ಚಂದನ್​ ಶೆಟ್ಟಿ ಫೇಸ್​ಬುಕ್​ ಖಾತೆ ಮತ್ತೊಮ್ಮೆ ಹ್ಯಾಕ್​; ಮಾದೇಶ್ವರನ ಶಾಪ ಅಂದ್ರು ಅಭಿಮಾನಿಗಳು

ಇನ್ನು ಸಾಕಷ್ಟು ಅಭಿಮಾನಿಗಳು ಈ ಬಗ್ಗೆ ಕಮೆಂಟ್​ ಹಾಕಿದ್ದಾರೆ. ಇದು ಮಾದೇಶ್ವರನ ಶಾಪ ಎಂದು ಕೆಲವರು ಹೇಳಿದರೆ ಇನ್ನೂ ಕೆಲವರು ಚಂದನ್​ ಶೆಟ್ಟಿ ವಿಯೆಟ್ನಾಂ ಅವರ ಮನ ಗೆದ್ದಿದ್ದಾರೆ ಎಂದಿದ್ದಾರೆ.

ಚಂದನ್​ ಶೆಟ್ಟಿ

ಚಂದನ್​ ಶೆಟ್ಟಿ

  • Share this:
    ಕೋಲು ಮಂಡೆ ಹಾಡಿನ ಮೂಲಕ ಗಾಯಕ ಚಂದನ್​ ಶೆಟ್ಟಿ ಹೊಸ ವಿವಾದ ಮೈಮೇಲೆ ಎಳೆದುಕೊಂಡಿದ್ದರು. ಇದಾದ ಬೆನ್ನಲ್ಲೇ ಅವರ ಫೇಸ್​ಬುಕ್​ ಖಾತೆ ಹ್ಯಾಕ್​ ಆಗಿತ್ತು. ಇದಾದ ಮೂರೇ ದಿನಕ್ಕೆ ಅವರ ಫೇಸ್​ಬುಕ್​ ಖಾತೆ ಮತ್ತೆ ಹ್ಯಾಕ್​ ಆಗಿದೆ.

    ಗಣೇಶ ಹಬ್ಬದ ಪ್ರಯುಕ್ತ ಚಂದನ್​ ಶೆಟ್ಟಿ ಅವರು ಕೋಲು ಮಂಡೆ ವಿಡಿಯೋ ಸಾಂಗ್​ ಅನ್ನು ಬಿಡುಗಡೆ ಮಾಡಿದ್ದರು. ಆದರೆ ಈ ಹಾಡು ವಿವಾದ ಸೃಷ್ಠಿಸಿತು. ಈ ಹಾಡಿನಲ್ಲಿ ಮಹದೇಶ್ವರನಿಗೆ ಅವಮಾನ ಮಾಡಲಾಗಿದೆ ಎಂದು ಆರೋಪಿಸಲಾಗಿತ್ತು. ಚಂದನ್​ ಶೆಟ್ಟಿ ವಿರುದ್ಧ ಮಲೆ ಮಹದೇಶ್ವರ ಭಕ್ತರು ಸಿಟ್ಟಾಗಿದ್ದರು. ನಂತರ ಚಂದನ್​ ಶೆಟ್ಟಿ ಮಾಧ್ಯಮದ ಮೂಲಕ ಕ್ಷಮಾಪಣೆ ಕೇಳಿದ್ದರು, ಮಾತ್ರವಲ್ಲದೆ ಯ್ಯೂಟೂಬ್​ನಿಂದ ಹಾಡನ್ನು ತೆಗೆದು ಹಾಕಲಾಗಿತ್ತು. ಸದ್ಯ,ಚಂದನ್​ ಶೆಟ್ಟಿ ವಿರುದ್ಧ ಕೇಸ್​ ದಾಖಲಾಗಿದೆ.



    ಇದನ್ನೂ ಓದಿ: Chandan Shetty: ಚಂದನ್​​ ಶೆಟ್ಟಿ ಫೇಸ್​ಬುಕ್​ ಖಾತೆ ಹ್ಯಾಕ್​!

    ಹೀಗಿರವಾಗಲೇ, ಆಗಸ್ಟ್​ 29ರಂದು ರ‍್ಯಾಪರ್  ಚಂದನ್​ ಶೆಟ್ಟಿ ಅವರ ಫೇಸ್​​ಬುಕ್​ ಖಾತೆ ಹ್ಯಾಕ್​ ಆಗಿತ್ತು. ಅಷ್ಟೇ ಅಲ್ಲ, ಲೈವ್​ ವಿಡಿಯೋ ವೇಳೆ ಅಶ್ಲೀಲ ಚಿಹ್ನಗಳ ಬಳಕೆ ಮಾಡಿದ್ದ. ವಿದೇಶಿ ವ್ಯಕ್ತಿಯೊಬ್ಬ ನಿರಂತರವಾಗಿ ಲೈವ್​ ವಿಡಿಯೋ ಪ್ರಸಾರ ಮಾಡಿದ್ದ. ಲೈವ್​ ಬಂದ ವ್ಯಕ್ತಿ ವಿಯೆಟ್ನಾಂ ಮೂಲದವನು ಎನ್ನಲಾಗಿದೆ.

    ಶನಿವಾರ ಮುಂಜಾನೆ ಕೂಡ ಚಂದನ್​ ಶೆಟ್ಟಿ ಖಾತೆ ಮತ್ತೆ ಹ್ಯಾಕ್​ ಆಗಿದೆ. ವಿಯೆಟ್ನಾಂ ಭಾಷೆಯಲ್ಲಿ ಪೋಸ್ಟ್​ ಒಂದನ್ನು ಹಾಕಲಾಗಿದೆ. ಇತ್ತೀಚೆಗೆ ಚಂದನ್​ ಶೆಟ್ಟಿ ಖಾತೆ ಹ್ಯಾಕ್​ ಮಾಡಿದವರು ವಿಯೆಟ್ನಾಂ ಮೂಲದವರೇ ಆಗಿತ್ತು. ಈಗ ಹ್ಯಾಕ್​ ಮಾಡಿದವರೂ ಅವರೇ ಎಂದು ಹೇಳಲಾಗಿದೆ.



    ಇನ್ನು ಸಾಕಷ್ಟು ಅಭಿಮಾನಿಗಳು ಈ ಬಗ್ಗೆ ಕಮೆಂಟ್​ ಹಾಕಿದ್ದಾರೆ. ಇದು ಮಾದೇಶ್ವರನ ಶಾಪ ಎಂದು ಕೆಲವರು ಹೇಳಿದರೆ ಇನ್ನೂ ಕೆಲವರು ಚಂದನ್​ ಶೆಟ್ಟಿ ವಿಯೆಟ್ನಾಂ ಅವರ ಮನ ಗೆದ್ದಿದ್ದಾರೆ ಎಂದಿದ್ದಾರೆ.
    Published by:Rajesh Duggumane
    First published: