Thalaivar 170: ಮತ್ತೊಬ್ಬ ಯುವ ನಿರ್ದೇಶಕನಿಗೆ ಕಾಲ್​ಶಿಟ್​ ಕೊಟ್ಟ ರಜನಿಕಾಂತ್​.. ಇದು ಬೇರೆ ಲೆವೆಲ್​ ಸಿನಿಮಾ ಅಂತೆ!

ರಜನಿಕಾಂತ್ ಅವರು ಇತ್ತೀಚೆಗೆ ಹೊಸ ನಿರ್ದೇಶಕರ ಜೊತೆ ಕೆಲಸ ಮಾಡಲು ಇಷ್ಟ ಪಡುತ್ತಾರೆ. ರಜನಿಕಾಂತ್​​ 169ನೇ ಸಿನಿಮಾ ಮೇ ಆರಂಭದಲ್ಲಿ ಶೂಟಿಂಗ್​ ಶುರುವಾಗುವ ಸಾಧ್ಯತೆ ಇದೆ. ಇದರ ಮದ್ಯೆ ರಜನಿಕಾಂತ್​ ತಮ್ಮ ಮುಂದಿನ ಸಿನಿಮಾವನ್ನು ಮತ್ತೊಬ್ಬ ಯುವ ನಿರ್ದೇಶಕನ ಜೊತೆ ಮಾಡುತ್ತಿದ್ದಾರೆ.

ರಜನಿಕಾಂತ್​, ಅರುಣ್​ರಾಜ್​

ರಜನಿಕಾಂತ್​, ಅರುಣ್​ರಾಜ್​

  • Share this:
ಸೂಪರ್ ಸ್ಟಾರ್(Super Star) ರಜಿನಿಕಾಂತ್ ಅಂದರೆ ಭಾರತೀಯ ಚಿತ್ರರಂಗದ ಧ್ರುವತಾರೆ. ಭಾರತವಷ್ಟೇ ಅಲ್ಲದೇ ವಿದೇಶಗಳಲ್ಲೂ ಮೊದಲ ಬಾರಿಗೆ ಕ್ರೇಜ್ (Craze)​ ಹುಟ್ಟಿಸಿದ ಭಾರತೀಯ ನಟ ಅಂದರೆ, ಅದೇ ತಲೈವಾ ರಜಿನಿಕಾಂತ್ (Rajinikanth)​. ಇವರ ಸಿನಿಮಾ ರಿಲೀಸ್​ ಇರಲಿ, ಹೊಸ ಸಿನಿಮಾ ಸೆಟ್ಟೇರಿದರೂ ಸಾಕು ಅವರ ಅಭಿಮಾನಿಗಳು ಹಬ್ಬವನ್ನೇ ಮಾಡುತ್ತಾರೆ.ರಜನಿಕಾಂತ್​ ಅಭಿನಯದ ಅಣ್ಣಾತೆ(Annaatthe) ಸಿನಿಮಾ ಸೂಪರ್​ ಡೂಪರ್​ ಹಿಟ್(Hit)​ ಎನಿಸಿಕೊಂಡಿತ್ತು. ಹೆಂಗಳೆಯರ ಮನ ಗೆದ್ದಿತ್ತು. ತಂಗಿಯ ನೆರಳಾಗಿ ಆಕೆಯನ್ನು ಕಾಪಾಡುವ ಅಣ್ಣನ ಪಾತ್ರದಲ್ಲಿ ರಜನಿಕಾಂತ್​ ನಟಿಸಿದ್ದರು. ಈ ಸಿನಿಮಾ ಹಿಟ್​ ಆಗುವುದರನ ಜೊತೆ ಬಾಕ್ಸಾಫೀಸ್​(Box office)ನಲ್ಲೂ ಸಖತ್​ ಕಮಾಲ್​ ಮಾಡಿತ್ತು. ಇದಾದ ಬಳಿಕ ಯಾವ ಸಿನಿಮಾದಲ್ಲಿ ರಜನಿಕಾಂತ್​​ ನಟಿಸುತ್ತಾರೆ ಅನ್ನುವ ಕುತೂಹಲ ಸೃಷ್ಟಿಯಾಗಿತ್ತು. ರಜನಿಕಾಂತ್ ತಮ್ಮ 169ನೇ ಸಿನಿಮಾವನ್ನು ‘ಬೀಸ್ಟ್​​’(Beast) ಸಿನಿಮಾದ ನಿರ್ದೇಶಕ ನೆಲ್ಸನ್​ ದಿಲೀಪ್​ ಕುಮಾರ್(Nelsan Dilip Kumar)​ ಅವರೊಂದಿಗೆ ಮಾಡುತ್ತಾರೆ ಅನ್ನುವ ವಿಚಾರವನ್ನು ಚಿತ್ರತಂಡ ಕಳೆದ ಕೆಲ ದಿನಗಳ ಹಿಂದೆಯಷ್ಟೇ ಅನೌನ್ಸ್(Announce​ ಮಾಡಲಾಗಿತ್ತು. 

