28 ವರ್ಷಗಳ ನಂತರ ಪುನೀತ್​ಗಾಗಿ ಚಂದನವನಕ್ಕೆ ಕಾಲಿಟ್ಟ ನಟಿ ರಾಧಿಕಾ ಶರತ್​ಕುಮಾರ್​

ಕೇವಲ ಸಿನಿಮಾದ ಟೈಟಲ್​ ಹಾಗೈ ಫಸ್ಟ್​ ಲುಕ್​ನಿಂದಲೇ ಸಾಕಷ್ಟು ಹವಾ ಹುಟ್ಟಿಸಿದೆ ಪವರ್​ ಸ್ಟಾರ್​ ಪುನೀತ್​ ಅಭಿನಯದ 'ಯುವರತ್ನ' ಸಿನಿಮಾ. 'ರಾಜಕುಮಾರ' ಸಿನಿಮಾದ ನಂತರ ಎರಡನೇ ಬಾರಿಗೆ ಪುನೀತ್ ಹಾಗೂ ಸಂತೋಷ್​ ಆನಂದ್​ ರಾಮ್​ ಒಂದಾಗಿರುವುದು ಈ ಚಿತ್ರದ ಮತ್ತೊಂದು ಹೈಲೈಟ್​.

ಇದನ್ನೂ ಓದಿ: ಪಕ್ಷಿಗಳ ರಕ್ಷಣೆಗೆ ಕರೆ ನೀಡಿದ ನಟಿ ಗೋಲ್ಡನ್​ ಕ್ವೀನ್​ ಅಮೂಲ್ಯ

ಪುನೀತ್​ ಹುಟ್ಟುಹಬ್ಬದಂದೇ (ಮಾ.16) ಈ ಸಿನಿಮಾದ ಫಸ್ಟ್​ಲುಕ್​ ಬಿಡುಗಡೆ ಮಾಡಿರುವ ಚಿತ್ರತಂಡ ಈಗ ಮತ್ತೊಂದು ಗುಡ್​ ನ್ಯೂಸ್​ ಕೊಟ್ಟಿದೆ. ಅದು ಈ ಈ ತಂಡಕ್ಕೆ ಬಹು ಭಾಷಾ ನಟಿ ರಾಧಿಕಾ ಶರತ್ ಕುಮಾರ್ ಸೇರ್ಪಡೆಯಾಗಿದ್ದಾರೆ. ಈ ಬಗ್ಗೆ ನಿರ್ದೇಶಕ ಸಂತೋಷ್ ಆನಂದ್​ ರಾಮ್​ ಟ್ವೀಟ್​ ಮಾಡಿದ್ದಾರೆ.

Welcome @realradikaa Madam on board 👍 it’s a Privilege to work with u For #YuvaRathnaa🙌Her come back to Kannada films After “Jeevana Chakra” (starring Legendary Vishnu sir ) in 1985... pic.twitter.com/NB7nepg3OL

— Santhosh Ananddram (@SanthoshAnand15) March 19, 2019

ನಟಿ ರಾಧಿಕಾ ಶರತ್ ಕುಮಾರ್ 'ಯುವರತ್ನ' ಸಿನಿಮಾದಲ್ಲಿ ವಿಶೇಷ ಪಾತ್ರವೊಂದನ್ನ ನಿರ್ವಹಿಸಲಿದ್ದಾರೆ. ಆನಂದ್​ ರಾಮ್​ ಅವರ ಟ್ವೀಟ್​ಗೆ ರಾಧಿಕಾ ಖುಷಿಯಿಂದಲೇ ಪ್ರತಿಕ್ರಿಯಿಸಿದ್ದಾರೆ.

So happy to be part of #YuvaRathnaa thrilled to be working with @PuneethRajkumar and Dir Santosh🙏🏻🙏🏻 https://t.co/8Ruz4NJXSn

— Radikaa Sarathkumar (@realradikaa) March 20, 2019

ತೆಲುಗು, ತಮಿಳು, ಮಲಯಾಳಂ, ಕನ್ನಡ ಸೇರಿದಂತೆ ಹಿಂದಿಯಲ್ಲೂ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ದ್ವಾರಕೀಶ್​ ಅವರೊಂದಿಗೆ ರಾಧಿಕಾ 'ಪ್ರಚಂಡ ಕುಳ್ಳ' ಸಿನಿಮಾದಲ್ಲಿ ತೆರೆ ಹಂಚಿಕೊಂಡರೆ, ವಿಷ್ಣುವರ್ಧನ್​ ಅವರೊಂದಿಗೆ 'ಜೀವನ ಚಕ್ರ' ಚಿತ್ರದಲ್ಲೂ ಅಭಿನಯಿಸಿದ್ದಾರೆ. ಅಷ್ಟೇ ಅಲ್ಲ ಶಂಕರ್ ನಾಗ್​, ಗೀತಾ ಅಭಿನಯದ 'ನಾಗಿಣಿ' ಸಿನಿಮಾದಲ್ಲೂ ರಾಧಿಕಾ ಅಭಿನಯಿಸಿದ್ದು, ಈಗ 28 ವರ್ಷಗಳ ನಂತರ ಮತ್ತೆ ಕನ್ನಡ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಇನ್ನೂ ಈ ಹಿಂದೆ ಸಹ ಈ ಸಿನಿಮಾದ ನಾಯಕಿಯನ್ನು ಬಗ್ಗೆ ತಿಳಿಸುವಾಗಲೂ ಸಂತೋಷ್​ ಆನಂದ್​ ರಾಮ್​ ಟ್ವೀಟ್​ ಮಾಡುವ ಮೂಲಕವೇ ಪರಿಚಯಿಸಿದ್ದರು. ಇನ್ನೂ ಈ ಸಿನಿಮಾ ಕುರಿತಂತೆ ಸಾಕಷ್ಟು ಕೂತುಹಲಗಳು ಬಾಕಿವೆ ಅನ್ನೋದಂತೂ ಖಚಿತ.  ಸದ್ಯ ಚಿತ್ರತಂಡ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಈ ಸಿನಿಮಾ ಶೀಘ್ರದಲ್ಲೇ  ತೆರೆಕಾಣಲಿದೆ.

- ಅನಿತಾ ಈ, 

 PHOTOS: ಮೇಡಮ್​ ಟುಸ್ಸಾಡ್​ನಲ್ಲಿ ತನ್ನದೇ ಮೇಣದ ಪ್ರತಿಮೆಯೊಂದಿಗೆ ನಿಂತು ನಗೆ ಚೆಲ್ಲಿದ ದೀಪಿಕಾ ಪಡುಕೋಣೆ..!