Natu Natu: ನಾಟು ನಾಟು ಹಾಡಿಗೆ ಸಖತ್ ಸ್ಟೆಪ್ಸ್ ಹಾಕಿದ ಸೌತ್ ಕೊರಿಯಾ ರಾಯಭಾರಿ

ಎಸ್​​ಎಸ್​ ರಾಜಮೌಳಿ (SS Rajamouli) ನಿರ್ದೇಶನದ ಆರ್​ಆರ್​ಆರ್  (RRR) ಸಿನಿಮಾದ ನಾಟು ನಾಟು ಸಾಂಗ್ ಸಖತ್ ಫೇಮಸ್ ಆಗಿದೆ. ಈ ಹಾಡಿನ ಮ್ಯಾಜಿಕ್ ಯಾರೊಬ್ಬರನ್ನೂ ಬಿಟ್ಟಿಲ್ಲ. ಅವಾರ್ಡ್​ಗಳ (Awards) ಮೇಲೆ ಅವಾರ್ಡ್​ಗಳನ್ನು ಪಡೆಯುತ್ತಿರುವ ಈ ಹಾಡಿಗೆ ದಕ್ಷಿಣ ಕೊರಿಯಾದ ಜನ ಕೂಡಾ ಮರುಳಾಗಿದ್ದಾರೆ. ಸೌತ್ ಕೊರಿಯಾ  (South Korea) ರಾಯಭಾರಿ ನಾಟು ನಾಟು (Natu Natu) ಆರ್​ಆರ್​ಆರ್ ಡ್ಯಾನ್ಸ್ ಕವರ್-ಭಾರತದಲ್ಲಿ ಕೊರಿಯನ್ ರಾಯಭಾರಿ. ನಿಮಗೆ ನಾಟು ಗೊತ್ತಾ? ಸೌತ್ ಕೊರಿಯಾದ ರಾಯಭಾರಿ ಚಂಗ್ ಜಾಯ್ ಬೊಕ್ ತಮ್ಮ ಸಿಬ್ಬಂದಿಯೊಂದಿಗೆ (Staff) ನಾಟು ನಾಟು ಮಾಡಿದ್ದಾರೆ ಎಂದು ಟ್ವೀಟ್ ಮಾಡಲಾಗಿದೆ.

53 ಸೆಕುಂಡುಗಳ ಈ ವಿಡಿಯೋದಲ್ಲಿ ಕೊರಿಯಾ ಹಾಗೂ ಭಾರತೀಯ ಉದ್ಯೋಗಿಗಳು ನಾಟು ನಾಟು ಹಾಡಿಗೆ ಹೆಜ್ಜೆ ಹಾಕುವುದನ್ನು ಕಾಣಬಹುದು. ಚಂಗ್ ಅವರು ಸೌತ್​ ಕೊರಿಯಾದ ಭಾರತದ ರಾಯಭಾರಿ. ಅವರು ರಾಮ್ ಚರಣ್ ಹಾಗೂ ಜೂನಿಯರ್ ಎನ್​ಟಿಆರ್ ಡ್ಯಾನ್ಸ್ ಮಾಡಿದ ಹಾಡಿಗೆ ಹೆಜ್ಜೆ ಹಾಕಿದ್ದು ವಿಶೇಷ.

ವಿಡಿಯೋ ನೋಡಿ ನೆಟ್ಟಿಗರು ಖುಷ್

ನೆಟ್ಟಿಗರು ವಿಡಿಯೋವನ್ನು ಎಂಜಾಯ್ ಮಾಡಿದ್ದು ಕಮೆಂಟ್ ಸೆಕ್ಷನ್​ನಲ್ಲಿ ಹೊಗಳಿದ್ದಾರೆ. ತಾರಕ್ ಅವರಿಗೆ ಕಠಿಣ ಸ್ಪರ್ಧೆ ಕೊಟ್ಟಿದ್ದಕ್ಕೆ ಆಸ್ಕರ್ ಚಂಗ್ ಅವರಿಗೆ ಹೋಗುತ್ತದೆ ಎಂದು ನೆಟ್ಟಿಗರೊಬ್ಬರು ಕಮೆಂಟ್ ಮಾಡಿದ್ದಾರೆ. ಎಂಎಂ ಕೀರವಾಣಿ ಕಂಪೋಸ್ ಮಾಡಿದ ಈ ಹಾಡು 2022ರಲ್ಲಿ ಹಿಟ್ ಹಾಡಾಗಿ ಹೊರಹೊಮ್ಮಿದೆ.

𝐍𝐚𝐚𝐭𝐮 𝐍𝐚𝐚𝐭𝐮 𝐑𝐑𝐑 𝐃𝐚𝐧𝐜𝐞 𝐂𝐨𝐯𝐞𝐫 - 𝐊𝐨𝐫𝐞𝐚𝐧 𝐄𝐦𝐛𝐚𝐬𝐬𝐲 𝐢𝐧 𝐈𝐧𝐝𝐢𝐚

Do you know Naatu?

