ಹುಟ್ಟುಹಬ್ಬದಂದು ಸೋನುಗೆ ಅಭಿಮಾನಿಯೊಬ್ಬರು ಕೊಟ್ಟಿರುವ ಉಡುಗೊರೆ ನೋಡಿದ್ರೆ ನೀವೂ ಹುಬ್ಬೇರಿಸೋದು ಗ್ಯಾರಂಟಿ

ಕಳೆದ ವರ್ಷ ಮಾರ್ಚ್ ನಲ್ಲಿ ಕೋವಿಡ್-19 ವೈರಸ್ ನ ದಿಢೀರ್ ದಾಳಿಯಿಂದ ಸರ್ಕಾರವು ಇಡೀ ದೇಶಾದ್ಯಂತ ಲಾಕ್‌ಡೌನ್ ಹೇರಿದ್ದು, ಎಷ್ಟೋ ಬಡ ಕಾರ್ಮಿಕರು ತಮ್ಮ ಹೊಟ್ಟೆ ಪಾಡಿಗಾಗಿ ನಗರಗಳಿಗೆ ಹೋಗಿ ಅಲ್ಲೇ ಇರಬೇಕಾದ ಪರಿಸ್ಥಿತಿ ಬಂದೊದಗಿತ್ತು. ಆಗ ಮುಂಬೈಯಲ್ಲಿದ್ದ ಎಷ್ಟೋ ಜನರನ್ನು ಅವರವರ ಊರುಗಳಿಗೆ ಸುರಕ್ಷಿತವಾಗಿ ಕಳುಹಿಸಿದ ಚಲನಚಿತ್ರ ನಟ ಸೋನು ಸೂದ್ ಅವರ ಹುಟ್ಟು ಹಬ್ಬಕ್ಕೆ ಅವರ ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ. ಎಷ್ಟೋ ಜನರನ್ನು ತಮ್ಮ ಸ್ವಂತ ದುಡ್ಡನ್ನು ಖರ್ಚು ಮಾಡಿ ಬಸ್ ಗಳ ಮೂಲಕ ಮುಂಬೈಯಿಂದ ಅವರ ಊರಿಗೆ ಸುರಕ್ಷಿತವಾಗಿ ಕಳುಹಿಸಿದ್ದು, ಇವರ ಹೃದಯವಂತಿಕೆಗೆ ಹೆಚ್ಚಿನ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಎಲ್ಲ ಅಭಿಮಾನಿಗಳಲ್ಲಿ ಒಬ್ಬರ ಬಗ್ಗೆ ಮಾತ್ರ ನಾವು ಇಲ್ಲಿ ಹೇಳಲೇಬೇಕು. ಏಕೆಂದರೆ ವಿಪುಲ್ ಮೀರಜಕರ್ ಎನ್ನುವ ಕಲಾವಿದ ಸೋನು ಸೂದ್ ಅವರ ಭಾವಚಿತ್ರವನ್ನು ನೆಲದ ಮೇಲೆ ಸುಮಾರು 50,000 ಚದರ ಅಡಿ ವ್ಯಾಪ್ತಿಯಲ್ಲಿ ತಯಾರು ಮಾಡಿರುವುದು ನಿಜಕ್ಕೂ ಸಾಮಾಜಿಕ ಮಾಧ್ಯಮಗಳಲ್ಲಿ ತುಂಬಾ ವೈರಲ್ ಆಗಿದೆ.

View this post on Instagram

A post shared by Vipul mirajkar (@vipul_m_artist)

ವಿಪುಲ್ ಅವರು ತಾವು ಹೇಗೆ ಸೋನು ಸೂದ್ ಅವರ ಭಾವಚಿತ್ರವನ್ನು ಅಷ್ಟು ದೊಡ್ಡ ಜಾಗದಲ್ಲಿ ತಯಾರು ಮಾಡಿದ್ದಾರೆ ಎಂಬುದನ್ನು ವಿಡಿಯೋ ಮಾಡಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: BBK8 Mid Week Elimination: ಮಿಡ್​ ವೀಕ್​ ಎಲಿಮಿನೇಷನ್​ನಲ್ಲಿ ಹೊರ ಹೋಗೋದು ಈ ಸ್ಪರ್ಧಿಯಂತೆ..!

ಈ ವಿಡಿಯೋದಲ್ಲಿ ವಿಪುಲ್ ಅವರು ಹೇಗೆ ತಾವು ದೊಡ್ಡದಾದ ಭೂಮಿಯಲ್ಲಿ ತಮ್ಮ ನೆಚ್ಚಿನ ನಟ ಸೋನು ಸೂದ್ ಅವರ ಭಾವಚಿತ್ರವನ್ನು ತಯಾರು ಮಾಡಿದ್ದಾರೆ ಎಂಬುದನ್ನು ತೋರಿಸಿದ್ದಾರೆ. ಇದು ನಿಜಕ್ಕೂ ತುಂಬಾ ಕಠಿಣವಾದ ಪರಿಶ್ರಮವಾಗಿದ್ದು, ಈ 3 ನಿಮಿಷ 19 ಸೆಕೆಂಡುಗಳ ವಿಡಿಯೋದಲ್ಲಿ ನಾವು ನೋಡಬಹುದಾಗಿದೆ.