ಮತ್ತೊಬ್ಬ ಯುವ ನಿರ್ದೇಶಕನ  ಸಿನಿಮಾದಲ್ಲಿ ತಲೈವಾ!

ರಜನಿಕಾಂತ್ ಅವರು ಇತ್ತೀಚೆಗೆ ಹೊಸ ನಿರ್ದೇಶಕರ ಜೊತೆ ಕೆಲಸ ಮಾಡಲು ಇಷ್ಟ ಪಡುತ್ತಾರೆ. ರಜನಿಕಾಂತ್​​ 169ನೇ ಸಿನಿಮಾ ಮೇ ಆರಂಭದಲ್ಲಿ ಶೂಟಿಂಗ್​ ಶುರುವಾಗುವ ಸಾಧ್ಯತೆ ಇದೆ. ಇದರ ಮದ್ಯೆ ರಜನಿಕಾಂತ್​ ತಮ್ಮ ಮುಂದಿನ ಸಿನಿಮಾವನ್ನು ಮತ್ತೊಬ್ಬ ಯುವ ನಿರ್ದೇಶಕನ ಜೊತೆ ಮಾಡುತ್ತಿದ್ದಾರೆ. ಹೌದು, ರಜನಿಕಾಂತ್​ ತಮ್ಮ 170 ನೇ ಸಿನಿಮಾವನ್ನುಅರುಣ್ ರಾಜ ಕಾಮರಾಜ್ ಜೊತೆ ಮಾಡಲಿದ್ದಾರೆ ಎಂಬ ಮಾಹಿತಿ ದೊರೆತಿದೆ.ಅನಾರೋಗ್ಯದ ಹಿನ್ನೆಲೆಯಲ್ಲಿ ಸಿನಿಮಾ ಮಾಡದಿರಲು ರಜನಿ ನಿರ್ಧರಿಸಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು. ಆದರೆ, ಈ ಅಪ್​ಡೇಟ್​ನಿಂ ದ ಊಹಾಪೋಹಗಳಿಗೆ ಬ್ರೇಕ್​ ಬಿದ್ದಿದೆ.

ಇದನ್ನೂ ಓದಿ: ಡಿವೋರ್ಸ್​​ ಬಳಿಕ ಹೈದರಾಬಾದ್​ನಲ್ಲಿ ಮತ್ತೊಂದು ಹುಡುಗಿ ಜೊತೆ ಧನುಷ್​ ಪ್ರತ್ಯಕ್ಷ! ಯಾರಿವಳು?

ಯಾರು ಈ ಅರುಣ್​ ರಾಜ್ ಕಾಮರಾಜ್​?

