ಎಸ್​ಪಿ ಬಾಲಸುಬ್ರಹ್ಮಣ್ಯಂಗೆ ಶಾಸ್ತ್ರೀಯ ಸಂಗೀತ ಕಲಿಯಬೇಕು ಎಂದು ಪ್ರೇರೇಪಿಸಿದ್ದು ಆ ಒಂದು ಸಿನಿಮಾ

ಇಂಜಿನಿಯರಿಂಗ್​ ಓದುತ್ತಿದ್ದ ಎಸ್​ಪಿ ಬಾಲಸುಬ್ರಹ್ಮಣ್ಯಂ ಅನಿರೀಕ್ಷಿತವಾಗಿ ಗಾಯಕರಾದವರು. ತಂದೆ ಹರಿಕಥೆ ಹೇಳುತ್ತಿದ್ದರಿಂದ ಅವರು ಹಾರ್ಮೋನಿಯಂ, ಕೊಳಲುಗಳನ್ನು ನುಡಿಸುತ್ತಿದ್ದರು. ಆದರೆ, ಶಾಸ್ತ್ರಿವಾಗಿ ಗಾಯನ ಕಲಿತಿರಲಿಲ್ಲ. ಆದರೂ ಅವರ ಸ್ವರ, ತಾಳಕ್ಕೆ ಮನಸೋಲದವರಿಲ್ಲ. ಆಕಸ್ಮಿಕವಾಗಿ ಗಾಯಕರಾದರೂ ಅವರು ಸಂಗೀತ ಕಲಿತವರಲ್ಲ ಎಂದೆನಿಸದಷ್ಟು ಮಟ್ಟಿಗೆ ಅವರ ಸ್ವರ ಮಾಧರ್ಯವಿತ್ತು. ಈ ವೇಳೆ ಅವರಿಗೆ ಶಾಸ್ತ್ರೀಯ ಸಂಗೀತ ಕಲಿಯಬೇಕು ಎಂದು ಅನಿಸಿಸುವಂತೆ ಮಾಡಿದ್ದು ತೆಲುಗಿನ ಶಂಕರಾಭರಣಂ ಸಿನಿಮಾ. ತೆಲುಗಿನ 'ಶಂಕರಾಭರಣಂ' ಸಿನಿಮಾ ಅವರಿಗೆ ಶಾಸ್ತ್ರಿಯ ಸಂಗೀತ ಕಲಿಯಲು ಪ್ರೇರೆಪಿಸಿತು. ಅಚ್ಚರಿಯಾದರೂ ಹೌದು. ಈ ಚಿತ್ರದ ಹಾಡುಗಳಿಗೆ ನ್ಯಾಯ ಒದಗಿಸಬೇಕು ಎಂದರೇ ನಾನು ಶಾಸ್ತ್ರೀಯ ಸಂಗೀತ ಕಲಿತೇ ಹಾಡುತ್ತೇನೆ ಎಂದು ನಿರ್ದೇಶಕರಿಗೆ ತಿಳಿಸಿದ್ದರು.

ಕೆ ವಿಶ್ವನಾಥ್​ ನಿರ್ಮಾಣದ ಈ ಸಿನಿಮಾಕ್ಕೆ ಎಸ್​ಪಿಬಿ ಕೈಯಲ್ಲೇ ಹಾಡಬೇಕು ಎಂದು ನಿರ್ಧರಿಸಲಾಗಿತ್ತು. ಇದೇ ಕಾರಣಕ್ಕೆ ವಿಶ್ವನಾಥ್​ ಅವರನ್ನು ಹುಡುಕಿಕೊಂಡು ಹೋದರು. ಆದರೆ, ಸಂಗೀತವೇ ಜೀವಾಳವಾಗಿದ್ದ ಈ ಸಿನಿಮಾಗೆ ನನ್ನಿಂದ ಹಾಡಲು ಸಾಧ್ಯವಿಲ್ಲ ಎಂದಿದ್ದರು ಎಸ್​ಪಿಬಿ. ಆದರೆ, ವಿಶ್ವನಾಥ್​ ಮಾತ್ರ ಪಟ್ಟು ಬಿಡಲಿಲ್ಲ. ಕಡೆಗೆ ಹಾಡುವುದಾದರೆ ಸಂಗೀತ ಕಲಿತೆ ಹಾಡುತ್ತೇನೆ. ಇಲ್ಲವಾದರೆ ಈ ಹಾಡುಗಳಿಗೆ ನ್ಯಾಯ ಒದಗಿಸಲು ಸಾಧ್ಯವಾಗುವುದಿಲ್ಲ ಎಂದರಂತೆ ಎಸ್​ಪಿಬಿ.



ಕಡೆಗೆ ವಿಶ್ವನಾಥ್​ ಸಹಾಯಕ ಪಂಗಸೆಂಠಿ ಬಾಲಸುಬ್ರಹ್ಮಣ್ಯಂ ಅವರಿಗೆ ಶಾಸ್ತ್ರೀಯ ಸಂಗೀತ ಪಾಠ ಹೇಳಿಕೊಟ್ಟರಂತೆ. ವಿಶೇಷವೆಂದರೆ, ಮೊದಲ ಬಾರಿ ರಾಷ್ಟ್ರೀಯ ಪ್ರಶಸ್ತ್ರಿ ಪಡೆದಿದ್ದು, ಇದೇ ಸಿನಿಮಾದ ಗಾಯನಕ್ಕೆ.

ತಮಿಳು ಸಿನಿಮಾವನ್ನು ತೆಲುಗಿನಲ್ಲಿ ನಿರ್ಮಾಣ ಮಾಡಲಾಗಿದ್ದ ಈ ಸಿನಿಮಾ ತೆಲುಗಿನಲ್ಲಿ ಶಾಸ್ತ್ರೀಯ ಸಂಗೀತ ಅಳವಡಿಕೆಗೆ ನಾಂದಿಯಾಯಿತು. ಇದರ ಬಳಿಕ ಹೆಚ್ಚು ಚಿತ್ರಗಳು ಶಾಸ್ತ್ರೀಯ ಸಂಗೀತ ಪ್ರಧಾಕ್ಕೆ ಒತ್ತುಕೊಟ್ಟವು. ತಮಿಳಿನ ರುದ್ರವೀಣ ಕನ್ನಡದ ಮಲಯ ಮಾರುತಗಳು ಕೂಡ ಸಂಗೀತ ಪ್ರಧಾನ ಸಿನಿಮಾಗಳಾಗಿದ್ದು, ಈ ಚಿತ್ರದ ಹಾಡಿಗೂ ದನಿಯಾದವರು ಎಸ್​ಪಿ ಬಾಲಸುಬ್ರಹ್ಮಣ್ಯಂ.  ಸಿನಿಮಾ ಸೇರಿದಂತೆ ಅವರು ಅನೇಕ ಭಕ್ತಿಗೀತೆಗಳನ್ನು ಹಾಡಿದ್ದಾರೆ. 12 ಗಂಟೆಯೊಳಗೆ 21 ಹಾಡುಗಳನ್ನು ಹಾಡಿದ ಖ್ಯಾತಿ ಅವರಿಗೆ ಇದೆ.