ಈ ವಿಡಿಯೋದ ಮೇಲೆ ಚಿತ್ರ ಶೀರ್ಷಿಕೆಯಲ್ಲಿ ವಿಪುಲ್ ಅವರು "ಸೋನು ಅಣ್ಣ ನಿಮಗೆ ನಿಮ್ಮ ಹುಟ್ಟು ಹಬ್ಬದ ಉಡುಗೊರೆ ನಿಮ್ಮ ಭಾವಚಿತ್ರ" ಎಂದು ಬರೆದಿದ್ದಾರೆ. ಭಾವಚಿತ್ರದಲ್ಲಿ ಯಾವ ರೀತಿಯಲ್ಲಿ ಸೋನು ಕಾಣುತ್ತಾರೆಯೋ ಅದೇ ರೀತಿಯಲ್ಲಿ ವಿಪುಲ್ ಅವರು ತುಂಬಾ ಪರಿಶ್ರಮದಿಂದ ಭೂಮಿಯನ್ನು ಅಗೆದು ಅವರ ಭಾವಚಿತ್ರವನ್ನು ತಯಾರು ಮಾಡಿದ್ದು, ನೀವು ವಿಡಿಯೋದಲ್ಲಿ ಡ್ರೋನ್ ಕ್ಯಾಮೆರಾ ಮೂಲಕ ಎತ್ತರದಿಂದ ಈ ಭಾವಚಿತ್ರ ಹೇಗೆ ಕಾಣುತ್ತದೆ ಎಂದು ನೀವು ನೋಡಿದರೆ ಈ ಕಲಾವಿದನ ಕೈಚಳಕಕ್ಕೆ ಭೇಷ್ ಎನ್ನಲೇಬೇಕು.

ಇದನ್ನೂ ಓದಿ: Shwetha Srivatsav: ವಿನ್ಯಾಸಿತ ಗೌನ್​ ತೊಟ್ಟ ಶ್ವೇತಾ ಶ್ರೀವಾತ್ಸವ: ಸೆಲೆಬ್ರಿಟಿ ಅಮ್ಮ-ಮಗಳ ಟ್ವಿನ್ನಿಂಗ್​..!

ಎರಡು ದಿನಗಳ ಹಿಂದೆ ಈ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಇದುವರೆಗೂ 18,928 ಜನರು ಇದನ್ನು ವೀಕ್ಷಣೆ ಮಾಡಿದ್ದು, ಅದರಲ್ಲಿ ಖ್ಯಾತ ಛಾಯಾಗ್ರಾಹಕ ವೈರಲ್ ಭಯಾನಿ ಅವರು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯ ಪೇಜ್‌ನಲ್ಲಿ ಸಹ ವಿಪುಲ್ ಅವರ ವಿಡಿಯೋವನ್ನು ಹಂಚಿಕೊಂಡಿದ್ದು ಈ ವಿಡಿಯೋ ಇನ್ನಷ್ಟು ವೈರಲ್ ಆಗಿದೆ.

View this post on Instagram

A post shared by Vipul mirajkar (@vipul_m_artist)

ನೆಟ್ಟಿಗರು ವಿಪುಲ್ ಅವರ ಕಲೆಯನ್ನು ನೋಡಿ ಮೂಕವಿಸ್ಮಿತರಾಗಿದ್ದಾರೆ. ಇನ್‌ಸ್ಟಾಗ್ರಾಂ ಬಳಕೆದಾರರು ಈ ವಿಡಿಯೋ ನೋಡಿ "ತುಂಬಾ ಉನ್ನತವಾದ ಕಲೆ ನಿಮ್ಮದು, ನಿಮಗೆ ಕೋಟಿ ನಮನ", "ಸೂಪರ್ ಕಲೆ ನಿಮ್ಮದು" ಎಂದು ಪ್ರತಿಕ್ರಿಯಿಸಿದ್ದಾರೆ. ವಿಪುಲ್ ತಾನು ಖುದ್ದಾಗಿ ಸೋನು ಸೂದ್ ಅವರನ್ನು ಭೇಟಿ ಮಾಡಿ ಕೇಕ್ ಅನ್ನು ಕಟ್ ಮಾಡಿದಂತಹ ವಿಡಿಯೋವನ್ನು ಸಹ ಇವರು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡಿದ್ದಾರೆ.