We are happy to share with you the Korean Embassy's Naatu Naatu dance cover. See the Korean Ambassador Chang Jae-bok along with the embassy staff Naatu Naatu!! pic.twitter.com/r2GQgN9fwC

— Korea Embassy India (@RokEmbIndia) February 25, 2023

ರಾಹುಲ್ ಸಿಪ್ಲಿಗುಂಜಿ ಹಾಗೂ ಕಾಲ ಭೈರವ ಅವರು ಹಾಡಿದ್ದಾರೆ. ಈ ಹಾಡಿಗೆ ಕೊರಿಯೋಗ್ರಫಿ ಮಾಡಿದ್ದು ಪ್ರೇಮ್ ರಕ್ಷಿತ್. ಗೋಲ್ಡನ್ ಗ್ಲೋಬ್ಸ್​ನಲ್ಲಿ ಬೆಸ್ಟ್ ಒರಿಯಿನಲ್ ಸಾಂಗ್ ಅವಾರ್ಡ್ ಪಡೆದ ಮೊದಲ ಭಾರತೀಯ ಹಾಡು ಎನ್ನುವ ಕ್ರೆಡಿಟ್ ನಾಟು ನಾಟು ಹಾಡಿಗೆ ಸಿಕ್ಕಿದೆ. ಮುಂಬರುವ ಆಸ್ಕರ್ ಅವಾರ್ಡ್ಸ್​​ನಲ್ಲಿ ಇದೇ ಕ್ಯಾಟಗರಿಯಲ್ಲಿ ಹಾಡು ನಾಮ ನಿರ್ದೇಶನಗೊಂಡಿದೆ.

ನಾಟು ನಾಟು ಹಾಡು ಮತ್ತು ಡ್ಯಾನ್ಸ್ ಬರೀ ನಮ್ಮ ದೇಶದಲ್ಲಿ ಅಷ್ಟೇ ತನ್ನ ಹವಾ ಸೃಷ್ಟಿಸಿಲ್ಲ, ನೆರೆಯ ದೇಶ ಪಾಕಿಸ್ತಾನದಲ್ಲಿಯೂ ಸಹ ಈ ಹಾಡಿಗೆ ಫ್ಯಾನ್ಸ್ ಫಿದಾ ಆಗಿ ಸ್ಟೆಪ್​ ಹಾಕಿದ್ದಾರೆ.

ಮದುವೆಯಲ್ಲಿ ನಾಟು ನಾಟು ಹಾಡಿಗೆ ಸ್ಟೆಪ್ಸ್ ಹಾಕಿದ ಪಾಕ್ ನಟಿ

ಪಾಕಿಸ್ತಾನಿ ನಟಿ ಹನಿಯಾ ಅಮೀರ್ ಕೂಡ ಈ ಹಾಡಿಗೆ ಮತ್ತು ಡ್ಯಾನ್ಸ್ ಗೆ ದೊಡ್ಡ ಫ್ಯಾನ್ ಅಂತ ಹೇಳಬಹುದು. ಇದು ನಿಮಗೆ ಹೇಗೆ ಗೊತ್ತು ಅಂತ ನೀವು ಕೇಳಬಹುದು. ಮದುವೆ ಸಮಾರಂಭವೊಂದರಲ್ಲಿ ನಟಿ ‘ನಾಟು ನಾಟು’ ಹಾಡಿಗೆ ಸಖತ್ತಾಗಿ ಡ್ಯಾನ್ಸ್ ಮಾಡುತ್ತಿರುವ ವೀಡಿಯೋ ಆನ್ಲೈನ್ ನಲ್ಲಿ ಕಾಣಿಸಿಕೊಂಡಿದೆ.

View this post on Instagram

A post shared by The Wedding Bridge (@theweddingbridge)

ಚಿನ್ನದ ಮಿನುಗುವ ಶರಾರಾ ಸೆಟ್ ಧರಿಸಿದ ಹನಿಯಾ ‘ನಾಟು ನಾಟು’ ಟ್ರ್ಯಾಕ್ ಗೆ ಡ್ಯಾನ್ಸ್ ಮಾಡಿದ್ದಾರೆ. ಹುಡುಗ ಮತ್ತು ಅವಳು ಇಬ್ಬರು ಅದ್ಭುತವಾಗಿ ಕಾಣುತ್ತಿದ್ದಾರೆ ಮತ್ತು ಅವರ ಹುಕ್ ಸ್ಟೆಪ್ ನೋಡಿ ಹೇಗಿದೆ ಎಂದು ಹೇಳಿದ್ದಾರೆ. ತುಂಬಾ ಒಳ್ಳೆಯ ಡ್ಯಾನ್ಸ್ ಹನಿಯಾ ಎಂದು ಶೀರ್ಷಿಕೆಯನ್ನು ಬರೆದು ಈ ಕ್ಲಿಪ್ ಅನ್ನು ‘ದಿ ವೆಡ್ಡಿಂಗ್ ಬ್ರಿಡ್ಜ್’ ತನ್ನ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊಂಡಿದೆ.

ವೈರಲ್ ಆಗುತ್ತಿದೆ ಈ ಡ್ಯಾನ್ಸ್ ವೀಡಿಯೋ

ಈ ವೀಡಿಯೋವನ್ನು ಒಂದು ದಿನದ ಹಿಂದೆಯಷ್ಟೆ ಹಂಚಿಕೊಂಡಿದ್ದು, ಇದುವರೆಗೂ 3,900 ಕ್ಕಿಂತಲೂ ಹೆಚ್ಚು ಲೈಕ್ ಗಳು ಬಂದಿವೆ. ಇದನ್ನು ನೋಡಿದ ನೆಟ್ಟಿಗರು ತಾ ಮುಂದು ನಾ ಮುಂದು ಅಂತ ಕಾಮೆಂಟ್ ಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ ಅಂತ ಹೇಳಬಹುದು.