Ambareesh-Sumalatha: ವಿವಾಹ ವಾರ್ಷಿಕೋತ್ಸವ, ಭಾವುಕ ಪೋಸ್ಟ್ ಹಂಚಿಕೊಂಡ ಸುಮಲತಾ

ರೆಬೆಲ್ ಸ್ಟಾರ್ ಅಂಬರೀಶ್ (Ambareesh)  ಹಾಗೂ ನಟಿ ಸುಮಲತಾ ಅಂಬರೀಶ್ (Sumalatha Ambareesh) ಅವರ ವಿವಾಹದ ದಿನ (Wedding Anniversary) ಇಂದು. ಸ್ಯಾಂಡಲ್​​ವುಡ್​ನಲ್ಲಿ (Sandalwood) ಹಲವು ಹಿಟ್ ಸಿನಿಮಾಗಳನ್ನು ಕೊಟ್ಟಂತಹ ಈ ಜೋಡಿ ಪ್ರೀತಿಸಿ ಮದುವೆಯಾಗಿದ್ದರು. 1991ರಲ್ಲಿ ಡಿಸೆಂಬರ್ 8ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಈ ಸ್ಯಾಂಡಲ್​ವುಡ್ ಜೋಡಿಗೆ ಒಬ್ಬ ಮಗನಿದ್ದಾನೆ. ಇದೀಗ ಅಂಬರೀಶ್ ಅವರು ಜೊತೆಗಿರದಿದ್ದರೂ ಸಂಸದೆ, ನಟಿ ಸುಮಲತಾ ಅಂಬರೀಶ್ ಅವರು ಪತಿಗಾಗಿ ಭಾವುಕ ಬರಹವೊಂದನ್ನು ಸೋಷಿಯಲ್ ಮೀಡಿಯಾ ಮೂಲಕ ಶೇರ್ ಮಾಡಿದ್ದಾರೆ. ಈ ಮೂಲಕ ತಮ್ಮ ಮದುವೆ, ಪತಿಯ ನೆನಪುಗಳು, ದಾಂಪತ್ಯ ಜೀವನವನ್ನು ನೆನಪಿಸಿಕೊಂಡಿದ್ದಾರೆ.

ಸುಮಲತಾ ಅವರು ಮೋಷನ್ ಪಿಕ್ಚರ್ ಒಂದನ್ನು ಶೇರ್ ಮಾಡಿದ್ದು ಇದಕ್ಕೆ ಮ್ಯೂಸಿಕ್ ಕೂಡಾ ಸೇರಿಸಿದ್ದಾರೆ. ಇದರಲ್ಲಿ ಸುಮಲತಾ ಹಾಗೂ ಅಂಬರೀಶ್ ಅವರ ಕ್ಯೂಟ್ ಆದ ಫೋಟೋ ಇದೆ.

ಪೋಸ್ಟ್​ನಲ್ಲಿ ಬರೆದಿದ್ದೇನು?

ನಿಮ್ಮೊಂದಿಗೆ ಹೆಜ್ಜೆ ಹಾಕಿದ ಆ ದಿನ, ಆ ಕ್ಷಣ ನಿತ್ಯವೂ ಹೊಸ ಪುಳಕ. ತುಳಿದ ಸಪ್ತಪದಿಯಲ್ಲೂ ನಿಮ್ಮದೇ ಗುಣಗಾನ. ನನ್ನ ಬದುಕಿಗೆ ಬಾಳ ಸಂಗಾತಿಯಾಗಿ ನೀವು ಬಂದ ದಿನದಿಂದಲೂ ನನ್ನೊಳಗೆ ಹೊಸ ಸಂಭ್ರಮ. ಮದುವೆ ದಿನದ ಎಲ್ಲ ನೆನಪುಗಳ ಜೊತೆ ನೀವು ಇದ್ದೀರಿ, ಮತ್ತೆ ಮತ್ತೆ ಆ ದಿನವನ್ನು ನೆನಪಿಸುತ್ತೀರಿ. 31 ವರ್ಷಗಳಲ್ಲಿ ಜೀವಮಾನದ ನೆನಪುಗಳನ್ನು ಬಿತ್ತಿದ್ದೀರಿ. ನೀವು ನೀಡಿದ ಪ್ರೀತಿ ಮತ್ತು ಬಾಂಧವ್ಯದ ಕುರುಹುಗಳು ನನ್ನ ಜೀವಿತಾವಧಿಯ ಕೊಡುಗೆಗಳು ಎಂದು ಸುಮಲತಾ ಅವರು ಬರೆದಿದ್ದಾರೆ.

View this post on Instagram

A post shared by Sumalatha Ambareesh (@sumalathaamarnath)

ಅಂಬರೀಶ್ ಅವರು 1984 ರಲ್ಲಿ ಆಹುತಿ ಎಂಬ ಕನ್ನಡ ಸಿನಿಮಾದ ಶೂಟಿಂಗ್ ಸೆಟ್‌ನಲ್ಲಿ ಮೊದಲ ಬಾರಿಗೆ ಸುಮಲತಾ ಅವರನ್ನು ಭೇಟಿಯಾದರು. ನಂತರ ನಟಿ ಸುಮಲತಾ ಅವರೊಂದಿಗೆ ಸ್ನೇಹ ಬೆಳೆಸಿದರು. 1987 ರ ಸಮಯದಲ್ಲಿ ಅವರು ಒಟ್ಟಿಗೆ ಕೆಲಸ ಮಾಡಿದಾಗ ಇನ್ನಷ್ಟು ಹತ್ತಿರವಾದರು. ಎರಡು ವರ್ಷಗಳ ನಂತರ ಅಂಬರೀಶ್ ಅವರು ಸುಮಲತಾ ಅವರಿಗೆ ಮದುವೆಯ ಪ್ರಸ್ತಾಪವನ್ನು ಮಾಡಿದರು. ಅವರು 8 ಡಿಸೆಂಬರ್ 1991 ರಂದು ವಿವಾಹವಾದರು. ಅವರ ಏಕೈಕ ಮಗ ಅಭಿಷೇಕ್ ಗೌಡ.

