HOME » NEWS » Entertainment » SUSHANT SINGH RAJPUT DEATH CASE NCB FILES CRIMINAL CASE AGAINST RHEA CHAKRABORTY OTHERS RMD

ರಿಯಾಗೂ ಡ್ರಗ್​ ಡೀಲರ್​ಗೂ ನಂಟು?; ಕ್ರಿಮಿನಲ್​ ಕೇಸ್​ ದಾಖಲಿಸಿಕೊಂಡ ಎನ್​ಸಿಬಿ

ರಿಯಾಪರ ವಕೀಲರು ಈ ಆರೋಪವನ್ನು ಅಲ್ಲಗಳೆದಿದ್ದಾರೆ. ರಿಯಾ ಜೀವನದಲ್ಲಿ ಎಂದಿಗೂ ಡ್ರಗ್ಸ್​ ತೆಗೆದುಕೊಂಡವರಲ್ಲ. ಈಗ ಹರಡುತ್ತಿರುವ ಸುದ್ದು ಸುಳ್ಳು. ರಿಯಾ ರಕ್ತ ಪರೀಕ್ಷೆಗೂ ಸಿದ್ಧರಿದ್ದಾರೆ ಎಂದು ತಿಳಿಸಿದ್ದಾರೆ.

news18-kannada
Updated:August 27, 2020, 7:59 AM IST
ರಿಯಾಗೂ ಡ್ರಗ್​ ಡೀಲರ್​ಗೂ ನಂಟು?; ಕ್ರಿಮಿನಲ್​ ಕೇಸ್​ ದಾಖಲಿಸಿಕೊಂಡ ಎನ್​ಸಿಬಿ
ಸುಶಾಂತ್​ ಸಿಂಗ್​ ರಜಪೂತ್​-ರಿಯಾ
  • Share this:
ನಟ ಸುಶಾಂತ್​ ಸಿಂಗ್​ ಆತ್ಮಹತ್ಯೆ ಪ್ರಕರಣ ಬೇರೆ ಬೇರೆ ತಿರುವು ಪಡೆದುಕೊಳ್ಳುತ್ತಿದೆ. ಸುಶಾಂತ್​ ಮಾಜಿ ಪ್ರೇಯಸಿ ರಿಯಾ ಚರ್ಕವರ್ತಿ ನಟನ ಖಾತೆಯಿಂದ ಹಣ ವರ್ಗಾವಣೆ ಮಾಡಿಕೊಂಡಿದ್ದರು ಎನ್ನುವ ವಿಚಾರ ಬೆಳಕಿಗೆ ಬಂದಿತ್ತು. ಈಗ ರಿಯಾ ಬ್ಯಾನ್ ಮಾಡಲಾಗಿರುವ ಡ್ರಗ್ಸ್​​ಗಳನ್ನು ತೆಗೆದುಕೊಳ್ಳುತ್ತಿದ್ದರೇ ಎನ್ನುವ ಅನುಮಾನಗಳು ಮೂಡಿವೆ.

ಸುಶಾಂತ್​ ಸಿಂಗ್​ ಮೃತಪಡಲು ಖಿನ್ನತೆಯೇ ಕಾರಣ ಎನ್ನಲಾಗಿತ್ತು. ಇದರ ಜಾಡು ಹಿಡಿದು ಹೋದಾಗ ಬಾಲಿವುಡ್​ನ ದಿಗ್ಗಜ್ಜರು ಸುಶಾಂತ್​ಗೆ ಸಿನಿಮಾ ಆಫರ್​ಗಳು ಬರದಂತೆ ಮಾಡಿದ್ದರು ಎನ್ನುವ ಮಾಹಿತಿ ಹೊರ ಬಿದ್ದಿತ್ತು. ಇನ್ನು, ಆತ್ಮಹತ್ಯೆ ಪ್ರಕರಣದಲ್ಲಿ ರಿಯಾ ಹಸ್ತಕ್ಷೇಪ ಕೂಡ ಇದೆ ಎನ್ನಲಾಗಿತ್ತು. ಈ ವಿಚಾರ ಚರ್ಚೆಯಲ್ಲಿರುವಾಗಲೇ ದೊಡ್ಡ ಮೊತ್ತದ ಹಣ ಸುಶಾಂತ್​ ಖಾತಯಿಂದ ರಿಯಾ ಖಾತೆಗೆ ವರ್ಗಾವಣೆ ಆಗಿದೆ ಎಂದು ಸುಶಾಂತ್​ ತಂದೆ ದೂರಿದ್ದರು. ಈ ದೂರಿನ ಅಡಿಯಲ್ಲಿ ಜಾರಿ ನಿರ್ದೇಶನಾಲಯದ (ಇಡಿ) ಅಧಿಕಾರಿಗಳು ದೂರು ದಾಖಲು ಮಾಡಿಕೊಂಡಿದ್ದರು.

