ದಶಕಗಳ ಬಳಿಕ ಹೊರಬಿತ್ತು ರಜನಿಕಾಂತ್​ ಲವ್​​ ಸ್ಟೋರಿ; ಸೂಪರ್​ಸ್ಟಾರ್​ ಪ್ರೀತಿಸುತ್ತಿದ್ದ ಹುಡುಗಿ ಬೆಂಗಳೂರಿನವಳು!

Rajinikanth: ರಜನಿಕಾಂತ್​ ಈ ಮೊದಲು ಬೆಂಗಳೂರಿನಲ್ಲಿ ಬಸ್​ ಕಂಡಕ್ಟರ್​ ಆಗಿದ್ದರು. ಈ ವೇಳೆ ಅವರು ನಿರ್ಮಲಾ ಎನ್ನುವ ಹುಡುಗಿಯನ್ನು ಪ್ರೀತಿಸಿದ್ದರಂತೆ. ನಿರ್ಮಲಾ ಆ ಸಮಯದಲ್ಲಿ ಎಂಬಿಬಿಎಸ್​ ಓದುತ್ತಿದ್ದರು.

ರಜನಿಕಾಂತ್

ರಜನಿಕಾಂತ್

  • Share this:
    ಪ್ರೀತಿ-ಪ್ರೇಮದ ವಿಚಾರದಲ್ಲಿ ಅನೇಕರು ಮುಚ್ಚುಮರೆ ಮಾಡುತ್ತಾರೆ. ಅದರಲ್ಲೂ ಸ್ಟಾರ್​ ನಟರು ತಮ್ಮ ಲವ್​ ಸ್ಟೋರಿ ಬಗ್ಗೆ ಮಾತನಾಡೋದು ತುಂಬಾನೇ ಅಪರೂಪ. ಆದರೆ, ನಟ ರಜನಿಕಾಂತ್​ ತಮ್ಮ ಹಳೆಯ ಪ್ರೇಮ ಕಥೆ ಬಗ್ಗೆ ಹೇಳಿಕೊಂಡಿದ್ದಾರೆ. ವಿಶೇಷ ಎಂದರೆ ಅವರು ಪ್ರೀತಿಸುತ್ತಿದ್ದ ಹುಡುಗಿ ಬೆಂಗಳೂರಿನವರಂತೆ!

    ಹೌದು, ರಜನಿಕಾಂತ್​ ಈ ಮೊದಲು ಬೆಂಗಳೂರಿನಲ್ಲಿ ಬಸ್​ ಕಂಡಕ್ಟರ್​ ಆಗಿದ್ದರು. ಈ ವೇಳೆ ಅವರು ನಿರ್ಮಲಾ ಎನ್ನುವ ಹುಡುಗಿಯನ್ನು ಪ್ರೀತಿಸಿದ್ದರಂತೆ. ನಿರ್ಮಲಾ ಆ ಸಮಯದಲ್ಲಿ ಎಂಬಿಬಿಎಸ್​ ಓದುತ್ತಿದ್ದರು. ಈ ಬಗ್ಗೆ ರಜನಿ ಮಲಯಾಳಂ ಖ್ಯಾತ ನಟ ದೇವನ್​ ಬಳಿ ಹೇಳಿಕೊಂಡಿದ್ದಾರೆ.

    ಈ ಬಗ್ಗೆ ಮಾತನಾಡಿರುವ ದೇವನ್​, ಚೆನ್ನೈನಲ್ಲಿ ನಾನು ಶೂಟಿಂಗ್​ಗೆ ತೆರಳಿದ್ದೆ. ಈ ವೇಳೆ ರಜನಿಕಾಂತ್​ ಕೂಡ ಚೆನ್ನೈಗೆ ಆಗಮಿಸಿದ್ದರು. ಅಚ್ಚರಿ ವಿಚಾರ ಎಂದರೆ, ರಜನಿಕಾಂತ್​ ನನ್ನನ್ನು ಊಟಕ್ಕೆ ಆಹ್ವಾನಿಸಿದ್ದರು. ನಾನು ಅವರ ಆಹ್ವಾನ ಸ್ವೀಕರಿಸಿ ಊಟಕ್ಕೆ ತೆರಳಿದ್ದೆ ಎಂದಿದ್ದಾರೆ.