ಇದನ್ನೂ ಓದಿ: Vaishnavi Gowda: ಮೊದಲ ಬಾರಿ ಮೌನ ಮುರಿದ ವೈಷ್ಣವಿ ಗೌಡ ತಾನು ಡಿಪ್ರೆಷನ್‍ಗೆ ಹೋಗಿಲ್ಲ ಅಂದ್ರು

ಅಂಬರೀಶ್ ಅವರು 1980 ರ ದಶಕದಲ್ಲಿ ದಕ್ಷಿಣ ಭಾರತದ ಚಲನಚಿತ್ರೋದ್ಯಮಗಳಾದ್ಯಂತ ತಮ್ಮ ಸ್ನೇಹದಿಂದಲೇ ಗುರುತಿಸಲ್ಪಟ್ಟರು. ರಜನಿಕಾಂತ್, ಮಮ್ಮುಟ್ಟಿ, ಮೋಹನ್ ಲಾಲ್, ಸುಹಾಸಿನಿ ಮಣಿರತ್ನಂ, ಚಿರಂಜೀವಿ, ವೆಂಕಟೇಶ್ ದಗ್ಗುಬಾಟಿ, ಆರ್.ಶರತ್ಕುಮಾರ್, ರಾಧಿಕಾ, ಜಯರಾಮ್, ನರೇಶ್, ಅರ್ಜುನ್ ಸರ್ಜಾ, ರಮೇಶ್ ಅರವಿಂದ್ ಸೇರಿದಂತೆ ಬಹಳಷ್ಟು ನಟರು ಅಂಬರೀಷ್ ಅವರಿಗೆ ಆಪ್ತರು.

1972 ರಲ್ಲಿ ನಾಗರಹಾವು ಚಿತ್ರದ ಮೂಲಕ ತಮ್ಮ ಡಿಬಟ್ ಸಿನಿಮಾ ಮಾಡಿದಾಗಿನಿಂದ ವಿಷ್ಣುವರ್ಧನ್ ಜೊತೆ 2009 ರಲ್ಲಿ ಅವರ ಮರಣದವರೆಗೂ ನಿಕಟ ಸಂಬಂಧವನ್ನು ಉಳಿಸಿಕೊಂಡರು. ಇವರು ಸ್ಯಾಂಡಲ್​ವುಡ್​ನಲ್ಲಿ ಫೇಮಸ್ ಕುಚಿಕು ಗೆಳೆಯರು.

ಇತ್ತೀಚೆಗೆ ವಿಷ್ಣು ಮನೆಯ ಗೃಹ ಪ್ರವೇಶಕ್ಕೂ ಹೋಗಿದ್ದರು ಸುಮಲತಾ

ಅಂಬರೀಶ್ ಅವರ ಸ್ನೇಹ ಸಂಬಂಧಗಳನ್ನು ಹಾಗೆಯೇ ನಿಭಾಯಿಸುತ್ತಿರುವ ಸುಮಲತಾ ಅವರು ಇತ್ತೀಚೆಗೆ ವಿಷ್ಣುವರ್ಧನ್ ಅವರ ಮನೆಯ ಗೃಹಪ್ರವೇಶದಲ್ಲಿ ಭಾಗವಹಿಸಿ ಶುಭ ಹಾರೈಸಿದ್ದರು.

View this post on Instagram

A post shared by Sumalatha Ambareesh (@sumalathaamarnath)

ಅಂಬರೀಶ್ ಅವರ ಕುಚಿಕು ವಿಷ್ಣುವರ್ಧನ್ ಅವರ ಕನಸಿನ ಮನೆ, ಇದೀಗ ನವೀಕರಣಗೊಂಡು ಹೊಸ ವಿನ್ಯಾಸದಲ್ಲಿ ತಲೆಯೆತ್ತಿದೆ. ಆ ಹೊಸ ಮನೆಯ ಗೃಹಪ್ರವೇಶದಲ್ಲಿ ಪಾಲ್ಗೊಂಡಿದ್ದೆ. ಇದು ನಮ್ಮ ಕುಟುಂಬದ ಕಾರ್ಯಕ್ರಮವೇ ಆಗಿದ್ದು, ಭಾರತಿ ವಿಷ್ಣುವರ್ಧನ್ ಅವರ ಆತಿಥ್ಯ ಸ್ವೀಕರಿಸಿದೆ. ಹೊಸ ಮನೆಯಲ್ಲಿ ಸದಾ ಸಂಭ್ರಮವೇ ತುಂಬಿರಲಿ ಎಂದು ನಾನು ಮತ್ತು ಅಂಬರೀಶ್ ಅವರ ಪರವಾಗಿ ಹಾರೈಸಿದೆ ಎಂದು ಅವರು ಪೋಸ್ಟ್ ಶೇರ್ ಮಾಡಿದ್ದರು.