ಆಗಿರಲಿದೆ.

ಏಪ್ರಿಲ್​ನಲ್ಲಿ ಚೆನ್ನೈಗೆ ಮರಳಲಿದೆ ಚಿತ್ರತಂಡ

ಚಿತ್ರತಂಡ ಕಾಶ್ಮೀರದಲ್ಲಿ ಶೂಟಿಂಗ್ ಮಾಡುತ್ತಿದ್ದು ಏಪ್ರಿಲ್​ನಲ್ಲಿ ಚಿತ್ರೀಕರಣ ಮುಗಿಸಲಿದೆ. ನಂತರ ಚಿಕ್ಕ ಬ್ರೇಕ್​​ಗಾಗಿ ಚೆನ್ನೈಗೆ ಬರಲಿದೆ. ಇದೀಗ ಹೈದರಾಬಾದ್​ನಲ್ಲಿ ಚಿತ್ರೀಕರಣಕ್ಕಾಗಿ ಏರ್ಪೋರ್ಟ್ ಸೆಟ್ ಹಾಕಲಾಗುತ್ತಿದೆ.

ಇದನ್ನೂ ಓದಿ: Thalapathy Vijay: ವಿಜಯ್-ಸಂಗೀತಾ ಸಂಸಾರದಲ್ಲಿ ಹುಳಿ ಹಿಂಡಿದ್ದೇ ಕೀರ್ತಿ ಸುರೇಶ್ ಅಂತೆ! 'ಮಹಾನಟಿ'ನ ಮದ್ವೆಯಾಗ್ತಾರಾ 'ದಳಪತಿ'?

ಲಿಯೋ ಡೈರೆಕ್ಟರ್ ಲೋಕೇಶ್ ಕನಕರಾಜ್ ಅವರು ಲಿಯೋ ಒಂದು ಗ್ಯಾಂಗ್​ಸ್ಟರ್ ಸಿನಿಮಾ ಎಂದು ದೃಢಪಡಿಸಿದ್ದಾರೆ. ಆದರೆ ಅವರು ಮಾಡುತ್ತಿರುವ ಸಿರೀಸ್ ಸಿನಿಮಾಗಳ ಸಾಲಿಗೆ ಸೇರುವುದಿಲ್ಲ ಎಂದು ತಮಿಳು ನಿರ್ದೇಶಕ ಸ್ಪಷ್ಟಪಡಿಸಿದ್ದಾರೆ. ಎಲ್​ಸಿಯು (ಲೋಕೇಶ್ ಸಿನಿಮಾಟಿಕ್ ಯುನಿವರ್ಸ್) ಎಂದು ಕರೆಯಲ್ಪಡುವ ಸಿನಿಮಾ ಸಿರೀಸ್​ಗಳು ವಿಕ್ರಮ್ ಮೂಲಕ ಶುರುವಾಗಿದೆ.

ಲಿಯೋ ಸಿನಿಮಾ ಮುಗಿಸಿದ ನಂತರ ನಿರ್ದೇಶಕ ಕನಕರಾಜ್ ಅವರು ಕಾರ್ತಿ ಜೊತೆ ಖೈದಿ 2 ಸಿನಿಮಾವನ್ನು ಮಾಡಲಿದ್ದಾರೆ. ಕೈದಿಯಲ್ಲಿ ಕಾರ್ತಿ ಜೈಲಿನಲ್ಲಿರುವ ಖೈದಿಯಾಗಿ ಕಾಣಿಸಿಕೊಂಡಿದ್ದಾರೆ. ಮಗಳನ್ನು ಭೇಟಿ ಮಾಡಲು ಪರೋಲ್​ನಲ್ಲಿ ಹೊರಬರುವ ಖೈದಿ ಕಾರ್ತಿಯ ಕಥೆ ಇದು.