Suniel Shetty: ನಾವು ದಿನವಿಡೀ ಡ್ರಗ್ಸ್​ ತೆಗೆದುಕೊಳ್ಳೋದಿಲ್ಲ! ಬಾಲಿವುಡ್​ ಉಳಿಸಿ ಎಂದು ಯೋಗಿ ಮೊರೆ ಹೋದ ಸುನೀಲ್ ಶೆಟ್ಟಿ

ಬಾಲಿವುಡ್ ಚಿತ್ರಗಳನ್ನು ಬಾಯ್ಕಾಟ್ (Boycott) ಭೂತ ಬೆನ್ನುಬಿಡದೆ ಕಾಡ್ತಿದೆ. ಕಳೆದ ವರ್ಷ ಬಾಲಿವುಡ್​ ಯಾವ ಸಿನಿಮಾ (Bollywood Movie) ಕೂಡ ನಿರೀಕ್ಷಿತ ಗಳಿಗೆ ಮಾಡಿಲ್ಲ. ಅನೇಕ ಟಾಪ್​ ಹೀರೋಗಳ (Top Hero) ಸಿನಿಮಾಗಳು ಮಕಾಡೆ ಮಲಗಿದವು. ದಕ್ಷಿಣ ಭಾರತದ ಸಿನಿಮಾಗಳೇ ಬಾಲಿವುಡ್ ಅಂಗಳದಲ್ಲಿ ಸಖತ್​ ಸದ್ದು ಮಾಡಿತು. ಹೀಗಾಗಿ ಬಾಲಿವುಡ್​ನ ಆರ್ಥಿಕ​ ಸ್ಥಿತಿ ಕೂಡ ಚೆನ್ನಾಗಿಲ್ಲ, ಅನೇಕ ನಟ-ನಟಿಯರು ಸೌತ್​ ಸಿನಿಮಾಗಳತ್ತ (South Movies) ಮುಖ ಮಾಡ್ತಿದ್ದಾರೆ. ಬಾಯ್ಕಾಟ್​ ಅಭಿಯಾನದಿಂದ ಪಾರು ಮಾಡುವಂತೆ ನಟ ಸುನೀಲ್​ ಶೆಟ್ಟಿ (Suniel Shetty ), ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ (UP CM Yogi Adityanath)​ ಮೊರೆ ಹೋಗಿದ್ದಾರೆ. ಇದೇ ವೇಳೆ ಬಾಲಿವುಡ್​ ನಟರ ಮೇಲಿರುವ ಡ್ರಗ್ಸ್ ಕಳಂಕದ ಬಗ್ಗೆ ಕೂಡ ಮಾತಾಡಿದ್ದಾರೆ.

ಬಾಯ್ಕಾಟ್​ ಅಭಿಯಾನದಿಂದ ಬಾಲಿವುಡ್​ಗೆ ನಷ್ಟ

ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಅವರು ಮುಂಬೈ ಪ್ರವಾಸದಲ್ಲಿದ್ದಾರೆ. ಈ ವೇಳೆ ಬಾಲಿವುಡ್​ ನಟ ಸುನೀಲ್​ ಶೆಟ್ಟಿ, ಯೋಗಿ ಆದಿತ್ಯನಾಥ್​ ಅವರನ್ನು ಭೇಟಿಯಾಗಿದ್ದಾರೆ. ಪ್ರಸ್ತುತ ಹಿಂದಿ ಚಿತ್ರರಂಗದ ಪರಿಸ್ಥಿತಿ ಹೇಗಿದೆ ಎಂಬುದರ ಬಗ್ಗೆ ಸಿಎಂ ಜೊತೆ ಚರ್ಚೆ ಮಾಡಿದ್ದಾರೆ. ಶಾರುಖ್​ ಖಾನ್​ ನಟನೆಯ ಪಠಾಣ್​, ಆಮಿರ್​ ಖಾನ್​ ನಟನೆಯ ಲಾಲ್​ ಸಿಂಗ್​ ಚಡ್ಡಾ ಸೇರಿದಂತೆ ಹಲವು ಸಿನಿಮಾಗಳ ಬಾಯ್ಕಾಟ್​ ಅಭಿಯಾನದಿಂದ ಬಾಲಿವುಡ್​ಗೆ ಭಾರೀ ನಷ್ಟವಾಗಿದೆ ಎಂದು ಸುನೀಲ್ ಶೆಟ್ಟಿ ತಿಳಿಸಿದ್ದಾರೆ.