    ಊಟಕ್ಕೆ ಸಿದ್ಧತೆ ಆಗಿತ್ತಂತೆ. ಈ ವೇಳೆ ರಜನಿ ದೇವನ್​ ಬಳಿ ಹಳೆಯ ಲವ್​ ಸ್ಟೋರಿ ಬಗ್ಗೆ ಕೇಳಿದ್ದರಂತೆ. ಈ ವಿಚಾರವಾಗಿ ದೇವನ್​ ಮುಚ್ಚುಮರೆ ಇಲ್ಲದೆ ಎಲ್ಲವನ್ನೂ ಹೇಳಿಕೊಂಡಿದ್ದರು. ಆಗ ರಜನಿ ತುಂಬಾನೇ ಭಾವುಕರಾಗಿದ್ದರಂತೆ. ಈ ಬಗ್ಗೆ ದೇವನ್​ ಕೇಳಿದಾಗ ರಜನಿ ತಮ್ಮ ಹಳೆಯ ಲವ್​ಸ್ಟೋರಿ ಬಗ್ಗೆ ಹೇಳಿಕೊಂಡಿದ್ದಾರಂತೆ.

    ನಾನು ಬೆಂಗಳೂರಿನಲ್ಲಿದ್ದಾಗ ನಿರ್ಮಲಾ ಎಂಬಾಕೆಯನ್ನು ಪ್ರೀತಿಸಿದ್ದೆ. ಆಕೆ ನಿತ್ಯ ನಾನು ಕಂಡಕ್ಟರ್​ ಆಗಿದ್ದ ಬಸ್​ನಲ್ಲಿಯೇ ಸಂಚರಿಸುತ್ತಿದ್ದಳು. ಒಂದು ದಿನ ನಿರ್ಮಲಾ ನಾನು ಮುಖ್ಯ ಪಾತ್ರ ನಿರ್ವಹಿಸಿದ್ದ ನಾಟಕವನ್ನು ನೋಡಿದ್ದಳು. ಅಷ್ಟೇ ಅಲ್ಲ, ಈ ಬಗ್ಗೆ ಮದ್ರಾಸ್​ ಫಿಲ್ಮ್​ ಇನ್​ಸ್ಟಿಟ್ಯೂಷನ್​ಗೆ ಲೆಟರ್​ ಕೂಡ ಬರೆದಿದ್ದಳು. ಹೀಗಾಗಿ ನನಗೆ ಸಂದರ್ಶನಕ್ಕೆ ಆಹ್ವಾನ ಬಂದಿತ್ತು. ಸಂದರ್ಶನದ ಪತ್ರ ನೋಡಿ ನಾನು ಕಂಗಾಲಾಗಿದ್ದೆ ಎಂದು ದೇವನ್​ ಬಳಿ ರಜನಿ ಹೇಳಿಕೊಂಡಿದ್ದರು.

    ನಂತರ ನಾನು ಮದ್ರಾಸ್​ ಫಿಲ್ಮ್​ ಇನ್​ಸ್ಟಿಟ್ಯೂಷನ್​ ಹೋದೆ. ಚೆನ್ನೈಗೆ ತೆರಳಲು ನಿರ್ಮಲಾ 500 ರೂಪಾಯಿ ನೀಡಿದ್ದರು. ಫಿಲ್ಮ್​ ಇನ್​ಸ್ಟಿಟ್ಯೂಷನ್ ಸೇರಿದ ಮೇಲೆ ಬೆಂಗಳೂರಿಗೆ ಬಂದರೂ ನನಗೆ ನಿರ್ಮಲಾ ಕಾಣಿಸಿರಲಿಲ್ಲ. ಅದಾದ ನಂತರ ಅವಳು ಕಾಣಲೇ ಇಲ್ಲ ಎನ್ನುತ್ತಾರೆ ರಜನಿಕಾಂ​ತ್​.
    First published: