ಉಪೇಂದ್ರ ನಟನೆಯ ‘ಕಬ್ಜ’ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಕಿಚ್ಚ ಸುದೀಪ್​?

ರಿಯಲ್​ ಸ್ಟಾರ್​ ಉಪೇಂದ್ರ ಕಬ್ಜ ಸಿನಿಮಾದಲ್ಲಿ ಅಭಿನಯಿಸುತ್ತಿರುವ ವಿಚಾರ ಅನೇಕರಿಗೆ ಗೊತ್ತಿದೆ. ಬಹಳ ಕುತೂಹಲಕಾರಿ ಚಿತ್ರಕಥೆಯನ್ನು ಹೊಂದಿರುವ ಈ ಸಿನಿಮಾಗೆ ಆರ್​ ಚಂದ್ರು ಆ್ಯಕ್ಷನ್​ ಕಟ್​ ಹೇಳುತ್ತಿದ್ದಾರೆ. ಆದರೀಗ ಈ ಚಿತ್ರತಂಡದೊಂದಿಗೆ ಕಿಚ್ಚ ಸುದೀಪ್​​ ಸೇರಿಕೊಳ್ಳಲ್ಲಿದ್ದಾರೆ ಎಂಬ ಮಾಹಿತಿ ಹರಿದಾಡುತ್ತಿದೆ.

‘ಕಬ್ಜ‘ ಸಿನಿಮಾ ಈಗಾಗಲೇ ಚಿತ್ರೀಕರಣ ಮುಗಿದು ಬಿಡುಗಡೆಯಾಗಬೇಕಿತ್ತು. ಆದರೆ ಕೊರೋನಾದಿಂದಾಗಿ ಚಿತ್ರೀಕರಣ ಅರ್ಧಕ್ಕೆ ನಿಂತಿತ್ತು. ನಿರ್ದೇಶಕ ಆರ್​ ಚಂದ್ರು ಚಿತ್ರೀಕರಣ ಸದ್ಯದಲ್ಲೇ ಪ್ರಾರಂಭವಾಗಲಿದೆ ಎಂದಿದ್ದರು ಆದರೆ ಇನ್ನು ಪ್ರಾರಂಭವಾಗಿಲ್ಲ. ಆದರೀಗ ಕಬ್ಬ ಚಿತ್ರತಂಡದಿಂದ ಹೊಸ ಮಾಹಿತಿಯೊಂದು ಹೊರ ಬಿದ್ದಿದೆ.

ಸದ್ಯ ಸುಗ್ಗಿ ಸಂಕ್ರಾತಿ ಹಬ್ಬ ಸಮೀಪದಲ್ಲಿದೆ. ಆ ಸುದಿನದಂದು ಕಬ್ಜ ಚಿತ್ರತಂಡ ಸಿನಿ ರಸಿಕರಿಗೆ ಸಿಹಿ ಸುದ್ದಿಯನ್ನು ನೀಡಲಿದೆ. ಜನವರಿ 14ರಂದು ಗುರುವಾರ ಬೆಳಿಗ್ಗೆ 10 ಗಂಟೆಗೆ ಚಿತ್ರತಂಡ ಸಿಹಿಸುದ್ದಿಯನ್ನು ಬಹಿರಂಗಗೊಳಿಸಲಿದ್ದಾರೆ. ಒಂದೆಡೆ ಚಿತ್ರದ ಟೀಸರ್​ ಬಿಡುಗಡೆಯಾಗಲಿದೆ ಎಂಬ ಮಾಹಿತಿಯಾದರೆ ಮತ್ತೊಂದೆಡೆ ಕಿಚ್ಚ ಸುದೀಪ್​ ಅವರು ಚಿತ್ರತಂಡವನ್ನು ಸೇರಲಿದ್ದಾರೆ. ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲ್ಲಿದ್ದಾರೆ ಎಂಬ ಮಾತುಗಳು ಹರಿದಾಡುತ್ತಿದೆ.