ನಟ ಸುನೀಲ್ ಶೆಟ್ಟಿ

ನಾವು ಒಳ್ಳೆಯ ಕೆಲಸವನ್ನು ಸಹ ಮಾಡಿದ್ದೇವೆ

ಸುನೀಲ್​ ಶೆಟ್ಟಿ, ಜಾಕಿ ಶ್ರಾಫ್​, ಸೋನು ನಿಗಮ್​, ಕೈಲಾಶ್​ ಖೇರ್​ ಸೇರಿದಂತೆ ಅನೇಕರು ಯೋಗಿ ಆದಿತ್ಯನಾಥ್​ ಅವರನ್ನು ಮುಂಬೈನಲ್ಲಿ ಭೇಟಿ ಮಾಡಿದ್ದಾರೆ. ಈ ವೇಳೆ ಹಲವು ಮಹತ್ವದ ವಿಚಾರಗಳು ಚರ್ಚೆ ನಡೆದಿದೆ. ಈ ವೇಳೆ ಮಾತಾಡಿದ ಸುನೀಲ್​ ಶೆಟ್ಟಿ, ಬಾಲಿವುಡ್ ನಟರಾದ ನಾವು ಒಳ್ಳೆಯ ಕೆಲಸಗಳನ್ನು ಕೂಡ ಮಾಡಿದ್ದೇವೆ ಎಂಬ ಸತ್ಯ ಎಲ್ಲರಿಗೂ ತಿಳಿಸಬೇಕಿದೆ. ಕೆಲವರು ಕೆಟ್ಟವರು ಇರಬಹುದು. ಆದರೆ ಇಡೀ ಚಿತ್ರರಂಗ ಕೆಟ್ಟದ್ದಲ್ಲ. ನಾವು ಒಳ್ಳೆಯ ಸಿನಿಮಾ ಮಾಡಿದ್ದೇವೆ. ಎಲ್ಲರೂ ಜೊತೆಯಾಗಿ ಬಾಯ್ಕಾಟ್​ ಬಾಲಿವುಡ್​ ಎಂಬ ಟ್ರೆಂಡ್​ ನಿಲ್ಲಿಸಬೇಕಿದೆ’ ಎಂದು ಸುನೀಲ್​ ಶೆಟ್ಟಿ ಹೇಳಿದ್ದಾರೆ.

.@SunielVShetty Sir impactful words on 'Boycott Bollywood' trend on twitter:
Hashtag 'BoycottBollywood' should stop.Imp to convey that we've done good work.There can be one rotten apple. 99% of us don't indulge in wrong things.We've to change this perception..👏🙏🙏#SunielShetty pic.twitter.com/Oi16h25mJ2