ರಜನಿಕಾಂತ್​ ಅವರ 170ನೇ ಸಿನಿಮಾಗೆ ಅರುಣ್​ ರಾಜ ಕಾಮರಾಜ್​ ಆ್ಯಕ್ಷನ್​ ಕಟ್​ ಹೇಳುವುದು ಬಹುತೇಕ ಫೈನಲ್​ ಆಗಿದೆ. ಈ ಹಿಂದೆ ನಾಯಕಿ ಪ್ರಧಾನ ಸಿನಿಮಾವಾದ ‘ಕನಾ’ ಸಿನಿಮಾವನ್ನು ಕಾಮರಾಜ್​ ನಿರ್ದೇಶನ ಮಾಡಿದ್ದರು. ಇದಾದ ಬಳಿಕ ‘ನೆಂಜುಕು ನೀಧಿ’ ಎಂಬ ಸಿನಿಮಾವನ್ನು ಡೈರೆಕ್ಟ್ ಮಾಡಿದ್ದರು. ಜೊತೆಗೆ ಅರುಣ್​ ರಾಜ್​ ಕಾಮರಾಜ್​ ಹಾಡುಗಾರ ಕೂಡ ಹೌದು, ಡಿಮೇಟ್​ ಕಾಲೋನಿ ಸಿನಿಮಾದಲ್ಲಿ ಹಾಡಿದ್ದಾರೆ. ಇದೀಗ ರಜನಿಕಾಂತ್ ಅವರ ಮುಂದಿನ ಸಿನಿಮಾಗೆ ನಿರ್ದೇಶನ ಮಾಡಲಿದ್ದಾರೆ.

ಚಿತ್ರಕ್ಕೆ ಬಂಡವಾಳ ಹೂಡಲಿದ್ದಾರೆ ಬೋನಿ ಕಪೂರ್​!

ತಮಿಳಿನ ಬಹು ನಿರೀಕ್ಷಿತ ವಲಿಮೈ ಸಿನಿಮಾಗೆ ಹಣ ಹೂಡಿರುವ ಬೋನಿ ಕಪೂರ್​, ರಜನಿಕಾಂತ್​ ಅವರ 170ನೇ ಸಿನಿಮಾಗೆ ಬಂಡವಾಳ ಹೂಡಲಿದ್ದಾರೆ. ಅಜಿತ್​ ನಟನೆಯ ವಲಿಮೈ ಸಿನಿಮಾ ಫೆಬ್ರವರಿ 24ರಂದು ತೆರೆಗೆ ಬರುತ್ತಿದೆ. ಇನ್ನೂ ಕಳೆದ ವರ್ಷ ಕೊರೋನಾದಿಂದ ಅರುಣ್​ ರಾಜ್​ ಕಾಮರಾಜ್​ ಅವರ ಪತ್ನಿ ಮೃತಪಟ್ಟಿದ್ದರು. ಆ ನೋವಿನಿಂದ ಕೆಲ ದಿನಗಳ ಕಾಲ ಸಿನಿಮಾದಿಂದ ಅರುಣ್ ರಾಜ್​ ದೂರವಿದ್ದರು. ಇದೀಗ ರಜನಿ ಸಿನಿಮಾದ ಮೂಲಕ ಮತ್ತೆ ಪುಟಿದೇಳುವ ನಿರೀಕ್ಷೆಯಲ್ಲಿದ್ದಾರೆ.

ಇದನ್ನೂ ಓದಿ: `ಬೀಸ್ಟ್​’ ನಿರ್ದೇಶಕನ ಜೊತೆ ರಜನಿಕಾಂತ್​​ ನೆಕ್ಸ್ಟ್​​​ ಸಿನಿಮಾ.. ತಲೈವಾಗೆ ಹೇಳಿ ಮಾಡಿಸಿದ ಕಥೆಯಂತೆ!

ಮಗಳ ವಿಚ್ಚೇದನದ ಬಳಿಕ ಡಲ್​ ಆಗಿರುವ ರಜನಿ!

ಹೌದು, ತಮಿಳು ನಟ ಧನುಷ್​ ಹಾಗೂ ರಜನಿಕಾಂತ್​ ಪುತ್ರಿ ಐಶ್ವರ್ಯಾ ವಿಚ್ಛೇದನದ ನಂತರ ರಜನಿಕಾಂತ್​ ಅವರ ಆರೋಗ್ಯ ಮತ್ತಷ್ಟು ಹದಗೆಟ್ಟಿದೆಯಂತೆ. ದಂಪತಿಗಳನ್ನು ಮತ್ತೆ ಒಟ್ಟಿಗೆ ಸೇರಿಸುವ ಪ್ರಯತ್ನದಲ್ಲಿ ರಜನಿಕಾಂತ್​​ ಇದ್ದಾರೆ ಎಂದು ತಮಿಳುನಾಡು ಮಾದ್ಯಮಗಳಿಂದ ತಿಳಿದುಬಂದಿದೆ.
Published by:Vasudeva M
First published: