Spider Man: ಭಾರತದಲ್ಲಿ ಬಾಕ್ಸಾಫೀಸ್​​ ಕೊಳ್ಳೆ ಹೊಡೆದ `ಸ್ಪೈಡರ್​ ಮ್ಯಾನ್’​: ಬಾಚಿದ್ದೆಷ್ಟು ನೋಡಿದ್ರೆ.. ಮೂರ್ಛೆ ಹೋಗುತ್ತೆ..!

ಭಾರತದಲ್ಲಿ ಹಾಲಿವುಡ್ (Hollywood)​ ಸಿನಿಮಾಗಳನ್ನು ನೋಡುವ ಜನರು ಹೆಚ್ಚಿದ್ದಾರೆ. ಎಲ್ಲ ಇಂಗ್ಲಿಷ್​ ಸಿನಿಮಾಗಳನ್ನು ನೋಡದೇ ಇದ್ದರೂ, ಫ್ಯಾಂಟಸಿ ಸಿನಿಮಾಗಳನ್ನು ನೋಡಲು ಇಷ್ಟ ಪಡುತ್ತಾರೆ. ಅದರಲ್ಲೂ ಮಾರ್ವೆಲ್ಸ್ (Marvels)​​, ಡಿಸಿ (DC) ಸಿನಿಮಾಗಳೆಂದರೇ ತುಂಬಾ ಅಚ್ಚುಮೆಚ್ಚು. ಹೀಗಾಗಿ ಹಾಲಿವುಡ್​ಗೆ ಭಾರತದ ಗಲ್ಲಾಪೆಟ್ಟಿಗೆ ಮೇಲೆ ಕಣ್ಣು. ಪ್ರತಿ ಮಾರ್ವೆಲ್ಸ್​ ಸಿನಿಮಾವನ್ನು ಭಾರತದಲ್ಲಿ ರಿಲೀಸ್​ ಮಾಡುವ ಮುನ್ನ ಕಲೆಕ್ಷನ್​ ಬಗ್ಗೆ ಲೆಕ್ಕ ಮಾಡಿರುತ್ತಾರೆ. ಟಾಮ್ ಹಾಲೆಂಡ್ (Tom Holland)​ ನಟನೆಯ ‘ಸ್ಪೈಡರ್​ ಮ್ಯಾನ್​’ (Spider Man) ಸರಣಿಯ ಹೊಸ ಸಿನಿಮಾ ‘ಸ್ಪೈಡರ್​ ಮ್ಯಾನ್: ನೋ ವೇ ಹೋಮ್​’ (Spider-Man: No Way Home) ಡಿಸೆಂಬರ್​ 16ರಂದು ಬಿಡುಗಡೆಯಾಗಿ ಬಾಕ್ಸ್​ಆಫೀಸ್​ ಉಡೀಸ್​ ಮಾಡಿದೆ.  ಭಾರತದ ಸ್ಟಾರ್ ನಟ (Indian Star Actors)ರ ಸಿನಿಮಾಗಳ ಗಳಿಕೆಯ ದಾಖಲೆಯನ್ನೇ ಹಿಂದಿಕ್ಕಿರುವ 'ಸ್ಪೈಡರ್‌ಮ್ಯಾನ್' ಸಿನಿಮಾ ಹೊಸ ದಾಖಲೆ (Record)ಯನ್ನೇ ಬರೆದಿದೆ. ರಣವೀರ್ ಸಿಂಗ್, ದೀಪಿಕಾ ಪಡುಕೋಣೆ ಅಭಿನಯದ ‘83’, ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಅಭಿನಯದ ‘ಪುಷ್ಪ: ದಿ ರೈಸ್’ ಚಿತ್ರದ ತೀವ್ರ ಪೈಪೋಟಿಯ ನಡುವೆಯೂ ‘ಸ್ಪೈಡರ್​ಮ್ಯಾನ್..’ ಗಲ್ಲಾಪೆಟ್ಟಿಗೆ ಲೂಟಿ ಮಾಡಿದ್ದಾನೆ. 

200 ಕೋಟಿ ಕ್ಲಬ್​ ಸೇರಿದ ‘ಸ್ಪೈಡರ್​ ಮ್ಯಾನ್’!

ಭಾರತೀಯ ಬಾಕ್ಸಾಫೀಸ್​ನಲ್ಲಿ ‘ಸ್ಪೈಡರ್​ಮ್ಯಾನ್ ನೋ ವೇ ಹೋಮ್’ ಚಿತ್ರವು ₹ 200 ಕೋಟಿ ಕ್ಲಬ್ ಸೇರಿದೆ.  ಬಾಕ್ಸಾಫೀಸ್ ತಜ್ಞ ತರಣ್ ಆದರ್ಶ್ ಈ ಕುರಿತು ಮಾಹಿತಿ ಹಂಚಿಕೊಂಡಿದ್ದು, ಚಿತ್ರ ಈ ವರೆಗೆ ಭಾರತೀಯ ಬಾಕ್ಸಾಫೀಸ್​ನಲ್ಲಿ ₹ 202.34 ಕೋಟಿ ಕಮಾಯಿ ಮಾಡಿದೆ ಎಂದು ಮಾಹಿತಿ ನೀಡಿದ್ದಾರೆ. ದೊಡ್ಡ ದೊಡ್ಡ ಭಾರತೀಯ ಸ್ಟಾರ್​​ಗಳ ಸಿನಿಮಾಗಿಂತ `ಸ್ಪೈಡರ್​ ಮ್ಯಾನ್​’ ಹೆಚ್ಚು ಕಲೆಕ್ಷನ್​ ಮಾಡಿದೆ. ಡಿಸೆಂಬರ್​ 16ರಂದು ಈ ಸಿನಿಮಾ ಭಾರತದಲ್ಲಿ ತೆರೆ ಕಂಡಿತ್ತು. ಇಂದಿಗೂ ಭಾರತದಲ್ಲಿ ಈ ಚಿತ್ರ ಹೌಸ್​​ಫುಲ್​ ಪ್ರದರ್ಶನ ಕಾಣುತ್ತಿದೆ. ಸಿನಿಮಾದಲ್ಲಿ ಇರುವ ಅಂಶಗಳು ಜನರಿಗೆ ಬಹಳ ಇಷ್ಟವಾಗಿದೆ. ಹೊಸ ವರ್ಷ ಹಾಗೂ ನಂತರದ ರಜಾ ದಿನಗಳು ಚಿತ್ರದ ಗಳಿಕೆಗೆ ಪೂರಕವಾಗಿದೆ. ಶನಿವಾರ ಹಾಗೂ ಭಾನುವಾರ ಚಿತ್ರ ತಲಾ 4 ಕೋಟಿ ರೂ ಗಳಿಸಿದೆ.

#SpiderMan hits ₹ 200 cr… Restrictions + #PushpaHindi [mass circuits] + #83TheFilm [metros] are speed breakers, but #NewYear holidays + open week prove advantageous in Weekend 3… [Week 3] Fri 3 cr, Sat 4.92 cr, Sun 4.75 cr. Total: ₹ 202.34 cr Nett BOC. #India biz. pic.twitter.com/oA6CqCpwuy

— taran adarsh (@taran_adarsh) January 3, 2022

ಇದನ್ನು ಓದಿ : ಭಾರತದ ಗಲ್ಲಾಪೆಟ್ಟಿಗೆ ಲೂಟಿ ಹೊಡೆದ `ಸ್ಪೈಡರ್​ ಮ್ಯಾನ್​‘: ಒಂದೇ ದಿನಕ್ಕೆ ಇಷ್ಟೊಂದು ಕಲೆಕ್ಷನ್​!

ಸ್ಫೈಡರ್​ ಮ್ಯಾನ್​ ಮೊದಲ ದಿನ ಗಳಿಸಿದೆಷ್ಟು ಗೊತ್ತಾ?

ಸ್ಪೈಡರ್​ ಮ್ಯಾನ್: ನೋ ವೇ ಹೋಮ್​’ ಚಿತ್ರ ಈ ಸರಣಿಯ ಫೇವರಿಟ್​ ಸಿನಿಮಾ ಎಂದು ಮೆಚ್ಚುಗೆಯ ಮಾತುಗಳನ್ನು ಆಡುತ್ತಿದ್ದಾರೆ. ಈ ಚಿತ್ರಕ್ಕೆ ಎಲ್ಲ ಕಡೆಗಳಿಂದ ಅದ್ಭುತ ಪ್ರತಿಕ್ರಿಯೆ ಸಿಗುತ್ತಿದೆ. ಹೀಗಾಗಿ, ಈ ಸಿನಿಮಾ ಭಾರತದಲ್ಲಿ ಮೊದಲ ದಿನ 33-35 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ಈ ಮೂಲಕ ಮೊದಲ ದಿನದ ಕಲೆಕ್ಷನ್​ ವಿಚಾರದಲ್ಲಿ ಬಾಲಿವುಡ್​ನ ಸೂರ್ಯವಂಶಿ ಸಿನಿಮಾವನ್ನು ‘ಸ್ಪೈಡರ್​ ಮ್ಯಾನ್: ನೋ ವೇ ಹೋಮ್​’ ಹಿಂದಿಕ್ಕಿತ್ತು. ಭಾರತದ ಇನ್ಯಾವ ಸಿನಿಮಾವೂ ಮೊದಲ ದಿನ ಇಷ್ಟು ದೊಡ್ಡ ಮೊತ್ತ ಕಲೆಕ್ಷನ್ ಮಾಡಿರಲಿಲ್ಲ.

ಇದನ್ನು ಓದಿ : ಬಾಲಯ್ಯನ 107ನೇ ಚಿತ್ರದಲ್ಲಿ `ಬ್ಲಾಕ್​ ಕೋಬ್ರಾ’: ದುನಿಯಾ ವಿಜಿ ವಿಲನ್​ ಆಗಿ ಅಬ್ಬರಿಸೋದು ಕನ್ಫರ್ಮ್​!