— Suniel Shetty FC (@SunielShetty_FC) January 5, 2023

ಇಂದು ನಾನು ಸುನೀಲ್​ ಶೆಟ್ಟಿ ಅಂತ ಜನಪ್ರಿಯವಾಗಿದ್ದರೆ ಅದಕ್ಕೆ ಉತ್ತರ ಪ್ರದೇಶದ ಜನರು ಕಾರಣ. ಬಾಲಿವುಡ್ ನಟರ ಮೇಲಿರುವ ಕಳಂಕವನ್ನು ತೆಗೆದು ಹಾಕಬೇಕಿದೆ. ಡ್ರಗ್ಸ್​ ಕಳಂಕದ ಬಗ್ಗೆ ಮಾತಾಡಲು ನೋವಾಗುತ್ತದೆ. ಪ್ರಧಾನಿ ಮೋದಿ ಹಾಗೂ ಸಿಎಂ ಆದಿತ್ಯನಾಥ್​ ಮನಸ್ಸು ಮಾಡಿದ್ದಾರೆ ಎಲ್ಲಾ ಸರಿ ಹೋಗುತ್ತದೆ ಎಂದು ಸುನೀಲ್ ಶೆಟ್ಟಿ ಹೇಳಿದ್ದಾರೆ

ನಾವು ದಿನವಿಡೀ ಡ್ರಗ್ಸ್​ ಸೇವಿಸಲ್ಲ

ಬಾಲಿವುಡ್​ ಮಂದಿಯೆಲ್ಲಾ ಕೆಟ್ಟವರಲ್ಲ, ನಮ್ಮಲ್ಲಿ ಶೇಕಡಾ 99ರಷ್ಟು ಮಂದಿ ಡ್ರಗ್ಸ್​ ತೆಗೆದುಕೊಳ್ಳೋದಿಲ್ಲ, ನಾವು ದಿನವಿಡೀ ಡ್ರಗ್ಸ್​ ಸೇವಿಸಲ್ಲ, ಕೆಟ್ಟ ಕೆಲಸ ಮಾಡಲ್ಲ ಎಂದು ಸುನೀಲ್​ ಶೆಟ್ಟಿ ಹೇಳಿದ್ದಾರೆ. ನಮ್ಮ ಸಿನಿಮಾ ಸಂಗೀತವು ಭಾರತವನ್ನು ಜಗತ್ತಿನ ಜೊತೆ ಬೆಸೆಯುವಂತೆ ಮಾಡಿದೆ. ಯೋಗಿ ಅವರೇ.. ನೀವು ಮುಂದಾಳತ್ವ ವಹಿಸಿಕೊಂಡು ಪ್ರಧಾನ ಮಂತ್ರಿಗಳ ಬಳಿ ಮಾತನಾಡಿದರೆ ಅದರಿಂದ ತುಂಬ ಬದಲಾವಣೆ ಆಗಲಿದೆ’ ಎಂದು ಸುನೀಲ್​ ಶೆಟ್ಟಿ ಹೇಳಿದ್ದಾರೆ.

ಇದನ್ನೂ ಓದಿ: Athiya Shetty-K L Rahul: ಅಥಿಯಾ ಶೆಟ್ಟಿ, ಕೆ ಎಲ್ ರಾಹುಲ್ ಮದುವೆಗೆ ಕೂಡಿ ಬಂತು ಕಾಲ! ಸುನೀಲ್ ಶೆಟ್ಟಿ ಭವ್ಯ ಬಂಗಲೆಯಲ್ಲಿ ಅದ್ಧೂರಿ ವಿವಾಹ!

ಬಾಲಿವುಡ್‌ನ ಕಳಂಕಿತ ಇಮೇಜ್ ಅನ್ನು ಸರಿಪಡಿಸಬೇಕಿದೆ. ಬಾಲಿವುಡ್ ಅನ್ನು ಬಹಿಷ್ಕರಿಸಿ ಎಂಬ ಈ ಟ್ಯಾಗ್ ಅನ್ನು ತೆಗೆದುಹಾಕಬೇಕಾಗಿದೆ. ಬುಟ್ಟಿಯಲ್ಲಿ ಕೊಳೆತ ಸೇಬು ಇರಬಹುದು, ಆದರೆ ನಾವೆಲ್ಲರೂ ಕೆಟ್ಟವರಲ್ಲ ಎಂದು ಸುನೀಲ್ ಶೆಟ್ಟಿ ಹೇಳಿದ್ದು, ನಟನ ಮಾತಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.