ಕಳೆದ ಕೆಲ ದಿನಗಳಿಂದ ರಿಯಾ ಹಾಗೂ ಅವರ ಕುಟುಂಬವನ್ನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ವಿಚಾರಣೆ ನಡೆಸುತ್ತಿದ್ದಾರೆ. ಕೆಲ ವಾಟ್ಸ್​​ಆಪ್ ಮೆಸೇಜ್​ಗಳನ್ನು ಡಿಲೀಟ್​ ಮಾಡಿರುವುದು ತನಿಖೆ ವೇಳೆ ಬೆಳಕಿಗೆ ಬಂದಿದೆ. ಇದು ಡ್ರಗ್​ ಡೀಲರ್​ಗಳಿಗೆ ಕಳುಹಿಸಲಾದ ಮೆಸೇಜ್​ ಎಂದು ಹೇಳಲಾಗಿದೆ. ಹೀಗಾಗಿ ಈ ಬಗ್ಗೆ ವಿಚಾರಣೆ ನಡೆಸುವಂತೆ ಇಡಿ ಮಾದಕವಸ್ತು ನಿಯಂತ್ರಣ ದಳಕ್ಕೆ (ಎನ್​ಸಿಬಿ) ಪತ್ರ ಬರೆದಿತ್ತು. ಅಧಿಕೃತವಾಗಿ ಪತ್ರ ದೊರೆತ ನಂತರದಲ್ಲಿ ರಿಯಾ ವಿರುದ್ಧ ಎನ್​ಸಿಬಿ ಕ್ರಿಮಿನಲ್​ ಪ್ರಕರಣ ದಾಖಲು ಮಾಡಿಕೊಂಡಿದೆ.

ಇದನ್ನೂ ಓದಿ: SPB Health Update : ಎಸ್ ಬಿಪಿ ಆರೋಗ್ಯದಲ್ಲಿ ಚೇತರಿಕೆ ; ಆಸ್ಪತ್ರೆಯಿಂದ ಪ್ರಕಟಣೆ

ಇನ್ನು ರಿಯಾಪರ ವಕೀಲರು ಈ ಆರೋಪವನ್ನು ಅಲ್ಲಗಳೆದಿದ್ದಾರೆ. ರಿಯಾ ಜೀವನದಲ್ಲಿ ಎಂದಿಗೂ ಡ್ರಗ್ಸ್​ ತೆಗೆದುಕೊಂಡವರಲ್ಲ. ಈಗ ಹರಡುತ್ತಿರುವ ಸುದ್ದು ಸುಳ್ಳು. ರಿಯಾ ರಕ್ತ ಪರೀಕ್ಷೆಗೂ ಸಿದ್ಧರಿದ್ದಾರೆ ಎಂದು ತಿಳಿಸಿದ್ದಾರೆ.

ಇನ್ನು, ಸುಶಾಂತ್​ ಸಿಂಗ್ ರಜಪೂತ್​ ಪ್ರಕರಣವನ್ನು ಸಿಬಿಐಗೆ ವಹಿಸುವಂತೆ ಸುಪ್ರೀಂಕೋರ್ಟ್​ ಆದೇಶ ನೀಡಿತ್ತು. ಸದ್ಯ, ಸಿಬಿಐ ಪ್ರಕರಣದ ವಿಚಾರಣೆ ನಡೆಸುತ್ತಿದೆ. ಡ್ರಗ್ಸ್ ವಿಚಾರವಾಗಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಸಿಬಿಐಗೂ ಪತ್ರ ಬರೆದಿದ್ದಾರೆ.
Published by: Rajesh Duggumane
First published: August 27, 2020, 7:59 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories