HOME » NEWS » Entertainment » SUSHANT SINGH RAJPUTS APARTMENT IS UP FOR LEASE FOR RS 4 LAKH PER MONTH KVD

ನಟ ಸುಶಾಂತ್ ಸಿಂಗ್ ಮೃತಪಟ್ಟಿದ್ದ ಅಪಾರ್ಟ್​​​ಮೆಂಟ್​​ ಪ್ಲ್ಯಾಟ್ ಇನ್ನೂ ಖಾಲಿ: ಮಾಲೀಕರ ಅಳಲು

ಮನೆಯ ಬೆಡ್​ ರೂಂನಲ್ಲೇ ಸುಶಾಂತ್​ ಸಿಂಗ್​ ಮೃತದೇಹ ಸಿಕ್ಕಿದ್ದರಿಂದ ಹಲವರು ಹೆದರುತ್ತಿದ್ದಾರಂತೆ. ಆದರೆ ನಟ ನೆಲೆಸಿದ್ದ ಮನೆಯನ್ನು ನೋಡಲು, ಆ ಬಗ್ಗೆ ತಿಳಿದುಕೊಳ್ಳಲು ಮಾತ್ರ ಇಷ್ಟಪಡುತ್ತಿದ್ದಾರಂತೆ.

Kavya V | news18-kannada
Updated:June 15, 2021, 5:50 PM IST
ನಟ ಸುಶಾಂತ್ ಸಿಂಗ್ ಮೃತಪಟ್ಟಿದ್ದ ಅಪಾರ್ಟ್​​​ಮೆಂಟ್​​ ಪ್ಲ್ಯಾಟ್ ಇನ್ನೂ ಖಾಲಿ: ಮಾಲೀಕರ ಅಳಲು
photo courtesy : Asian Paints
  • Share this:
ಬಾಲಿವುಡ್​ ನಟ ಸುಶಾಂತ್​ ಸಿಂಗ್​ ರಜಪೂತ್​​ ಮೃತಪಟ್ಟು ನಿನ್ನೆಗೆ (ಜೂ.14) ಒಂದು ವರ್ಷ ಕಳೆದಿದೆ. ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ನೆಚ್ಚಿನ ನಟನನ್ನು ಸ್ಮರಿಸಿದ್ದಾರೆ. ವರ್ಷ ಕಳೆದರೂ ಸುಶಾಂತ್​ ಸಾವಿನ ಸುತ್ತ ಇನ್ನೂ ನಿಗೂಢತೆ ಮರೆಯಾಗಿಲ್ಲ. ಕಳೆದ ವರ್ಷ ಜೂ.14ರಂದು ಮುಂಬೈನ ಮಾಂಟ್​ ಬ್ಲಾಂಕ್​​ ಅಪಾರ್ಟ್​​ಮೆಂಟ್​ನ ಪ್ಲ್ಯಾನ್​ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಸುಶಾಂತ್​ ಮೃತದೇಹ ಸಿಕ್ಕಿತ್ತು. ತದನಂತರ ಪೊಲೀಸರು ತನಿಖೆ ಕೈಗೊಂಡು ಹಲವು ಬಾಲಿವುಡ್​​ ನಟನಟಿಯರನ್ನು ವಿಚಾರಣೆಗೆ ಒಳಪಡಿಸಿದ್ದರು. ನಟನ ಸಾವಿನ ನ್ಯಾಯಕ್ಕಾಗಿ ಆಗ್ರಹಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ಮಟ್ಟದ ಕ್ಯಾಂಪೇನ್​ಗಳ ನಡೆದಿದ್ದವು.

ನಟ ಸುಶಾಂತ್​ ಸಿಂಗ್​ ಬದುಕಿದ್ದರೆ 2022ರ ಡಿಸೆಂಬರ್​​ವರೆಗೆ ಮಾಂಟ್​ ಬ್ಲಾಂಕ್​​ ಅಪಾರ್ಟ್​​ಮೆಂಟ್​ನ ಪ್ಲ್ಯಾನ್ ನೆಲೆಸಿರುತ್ತಿದ್ದರು. 2019ರಲ್ಲಿ 3 ವರ್ಷಗಳ ಕಾಲಕ್ಕೆ ಮನೆಯನ್ನು ಸುಶಾಂತ್​ ಬಾಡಿಗೆಗೆ ಪಡೆದಿದ್ದರು. ಆದರೆ ಅಕಾಲಿ ಸಾವಿನಿಂದ ಒಡೆಯನಿಲ್ಲದೇ ಇಡೀ ಮನೆ ಬಿಕೋ ಎನ್ನುತ್ತಿತ್ತು. ಸುಶಾಂತ್​ ಸಾವಿನ ಬಳಿಕ ಇಡೀ ಮನೆಯನ್ನು ಪೊಲೀಸರು ವಶಕ್ಕೆ ಪಡೆದು ಪರಿಶೀಲನೆ ನಡೆಸಿದ್ದರು. ಸಾಕ್ಷ್ಯ ನಾಶ ಭೀತಿಯಲ್ಲಿ ಕೆಲವೊಂದಷ್ಟು ದಿನ ಮನೆಯೊಳಗೆ ಯಾರಿಗೂ ಪ್ರವೇಶವಿರಲಿಲ್ಲ. ಈಗ ಸುಶಾಂತ್​ ಕುಟುಂಬಸ್ಥರು ಮನೆಯ ಬಾಡಿಗೆಯನ್ನು ಅಂತ್ಯಗೊಳಿಸಿದ್ದಾರೆ

