ನಕ್ಕು ನಗಲು ತಯಾರಾಗಿರಿ; ಮತ್ತೆ ಬರಲಿದೆ ‘ಮಜಾ ಟಾಕೀಸ್​‘

ಕನ್ನಡದ ಕಿರುತೆರೆಯಲ್ಲಿ ಹೊಸ ಅಲೆ ಎಬ್ಬಿಸಿದ ಟಾಕಿಂಗ್​ ಶೋ ಮಜಾ ಟಾಕೀಸ್​ ಸಾಕಷ್ಟು ಜನಪ್ರಿಯಗೊಂಡಿತ್ತು. ಸಿಸನ್​ 1 ಮತ್ತು ಸೀಸನ್ 2​ ಕಾರ್ಯಕ್ರಮ ಯಶಸ್ವಿಗೊಂಡು ಜನಮನ್ನಣೆ ಗೆದ್ದಿತ್ತು. ಈ ಕಾರ್ಯಕ್ರಮವನ್ನು ಟಾಕಿಂಗ್​​​​ ಸ್ಟಾರ್​​ ಸೃಜನ್​ ಲೋಕೆಶ್​ ನಿರೂಪಣೆ ಮಾಡುತ್ತಾ ಬಂದಿದ್ದರು. ಇದೀಗ ಮಜಾ ಟಾಕೀಸ್​ ಸೀಸನ್​ 3 ಶೋ ಬರಲು ಸಜ್ಜಾಗಿದೆ.

ಮಜಾ ಟಾಕೀಸ್​ ಸೀಸನ್​ 2 ಕಾರ್ಯಕ್ರಮ ಪೂರ್ಣಗೊಂಡ ನಂತರ  ಇದೀಗ ಸೀಸನ್​ 3 ಬಗ್ಗೆ ಚರ್ಚೆ ನಡೆಯುತ್ತಿದೆ. ಸದ್ಯದಲ್ಲೇ ಈ ಕಾರ್ಯಕ್ರಮ ಟಿವಿಯಲ್ಲಿ ಮೂಡಿ ಬರಲಿದೆ. ಮಜಾ ಟಾಕೀಸ್​ ಸೀಸನ್​ 1 ಮತ್ತು ಸೀಸನ್​ 2 ಕಲರ್ಸ್​ ವಾಹಿನಿಯಲ್ಲಿ ಪ್ರಸಾರಗೊಂಡಿತ್ತು.

ಸೃಜನ್​​ ಲೋಕೆಶ್​ ಅವರ ನಿರೂಪಣೆಯಲ್ಲಿ ಮೂಡಿಬರುತ್ತಿರುವ ಮಜಾ ಟಾಕೀಸ್ ಸೀಸನ್ 1 ಮತ್ತು ಸೀಸನ್​ 2​ದಲ್ಲಿ ಇಂದ್ರಜಿತ್​ ಲಂಕೇಶ್​​ ಸೇರಿದಂತೆ ನಟಿ ಶ್ವೇತ ಚಂಗಪ್ಪ, ಅಪರ್ಣ, ಮಿಮಿಕ್ರಿ ದಯಾನಂದ್​​, ಮಂಡ್ಯ ರಮೇಶ್​​, ಕುರಿ ಪ್ರತಾಪ್​​, ವಿಶ್ವ, ಪವನ್​ ಕುಮಾರ್​ ಮತ್ತು ರೇಖಾ ಕಾಣಿಸಿಕೊಂಡಿದ್ದರು. ಪ್ರತಿ ಎಪಿಸೋಡ್​​ನಲ್ಲಿ ಹೊಸ ಕಾನ್ಸೆಪ್ಟ್​ ಇಟ್ಟುಕೊಂಡು ವೀಕ್ಷಕರಿಗೆ ಮನರಂಜನೆಯನ್ನು ನೀಡಲಾಗುತ್ತಿತ್ತು.

ಇದೀಗ ಮತ್ತೆ ಪ್ರೇಕ್ಷಕರನ್ನು ನಗುವಿತ್ತ ಕೊಂಡೊಯ್ಯಲು ಮಜಾ ಟಾಕೀಸ್​ ಸೀಸನ್​ 3 ಮೂಲಕ ಬರಲು ಸಿದ್ಧತೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಸದ್ಯದಲ್ಲೇ ಈ ಕಾರ್ಯಕ್ರಮ ಟಿವಿ ಪರದೆಯ ಮೇಲೆ ಬರುವ ಮೂಲಕ ಪ್ರೇಕ್ಷಕರಿಗೆ ನಗುವಿನ ಟಾನಿಕ್​ ನೀಡಲಿದೆ

ಕಾಡು ಪ್ರಾಣಿಗಳ ಕುರಿತು ವಿಭಿನ್ನ ಕಥೆ ಹೇಳಲು ಹೊರಟಿದ್ದಾರೆ ರಿಷಬ್​​ ಶೆಟ್ಟಿ!