ಅಂದಹಾಗೆಯೇ ಕಬ್ಜ ಸಿನಿಮಾದ ಶೇ40 ರಷ್ಟು ಚಿತ್ರೀಕರಣ ಮುಗಿದಿದೆ, ಇನ್ನುಳಿದಿರುವ ಚಿತ್ರೀಕರಣವನ್ನು ಬೇಗನೆ ಪ್ರಾರಂಭಿಸಿ ಚಿತ್ರೀಕರಣವನ್ನು ಕಂಪ್ಲೀಟ್​ ಮಾಡಬೇಕು ಎಂಬ ಪ್ಲಾನ್​ನಲ್ಲಿದ್ದಾರೆ ನಿರ್ದೇಶಕ ಆರ್​ ಚಂದ್ರು.

ಬೆಂಗಳೂರು, ಹೈದರಾಬಾದ್​ ಮುಂತಾದ ಕಡೆಯಲ್ಲಿ ಕಬ್ಜ ಸಿನಿಮಾದ ಚಿತ್ರೀಕರಣ ನಡೆದಿದೆ. ಮಾತ್ರವಲ್ಲದೆ ಅದ್ಧೂರಿ ಸೆಟ್​ಗಳನ್ನು ನಿರ್ಮಿಸಿ ಚಿತ್ರೀಕರಣ ಮಾಡಲಾಗಿದೆ.

ಕಬ್ಜ ಸಿನಿಮಾದ ಮೂಲಕ ಆರ್​ ಚಂದ್ರು ಅವರು ರಿಯಲ್​ ಸ್ಟಾರ್​ ಅವರನ್ನು ವಿಭಿನ್ನ ಗೆಟಪ್​ನಲ್ಲಿ ತೆರೆ ಮೇಲೆ ತರಲಿದ್ದಾರೆ. ಉಪೇಂದ್ರ ಅವರು ಕೂಡ ಈ ಸಿನಿಮಾಗಾಗಿ ಸಿದ್ಧತೆ ಮಾಡಿಕೊಂಡಿದ್ದಾರೆ. ಇನ್ನು ಚಿತ್ರದ ನಾಯಕಿ ಯಾರೆಂಬ ಮಾಹಿತಿ ತಿಳಿದುಬರಬೇಕಿದೆ. ಆದರೆ ಜಗಪತಿ ಬಾಬು, ಅನೂಪ್​ ರೇವಣ್ಣ, ಕಾಮರಾಜನ್​, ರಾಹುಲ್​ ಜಗಪತ್​​, ಜಾನ್​ ಕೊಕ್ಕಿನ್​, ರಾಹುಲ್​ ದೇವ್​, ಕೋಟ ಶ್ರೀನಿವಾಸ್​ ರಾವ್​, ಜಯ ಪ್ರಕಾರ್ಶ್​, ಕಾಟ್​ ರಾಜು, ಸುಬ್ಬರಾಜು, ರಾಹುಲ್​ ದೇವ್​ ಮುಂತಾದವರು ಕಾಣಿಸಿಕೊಳ್ಳಲ್ಲಿದ್ದಾರೆ

ರವಿ ಬಸ್ರೂರು ಅವರ ಸಂಗೀತ, ಎ.ಜೆ ಶೆಟ್ಟಿ ಛಾಯಾಗ್ರಹಣದಲ್ಲಿ ಕಬ್ಬ ಮೂಡಿಬರುತ್ತಿದೆ. ಆರ್​ ಚಂದ್ರು ಅವರೇ ಬಂಡವಾಗಳ ಹೂಡುತ್ತಿದ್ದಾರೆ. ಸದ್ಯ ಸಂಕ್ರಾತಿ ಹಬ್ಬದವರೆಗೆ ಸಿಹಿ ಸುದ್ದಿಗಾಗಿ ಕಾಯಬೇಕಿದೆ.