ಸದ್ಯ ಸುಶಾಂತ್​ ನೆಲೆಸಿದ್ದ, ಅವರ ಮೃತದೇಹ ದೊರೆತಿದ್ದ ಮನೆ ಖಾಲಿಯಾಗಿದೆ. ಮಾಲೀಕರು ಪ್ಲ್ಯಾಟ್​ನ ಮತ್ತೆ ಬಾಡಿಗೆಗೆ ಕೊಡಲು ಮುಂದಾಗಿದ್ದಾರೆ. ಸುಶಾಂತ್​ ಪ್ರತಿ ತಿಂಗಳು ಈ ಪ್ಲ್ಯಾಟ್​ಗೆ 4.5 ಲಕ್ಷ ಬಾಡಿಗೆ ಕಟ್ಟುತ್ತಿದ್ದರು. ಆದರೆ ಈಗ ಮಾಲೀಕರು 4 ಲಕ್ಷಕ್ಕೆ ಬಾಡಿಗೆ ನೀಡಲು ಮುಂದಾಗಿದ್ದಾರೆ. ಬಾಡಿಕೆದಾರರು ಮನೆಯ ಬಗ್ಗೆ ವಿಚಾರಿಸಿ, ಸುಶಾಂತ್​ ಸಿಂಗ್​ ಈ ಮನೆಯಲ್ಲಿ ಹೇಗಿದ್ದರು ಎಂದು ತಿಳಿದುಕೊಳ್ಳಲು ಉತ್ಸಾಹ ತೋರುತ್ತಾರಂತೆ. ಆದರೆ ಎಲ್ಲವನ್ನೂ ತಿಳಿದುಕೊಂಡ ಬಳಿಕ ಯಾರೂ ಮನೆಗೆ ಬರುತ್ತಿಲ್ಲವಂತೆ.

ಇದನ್ನೂ ಓದಿ: Sanchari Vijay Mistake: ಕೊನೆ ಕ್ಷಣದಲ್ಲಿ ಸಂಚಾರಿ ವಿಜಯ್ ಅದೊಂದು ತಪ್ಪು ಮಾಡದಿದ್ದರೆ ಅನಾಹುತ ತಪ್ಪುತ್ತಿತ್ತು!

ಮನೆಯ ಬೆಡ್​ ರೂಂನಲ್ಲೇ ಸುಶಾಂತ್​ ಸಿಂಗ್​ ಮೃತದೇಹ ಸಿಕ್ಕಿದ್ದರಿಂದ ಹಲವರು ಹೆದರುತ್ತಿದ್ದಾರಂತೆ. ಆದರೆ ನಟ ನೆಲೆಸಿದ್ದ ಮನೆಯನ್ನು ನೋಡಲು, ಆ ಬಗ್ಗೆ ತಿಳಿದುಕೊಳ್ಳಲು ಮಾತ್ರ ಇಷ್ಟಪಡುತ್ತಿದ್ದಾರಂತೆ. ಮನೆಯಿಂದಲೇ ಸಮುದ್ರ ಕಾಣುವ ಈ ಪ್ಲ್ಯಾಟ್​ ಎಂತವರಿಗಾದರೂ ಇಷ್ಟವಾಗುತ್ತೆ. ಆದರೆ ಯಾರೊಬ್ಬರು ಬಾಡಿಗೆಗೆ ಬರದೇ ಇರುವುದು ಬೇಸರ ತರಿಸಿದೆ ಎಂದು ಮನೆ ಮಾಲೀಕರು ತಿಳಿಸಿದ್ದಾರೆ.

ಮನೆಯನ್ನು ಸುಶಾಂತ್​ ತಮಗೆ ಬೇಕಾದಂತೆ ಕಾಲಾತ್ಮಕವಾಗಿ ಇಂಟಿರಿಯರ್​ ಡಿಸೈನ್​ ಮಾಡಿಕೊಂಡಿದ್ದರು. ರೂಂ ಮೇಟ್​ ಪಿಟಾನಿ ಹಾಗೂ ಗರ್ಲ್​ಫ್ರೆಂಡ್​​ ರಿಯಾ ಚಕ್ರವರ್ತಿ ಜೊತೆ ಮನೆಯಲ್ಲಿ ನೆಲೆಸಿದ್ದರು. ಅಡುಗೆ ಮಾಡುವವರು, ಮನೆ ಕೆಲಸದವರು ಇವರೊಂದಿಗೆ ಇರುತ್ತಿದ್ದರಂತೆ. ಸುಶಾಂತ್​ ಮೃತಪಟ್ಟ ವೇಳೆ ಮನೆಯಲ್ಲಿ ಇಬ್ಬರು ಕೆಲಸಗಾರರು ಇದ್ದರು. ಕೆಲ ದಿನಗಳ ಹಿಂದೆಯಷ್ಟೇ ಗರ್ಲ್​​​ಫ್ರೆಂಡ್​ ರಿಯಾ ಮನೆ ತೊರೆದಿದ್ದರು. ಸದ್ಯ ಈ ಮನೆ ಖಾಲಿಯಾಗಿದ್ದು, ಯಾರೂ ಬಾಡಿಗೆ ಬರಲು ಮುಂದಾಗುತ್ತಿಲ್ಲ ಎಂದು ಮಾಲೀಕರು ಅಳಲು ತೋಡಿಕೊಂಡಿದ್ದಾರೆ.  ಮೂಢನಂಬಿಕೆಗಳನ್ನು ನಂಬುವವರು ಇರುವುದರಿಂದ ಮನೆ ಖಾಲಿ ಉಳಿದಿದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.



ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಕೋವಿಡ್​​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.
Published by: Kavya V
First published: June 15, 2021, 5:50 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories